| დასახელება: | გინიპრალი | |
| უნიფიცირებული დასახელება: | ჰექსოპრენალინი Hexoprenaline | |
| დოზა: | 25მკგ | |
| ფორმა: | კონცენტრატი საინფუზიო ხსნარის მოსამზადებლად | |
| შეფუთვა1: | 5მლ ამპულა | |
| რაოდენობა შეფუთვა1-ში: | ||
| შეფუთვა2: | ||
| რაოდენობა შეფუთვა2-ში: | 5 | |
| მწარმოებელი ქვეყანა: | ავსტრია | |
| კომპანია: | ნიკომედი | |
| მწარმოებელი: | ნიკომედ ოსთრია | |
| რეგისტრაციის ნომერი დათარიღი: | ||
| გაცემის რეჟიმი: | ||
| ფარმაკოლოგიურიჯგუფი/ქვეჯგუფი: | ჯგ.:მიომეტრიუმის ტონუსისა და შეკუმშვის აქტივობის შემამცირებელი საშუალებები. ქვ/ჯგ.:ბეტა 2- ადრენომიმეტული. |
|
| ა.თ.ქ. კლასიფიკაცია: | ||
G02CA | G შარდსასქესო სისტემა და სასქესო ჰორმონები | |
| 02 სხვა პრეპარატები გინეკოლოგიური დაავადებების მკურნალობისათვის | ||
| C სხვა პრეპარატები გინეკოლოგიური დაავადებების მკურნალობისათვის | ||
| A ტოკოლიზური პრეპარატები - სიმპათომიმეტური საშუალებები | ||
| ანოტაცია: | ||
| შემადგენლობა: | ყოველი 5მლ-იანი ამპულა შეიცავს: ჰექსოპრენალინის სულფატი 0.025მგ, ნატრიუმის პიროსულფატი 0.10მგ, დინატრიუმის ედეტატ დიჰიტრატი 0.125მგ, ნატრიუმის ქლორიდი 45მგ, გოგირდმჟავა 2N იმდენი რამდენიც აუცილებელია pH ოპტიმიზაციისათვის, საინექციო წყალი 5მლ-მდე. | |
| აღწერილობა: | გამჭირვალე, უფერო ხსნარი. | |
| ფარმაკოდინამიკა: | გინიპრალი წარმოადგენს საშვილოსნოს კუნთის მომადუნებელ ბეტა2-სიმპათომიმეტიკს. გინიპრალის მოქმედებით მცირდება საშვილოსნოს შეკუმშვის სიხშირე და ინტენსივობა. პრეპარატი თრგუნავს თვითნებურ და ასევე ოქსიტოცინით გამოწვეულ სამშობიარო შეტევას; მშობიარობის დროს აწესრიგებს მეტისმეტად ძლიერ ან არარეგულარულ ჭინთვებს. გინიპრალის მოქმედებით, უმეტეს შემთხვევაში, შესაძლებელი ხდება ნაადრევი სამშობიარო აქტივობის შეჩერება და ორსულობის გახანგრძლივება ნორმალურ ვადამდე. გინიპრალი, თავისი ბეტა2-სელექტიურობის წყალობით, უმნიშვნელო მოქმედებას ახდენს როგორც ორსულის გულის მუშაობაზე, ასევე დედასა და ნაყოფს შორის სისხლის მიმოქცევაზე. | |
| ფარმაკოკინეტიკა: | გინიპრალი შედგება ორი კატექოლამინური ჯგუფისაგან, რომლებიც კატექოლამინ-O-მეთილტრანსფერაზას საშუალებით მეთილირების პროცესს განიცდიან ადამიანის ორგანიზმში. მაშინ, როდესაც მეთილის ერთი ჯგუფის შეყვანით იზოპრენალინის მოქმედება პრაქტიკულად წყდება, ჰექსოპრენალინი ბიოლოგიურ აქტივობას კარგავს მხოლოდ ორივე კატექოლამინური ჯგუფის მეთილირების შემთხვევაში. გინიპრალის ეს თვისება და ზედაპირზე ადჰეზიის მაღალი უნარი განაპირობებს მის ხანგრძლივ მოქმედებას. 