| დასახელება: | მილდრონატი | |
| უნიფიცირებული დასახელება: | მელდონიუმი Meldonium | |
| დოზა: | 250მგ | |
| ფორმა: | კაფსულა | |
| შეფუთვა1: | - | |
| რაოდენობა შეფუთვა1-ში: | ||
| შეფუთვა2: | ||
| რაოდენობა შეფუთვა2-ში: | 40 | |
| მწარმოებელი ქვეყანა: | ლატვია | |
| კომპანია: | გრინდექსი | |
| მწარმოებელი: | გრინდექსი | |
| რეგისტრაციის ნომერი დათარიღი: | #რ-032099 2021-12-04 - 2026-12-04 | |
| გაცემის რეჟიმი: | III ჯგუფი, გაიცემა რეცეპტის გარეშე | |
| ფარმაკოლოგიურიჯგუფი/ქვეჯგუფი: | ჯგ.:ქსოვილებში ნივთიერებათა ცვლაზე მოქმედი საშუალებები. ქვ/ჯგ.:მეტაბოლიზმის და ენერგომომარაგების გამაუმჯობესებელი და ჰიპოქსიის შემამცირებელი. |
|
| ა.თ.ქ. კლასიფიკაცია: | ||
C01EB | C გულ-სისხლძარღვთა სისტემა | |
| 01 პრეპერატები გულის დაავადებების მკურნალობისათვის | ||
| E სხვა პრეპარატები გულის დაავადებების მკურნალობისათვის | ||
| B სხვა პრეპარატები გულის დაავადებების მკურნალობისათვის | ||
| ანოტაცია: | ||
| შემადგენლობა: | 1 კაფსულა შეიცავს 250მგ ან 500მგ 3-(2,2,2-ტრიმეთილჰიდრაზინი) პროპიონატის დიჰიდრატს. დამხმარე ნივთიერებები: კარტოფილის სახამებელი, კოლოიდური სილიციუმის დიოქსიდი, კალციუმის სტეარატი; კაფსულა (კორპუსი და სახურავი): ტიტანის დიოქსიდი (E 171), ჟელატინი. | |
| ფარმაკოდინამიკა: | მილდრონატი - სტრუქტურული ანალოგია გამა-ბუთირობეტაინისა, ნივთიერებისა, რომელიც ადამიანის ორგანიზმის ყველა უჯრედშია წარმოდგენილი. მომატებული დატვირთვის პირობებში მილდრონატი აღადგენს წონასწორობას ჟანგბადის მიწოდებასა და უჯრედების ჟანგბადზე მოთხოვნილებას შორის, ხელს უშლის უჯრედებში ნივთიერებათა ცვლის ტოქსიკური პროდუქტების დაგროვებას, იცავს რა მათ დაზიანებისაგან; ასევე ახდენს მატონიზებელ გავლენას. მისი გამოყენების შედეგად ორგანიზმი იძენს დატვირთვის ატანისა და ენერგეტიკული რეზერვების სწრაფი აღდგენის უნარს. ამ თვისებების წყალობით მილდრონატს იყენებენ გულ-სისხლძარღვთა სისტემის, ტვინის სისხლმომარაგების სხვადასხვა დარღვევებისას და ასევე ფიზიკური და გონებრივი მუშაობის უნარის ასამაღლებლად. კარნიტინის კონცენტრაციის შემცირების შედეგად გაძლიერებით სინთეზირდება გამა-ბუტირობეტაინი, რომელსაც ვაზოდილატაციური თვისებები გააჩნია. მწვავე იშემიური დაზიანების შემთხვევაში მილდრონატი ანელებს ნეკროზული ზონის წარმოქმნას, ამოკლებს რეაბილიტაციის პერიოდს. გულის უკმარისობისას ზრდის მიოკარდიუმის კუმშვადობას, ზრდის ტოლერანტულობას ფიზიკური დატვირთვის მიმართ, ამცირებს სტენოკარდიის შეტევების სიხშირეს. ტვინის სისხლმომარაგების მწვავე და ქრონიკული დარღვევებისას აუმჯობესებს სისხლის ცირკულაციას იშემიის ზონაში, ხელს უწყობს სისხლის გადანაწილებას იშემიური უბნის სასარგებლოდ. ეფექტურია თვალის ფსკერის ვასკულური და დისტროფიული პათოლოგიისას. პრეპარატი ასწორებს ნერვული სისტემის ფუნქციურ დარღვევებს ქრონიკული ალკოჰოლიზმით ავადმყოფებში აბსტინენციის სინდრომისას. არეგულირებს უჯრედულ იმუნიტეტს. | |
