| დასახელება: | დიკლაკ ID | |
| უნიფიცირებული დასახელება: | დიკლოფენაკი Diclofenac | |
| დოზა: | 150მგ | |
| ფორმა: | აბი | |
| შეფუთვა1: | ბლისტერი | |
| რაოდენობა შეფუთვა1-ში: | ||
| შეფუთვა2: | ||
| რაოდენობა შეფუთვა2-ში: | 20 | |
| მწარმოებელი ქვეყანა: | გერმანია | |
| კომპანია: | ჰექსალი | |
| მწარმოებელი: | სალუტას ფარმა | |
| რეგისტრაციის ნომერი დათარიღი: | ||
| გაცემის რეჟიმი: | ||
| ფარმაკოლოგიურიჯგუფი/ქვეჯგუფი: | ჯგ.:ანთების საწინააღმდეგო არასტეროიდული საშუალებები. ქვ/ჯგ.:ფენილძმარმჟავას წარმოებულები. |
|
| ა.თ.ქ. კლასიფიკაცია: | ||
M01AB05 | M ძვალ-კუნთოვანი სისტემა | |
| 01 ანთების და რევმატიზმის საწინააღმდეგო პრეპარატები | ||
| A ანთების საწინააღმდეგო არასტეროიდული პრეპარატები | ||
| B ძმარმჟავას წარმოებულები | ||
| ანოტაცია: | ||
| უკუჩვენება: | - მომატებულიმგრძნობელობა დიკლოფენაკის ან არასტეროიდული ანთების საწინააღმდეგო სხვა პრეპარატების მიმართ; - კუჭ-ნაწლავის ტრაქტის ეროზიულ-წყლულოვანი დაავადებები - გამწვავების პროცესში; - “ასპირინული ტრიადა”; - უცნობი ეტიოლოგიის სისხლის წარმოქმნის პროცესის დარღვევა. ორსულობა და ლაქტაცია გამოყენება შესაძლებელია მაშინ, როდესაც დედისათვის სასარგებლო სამკურნალო ეფექტი ბევრად აღემატება ნაყოფზე ან ახალშობილზე უარყოფითი მოქმედების პოტენციურ რისკს. განსაკუთრებული მითითებები სიფრთხილით ენიშნებათ ღვიძლის და თირკმელების ფუნქციის დარღვევით გამოწვეული დაავადებების, ანამნეზში - კუჭ-ნაწლავის ტრაქტის დაავადების, დისპეფსიური მოვლენების, ბრონქული ასთმის, არტერიული ჰიპერტონიის, გულის უკმარისობის დროს, ქირურგიული ოპერაციების შემდგომ პერიოდში, აგრეთვე ხანშიშესულ ავადმყოფებში. მკურნალობის პროცესში საჭიროა ალკოჰოლური სასმელების მიღებისაგან თავის შეკავება. რადგან მკურნალობის დროს ადგილი აქვს ფსიქომოტორული რეაქციების დაქვეითებას, პრეპარატის მიღება ეკრძალებათ ავტოტრანსპორტის მძღოლებს და იმ პირებს, რომელთა მუშაობა მოითხოვს განსაკუთრებულ ყურადღებას. | |
| ურთიერთქმედება სხვა მედიკამენტებთან: | დიკლოფენაკის და კალიუმის შემნახველი დიურეზული საშუალებების ერთდროული დანიშვნით შესაძლებელია სისხლში კალიუმის კონცენტრაციის მომატება. დიკლოფენაკი, ლითიუმთან და დიგოქსინთან კომბინაციით იწვევს მათი კონცენტრაციის მომატებას სისხლის პლაზმაში. | |
| შენახვის პირობები: | პრეპარატი ინახება არაუმეტეს 25C ტემპერატურაზე. | |
| ვარგისიანობის ვადა: | 1 წელი. | |
| გამოშვების ფორმა: | გახანგრძლივებული მოქმედების აბი. | |