3H-მონიშნული ნივთიერებით ვირთხებზე ჩატარებულმა გამოკვლევებმა გვიჩვენა, რომ ინტრავენური ინექციის შემდეგ ბიოლოგიურად აქტიური ნივთიერებების გამოყოფა შარდის მეშვეობით უფრო ხანგრძლივად მიმდინარეობს, ვიდრე იზოპრენალინის შეყვანის შემდეგ; ორი საათის შემდეგ მისი მხოლოდ 0.6% გამოიყოფა უცვლელ მდგომარეობაში. ამასთან შედარებით ჰექსოპრენალინის ხმარებისას, პირველი 4 სთ-ის განმავლობაში, შარდის მეშვეობით შეუცვლელ მდგომარეობაში გამოიყოფა ბიოლოგიურად აქტიური ნივთიერების (თავისუფალი ჰექსოპრენალინისა და მონომეთილდერივატის) 80%. ამის შემდეგ აღინიშნება დიმეთილდერივატისა და მასთან შეკავშირებული ნაერთების (გლუკორონიდისა და სულფატის) ექსკრეციის გაძლიერება. მცირე რაოდენობა გამოიყოფა ნაღველთან ერთად რთული მეტაბოლიტების სახით. ამას გარდა, ბრონქებში შეყვანილი მონიშნული 3H –ჰექსოპრენალინი, ბიოლოგიურად აქტიური ნივთიერებების სახით, შედარებით ხანგრძლივი დროის განმავლობაში გამოიყოფა შარდთან ერთად. შეყვანილი ნივთიერების ნაწილი საკმაოდ დიდი ხნის განმავლობაში რჩება აქტიური შეყვანის ადგილას. კუნთებში შეყვანილიც კი, აქტიური მეტაბოლიტი, კარგად გამოიყოფა შარდის მეშვეობით. ინექციის ადგილზე საკმაოდ ხანგრძლივი პერიოდის განმავლობაში შეინიშნება პრეპარატის მოქმედება. პერ ოს მიღებული ჰექსოპრენალინი კარგად შეიწოვება და მისი ნაწილი შარდთან ერთად გამოიყოფა დიმეთილირებული მეტაბოლიტის სახით. | |
| ქიმიური დასახელება: | N,N'-ბის[2(3’4’-დიჰიდროქსიფენილ)-2-ჰიდროქსიეთილ]-ჰექსამეთილენის დიამინ სულფატი. | |
| ჩვენება: | 1. მწვავე ტოკოლიზი - მშობიარობის დროს სამშობიარო შეტევების შეკავება, საშვილოსნოსშიდა ასფიქსია, საკეისრო კვეთის წინ საშვილოსნოს იმობილიზაცია, ნაყოფის გარდიგარდმო მდგომარეობიდან შემობრუნების წინ, ჭიპლარის პროლაფსის შემთხვევაში, სამშობიარო შეტევების გართულებისას. ნაადრევი მშობიარობის შემთხვევაში, ორსულის საავადმყოფოში გადაყვანის წინ, როგორც ექსტრემალური საშუალება. 2. მასიური ტოკოლიზი - ნაადრევი სამშობიარო შეტევების შეკავება გადასწორებული და/ან გახსნილი ყელის არსებობისას. 3. ხანგრძლივი ტოკოლიზი - გადაუსწორებელი ან გაუხსნელი ყელის მდგომარეობაში დაწყებული გაძლიერებული და გახშირებული სამშობიარო შეტევებისას ნაადრევი მშობიარობის პროფილაქტიკა. საშვილოსნოს იმობილიზაცია ჩერცლაგე-ოპერაციამდე, მისი მსვლელობის დროს და მის შემდეგ. | |
| უკუჩვენება: | - პრეპარატის კომპონენტებისადმი ჰიპერმგრძნობელობა (განსაკუთრებით ბრონქული ასთმით დაავადებული და სულფატებისადმი ჰიპერმგრძნობიარე ავადმყოფები) - ჰიპერთირეოზი - გულ-სისხლძარღვთა სისტემის დაავადებით, განსაკუთრებით ტაქიკარდიით მიმდინარე გულის რითმის დარღვევა, მიოკარდიტი, მიტრალური სარქველის მანკი და აორტის სტენოზი; - გულის იშემიური დაავადება; - არტერიული ჰიპერტენზია; - ღვიძლისა და თირკმლის მძიმე დაავადებები; - დახურულკუთხოვანი გლაუკომა; - სისხლდენა საშვილოსნოდან (პლაცენტის ნაადრევი აშრევება); - საშვილოსნოსშიდა ინფექციები; - ორსულობა (I ტრიმესტრი); - ლაქტაციის პერიოდი. | |