| ფარმაკოკინეტიკა: | პრეპარატის ბიოშეღწევადობა ინტრავენული შეყვანის შემდეგ უდრის 100%-ს. სისხლის პლაზმაში მაქსიმალური კონცენტრაცია მიიღწევა შეყვანისთანავე. ნახევარელიმინაციის პერიოდი შეადგენს 3-6 საათს. | |
| ჩვენება: | გულის იშემიური დაავადების კომპლექსური მკურნალობა (სტენოკარდია, მიოკარდიუმის ინფარქტი), გულის ქრონიკული უკმარისობა და დისჰორმონალური კარდიომიოპათია, ასევე ტვინის სისხლმიმოქცევის მწვავე და ქრონიკული დარღვევების კომპლექსურ თერაპიაში (ტვინის ინსულტები და ცერებროვასკულური უკმარისობა). ჰემოფთალმი და სხვადასხვა ეტიოლოგიის მქონე სისხლჩაქცევები ბადურაში, ბადურის ცენტრალური ვენისა და მისი ტოტების თრომბოზეი, სხვადასხვა ეტიოლოგიის რეტინოპათიები (დიაბეტური, ჰიპერტონიული). დაქვეითებული შრომისუნარიანობა; ფიზიკური გადაძაბვა, მათ შორის, სპორტსმენებში. აბსტინენციის სინდრომი ქრონიკული ალკოჰოლიზმის დროს (ალკოჰოლიზმის სპეციფიკურ თერაპიასთან კომბინაციაში). ბრონქული ასთმა და ქრონიკული ობსტრუქციული ბრონქიტი (როგორც იმუნომოდულატორი კომპლექსური თერაპიის შემადგენლობაში). | |
| უკუჩვენება: | მილდრონატის ან პრეპარატის რომელიმე სხვა კომპონენტის მიმართ მომატებული მგრძნობელობა. ქალასშიდა წნევის მომატება (ვენური უკუდენის დარღვევებისას, ქალასშიდა სიმსივნეებისას). | |
| სიფრთხილის ზომები: | ღვიძლისა და თირკმლების ქრონიკული დაავადებების მქონე პაციენტებმა პრეპარატის მიღებისას უნდა დაიცვან სიფრთხილე. არაა საკმარისი მონაცემები მილდრონატის გამოყენების შესახებ ბავშვებში. მიოკარდიუმის მწვავე ინფარქტისა და არასტაბილური სტენოკარდიის მკურნალობის გამოცდილება აჩვენებს, რომ ტრიმეთილჰიდრაზინიუმის პროპიონატის დიჰიდრატი არ წარმოადგენს პირველი რიგის პრეპარატს მწვავე კორონარული სინდრომის დროს. არაა მონაცემები მილდრონატის არაკეთილსასურველი გავლენის შესახებ რეაქციის სიჩქარეზე. | |
| ორსულობა და ლაქტაცია: | არ არის დამტკიცებული ორსულობის დროს პრეპარატის გამოყენების უსაფრთხოება. იმისათვის, რომ თავი ავარიდოთ ნაყოფზე შესაძლო არაკეთილსასურველ გავლენას, მას არ ნიშნავენ ორსულობის დროს. არაა გამორკვეული, გამოიყოფა თუ არა პრეპარატი დედის რძეში. თუ მილდრონატით მკურნალობა აუცილებელია დედისათვის, მაშინ ბავშვის დედის მკერდით კვებას წყვეტენ. | |
| დოზირება და მიღების წესი: | ამგზნები ეფექტის შესაძლო გამოვლინების გამო რეკომენდირებულია, მიღებული იქნას დღის პირველი ნახევარში. 1. გულ-სისხლძარღვთა დაავადებანი. კომპლექსური თერაპიის შემადგენლობაში - 0.5 – 1.0გ დღეში, მთელი დოზის ერთდროული მიღებით ან 2 მიღებაზე გაყოფით. მკურნალობის კურსი - 4-6 კვირა. კარდიალგია მიოკარდიუმის დისჰორმონალური დისტროფიის ფონზე - შიგნით, 0.5გ დღეში, მთელი დოზის ერთდროული მიღებით ან 2 მიღებაზე გაყოფით. მკურნალობის კურსი - 12 დღე. 2. ტვინის სისხლმიმოქცევის მოშლა. მწვავე ფაზა _ იყენებენ პერპარატის საინექციო სამკურნალწამლო ფორმას 10 დღის განმავლობაში, შემდგომში პერორალურ მიღებაზე გადასვლისას - 0.5 – 1.0 გ დღეში, მთელი დოზის ერთდროული მიღებით ან 2 მიღებაზე გაყოფით. ქრონიკული დარღვევები - 0.5 დღეში პერორალურად, მთელი დოზის ერთდროული მიღებით ან 2 მიღებაზე გაყოფით. მკურნალობის საერთო კურსი _ 4-6 კვირა. განმეორებითი კურსების ჩატარება (ჩვეულებრივ, 2-3-ჯერ წელიწადში) დასაშვებია ექიმთან კონსულტაციის შემდეგ. 