This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
მოიძებნა 1 შედეგი.

დასახელება:კარვილექსი
უნიფიცირებული
დასახელება:
კარვედილოლი Carvedilol
დოზა:12.5მგ
ფორმა:აბი
შეფუთვა1:-
რაოდენობა შეფუთვა1-ში:
შეფუთვა2:
რაოდენობა შეფუთვა2-ში:30
მწარმოებელი ქვეყანა:ბულგარეთი
კომპანია:აქტავის
მწარმოებელი:ბალკანფარმა-დუპნიცა
რეგისტრაციის ნომერი და
თარიღი:
გაცემის რეჟიმი:
ფარმაკოლოგიური
ჯგუფი/ქვეჯგუფი:
ჯგ.:ბეტა1, ბეტა2-ადრენომაბლოკირებელი საშუალება.
ქვ/ჯგ.:ალფა1- ადრენომაბლოკირებელი აქტივობით.
ა.თ.ქ. კლასიფიკაცია:
C07AG02	
C გულ-სისხლძარღვთა სისტემა
	
07 ბეტა- ადრენობლოკატორები
	
A ბეტა- ადრენობლოკატორები
	
G ალფა, ბეტა- ადრენობლოკატორები
ანოტაცია:
	
	
განსაკუთრებული მითითებები:ავტომობილების მართვაზე და სხვა მექანიზმებთან მუშაობის შესაძლებლობა: მკურნალობის დასაწყის ფაზაზე და კარვედილოლის დოზის შეცვლისას შესაძლებელია არტერიული წნევის მკვეთრი დაქვეითება, რასაც თან სდევს ზოგადი სისუსტე და თავბრუსხვევა. ამან შესაძლებელია გავლენა მოახდინოს მანქანის და სხვადასხვა ტექნიკის მართვაზე. კარვილექსის გამოყენება და საკვების და სითხის მიღება: არ არსებობს მონაცემები კვების განსაკუთრებული რეჟიმის ან მკურნალობის პერიოდში გარკვეული პრეპარატების ან სასმელების მიღების შეზღუდვის შესახებ. რეკომენდებულია კარვედილოლის მიღება ჭამის შემდეგ, ვინაიდან ეს ანელებს მის შეწოვას და ორთოსტატიული ეფექტის გამოვლენას. ცნობები დამატებითი ნივთიერებების შესახებ: პრეპარატი შეიცავს დამხმარე ნივთიერების სახით ლაქტოზას. ამიტომ არ შეიძლება მისი გამოყენება ლაქტაზის დეფიციტისას.
დოზირება და მიღების წესი:დაავადების სიმძიმის მიხედვით ექიმი ინდივიდუალურიად არჩევს მედიკამენტის დოზას. კარვილექსის აბები მიიღება პერორალურად, ჭამის შემდეგ, დაუღეჭავად და დიდი რაოდენობით წყალთან ერთად. მოზრდილთათვის რეკომენდირებული დოზები: • გულის ქრონიკული უკმარისობა: დოზას არჩევენ ინდივიდუალურად თითოეული პაციენტისათვის კონტროლის და მკურნალობის დასაწყისში დოზირების რეჟიმის ცვლილებით. პაციენტები, რომლებიც იღებენ სათითურას პრეპარატებს, აგფ-ს ინჰიბიტორებს ან დიურეტიკებს კარვედილოლით მკურნალობის დაწყებამდე საჭიროებენ ჩამოთვლილი პრეპარატების დოზების კორექციას. რეკომენებულია კარვედილოლის მიღებამდე მაქსიმალურად შეიზღუდოს სითხის შეკავება. რეკომენდირებული საწყისი დოზა შეადგენს 3,125მგ ორჯერ დღეში ორი კვირის განმავლობაში. კარგი ამტანობის შემთხვევაში დოზა იზრდება 6, 25, 12,5 ან 25მგ ორჯერ დღეში ორკვირიანი ინტერვალების დაცვით დოზის ზრდას შორის. კარგი ამტანობის არარსებობის შემთხვევაში პაციენტები განაგრძობენ შემანარჩუნებელი დოზის მიღებას. 