| დოზირება და მიღების წესი: | ინტრავენური ინექციებისა და ინფუზიებისთვის ამპულა დავიკავოთ ისე, რომ ფერადი მაჩვენებელი ზევით მოექცეს, ამპულის ზედა ნაწილიდან ჩამოვფერთხოთ წვეთები და მოვატეხოთ თავი. 1. მწვავე ტოკოლიზი - ინტრავენურად ნელა შეიყვანეთ 10მლ ნატრიუმის ქლორიდში ან გლუკოზაში გახსნილი 10 მკგ გინიპრალი 10-15 წთ-ის განმავლობაში. აუცილებლობის შემთხვევაში გააგრძელეთ პრეპარატის შეყვანა, 0.3 მკგ/წვ, ინტრავენური ინფუზიით (იხ. მასიური ტოკოლიზი). 2. მასიური ტოკოლიზი - თავდაპირველად ნელა შეიყვანეთ 10 მკგ გინიპრალი, ხოლო შემდგომ გააგრძელეთ შეყვანა ინტრავენური ინფუზიით 0.3 მკგ/წვ სიჩქარით. შეიძლება პრეპარატის 0.3 მკგ/წვ სიჩქარით შეყვანა წინასწარი ინტრავენური ინექციის გარეშე. ინტრავენურად წვეთოვანი შეყვანა (20წვ = 1მლ). საინფუზიო კონცენტრატი იხსნება 500მლ ნატრიუმის ქლორიდის იზოტონურ ხსნარში ან 5% გლუკოზის ხსნარში. დოზირების გამოთვლა: 0.3 მკგ/წთ-ში შეესაბამება: ამპულების რაოდენობა 1 (25 მკგ), ინტრავენური შეყვანის სიჩქარე 120 წვ/წთ-ში; ამპულების რაოდენობა 2 (50 მკგ), ინტრავენური შეყვანის სიჩქარე 60 წვ/წთ-ში; ამპულების რაოდენობა 3 (75 მკგ), ინტრავენური შეყვანის სიჩქარე 40 წვ/წთ-ში; ამპულების რაოდენობა 4 (100 მკგ), ინტრავენური შეყვანის სიჩქარე 30 წვ/წთ-ში; ავტომატურად დოზირებადი ინფუზომატების გამოყენებისას 75 მკგ (25 მკგ-იანი გინიპრალის საინფუზიო კონცენტრატის 3 ამპულა) 500მლ-მდე იხსნება ნატრიუმის ქლორიდის იზოტონურ ხსნარში ან 5% გლუკოზის ხსნარში. ინფუზიის სიჩქარე: 5 = 0.3 მკგ/წთ. სადღეღამისო დოზის 430 მკგ-ს გადაჭარბება ხდება მხოლოდ განსაკუთრებულ შემთხვევაში. 3. ხანგრძლივი ტოკოლიზი - რეკომენდებული დოზა – 0,075 მკგ/წთ. ავტომატურად დოზირებადი ინფუზომატების გამოყენებისას 75 მკგ (25 მკგ-იანი გინიპრალის საინფუზიო კონცენტრატის 3 ამპულა) იხსნება 500მლ ნატრიუმის ქლორიდის იზოტონურ ხსნარში ან 5% გლუკოზის ხსნარში. ინფუზიის სიჩქარე: 3 = 0.075 მკგ/წთ. შეყვანა ინფუზიის სახით (20 წვ = 1 მკ) საინფუზიო კონცენტრატი იხსნება 500მლ ნატრიუმის ქლორიდის იზოტონურ ხსნარში ან 5% გლუკოზის ხსნარში: 0,075 მკგ/წთ-ში დოზირების გამოთვლა შეესაბამება: ამპულების რაოდენობა 1 (25 მკგ), ინტრავენური შეყვანის სიჩქარე 30წვ/წთ-ში; ამპულების რაოდენობა 2 (50 მკგ), ინტრავენური შეყვანის სიჩქარე 15 წვ/წთ-ში; თუ 48 სთ-ში არ ხდება სამშობიარო შეტევების განახლება, მკურნალობის გაგრძელება შეიძლება 0,5მგ-იანი აბებით (იხ. გამოყენების შესაბამისი ინსტრუქცია). მითითებული დოზირების გამოყენება შეიძლება ორიენტირის სახით, ტოკოლიზის დროს მისი რეგულირება ინდივიდუალურად უნდა მოხდეს. | |
