| დასახელება: | კლოსტილბეგიტი | |
| უნიფიცირებული დასახელება: | კლომიფენი Clomifene | |
| დოზა: | 50მგ | |
| ფორმა: | აბი | |
| შეფუთვა1: | ფლაკონი | |
| რაოდენობა შეფუთვა1-ში: | ||
| შეფუთვა2: | ||
| რაოდენობა შეფუთვა2-ში: | 10 | |
| მწარმოებელი ქვეყანა: | უნგრეთი | |
| კომპანია: | ეგის ფარმაცეუთიქალს | |
| მწარმოებელი: | ეგის ფარმაცეუთიქალს | |
| რეგისტრაციის ნომერი დათარიღი: | #რ-033346 2021-09-17 - 2026-09-17 | |
| გაცემის რეჟიმი: | II ჯგუფი, გაიცემა ფორმა №3 რეცეპტით | |
| ფარმაკოლოგიურიჯგუფი/ქვეჯგუფი: | ჯგ.:ჰიპოფიზის ჰორმონების პროდუქციაზე მოქმედი საშუალებები. ქვ/ჯგ.:გონადოტროპინების პროდუქციის სტიმულატორები. |
|
| ა.თ.ქ. კლასიფიკაცია: | ||
G03GB02 | G შარდსასქესო სისტემა და სასქესო ჰორმონები | |
| 03 სასქესო ჰორმონები და სასქესო სისტემის მოდულატორები | ||
| G გონადოტროპინი და ოვულაციის სხვა სტიმულატორები | ||
| B ოვულაციის სინთეზური სტიმულატორები | ||
| ანოტაცია: | ||
| დოზირება და მიღების წესი: | მკურნალობის ხანგრძლივობა და დოზა მკაცრად ინდივიდუალურია, ვინაიდან ეფექტი დამოკიდებულია საკვერცხეების მგრძნობელობაზე (რეაქტიულობაზე). შენარჩუნებული მენსტრუალური ციკლის შემთხვევაში რეკომენდირებულია მკურნალობის დაწყება ციკლის მე-5 დღიდან (ან ადრეული ოვულატორული/ფოლიკულური ფაზის მე-3 დღეს 12 დღეზე ნაკლები ხანგრძლივობით). ამენორეის შემთხვევაში მკურნალობა შეიძლება დაიწყოს ნებისმიერ დღეს. მკურნალობის I კურსი: 50მგ 5 დღის განმავლობაში საკვერცხეების რეაქციის კონტროლით, კლინიკური და ლაბორატორული გამოკვლევების საშუალებით. ჩვეულებრივ, ოვულაცია ხდება ციკლის მე-11 და მე-15 დღეებს შორის. მკურნალობის II კურსი: მკურნალობის I კურსის წარუმატებლობის შემთხვევაში ინიშნება II კურსი: კლოსტილბეგიტი - 100მგ ყოველდღიურად 5 დღის განმავლობაში, დაწყებული შემდეგი ციკლის მე-5 დღიდან. ოვულაციის არ არსებობის შემთხვევაში საჭიროა იგივე კურსის განმეორება (100მგ-ით). 3-თვიანი შესვენების შემდეგ შესაძლებელია დამატებითი 3-თვიანი კურსის ჩატარება. დადებითი ეფექტის არ არსებობის შემთხვევაში, მკურნალობის შემდგომ გაგრძელებას არ აქვს აზრი. მკურნალობის I კურსის განმავლობაში მიღებული დოზა არ უნდა აღემატებოდეს 750მგ-ს. საკვერცხეების პოლიკისტოზის სინდრომისას, ჰიპერსტიმულაციისადმი ტენდენციის გამო, საწყისი დოზა უნდა იყოს შემცირებული (25მგ დღე-ღამეში). პოსტკონტრაცეპტიული ამენორეის შემთხვევაში ინიშნება 50მგ დღე-ღამეში, ხუთდღიანი კურსი. ოლიგოსპერმიის დროს ინიშნება 50მგ დღეში 6 კვირის განმავლობაში. აბები მიიღება დღეში ერთხელ ჭამამდე. | |
| ჭარბი დოზირება: | სიმპტომები: გულისრევა, ღებინება, ვაზომატორული წამოხურებები, მხედველობის დარღვევა (მხედველობის სიმახვილის დარღვევა, სცინტილირებადი სკოტომა), საკვერცხეების ზომაში მატება და მენჯისა და მუცლის ღრუს ორგანოების ტკივილი. აქტიური ნივთიერების მოხსნის შემდეგ რეკომენდირებულია შემანარჩუნებელი მკურნალობა. მონაცემები დიალიზის საშუალებით პრეპარატის ორგანიზმიდან გამოდევნის შესახებ არ არის. კლოსტილბეგიტის მიღების დავიწყებისას: არ შეიძლება ორმაგი დოზის მიღება გამოტოვებული დოზის ასანაზღაურებლად. | |
