This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
მოიძებნა 1 შედეგი.

დასახელება:ოფთან თიმოლოლი
უნიფიცირებული
დასახელება:
თიმოლოლი Timolol
დოზა:0.5%
ფორმა:თვალის წვეთები
შეფუთვა1:5მლ ფლაკონი
რაოდენობა შეფუთვა1-ში:
შეფუთვა2:
რაოდენობა შეფუთვა2-ში:1
მწარმოებელი ქვეყანა:ფინეთი
კომპანია:სანტენი
მწარმოებელი:ნექსთ ფარმა, ფინეთი
რეგისტრაციის ნომერი და
თარიღი:
#რ-031980 2021-03-26 - 2026-03-26
გაცემის რეჟიმი:II ჯგუფი, გაიცემა ფორმა №3 რეცეპტით
ფარმაკოლოგიური
ჯგუფი/ქვეჯგუფი:
ჯგ.:გლაუკომის საწინააღმდეგო საშუალებები.
ქვ/ჯგ.:ბეტა- ადრენობლოკატორები.
ა.თ.ქ. კლასიფიკაცია:
S01ED01	
S პრეპარატები გრძნობის ორგანოების დაავადებების მკურნალობისათვის
	
01 პრეპარატები თვალის დაავადებების მკურნალობისათვის
	
E გლაუკომის საწინააღმდეგო პრეპარატები და მიოზური საშუალებები
	
D ბეტა- ადრენობლოკატორები
ანოტაცია:
	
	
აღწერილობა:გამჭვირვალე, უფერო ხსნარი.
ვარგისიანობის ვადა:3 წელი. გახსნილი ფლაკონი ინახება 1 თვე. პრეპარატი არ გამოიყენება შენახვის ვადის გასვლის შემდეგ.
გამოშვების ფორმა:0.25% და 0.5% თვალის წვეთები მოთავსებულია გამჭვირვალე პლასტიკურ ფლაკონში 5 მლ.
შემადგენლობა:აქტიური ნივთიერება: თიმოლოლის მალეატი თიმოლოლის 2.5მგ/მლ ან 5მგ/მლ შემადგენლობით. დამხმარე ნივთიერებები: ბენზალკონიუმ ქლორიდი, ნატრიუმის ფოსფატი, ნატრიუმის ჰიდროქსიდი, საინექციო წყალი.
ჩვენება:თვალის წვეთები ოფთან თიმოლოლი ამცირებს თვალშიდა წნევას. პრეპარატი გამოიყენება შემდეგი დაავადებების დროს: ღია კუთხოვანი გლაუკომა, გლაუკომა განვითარებული კატარაქტის გამო ქირურგიული ჩარევის შემდეგ, ყველა სახის მეორადი გლაუკომა. შესაძლებელია წვეთების გამოყენება დახურულკუთხოვანი გლაუკომის დროს, გუგის შემავიწროვებელ საშუალებებთან ერთად. ოფთან თიმოლოლის წვეთების გამოყენება რეკომენდირებულია მხოლოდ ექიმის დანიშნულებით.
დოზირება და მიღების წესი:1 წვეთი 1-2-ჯერ დღეში დაზიანებულ თვალში ექიმის დანიშნულებით. თვალის შიდა წნევა უნდა განისაზღვროს მკურნალობის დაწყებიდან 3-4 კვირის განმავლობაში, შემდგომში კი რეგულარული ინტერვალებით.
გვერდითი მოვლენები:აღწერილია შემდეგი გვერდითი მოვლენები: თვალების სიმშრალე, კონიუნქტივის და ქუთუთოს შეწითლება, რქოვანას მგრძნობელობის უმნიშვნელო შემცირება. ეს მოვლენები იშვიათად აღინიშნება და თავისით ქრება პრეპარატის მიღების შეწყვეტის შემდეგ. შესაძლებელია აგრეთვე ბრონქოსპაზმი, ბრადიკარდია და არტერიული წნევის დაქვეითება. ზოგიერთ შემთხვევაში აღინიშნება: თავის ტკივილი, პირის სიმშრალე, გულისრევა, თავბრუსხვევა, ძილიანობა. სიფრთხილეა საჭიროა პაციენტებში, როდესაც მოსალოდნელია ოპერაციის დროს ზოგადი საანესთეზიო საშუალებების გამოყენება. პაციენტებში, რომელთაც მომატებულია აქვთ მგრძნობელობა თიმოლოლის რომელიმე კომპონენტისადმი, შესაძლებელია განვითარდეს გამონაყარი კანზე. პრეპარატი სიფრთხილით ინიშნება შაქრიანი დიაბეტით დაავადებულ პაციენტებში.
უკუჩვენება:ოფთან თიმოლოლის თვალის წვეთები უკუნაჩვენები შემდეგი დაავადებების დროს: გულის უკმარისობა, არითმია, II და III ხარისხის ატრიოვენტრიკულური ბლოკადა, ბრადიკარდია, ბრონქული ასთმა და ფილტვების სხვა ობსტრუქციული დაავადებები. მომატებული მგრძნობელობა პრეპარატის მიმართ.
განსაკუთრებული მითითებები:კონტაქტური ლინზები: ოფთან თიმოლოლის თვალის წვეთები შეიცავენ კონსერვანტის სახით ბენზალკონიუმის ქლორიდს, რის გამოც არ არის რეკომენდირებული მათი ხმარება კონტაქტური ლინზების გამოყენების დროს. პრეპარატის ჩაწვეთებამდე საჭიროა ლინზები ამოღებული იყოს თვალებიდან და მათი გამოყენება შესაძლებელია პრეპარატის ჩაწვეთებიდან 15 წუთში. გამოყენება ბავშვებში: ოფთან თიმოლოლის თვალის წვეთების გამოყენება არ არის რეკომენდირებული ახალშობილებში და მცირე ასაკის ბავშვებში. ორსულობა და ლაქტაცია: ორსულობის და ლაქტაციის დროს გამოიყენება მხოლოდ იმ შემთხვევაში, როდესაც მოსალოდნელი სარგებელი დედისთვის აღემატება მისი უარყოფითი მოქმედების პოტენციურ რისკს ბავშვისათვის ან ნაყოფისათვის. ოფთანი არ ახდენს გავლენას ავტომობილის მართვის უნარზე.
ჭარბი დოზირება:ჭარბი დოზირების ძირითადი სიმპტომები დამოკიდებულია ბეტა-ადრენობლოკატორების ჭარბ დოზირებაზე და გამოიხატება შემდეგი სიმპტომებით: ბრადიკარდია, არტერიული წნევის დაქვეითება, ასევე გულის მწვავე უკმარისობის და ბრონქოსპაზმის განვითარება.
ურთიერთქმედება სხვა მედიკამენტებთან:ბეტა-ადრენობლოკატორებთან ან კალციუმის ნელი არხების ინჰიბიტორებთან ოფთან თიმოლოლის კომბინირებისას იზრდება გვერდითი მოვლენების სიხშირე, როგორც ადგილობრივი ასევე სომატურიც. ოფთან თიმოლოლის კომბინირება შესაძლებელია სხვა გლაუკომის საწინააღმდეგო საშუალებებთან ერთად. ინსულინის ან პერორალური დიაბეტის საწინააღმდეგო საშუალებების ოფთანთან კომბინირებისას რეკომენდირებულია ექიმთან კონსულტაცია.
შენახვის პირობები:ინახება +15+25C ტემპერატურის პირობებში სინათლისაგან და ბავშვებისაგან დაცულ ადგილას.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 051697877 sec.