| დასახელება: | ანაპრილინი | |
| უნიფიცირებული დასახელება: | პროპრანოლოლი Propranolol | |
| დოზა: | 40მგ | |
| ფორმა: | აბი | |
| შეფუთვა1: | - | |
| რაოდენობა შეფუთვა1-ში: | ||
| შეფუთვა2: | ||
| რაოდენობა შეფუთვა2-ში: | 20 | |
| მწარმოებელი ქვეყანა: | საქართველო | |
| კომპანია: | ჯი-ემ-პი | |
| მწარმოებელი: | ჯი-ემ-პი | |
| რეგისტრაციის ნომერი დათარიღი: | #რ-037115 2023-09-01 - 2028-09-01 | |
| გაცემის რეჟიმი: | II ჯგუფი, გაიცემა ფორმა №3 რეცეპტით | |
| ფარმაკოლოგიურიჯგუფი/ქვეჯგუფი: | ჯგ.:ბეტა1, ბეტა2-ადრენომაბლოკირებელი საშუალება. ქვ/ჯგ.: |
|
| ა.თ.ქ. კლასიფიკაცია: | ||
C07AA05 | C გულ-სისხლძარღვთა სისტემა | |
| 07 ბეტა- ადრენობლოკატორები | ||
| A ბეტა- ადრენობლოკატორები | ||
| A არასტეროიდული ბეტა- ადრენობლოკატორები | ||
| ანოტაცია: | ||
| შემადგენლობა: | პროპრანოლოლის ჰიდროქლორიდი 10მგ ან 40მგ. | |
| ფარმაკოკინეტიკა: | არასელექტიური ბეტა-ადრენობლოკატორი, მოქმედებს ბეტა1- და ბეტა2-ადრენორეცეპტორებზე. ახასიათებს ანტიანგინალური, ჰიპოტენზიური და ანტიარითმიული მოქმედება. ამცირებს სინუსური კვანძის ავტომატიზმს, აიშვიათებს გულის შეკუმშვათა სიხშირეს, ანელებს AV გამტარობას, ამცირებს მიოკარდის კუმშვადობას და ჟანგბადზე მოთხოვნილებას, მიოკარდის აგზნებადობასა და ექტოპიური უბნების წარმოქმნას, გააჩნია მემბრანოსტაბილიზაციის უნარი. არტერიული წნევა რეგულირდება მკურნალობის დაწყებიდან მეორე კვირის ბოლოს. პრეპარატი აძლიერებს ბრონქების გლუვი კუნთების ტონუსს. პერორალურად მიღებული პრეპარატის დაახლოებით 90% აბსორბირდება კუჭ-ნაწლავის ტრაქტიდან, მეტაბოლიზდება ღვიძლში “პირველადი გავლის” გზით. Cmax მიიღწევა 1-1,5 სთ-ში. პლაზმის ცილებს უკავშირდება 93%. ნახევარგამოყოფის პერიოდი - 3-5 სთ. გამოიყოფა მეტაბოლიტების სახით თირკმლების საშუალებით. | |
| ჩვენება: | არტერიული ჰიპერტენზია; დაძაბვის სტენოკარდია, არასტაბილური სტენოკარდია; სინუსური ტაქიკარდია (მათ შორის ჰიპერთირეოზის ფონზე განვითარებული), პარკუჭთაზედა ტაქიკარდია, წინაგულების ციმციმის ტაქისისტოლური ფორმა, პარკუჭოვანი და პარკუჭთაზედა ექსტრასისტოლა; ესენციალური ტრემორი, შაკიკის პროფილაქტიკა, თირეოტოქსიკოზისა და შიშის სინდრომის დროს სიმპტომური მკურნალობა. | |
| უკუჩვენება: | II და III ხარისხის AV ბლოკადა, სინოატრიალური ბლოკადა, ბრადიკარდია, არტერიული ჰიპოტონია, II-ბ და III სტადიის გულის ქრონიკული უკმარისობა, გულის მწვავე უკმარისობა, ბრონქული ასთმა და სასუნთქი სისტემის სხვა ობსტრუქციული დაავადებები, რეინოსა და სისხლძარღვთა სხვა მაობლიტირებელი დაავადებები, მეტაბოლური აციდოზი, პროპრანოლოლისადმი მაღალიმგრძნობელობა. | |