85 კგ-მდე წონის მქონე პაციენტებში, რომელთაც აღენიშნებათ გულის მსუბუქი ან საშუალო უკმარისობა მაქსიმალური დოზა შეადგენს 25მგ ორჯერ დღეში, ხოლო 85 კგ-ზე მეტი წონის მქონე პაცინეტებში – 50მგ-ს. კარვედილოლის მიღება რეკომენებულია ჭამის შემდეგ, ვინაიდან პრეპარატის შეწოვა შენელდება და ამ გზით თავიდან ავიცილებთ ორთოსტატიული ჰიპოტენზიის განვითარებას. ვაზოდილატაციის სიმპტომები, ჩვეულებრივ, არ ითხოვენ მკურნალობას, თუმცა კარვედილოლის და აგფ-ს ინჰიბიტორების ერთდროული მიღებისას საჭიროა მათი სხვადასხვა დროს დანიშვნა. კარვედილოლის დოზის შემცირება საჭიროა ბრადიკარდიის გამოჩენისას (გულისცემის სიხშირე <55 დარტყმა წუთში). კარვედილოლის დოზის გაზრდა არ შეიძლება აღნიშნული სიმპტომების უკუგანვითარებამდე. დოზის ყოველი ზრდის შემთხვევაში პაციენტის მდგომარეობა აუცილებელია შეაფასოს მკურნალმა ექიმმა. გულის უკამრისობის ტრანზიტორული გამწვავების ან სითხის შეკავების შემთხვევაში საჭიროა გამოყენებული დიურეტიკების დოზის გაზრდა და გარკვეულ შემთხვევაში კარვედილოლის მიღების შეწყვეტა ან დოზის შემცირება. თუკი აუცილებელი გახდა მკურნალობის შეწყვეტა ორ კვირაზე ხანგრძლივი პერიოდით, პრეპარატის მიღების განახლება იწყება მინიმალური დოზით – 3, 125მგ ორჯერ დღეში, ხოლო დოზის ზრდა ხდება ზემოაღწერილი რეჟიმით. ვაზოდილატაციის და ჰიპოტონიის პირველი ნიშნების გამოჩენისას აუცილებელია ჯერ დიურეტიკების ან აგფ-ს ინჰიბიტორების დოზა შევამციროთ. დოზის შემდგომი ზრდა ხდება ვაზოდილატაციის და გულის უკამრისობის სიმპტომების უკუგანვითარების შემდეგ. • ესენციალური ჰიპერტონია: დოზას არჩევენ ინდივიდუალურად. კარვედილოლის რეკომენდირებული საწყისი დოზა შეადგენს 12,5მგ ერთხელ დღეში დილას ჭამის შემდეგ ან 6,25მგ ორჯერ დღეში. 7-14 დღის შემდეგ შესაძლებელია დოზის გაზრდა 25მგ-მდე ორჯერ დღეში. არასაკმარისი ეფექტისას და დოზის კარგი ამტანობისას შესაძლებელია დოზის გაზრდა 14 დღის შემდეგ მაქსიმალურამდე (ორჯერ 25მგ). • სტენოკარდია: რეომენდებული საწყისი დოზა შეადგენს 12,5მგ ორჯერ დღეში ჭამის შემდეგ. 