3. სისხლძარღვოვანი პათოლოგია და ბადურის დისტროფიული დაავადებები. იყენებენ პერპარატის საინექციო სამკურნალწამლო ფორმას. 4. გონებრივი და ფიზიკური გადაძაბვები, მათ შორის, სპორტსმენებში. მოზრდილებს - 0.25 გ პერორალურად 4-ჯერ დღეში ან 0.5 გ 2-ჯერ დღეში. მკურნალობის კურსი - 10-14 დღე. აუცილებლობის შემთხვევაში მკურნალობას იმეორებენ 2-3 კვირის შემდეგ. სპორტსმენებს - 0.5 – 1.0გ პერორალურად 2-ჯერ დღეში ვარჯიშის წინ. კურსის ხანგრძლივობა მოსამზადებელ პერიოდში - 14-21 დღე< შეჯიბრებების პერიოდში - 10-14 დღე. 5. ქრონიკული ალკოჰოლიზმი. პერორალურად 0.5გ 4-ჯერ დღეში; მკურნალობის კურსი - 7-10 დღე. 6. ბრონქული ასთმა - 0.25გ პერორალურად ყოველდღე სამი კვირის განმავლობაში. პარალელურად - კომბინირებული მკურნალობა ბრონქოლიტიური საშუალებებით. | |
| გვერდითი მოვლენები: | იშვიათად - ალერგიული რეაქციები (გაწითლება, გამონაყარი, ქავილი, შეშუპება), ასევე დისპეფსიური მოვლენები, ტაქიკარდია, არტერიული წნევის შეცვლა, აგზნება. ღვიძლისა და თირკმლების ქრონიკული დაავადებების მქონე პაციენტებმა პრეპარატის მიღებისას უნდა დაიცვან სიფრთხილე. მიოკარდიუმის მწვავე ინფარქტისა და არასტაბილური სტენოკარდიის მკურნალობის გამოცდილება აჩვენებს, რომ ტრიმეთილჰიდრაზინიუმის პროპიონატის დიჰიდრატი არ წარმოადგენს პირველი რიგის პრეპარატს მწვავე კორონარული სინდრომის დროს. არაა მონაცემები მილდრონატის არაკეთილსასურველი გავლენის შესახებ რეაქციის სიჩქარეზე. | |
| ჭარბი დოზირება: | მილდრონატის ჭარბი დოზირების შემთხვევებში შესაძლებელია არტერიული წნევის მკვეთრი ცვლილება, განსაკუთრებით, ჰიპოტენზიის მხარეს. მკურნალობა სიმპტომურია. | |
| ურთიერთქმედება სხვა მედიკამენტებთან: | აძლიერებს კორონარომაფართოებელი საშუალებების მოქმედებას, ზოგიერთი ჰიპოტენზიური პრეპარატის, საგულე გლიკოზიდების მოქმედებას. დასაშვებია კომბინაცია ანტიანგინალურ პრეპარატებთან, ანტიკოაგულანტებთან, ანტიაგრეგანტებთან, ანტიარითმიულ, დიურეზულ, ბრონქოლიზურ საშუალებებთან. ზომიერი ტაქიკარდიისა და არტერიული ჰიპოტენზიის შესაძლო განვითარების გამო, უნდა დავიცვათ სიფრთხილე ნიტროგლიცერინთან, ნიფედიპინთან, ალფა-ადრენომაბლოკირებელ, ჰიპოტენზიურ საშუალებებთან და პერიფერიულ ვაზოდილატატორებთან კომბინაციის დროს. | |
| გამოშვების ფორმა: | 250მგ-იანი კაფსულები: 10 კაფსულა ფირფიტაზე. 4 ფირფიტა გამოყენების ინსტრუქციასთან ერთად - მუყაოს კოლოფში. 500მგ-იანი კაფსულები: 10 კაფსულა ფირფიტაზე. 2 ან 6 ფირფიტა გამოყენების ინსტრუქციასთან ერთად - მუყაოს კოლოფში. | |
| შენახვის პირობები: | არაუმეტეს 25ºC ტემპერატურაზე, მშრალ ადგილზე. შეინახეთ ბავშვებისათვის მიუწვდომელ ადგილას! | |
| ვარგისიანობის ვადა: | 4 წელი. პრეპარატის გამოყენრბა დაუშვებელია მითითებული ვარგისიანობის ვადის ამოწურვის შემდეგ. | |
| გაცემის წესი: | რეცეპტით. |
Page generation time: 0. 050227989 sec.