| გვერდითი მოვლენები: | გინიპრალის მიღებისას გვერდითი ეფექტებიდან შესაძლებელია განვითარდეს: თავის ტკივილი, ტრემორი, ოფლიანობა, ტაქიკარდია (ნაყოფის გულის შეკუმშვათა სიხშირე უმეტესად არ იცვლება ან იცვლება უმნიშვნელოდ), თავბრუსხვევა, უფრო იშვიათად – გულისრევა და ღებინება. ბრონქული ასთმითა და სულფატებისადმი ჰიპერმგრძნობიარე ავადმყოფებში შეიძლება გამოიწვიოს ალერგიული რეაქცია, რომლის შესაძლო სიმპტომებია: დიარეა, გაძნელებული სუნთქვა, ცნობიერების გაუარესება ან დაკარგვა, ბრონქოსპაზმი ან ანაფილაქსური შოკი. შესაძლებელია დედის გულისცემის უმნიშვნელო გახშირება. შესაძლოა არტერიული წნევის, განსაკუთრებით დიასტოლურის, დაქვეითება. იშვიათად აღინიშნება პარკუჭოვანი ექსტრასისტოლები და გულის მიდამოში ტკივილი. პრეპარატის მიღების შეწყვეტის შემდეგ ყველა ეს სიმპტომი სწრაფად ქრება. პრეპარატის გლიკოგენოლიზური მოქმედება ვლინდება შაქრის შემცველობის ზრდით სისხლში, შაქრიანი დიაბეტის შემთხვევაში ეს ფაქტი უფრო ძლიერად ვლინდება. დიურეზი მცირდება, განსაკუთრებით მკურნალობის დასაწყისში. მკურნალობის პირველ დღეებში სისხლის შრატში მცირდება კალიუმის რაოდენობა, ხოლო მკურნალობის შემდგომ პროცესში ხდება მისი ნორმალიზება. სისხლის შრატში შესაძლებელია ტრანსამინაზების კონცენტრაციის დროებითი ზრდა. შეიძლება განვითარდეს ნაწლავების პერისტალტიკის შეკავება. იშვიათ შემთხვევებში აღინიშნება ნაწლავების ატონია, ამიტომ ტოკოლიზური თერაპიის დროს აუცილებელია ყურადღება მიექცეს კუჭის მოქმედების რეგულარობას. ახალშობილებში – ჰიპოგლიკემია და აციდოზი, ბრონქოსპაზმი, ანაფილაქსიური შოკი. | |
| ჭარბი დოზირება: | გინიპრალის დოზის გადაჭარბება განისაზღვრება: დედის გულისცემის სიხშირის განსაკუთრებული ზრდით, ტრემორით, თავის ტკივილით, გულისცემის და ოფლიანობის წარმოშობით. როგორც წესი პრეპარატის დოზის შემცირება ყველა ამ მოვლენას ხსნის. პრეპარატის დოზის გადაჭარბების მძიმე სიმპტომების მოხსნა ხდება გინიპრალის ანტაგონისტებით – არასელექტიური ბეტა-ადრენოლიტიკური პრეპარატებით, რომლებიც გინიპრალის მოქმედების სრულ განეიტრალებას ახდენენ. | |
| განსაკუთრებული მითითებები: | გინიპრალის მიღებისას საჭიროა დედის პულსის, არტერიული წნევის და ნაყოფის გულისცემის გაკონტროლება. რეკომენდებულია ეკგ-ს რეგისტრირება მკურნალობამდე და მის პროცესში. პაციენტებს, რომელთაც აღენიშნებათ ჰიპერმგრძნობელობა სიმპათომიმეტიკებისადმი გინიპრალი ენიშნებათ მცირე დოზებით, ექიმის მუდმივი მეთვალყურეობის ქვეშ. დედის გულისცემის სიხშირის მნიშვნელოვანი მომატების შემთხვევაში (წთ-ში 130 დარტყმაზე მეტი) ან/და არტერიული წნევის გამოხატული დაწევისას საჭიროა დოზის შემცირება; სუნთქვის გაძნელებაზე, გულის არეში ტკივილის შეგრძნებასა და გულის