7-14 დღის შემდეგ შესაძლებელია დოზის გაზრდა 25მგ-მდე ორჯერ დღეში. არასაკმარისი ეფექტისას და დოზის კარგი ამტანობისას შესაძლებელია დოზის გაზრდა 14 დღის შემდეგ მაქსიმალურამდე (ორჯერ 50მგ). ხანდაზმულ პაცინეტებში (70 წელს ზემოთ) დოზა არ უნდა აღემატებოდეს 25მგ-ს ორჯერ დღეში. ბავშვები პრეპარატის უსაფრთხოება და ეფექტურობა 18 წლამდე ასაკის ბავშვებში არაა დადგენილი. პაციენტთა განსაკუთრებული ჯგუფები ხანდაზმულ ასაკში რეკომენდირებული პრეპარატის შედარებით მცირე დოზებით საწყისი თერაპია; ჰიპერტონიის სამკურნალოდ – 6, 25მგ დღეში, ხოლო სტენოკარდიის სამკურნალოდ – 6,25მგ ორჯერ დღეში. თირკმლის უკამრისობის მქონე პაციენტებში პრეპარატის გამოყენებით გამოწვეული ცვლილებები არ დაფიქსირებულა. ამიტომ დოზის კორექცია ამ პათოლოგიის დროს არაა მოწოდებული. მკურნალობის ხანგრძლივობა კარვედილოლით მკურნალობა, ჩვეულებრივ, ხანგრძლივია. მისი მიღების შეწყვეტა არ უნდა მოხდეს სწრაფად, არამედ აუცილებელია დოზის ნელი შემცირებით რამდენიმე დღის განმავლობაში. ეს განსაკუთრებით მნიშვნელოვანია კორონარული უკამრისობის მქონე პაცინეტებში. პრეპარატის მიღების გამოტოვების შემთხვევაში, შემდეგი დოზის გააორმაგება არ შეიძლება.
ჭარბი დოზირება:ჭარბი დოზირების პირველი ნიშანია ჰიპოტონია (საერთო სისუსტესთან, თავბრუსხვევასთანნ და იშვიათად გულის წასვლასთან ერთად) და ბრადიკარდია (პულსის შენელება). ეს მოვლენები სწრაფად უკუგანვითარდება დოზის შემცირების ან პრეპარატის დროული მოხსნის შემდეგ. ჭარბი დოზირებისას შესაძლებელია აღინიშნოს დისპნოე, ბრონქოსპაზმი, გულისრევა, გულის უკმარისობა, კარდიოგენული შოკი, გულის გამტარებლობის მოშლა, გულის ბლოკადა და გულის გაჩერება, ცნობიერების დარღვევა კომის და გენერალიზირებული გულყრების განვითარებამდე. ჭარბი დოზირების შესახებ არსებული მონაცემებით აუცილებელია ღებინების გამოწვევა არააბსორბირებული პრეპარატის ნარჩენების მოცილების მიზნით, კუჭის ზონდის ჩადგმა და კუჭის ამორეცხვა. აუცილებელია სასიცოხლო ფუნქციების მონიტორინგი და კორექცია, აუცილებლობის შემთხვევაში პაციენტი უნდა მოთავსდეს ინტენსიური თერაპიის განყოფილებაში. ტარდება სიმპტომური მკურნალობა: - გამოხატული ბრადიკარდიისას – ატროპინი 0,5-2მგ ინტრავენურად; - გულ-სისხლძარღვთა ფუნქციის შესანარჩუნებლად: კატექოლამინების ინტრავენური შეყვანა (ადრენალინი, დოფამინი, დობუტამინი, ორციპრენალინი); - თერაპიის მიმართ რეზისტენტული ბრადიკარდიისას- გულის რითმის ხელოვნური მმართველი; - ბრონქოსპაზმისას შეყავთ ბეტა-ადრენომიმეტიკები (აეროზოლის სახით, ხოლო არაეფექტურობისას – ინტრავენურად); - გულყრებისას ინტრავენურად ნელა შეყავთ დიაზეპამი ან კლონაზეპამი. მკურნალობის ხანგრძლივობა დამოკიდებულია ინტოქსიკაციის ხარისხზე. ვინაიდან მძიმე სახის ინტოქსიკაციისას გახანგრძლივებულია კარვედილოლის ნახევრადგამოყოფის პერიოდი, შემანარჩუნებელი თერაპია საკმაოდ ხანგრძლივი დროის განმავლობაში მიმდინარეობს.