| გვერდითი მოვლენები: | ხშირი გვერდითი მოვლენები: ალები, გულისრევა, ღებინება, თავის ტკივილი, თავბრუსხვევა, დაღლილობა, მხედველობის დარღვევა (ფოტოფსიები, მხედველობის სიმახვილის დაქვეითება, ფოტოფობია), სარძევე ჯირკვლების მტკივნეულობა, მენჯისა და მუცლის ღრუს ორგანოების ტკივილი, დისმენორეა, აციკლური სისხლდენა, საკვერცხეების გადიდება. იშვიათი გვერდითი მოვლენები: ყაბზობა, ფაღარათი, დაღლილობა, დაძაბულობის შეგრძნება, თაბრუსხვევა, დეპრესია, უძილობა, გამონაყარი კანზე, ჭინჭრის ციება, ალერგიული დერმატიტი, თმის შექცევადი ცვენა, მადის გაძლიერება, წონის მომატება ან დაკლება, საშოს სიმშრალე, შარდის გამოყოფის გაძლიერება ან ხშირი შარდდენა. ალები წყდება პრეპარატის მოხსნის შემდეგ. შეიძლება აღინიშნებოდეს საკვერცხეების კისტოზური გადიდება, განსაკუთრებით შტეინ-ლევენტალის სინდრომისას. საკვერცხეები შეიძლება გადიდდეს 4-8 სმ-მდე; ასეთ შემთხვევებში საჭიროა სხეულის ბაზალური ტემპერატურის კონტროლი და მკურნალობის შეწყვეტა ტემპერატურის ორფაზიანი მრუდის გამოვლენისას. ნებისმიერი გვერდითი მოვლენის განვითარების შემთხვევაში, რომელიც არ არის მითითებული ამ ინსტრუქციაში, გთხოვთ მიმართოთ ექიმს ან ფარმაცევტს. | |
| გამოშვების ფორმა: | 10 აბი ყავისფერი შუშის ფლაკონში. ფლაკონი მოთავსებულია მუყაოს კოლოფში გამოყენების ინსტრუქციასთან ერთად. | |
| შენახვის პირობები: | ინახება ოთახის ტემპერატურაზე 15-25C., ბავშვებისათვის მიუწვდომელ ადგილას. | |
| ვარგისიანობის ვადა: | ვარგისიანობის ვადა მითითებულია შეფუთვაზე. პრეპარატი არ გამოიყენება შეფუთვაზე ნაჩვენები ვარგისიანობის ვადის გასვლის შემდეგ. | |
| გაცემის წესი: | რეცეპტით. | |
| შემადგენლობა: | კლომიფენ ციტრატი 50მგ. აგრეთვე შეიცავს: ჟელატინი, ლაქტოზაი, მაგნიუმის სტეარატი, კარტოფლის სახამებელი, სტეარინის მჟავა, ტალკი. | |
| ჩვენება: | პრეპარატის აქტიური ნივთიერება ესტროგენების ანტაგონისტია, რომელიც ახდენს ოვულაციის სტიმულირებას. გამოიყენება ქალებში უშვილობის ზოგიერთი სახის სამკურნალოდ და ორსულობის ინდუქციისთვის. პრეპარატი, ასევე, გამოიყენება მენსტრუალური ფუნქციის დარღვევის ზოგიერთი სახის სამკურნალოდ. კლოსტილბეგიტი შეიძლება გამოიყენებოდეს ოლიგოსპერმიის სამკურნალოდ. | |
| უკუჩვენება: | • მომატებულიმგრძნობელობა (ალერგია) პრეპარატის აქტიური ან სხვა რომელიმე კომპონენტის მიმართ. • ორსულობა. • ღვიძლის დაავადება ან მისი ფუნქციის მოშლა. • საკვერცხის კისტა (საკვერცხეების პოლიკისტოზის სინდრომის გარდა). • ჰიპოფიზის ფუნქციის დაქვეითება. • ფარისებრი ჯირკვლის ან თირკმელზედა ჯირკვლის ფუნქციის დარღვევა. • გაურკვეველი წარმოშობის სისხლდენა. • მხედველობის დარღვევა (ახლახან განვითარებული ან აღნიშნული ანამნეზში). • ახალწარმონაქმნები. | |
| განსაკუთრებული მითითებები: | საჭიროა ღვიძლის ფუნქციის, ჰორმონალური სტატუსისა და გონადოტროპინების შარდით ექსკრეციის კონტროლი, რეკომენდირებულია სრულყოფილი გინეკოლოგიური გამოკვლევა კლოსტილბეგიტის დანიშვნამდე. პაციენტმა, ექიმის რეკომენდაციით, უნდა ჩაიტაროს ღვიძლის ფუნქციის რეგულარული გამოკვლევები და საკვერცხეების ზომების კონტროლი. ეს საკონტროლო გამოკვლევები მნიშვნელოვანია მკურნალობის ეფექტურობის შესაფასებლად. მკურნალობა უნდა წარიმართოს მხოლოდ გინეკოლოგის მუდმივი მეთვალყურეობის ქვეშ. მუცლის არეში ტკივილის არსებობის შემთხვევაში აუცილებელია ექიმის კონსულტაცია. იგი განსაზღვრავს პრეპარატის შემდგომ მისაღებ დოზას და მკურნალობის ხანგრძლივობას. პრეპარატ კლოსტილბეგიტით მკურნალობის წარმატებულად დასრულების შემდეგ შეიძლება დაინიშნოს პროგესტერონი. თითო აბი შეიცავს ლაქტოზის 100მგ-ს. ეს უნდა გათვალისწინებულ იქნას ლაქტოზის აუტანლობის შემთხვევაში. ავტოტრანსპორტისა და მექანიზმების მართვა: მკურნალობის კურსის დასაწყისში შესაძლებელია მხედველობის დაქვეითება, ამიტომ არ არის რეკომენდირებული სატრანსპორტო საშუალებებისა და მექანიზმების მართვა. | |
| ორსულობა და ლაქტაცია: | დაორსულების შემდეგ საჭიროა კლოსტილბეგიტის შეწყვეტა. კლომიფენი გამოიყოფა დედის რძეში. მისი მიღება ძუძუთი კვების დროს საჭიროებს რისკისა და სარგებელის ზედმიწევნით ანალიზს. |
Page generation time: 0. 050461749 sec.
