This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
მოიძებნა 1 შედეგი.

დასახელება:ანტიფლუ ქიდს
უნიფიცირებული
დასახელება:
პარაცეტამოლი + ქლორფენამინი + ასკორბინის მჟავა Paracetamol + Chlorphenamine + Ascorbic acid
დოზა:-
ფორმა:ფხვნილი ორალური ხსნარის მოსამზადებლად
შეფუთვა1:პაკეტი
რაოდენობა შეფუთვა1-ში:
შეფუთვა2:
რაოდენობა შეფუთვა2-ში:5
მწარმოებელი ქვეყანა:აშშ
კომპანია:ბაიერ ქონსუმერ ქეარ
მწარმოებელი:კონტრაქტ ფარმაქალ კორპ
რეგისტრაციის ნომერი და
თარიღი:
#რ-032366 2021-05-14 - 2026-05-14
გაცემის რეჟიმი:III ჯგუფი, გაიცემა რეცეპტის გარეშე
ფარმაკოლოგიური
ჯგუფი/ქვეჯგუფი:
ჯგ.:გაციების დროს გამოსაყენებელი საშუალებები.
ქვ/ჯგ.:სისტემური.
ა.თ.ქ. კლასიფიკაცია:
N02BE51	
N ნერვული სისტემა
	
02 ანალგეზიური საშუალებები
	
B ანალგეზიური ანტიპირექსიული საშუალებები
	
E ანილიდები
ანოტაცია:
	