გვერდითი მოვლენები:კარვედილოლით გამოწვეული გვერდითი მოქმედება სუსტადაა გამოხატული. ზოგიერთი გვერდითი ეფექტის სიხშირე, როგორიცაა თავბრუსხვევა, ჰიპოტონია, ბრადიკარდია და მხედველობის მოშლა მიღებული პრეპარატის დოზის პირდაპირპროპორციულია. ისინი ვლინდება მკურნალობის დასაწყის სტადიაზე ან დოზის გაზრდისას, უპირატესად გულის ქრონიკული უკამრისობის მქონე პაციენტებში და როგორც წესი, მალევე ლაგდება. გულსისხლძარღვთა სისტემა: ზოგჯერ ბრადიკარდია, ორთოსტატიული ჰიპოტონია, გულის გამტარებლობის მოშლა, იშვიათად გულის წასვლა, პერიფერიული შეშუპება, იშვიათად პერიფერიული სისხლის მიმოქცევის მოშლა (კიდურების გაცივება), გარდამავალი კოჭლობის ან რეინოს სიმპტომების გაუარესება. სტენოკარდიის მქონე პაციენტების კლინიკური მდგომარეობის გაუარესება. გულის უკმარისობის მქონე პაციენტებში შესაძლებელია თავბრუსხვევის განვითარება, ხოლო იშვიათ შემთხვევაში II და III ხარისხის AV ბლოკადა ან გულის უკმარისობის გაუარესება – ძირითადად დოზის ზრდის პერიოდში. ცენტრალური ნერვულის სისტემა: თავბრუსხვევა, ზოგადი სისუსტე და თავის ტკივილი, რომლებიც მცირედ გამოხატულია და აღინიშნება მკურნალობის დასაწყისში. იშვიათად აღინიშნება გუნება-განწყობის დაქვეითება, ძილის დარღვევა. კარვედილოლის ყველაზე ხშირი გამოვლინება ორთოსტატიული ჰიპოტონიით გამოწვეული ან მის გარეშე არსებული თავბრუსხვევა. სასუნთქი სისტემა: ზოგჯერ დისპნოე და ბრონქოსპაზმი წინასწარგანწყობილ პაციენტებში, იშვიათად ცხვირის დახშვა. საჭმლის მომნელებელი სისტემა: პირის სიმშრალე, მადის დაქვეითება, გულისრევა, ტკივილის მუცლის არეში, ფაღარათი, ღებინება, იშვიათად ყაბზობა. არსებობს მონაცემები ღვიძლის გარდამავალი დისფუნქციის შესახებ. კანი: ალერგიული რეაქციები (1% ნაკლებ შემთხვევაში) - გამონაყარი, ჭინჭრის ციება, ქავილი. შესაძლებელია კანის ფსორიაზული ცვლილებები ან არსებული ფსორიეაზის გამწვავება. შარდ-სასქესო სისტემა: შარდვის დარღვევა, ლიბიდოს დაქვეითება. სისხლის უჯრედული შემადგენლობის ცვლილება: თრომბოციტოპენიის და ლეიკოპენიის იშვიათი შემთხვევები (თრომბოციტების და ლეიკოციტების რაოდენობის შემცირება). სენსორული ორგანოები: მხედველობის დარღვევა, ცრემლის სეკრეციის დარღვევა, თვალის ლორწოვნის გაღიზიანება. კუნთ-სახსროვანი სისტემა: იშვიათად კუნთების, სახსრების და ხერხემლის ტკივილი. მეტაბოლური ცვლილებები და ლაბორატორიული ანალიზის ცვლილებები: ბეტაბლოკატორული მოქმედების შედეგად შესაძლებელია გამოვლინდეს ლატენტური შაქრიანი დიაბეტი ან არსებულის გამწვავება. შესაძლებელია ჰიპოგლიკემიის კლინიკური სიმპტომების შენიღბვა (შაქრის რაოდენობის შემცირება სისხლში). შესაძლებელია ქოლესტერინის და ტრიგლიცერიდების რაოდენობის მატება სისხლში (1%). შესაძლებელია ღვიძლის ფუნქციების ცვლილებები.