| ჩვენება: | - რევმატოიდული ართრიტის, ოსტეოართრიტის, მაანკილიზირებელი სპონდილიტის, პოდაგრის-სახსროვანი სინდრომი; - საყრდენ-მამოძრავებელი აპარატის დეგენერაციული და ქრონიკულად მიმდინარე დაავადებები (ოსტეოქონდროზი, ოსტეოართროზი, პერიართროპათიები); - რბილი ქსოვილების და საყრდენ-მამოძრავებელი სისტემის (დაჭიმულობა, დაჟეჟილობა) ტრავმის შემდგომი ანთებები; - ტკივილები ხერხემლის არხში, ნევრალგიები, მიალგიები, ართრალგიები; - ოპერაციის და ტრავმის შედეგად გამოწვეული ტკივილის და ანთების სინდრომი; - ტკივილის სინდრომი პოდაგრის დროს; - შაკიკით გამოწვეული თავის ტკივილი; - ალგოდისმენორეა, ადნექსიტი, პროქტიტი, ქოლელითიაზი და ნეფროლითიაზი, ყელ-ყურ-ცხვირის ინფექციურ ანთებითი დაავადებებით გამოწვეული ტკივილის სინდრომი; - ადგილობრივად იყენებენ: კატარაქტას ოპერაციების, არაინფექციური წარმოშობის თვალის ანთებითი დაავადებების დროს, აგრეთვე ბროლის იმპლანტაციის და მისი შეცვლის პროცესთან დაკავშირებული ცისტოიდური მაკულარული შეშუპების პროფილაქტიკის მიზნით. | |
| შემადგენლობა: | სწრაფად გამოთავისუფლებადი ნატრიუმის დიკლოფენაკი 25მგ, ნელა გამოთავისუფლებადი ნატრიუმის დიკლოფენაკი 125მგ. | |
| ფარმაკოლოგიური თვისება: | დიკლოფენაკი წარმოადგენს ფენილძმარმჟავას წარმოებულ ანთების საწინააღმდეგო არასტეროიდულ საშუალებას. ახასიათებს კარგად გამოხატული ანთების საწინააღმდეგო, ტკივილგამაყუჩებელი და ზომიერი სიცხის დამწევი მოქმედება. პრეპარატის მოქმედების მექანიზმი განპირობებულია ფერმენტ ციკლოოქსიგენაზას ინჰიბირებით და არაქიდონის მჟავას მეტაბოლიზმის შედეგად წარმოქმნილი პროსტაგლანდინების სინთეზის დათრგუნვით, რომლებიც ძირითად როლს თამაშობენ ორგანიზმში ანთებითი პროცესების განვითარებაში. პრეპარატის ტკივილდამაყუჩებელი ეფექტი განპირობებულია ორი მექანიზმით: პერიფერიული (განპირობებულია პროსტაგლანდინების სინთეზის დათრგუნვით) და ცენტრალური (ცენტრალურ და პერიფერიულ ნერვულ სისტემაში პროსტაგლანდინების სინთეზის ინჰიბირებით) რევმატიული დაავადებების დროს პრეპარატი ამცირებს ტკივილებს სახსრებში მოსვენებულ მდგომარეობაში და მოძრაობის პროცესში, აგრეთვე დილის შებოჭილობის შეზღუდვას და სახსრების შეშუპებას. იგი ხელს უწყობს მოძრაობის ფუნქციის გაძლიერებას. ტრავმული და ოპერაციის შემდგომი ტკივილების დროს პრეპარატი ამცირებს ტკივილის შეგრძნებას მოსვენებულ მდგომარეობაში და მოძრაობის პროცესში, აგრეთვე ამცირებს ანთებით შეშუპებას, ხელს უწყობს თრომბოციტების აგრეგაციის პროცესის დათრგუნვას. ხანგრძლივი გამოყენების დროს ახასიათებს მასენსიბილიზირებელი მოქმედება. | |