უკმარისობის ნიშნებზე ჩივილის შემთხვევაში გინიპრალის მიღება მაშინვე უნდა შეწყდეს. შაქრიანი დიაბეტით დაავადებულ ორსულებში ყურადღება უნდა მიექცეს ნახშირწყლოვან ცვლას, რადგან გინიპრალის მიღების საწყის სტადიაში მოსალოდნელია სისხლში შაქრის დონის გაზრდა. თუ მშობიარობა უშუალოდ გინიპრალით მკურნალობას მოჰყვება, გასათვალისწინებელია ახალშობილებში ჰიპოგლიკემიისა და აციდოზის შესაძლო გამოვლენა, რადგან ამ დროს ხდება ნივთიერებათა ცვლის მჟავა პროდუქტების (რძის და კეტონის მჟავების) ტრანსპლაცენტარული შეღწევა. ცალკეულ შემთხვევებში გინიპრალის ინფუზიის დროს კორტიკოსტეროიდების ერთდროულმა მიღებამ შესაძლოა გამოიწვიოს ფილტვების შეშუპება. ამიტომ ინფუზიური თერაპიისას აუცილებელია პაციენტის ყოფნა მუდმივი მეთვალყურეობის ქვეშ. ეს განსაკუთრებით მნიშვნელოვანია თანმხლები დაავადებების მქონე პაციენტების კომბინირებული მკურნალობისას კორტიკოსტეროიდებით, რაც სითხის შეკავებას უწყობს ხელს (თირკმლის დაავადებები). ფილტვების შეშუპების შესაძლო განვითარების საშიშროება მოითხოვს, შესაძლებლობის მიხედვით, ინფუზიის მოცულობის შეზღუდვას. ამ დროს გამხსნელად უნდა გამოვიყენოთ ხსნარები, რომლებიც არ შეიცავენ ელექტროლიტებს. უნდა შეიზღუდოს საკვებთან ერთად მარილის მიღება. ტოკოლიზური თერაპიის წინ აუცილებელია კალიუმის პრეპარატების მიღება, რადგან ჰიპოკალემიის დროს ძლიერდება სიმპათომიმეტიკების მოქმედება მიოკარდიუმზე. ზოგიერთი ნარკოტიკული საშუალების (ჰალოტანი) და სიმპათომიმეტიკების ერთდროულმა მიღებამ შესაძლოა გამოიწვიოს გულის რითმის დარღვევა. ნარკოზისთვის ჰალოტანის გამოყენების შემთხვევაში უნდა შეწყდეს გინიპრალის მიღება. ტოკოლიტიკებით ხანგრძლივი მკურნალობისას აუცილებელია დავრწმუნდეთ, რომ პლაცენტა არ არის აშრევებული. ტოკოლიზური თერაპიის ფონზე შეიძლება წაიშალოს პლაცენტის ნაადრევი აშრევების ნიშნები. სანაყოფე ბუშტის დაზიანებისა და საშვილოსნოს ყელის 2-3 სმ-მდე გახსნის შემთხვევაში ტოკოლიზური თერაპია ნაკლებ ეფექტურია. ტოკოლიზური მკურნალობის დროს ბეტა-ადრენომიმეტიკების მიღებამ შეიძლება გააძლიეროს თანმხლები დისტროფიული მიოტონიის სიმპტომები. ამ შემთხვევაში რეკომენდებულია დიფენილჰიდანტოინის (ფენიტოინის) პრეპარატების ხმარება. | |
| გამოშვების ფორმა: | 5მლ (25 მკგ) ხსნარი მინის ამპულებში. 5 ამპულა მოთავსებულია დანაწევრებულ შეფუთვაში. შეფუთვა, ინსტრუქციასთან ერთად, მოთავსებული მუყაოს კოლოფში. | |
| შენახვის პირობები: | ინახება ბნელ ადგილას, ოთახის ტემპერატურაზე, არაუმეტეს 25C! ბავშვებისგან დაცულ ადგილას. | |
| ვარგისიანობის ვადა: | 3 წელი. შეფუთვაზე მითითებული თარიღის გასვლის შემდეგ გამოყენება არ შეიძლება. | |
| გაცემის წესი: | ექიმის რეცეპტით. |
Page generation time: 0. 051008188 sec.