გამოშვების ფორმა:6,25მგ აბები 10 ცალი ალუმინის ფირფიტაზე. 3 ფირფიტა ინსტრუქციასთან ერთად მუყაოს ყუთში. 12,5მგ აბები 10 ცალი ალუმინის ფირფიტაზე. 3 ფირფიტა ინსტრუქციასთან ერთად მუყაოს ყუთში. 25მგ აბები 10 ცალი ალუმინის ფირფიტაზე. 3 ფირფიტა ინსტრუქციასთან ერთად მუყაოს ყუთში.
შენახვის პირობები:არაუმეტეს 25ºC ტემპარატურაზე. შეინახეთ ბავშვებისაგან მოშორებულ ადგილას.
გაცემის წესი:რეცეპტით!
შემადგენლობა:კარვედილოლი 6.25მგ, კარვედილოლი 12.5მგ, კარვედილოლი 25მგ. დამხმარე ნივთიერებები: ლაქტოზის მონოჰიდრატი, მანიტოლი, პოვიდონი, ნატრიუმის გლიკოლატი, მაგნიუმის სტეარატი, ტალკი.
ფარმაკოლოგიური თვისება:კარვედილოლი მიეკუთვნება “ბეტა-ბლოკატორების” ჯგუფს, მაგრამ ამას გარდა გააჩნია ალფა-ადრენომაბლოკირებალი მოქმედება. β-ადრენორეცეპტორების სელექტიური ბლოკადის გზით იგი ამცირებს არტერიულ წნევას, გულისცემის სიხშირეს და გულის წუთმოცულობას*. α1- ადრენორეცეპტორების ბლოკადა იწვევს პერიფერიული სისხლძარღვების გაფართოებას და მათი წინააღმდეგობის ძალის დაქვეითებას. პრეპარატს არ გააჩნია საკუთრივ სიმპატომიმეტური აქტივობა. ზემოჩამოთვლილი ეფექტების შედეგად კარვედილოლი ამცირებს მიოკარდიის გადაძაბვას და მოქმედებს სტენოკარდიის სიმპტომებზე. გულის უკმარისობის მქონე პაციენტებში კარვედილოლი ამცირებს გულის ტუმბოს ფუნქციებს, ზრდის მარცხენა პარკუჭის წუთმოცულობას.
ჩვენება:კარვილექსი გამოიყენება: • მსუბუქი, საშუალო და მძიმე ფორმის (II-დან IV ხარისხი NYHA-ს მიხედვით) როგორც იშემიური, ასევე კარდიომიოპათიური გენეზის გულის უკამრისობის დროს დიურეტიკებთან, სათითურას პრეპარატებთან, აგფ-ს ინჰიბიტორებთან და სხვა სისხლძარღვთა გამაფართოებელ საშუალებებთან ერთად; • ესენციალური ჰიპერტონიისას (მომატებული არტერიული წნევისას) დამოუკიდებლად ან კომბინაციაში სხვა არტერიული წნევის დამწევ საშუალებებთან ერთად; • სტენოკარდიისას: ქრონიკული სტაბილური სტენოკარდიისას, მიოკარდიუმის უსიმპტომო იშემიისას, არასტაბილური სტენოკარდიისას და მარცხენა პარკუჭის იშემიური დისფუნქციისას.