| სიფრთხილის ზომები: | ორსულობის პერიოდში პრეპარატის დანიშვნის აუცილებლობა დედისათვის უნდა აჭარბებდეს მის ტერატოგენულ გავლენას ნაყოფზე. დანიშვნის აუცილებლობისას მშობიარობამდე 48-72 სთ-ით ადრე საჭიროა პრეპარატის მოხსნა. პროპრანოლოლი გამოიყოფა დედის რძესთან ერთად. ლაქტაციის პერიოდში აუცილებელია ბავშვზე მუდმივი დაკვირვება ან ძუძუთი კვების შეწყვეტა. ანაპრილინი სიფრთხილით ინიშნება ღვიძლისა და თირკმლების დაზიანებისას, შაქრიანი დიაბეტის არსებობისას. მკურნალობის პერიოდში შესაძლებელია ფსორიაზის გამწვავება, ხოლო ფეოქრომოციტომის დროს ანაპრილინის დანიშვნა შესაძლებელია მხოლოდ ალფა-ადრენობლოკატორების მიღების შემდეგ. ხანგრძლივი მკურნალობის შემდეგ ანაპრილინის მოხსნა ხდება თანდათანობით. პროპრანოლოლი ამცირებს სიმპატომიმეტიკების (ეპინეფრინი, ეფედრინი) ბრონქების გამაფართოებელ ეფექტს. მოსალოდნელი ბრადიკარდიის თავიდან აცილების მიზნით, ანაპრილინით მკურნალობის ფონზე მიუღებელია ვერაპამილისა და დილთიაზემის ინტრავენური შეყვანა. ანაპრილინისა და კლონიდინის, რეზერპინის და სხვა ჰიპოტენზიური საშუალებების ერთდროული მიღებისას მოსალოდნელია არტერიული ჰიპოტონიისა და ბრადიკარდიის განვითარება. ამიოდარონი ან სხვა ანტიარითმიული პრეპარატები ანაპრილინთან კომბინაციაში იწვევს გულის გამტარობისა და კუმშვადობის გაუარესებას. ანაპრილინი აძლიერებს ჰიპოგლიკემიური საშუალებების მოქმედებას. საინჰალაციო სანარკოზე საშუალებები ანაპრილინთან ერთად ზრდიან მიოკარდის ფუნქციური უკმარისობისა და ჰიპოტენზიის განვითარების რისკს. ამდენად სანარკოზე საშუალების მიღებამდე რამდენიმე დღით ადრე საჭიროა ანაპრილინის მოხსნა. ციმეტიდინი ზრდის პროპრანოლოლის კონცენტრაციას სისხლის პლაზმაში, ხოლო რიფამპიცინი ამცირებს. | |
| დოზირება და მიღების წესი: | დოზირება ხდება ინდივიდალურად. რეკომენდებული საწყისი დოზა შეადგენს 20მგ-ს, ერთჯერადი დოზა 40-80მგ-ს. პრეპარატი ინიშნება 2-3-ჯერ დღეში. მაქსიმალური დღიური დოზა - 320მგ. | |
| გვერდითი მოვლენები: | გულ-სისხლძარღვთა სისტემის მხრივ: ბრადიკარდია, AV ბლოკადა, არტერიული ჰიპოტენზია, გულის უკმარისობა. საჭმლის მომნელებელი სისტემის მხრივ: - იშვიათად - გულისრევა, დიარეა, პირის სიმშრალე, ყაბზობა. ცენტრალური ნერვული სისტემის მხრივ: იშვიათად - თავის ტკივილი, ძილის დარღვევა, ასეთნია, ფსიქომოტორული რეაქციების დაქვეითება, დეპრესია, პარესთეზია და კიდურების გაციება, თვალის ლორწოვანის სიმშრალე, მხედველობის სიმახვილის დარღვევა, კერატოკონიუნქტივიტი. სასუნთქი სისტემის მხრივ: ბრონქოსპაზმი. ალერგიული რეაქცია: კანზე გამონაყარი, ქავილი. | |
| ვარგისიანობის ვადა: | 4 წელი. | |
| შენახვის პირობები: | 10-25C ტემპერატურაზე, სინათლისაგან დაცულ, მშრალ, ბავშვებისათვის ხელმიუწვდომელ ადგილას. | |
| გამოშვების ფორმა: | აბი 10მგ ან 40მგ, შეფუთვაში 20 აბი. | |
| გაცემის წესი: | ექიმის რეცეპტით. |
Page generation time: 0. 050324301 sec.