| ფარმაკოკინეტიკა: | პერორალურად მიღებისას იგი ადვილად შეიწოვება კუჭ-ნაწლავის ტრაქტიდან. საკვების მიღება ანელებს პრეპარატის შეწოვის პროცესს, თუმცა ამ დროს აბსორბციის ხარისხი უცვლელია. პრეპარატის აქტიური ნივთიერების 50% მეტაბოლიზდება ღვიძლში “პირველი გავლის” დროს. პერორალურად მიღებისას იგი მაქსიმალურ კონცენტრაციას აღწევს 2-4 სთ-ში, აქტიური ნივთიერების კონცენტრაცია პლაზმაში პირდაპირ პროპორციულ დამოკიდებულებაშია მიღებული დოზის სიდიდესთან. პრეპარატი არ ხასიათდება კუმულაციის თვისებით. პლაზმის ცილებთან მისი შეკავშირების ხარისხი შეადგენს 99.7% (ძირითადად ალბუმინებთან). იგი აღწევს სინოვიალურ სითხეში, სადაც მისი მაქსიმალური კონცენტრაცია აღინიშნება 2-4 სთ-ით უფრო გვიან, ვიდრე პლაზმაში. დიკლაკი ძირითადად მეტაბოლიზდება რამდენიმე მეტაბოლიტის წარმოქმნით, რომელთა შორის ორი ფარმაკოლოგიურად აქტიურია, მაგრამ შედარებით უფრო ნაკლები ხარისხით, ვიდრე დიკლოფენაკი. აქტიური ნივთიერების სისტემური კლირენსი შეადგენს დაახლოებით 263 მლ/წთ-ში. პლაზმიდან პრეპარატის ნახევარგამოყოფის პერიოდია 1-2 სთ, ხოლო სინოვიალური სითხიდან - 3-6 სთ. დიკლოფენაკის დოზის დაახლოებით 60% ორგანიზმიდან გამოიყოფა მეტაბოლიტების სახით თირკმელების საშუალებით, 1%-ზე ნაკლები უცვლელი სახით ექსკრეტირდება შარდთან ერთად, ხოლო დანარჩენი - ღვიძლის მიერ მეტაბოლიტების სახით. | |
| დოზირება და მიღების წესი: | დღიური დოზაა 100-150მგ. 1 (50მგ) აბი 1-2-ჯერ დღეში. 1(75მგ) აბი 1-2-ჯერ დღეში. 1(150მგ) აბი 1 დღეში. პრეპარატის მიღება მიზანშეწონილია საკვების მიღების დროს ან მის შემდეგ, საკმარისი რაოდენობის წყალთან ერთად. დიკლაკი გელი 5%: წაისვით მტკივნეულ ადგილებზე 2-3-ჯერ დღეში. პრეპარატის საჭირო რაოდენობა დამოკიდებულია მტკივნეული ზონის სიდიდეზე. ერთჯერადი დოზა საშუალოდ 2გრამია (დაახლოებით 4 სმ-იანი ზოლი ტუბის სავსე ყელიდან). გელის გამოყენება არ არის რეკომენდებული ღია ჭრილობაზე გამოყენების წინ გაეცანით პრეპარატის ინსტრუქციას | |
| გვერდითი მოვლენები: | საჭმლისმომნელებელი სისტემის მხრივ: გულისრევა, ღებინება, ანორექსია, ტკივილები და უსიამოვნო შეგრძნება ეპიგასტრიუმის მიდამოში, მეტეორიზმი, ყაბზობა, დიარეა, ცალკეულ შემთხვევებში - ეროზიულ-წყლულოვანი დაზიანებები, კუჭ-ნაწლავის ტრაქტიდან სისხლდენა და პერფორაცია; იშვიათად - ღვიძლის ფუნქციის დარღვევა. ცენტრალური და პერიფერიული ნერვული სისტემის მხრივ: თავბრუსხვევა, თავის ტკივილი, აგზნება, უძილობა, გაღიზიანება, დაღლის შეგრძნება; იშვიათად - პარესთეზიები, მხედველობის დარღვევა (დიპლოპია, მხედველობის დაბინდვა), ყურებში შუილი, ძილის დარღვევა, კრუნჩხვები, ტრემორი, ფსიქიური დარღვევები, დეპრესიები; შარდ-გამომყოფი სისტემის მხრივ: იშვიათად - თირკმელების ფუნქციის დარღვევა, ზოგიერთ პაციენტებში - შეშუპების განვითარებისადმი მიდრეკილება, დერმატოლოგიური რეაქციები - თმის ცვენა; ალერგიული რეაქციები: შესაძლებელია გამონაყარი კანზე, ქავილი; გარეგანი მიღებისას - ქავილი, სიწითლე, გამონაყარი, წვა. |
Page generation time: 0. 050722977 sec.