უკუჩვენება:• კარვედოლოლის ან რომელიმე დამხმარე ნივთიერების მიმართ ალერგია; • ბრონქული ასთმა; • NYHA-ს მიხედვით გულის უკამრისობის IV ხარისხი დეკომპენსაციის სტადიაზე, რომელიც საჭიროებს ინტრავენური ინოტროპული საშუალებებით მკურნალობას (იმ მედიკამენტების შეყვანა, რომლებიც აუმჯობესებენ გულის ფუნქციას); • არტერიული წნევის ძლიერი დაქვეითება (სისტოლური წნევა 85 mmhHg ნაკლები); • კარდიოგენული შოკი; • გამოხატული ბრადიკარდია (გულის შეკუმშვის სიხშირის შემცირება 50 დარტყმამდე წუთში და უფრო ნაკლები) ; • გულის რითმის და გამტარებლობის დარღვევა (სინუსური კვანძის სისუსტის სინდრომი ან II და III ხარისხის წინაგულოვან-პარკუჭოვანი ბლოკადა); • მძიმე ფორმის ღვიძლის უკმრისობა.
სიფრთხილის ზომები:განსაკუთრებული სიფრთხილე და ექიმის კონტროლია საჭირო ქვემოთ აღწერილი შემთხვევების დროს. მკურნალობის დასაწყის სტადიაზე და დოზის გაზრდისას შესაძლებელია განვითარდეს ორთოსტატიული ჰიპოტენზია (ზოგადი სისუსტე და თავბრუხვევა ჰორიზინტალურ მდგომარეობაში გადასვლისას, ზოგჯერ თანხლებული გულის წასვლით). ორთოსტატიული ჰიპოტენზიის განვითარების რისკი მაღალია გულის უკმარისობის, ხანდაზმული ასაკის პაციენტებში, ასევე სხვა მედიკამენტების ერთდროული გამოყენებისას. ამის თავიდა აცილება შესაძლებელია საწყისი დოზის შემცირებით, შემანარჩუნებელი თერაპიის ფრთხილი კორექციით და მედიკამენტის მიღებით ჭამის შემდეგ. კორვედილოლი არაა რეკომენდებულია დაბალი არტერიული წნევის მქონე პაციენტებისათვის. ბრადიკარდიის განვითარებისას (გულისცემის სიხშირე ნაკლებია 55 დარტყმა/წუთში) ან/და ჰიპოტონიისას (სისტოლური არტერიული წნევა 90 mmHg-ზე ნაკლები) აუცილებელია მკურნალობის შეწყვეტა. კარვედილოლით მკურნალობის დაწყებამდე აუცილებელია გულის უკმარისობის სტაბილიზირება მედიკამენტებით. კარვედილოლი სიფრთხილით გამოიყენება შაქრიანი დიაბეტისას, ვინაიდან მისი მიღებით შესაძლებელია შეინიღბოს ან შეიცვალოს ჰიპოგლიკმიის სიმპტომები. გულის ქრონიკული უკამრისობის მქონე პაციენტებში და შაქრიანი დიაბეტის მქონე პაციენტებში კარვედილოლის მიღება აუარესებს შაქრის რაოდენობის კონტოროლს. ამიტომ ამ პაცინეტებში კარვედილოლით მკურნალობის დაწყებისას აუცილებელია სისხლში გლუკოზის რაოდენობის კონტროლი და და აუცილებლობისას გამოვიყენოთ ჰიპოგლიკემიური მედიკამენტების კორექცია. გულის ქრონიკული უკმარისობის მქონე და დაბალი არტერიული წნევის მქონე პაციენტებს (სისტოლური წნევა 100 mmHg ნაკლები), გულის იშემიური დაავადების, სისხლძარღვების დიფუზური ცვლილებების ან/და თირკმლის უკმარისობის მქონე პაციენტებში აღინიშნება თირკმლის ფუნქციის გაუარესება. ეს ითხოვს თირკმლის