	
ვარგისიანობის ვადა:3 წელი.
შემადგენლობა:პარაცეტამოლი 160მგ, ქლორფენამინი 1მგ, ასკორბინის მჟავა 50მგ. დამხმარე ნივთიერებები: ჟოლოს გემოს დანამატი, ლიმონმჟავა, კაჟბადის დიოქსიდი, სამფუძიანი ნატრიუმის ციტრატი, სახამებელი, შაქარი, ტიტანის დიოქსიდი, სამფუძიანი კალციუმის ფოსფატი. კლინიკურ-ფარმაკოლოგიური ჯგუფი გაციების საწინააღმდეგო, სიცხის დამწევი, ტკივილგამაყუჩებელი კომბინირებული პრეპარატი.
ფარმაკოლოგიური თვისება:აცეტამინოფენს (პარაცეტამოლი) აქვს ანალგეტიკური, სიცხის დამწევი და მსუბუქი ანთების საწინააღმდეგო მოქმედება. ამცირებს თავის, კუნთების, სახსრების და ყელის ტკივილს. ქლორფენირამინის მალეატი: ხსნის ცხვირის, ცხვირ-ხახის და ზედა სასუნთქი გზების ლორწოვანი გარსის შეშუპებას და ამცირებს თვალის ქავილს. ასკორბინის მჟავა (ვიტამინი C) ზრდის ორგანიზმის წინააღმდეგობის უნარს ინფექციების მიმართ.
ჩვენება:ზედა სასუნთქი გზების მწვავე რესპირატორული დაავადებების სიმპტომების (ჰიპერთერმია, თავის, კუნთების და სახსრების ტკივილი, ცრემლდენა, სურდო) და გრიპის დროს.
დოზირება და მიღების წესი:პაკეტის შიგთავსი იხსნება 1 ჭიქა (175 მლ) ცხელ წყალში, მიიღება ცხლად. 2 წლიდან 5 წლამდე ასაკის ბავშვებში 1 პაკეტი 3-ჯერ დღეში, 6 წლიდან 12 წლამდე 2 პაკეტი 3-ჯერ დღეში. მკურნალობის ხანგრძლივობა არ უნდა აღემატებოდეს 5 დღეს. პრეპარატის შემდგომ გამოყენებას განსაზღვრავს ექიმი.
გვერდითი მოვლენები:კუჭ-ნაწლავის ტრაქტის მხრივ: ტკივილი ეპიგასტრიუმში, გულისრევა, პირღებინება. ცნს-ის მხრივ: ძილიანობა, ძილის დარღვევა, მომატებული აგზნებადობა. ალერგიული რეაქციები: გამონაყარი კანზე, ქავილი, კვინკეს შეშუპება. სისხლწარმოქმნის სისტემის მხრივ: ანემია, თრომბოციტოპენია.
უკუჩვენება:მომატებული ინდივიდუალური მგრძნობელობა პრეპარატში შემავალი კომპონენტების მიმართ. ღვიძლის და/ან თირკმლების ფუნქციის გამოხატული დარღვევები, ფერმენტ გლუკოზო-6-ფოსფატდეჰიდროგენაზას დეფიციტი, სისხლის დაავადებები, გულ-სისხლძარღვთა სისტემის მძიმე პათოლოგიები, არტერიული ჰიპერტენზია, სისხლძარღვთა სპაზმისადმი მიდრეკილება, გლაუკომა, ფილტვების ემფიზემა ან ქრონიკული ბრონქიტი, შაქრიანი დიაბეტი. ბავშვთა ასაკი 2 წლამდე.
განსაკუთრებული მითითებები:მკურნალობის ხანგრძლივობა - არაუმეტეს 5 დღისა. სათანადო თერაპიული ეფექტის არარსებობის, მაღალი ტემპერატურის, რომელიც 5 დღის მკურნალობის ფონზე მაინც შენარჩუნებულია, ასევე ახალი სიმპტომების გაჩენის შემთხვევაში, სავარაუდოა უფრო სერიოზული დაავადების არსებობა, რის გამოც სასწრაფოდ უნდა მიმართოთ ექიმს. იმის გამო, რომ პრეპარატი იწვევს ძილიანობას, მიღებიდან 4 საათის განმავლობაში, ბავშვი უნდა მოარიდონ ისეთ სამუშაოს, რომელიც საჭიროებს ყურადღების მაღალ კონცენტრაციას.
ჭარბი დოზირება:შესაძლოა გამოვლინდეს აგზნებადობა, თავბრუსხვევა, ძილის დარღვევა. მკურნალობა სიმპტომურია. ამ ან ნებისმიერი სხვა სამკურნალო საშუალების დოზის გადაჭარბების შემთხვევაში აუცილებლად მიიღეთ სამედიცინო დახმარება.
ურთიერთქმედება სხვა მედიკამენტებთან:არ არის რეკომენდებული პრეპარატის ერთდროული მიღება საძილე, ფსიქოტროპულ და ალკოჰოლის შემცველ პრეპარატებთან ერთად. ალკოჰოლთან და ბარბიტურატებთან კომბინაციაში აცეტამინოფენის ჰეპატო- და ნეფროტოქსიურობა ძლიერდება. საძილე და სედატიურ საშუალებებთან, ნეიროლეპტიკებთან, ტრანკვილიზატორებთან, ალკოჰოლთან ერთდროული მიღებისას არსებითად ძლიერდება ქლორფენირამინის მალეატის დამთრგუნველი ზემოქმედება ცნს-ზე. აცეტამინოფენი ანელებს ანტიბიოტიკების გამოყოფას ორგანიზმიდან. ტეტრაციკლინებთან კომბინაციაში იზრდება ანემიისა და მეთჰემოგლობინემიის განვითარების რისკი. ფენილეფრინის ჰიდროქლორიდი ამცირებს რეზერპინისა და ოქტადინის ჰიპოტენზიურ ეფექტს. ფენილეფრინის ჰიდროქლორიდის მონოამინოოქსიდაზების ინჰიბიტორებთან ერთდროულმა მიღებამ შესაძლოა გამოიწვიოს ჰიპერტონული კრიზი.
შენახვის პირობები:პრეპარატი ინახება 15-30C ტემპერატურაზე მშრალ, ბნელ, ბავშვებისათვის მიუწვდომელ ადგილას.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 051235915 sec.