ფუნქციის კონტროლს და საჭიროებისას დოზის შემცირებას ან მკურნალობის შეწყვეტას. გულის ქრონიკული უკამრისობისას გამოყენებული დოზის გაზრდას შესაძლებელია ახლდეს მდგომარეობის გაუარესება და სითხის შეკავება. ასეთი სიმოტომებისას აუცილებელია დიურეტიკების დოზის გაზრდა, ხოლო კარვედოლოლის დოზა არ უნდა აღემატებოდეს დასაშვებს სანამ არ იქნება მიღწეული კლინიკური სტაბილიზაცია. შესაძლებელია აუცილებელია გახდეს დოზის შემცირება ან პრეპარატის მოხსნაც კი. ფილტვის ქრონიკული ობსტრუქციული დაავადების მქონე პაციენტებში კარვედილოლის მიღება უკუნაჩვენებია მისი ბრონქოსპაზმური მოქმედების გამო. დაავადების მსუბუქი ფორმისას კარვედილოლის ჩართვა მკურნალობაში გამართლებულია მხოლოდ იმ შემთხვევაში, თუკი მოსალოდნელი ეფექტი აჭარბებს პოტენციურ რისკს. მკურნალობა ტარდება მინიმალური ეფექტური დოზით და ბრონქული ობსრუქციის სიმპტომების გამოჩენისთანავე მკურნალობა წყდება. კონტაქტური ლინზების მქონე პაციენტები ინფორმირებული უნდა იქნენ ცრემლის სეკრეციის შესაძლო შემცირების შესახებ. არაა რეკომენდებული კარვედილოლის სწრაფი მოხსნა, განსაკუთრებით გულის იშემიური დაავადებების მქონე პაციენტებში. მოხსნა ხდება ნელ-ნელა (1-2 კვირის განმავლობაში), დოზის შემცირება ხდება მისი განახევრებით ყოველ მესამე დღეს. პერიფერიული სისხლძარღვების დაავადების მქონე პაციენტებში (რეინოს სინდრომი) კარვედილოლის გამოყენება რეკომენდებულია სიფრთხილით, ვინაიდან მისი ბეტაბლოკატორული ეფექტი აძლიერებს არტერიულ უკმარისობას. ისევე როგორც სხვა ბეტაბლოკატორებმა, კარვედოლოლმა შესაძლებელია შეამციროს თირეოტოქსიკოზის (ფარისებრის ჯირკვლის ფუნქციის გაზრდა) სიმპტომები. ზოგადი ნარკოზის აუცილებლობისას საჭიროა ისეთი სანარკოზო საშუალებების გამოყენება, რომელთაც არ გააჩნიათ უარყოფითი ინოტროპული ეფექტი გულის ფუნქციაზე კარვედოლოლთან სინერგიული მოქმედების გამო. აუცილებელია სიფრთხილით დაინიშნოს იმ შემთხვევაში, თუკი ანამნეზში აღინიშნებოდა აწეულიმგრძნობელობა ან პაციენტები გადიან დესენსიბილიზაციის კურსს, ვინაიდან ბეტაბლოკატორები აძლიერებენ ალერგენების მიმართმგრძნობელობას და ანაფილაქსური რეაქციის სიმძიმის ხარისხს. ანამნეზში ფსორეაზის მქონე პაციენტებში კარვედილოლი ინიშნება ეფექტურობის და რისკის გათვალისწინებით. ფეოქრომაციტომის მქონე პაციენტებში ნებისმიერი ბეტაბლოკატორის დანიშვნის წინ (მაგ. კარვედილოლი) აუცილებელია ალფაბლოკატორის დანიშვნაც. არასელექტიური ბეტაბლოკატორები ახდენენ გულის არეში ტკივილის პროვოცირებას პრინცმეტალის სტენოკარდიის მქონე პაციენტებში. მიუხედავად მისი ალფაბლოკატორული მოქმედებისა მისი დანიშვნა ამ შემთხვევაში მოითხოვს სიფრთხილეს.
ურთიერთქმედება სხვა მედიკამენტებთან:კარვედილოლის და სხვა მედიკამენტების ერთდროული გამოყენება იწვევს შემდეგ რეაქციებს. კარვედილოლმა შესაძლებელია გააძლიეროს სხვა ანტიჰიპერტენზიული პრეპარატების მოქმედება. კარვედილოლის და კალციუმის ანტაგონისტების, როგორიცაა დილთიაზემი და ვერაპამილი, ერთდროული გამოყენება შესაძლებელია თანხლებული იყოს ბრადიკარდიის განვითარებით (გულის შეკუმშვის სიხშირის შემცირება) და წინაგულოვან-პარკუჭოვანი ბლოკადით. კალციუმის ანტაგონისტებთან, როგორიცაა დიჰიდროპირიდინი ერთად მისი გამოყენება იწვევს წნევის უეცარ დაწევას. ინტრავენური IA და IC კლასის ანტიარითმიულ პრეპარატებთან ერთად მისი გამოყენება შესაძლებელია თანხლებული იყოს მიოკარდიუმის ფუნქციის მნიშვნელოვანი დათრგუნვით. ანტიარითმიული პრეპარატების პერორალური გამოყენება მოითხოვს ხშირ კლინიკურ დაკვირვებას და კონტროლს ელექტროკარდიოგრამის საშუალებით. კარვედილოლის და საგულე გლიკოზიდების ერთდროული გამოყენება შესაძლებელია გახდეს გამტარებლობის შეფერხების მიზეზი. კარვედილოლის და დიგოქსინის ერთდროული გამოყენება იწვევს პლაზმაში დიგოქსინის კონცენტრაციის გაზრდას. ცინეტიდინი ზრდის შრატში კარვედილოლის კონცენტრაციას, ხოლო რიფამპიცინი კი პირიქით – ამცირებს. კარვედილოლის და კლონიდინის ერთდროული გამოყენება ზრდის ჰიპოტონიის და ბრადიკარდიის განვითარების რისკს. ამ მედიკამენტების მოხსნის აუცილებლობის შემთხვევაში საჭიროა შეწყდეს ჯერ კარვედილოლის მიღება, ხოლო შემდეგ რამდენიმე დღეში - კლონიდინის მიღება. ზოგადი ანესთეზიისას აუცილებელი ყურადღება მიექცეს კარვედოლოლის და ზოგიერთი სანარკოზო საშუალების უარყოფითი ინოტროპული ეფექტის განვითარებას. კარვედოლოლმა შესაძლებელია გააძლიეროს ინსულინის და პერორალური ანტიდიაბეტური საშუალებების ეფექტი. ჰიპოგლიკემიის სიმპტომები შესაძლებელია იყოს შენიღბული ან შემცირებული. ეს მოითხოვს შაქრის რაოდენობის მუდმივ კონტროლს. კარვედოლოლის და ციკლოსპორინის ერთდროული გამოყენება იწვევს ციკლოსპორინის კონცენრაციის ზრდას სისხლში, რაც აუცილებელს ხდის პრეპარატის კონცენტრაციის კონტროლს და ციკლოსპორინის დოზის კორექციას.
ორსულობა და ლაქტაცია:ორსულობა: ბეტაბლოკატორები ამცირებენ პლაზმის პერფუზიას, რაც შესაძლებელია გახდეს ინტრაუტერინული ნაყოფის სიკვდილის და ნაადრევი მშობიარობის მიზეზი. ამას გარდა ნაყოფს შესაძლებელია განუვითარდეს ჰიპოტონია, ბრადიკარდია და ჰიპოგლიკემია. იზრდება ახალშობილებში გულის და ფილტვის მხრივ გართულებების რისკი. ამ მიზეზების გამო კარვედოლოლის დანიშვნა ორსულობისას შესაძლებელია მხოლოდ მაშინ, როდესაც მისი მიღებით მოსალოდნელი დადებითო ეფექტი აჭაებებს მისი გვერდით ეფექტებს. ლაქტაცია: კარვედოლოლი და მისი მეტაბოლიტები გადადის ლაქტატში, ამიტმომ ლაქტაციის პერიოდში მკურნალობა რეკომენდებული არ არის.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 050547712 sec.