This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
მოიძებნა 1 შედეგი.

დასახელება:კესტინი
უნიფიცირებული
დასახელება:
ებასტინი Ebastine
დოზა:20მგ
ფორმა:შემოგარსული აბი
შეფუთვა1:-
რაოდენობა შეფუთვა1-ში:
შეფუთვა2:
რაოდენობა შეფუთვა2-ში:10
მწარმოებელი ქვეყანა:ესპანეთი
კომპანია:ალმირალ პროდესფარმა
მწარმოებელი:ალმირალ პროდესფარმა
რეგისტრაციის ნომერი და
თარიღი:
#რ-036502 2022-09-27 - 2027-09-27
გაცემის რეჟიმი:III ჯგუფი, გაიცემა რეცეპტის გარეშე
ფარმაკოლოგიური
ჯგუფი/ქვეჯგუფი:
ჯგ.:ჰისტამინური H1-რეცეპტორების ბლოკატორები.
ქვ/ჯგ.:II თაობის.
ა.თ.ქ. კლასიფიკაცია:
R06AX22	
R სასუნთქი სისტემა
	
06 ანტიჰისტამინური პრეპარატები სისტემური გამოყენებისათვის
	
A ანტიჰისტამინური პრეპარატები სისტემური გამოყენებისათვის
	
X სხვა ანტიჰისტამინური პრეპარატები სისტემური გამოყენებისათვის
ანოტაცია:
	
	
ქიმიური დასახელება:1-4-(1,1- დიმეთილეთილ )ფენილი-4-4-(დიფენილმეტოქსი)-1-პიპერიდინილი-1-ბუტანონი.
შემადგენლობა:ებასტინი 20მგ. დამხმარე ნივთიერებები: მაგნიუმის სტეარატი 2,6მგ, მიკროკრისტალური ცელულოზა 40მგ, წინასწარ ჟელატირებული სიმინდის სახამებელი 10.4მგ, ლაქტოზის მონოჰიდრატი 177მგ, ნატრიუმის კროსკარმელოზა 10მგ, ჰიპრომელოზა 2.85მგ ტიტანის დიოქსიდი 0,95მგ, მაკროგოლი 6000 (პოლიეთილენგლიკოლი 6000) 0.95მგ.
აღწერილობა:მრგვალი ფორმის, აპკისებური გარსით დაფარული, თეთრი ან თითქმის თეთრი ფერის აბები. აბის ცალ მხარეს არის გრავირება ”E 20”.
ფარმაკოლოგიური თვისება:კესტინი ხანგრძლივი მოქმედების H1 ჰისტამინური რეცეპტორების ბლოკატორი. ჰისტამინით ინდუცირებული გლუვი მუსკულატურის სპაზმების და სისხლძარღვების აწეული შეღწევადობის პროფილაქტიკისთვის. პრეპარატის პერორარული მიღების შემდეგ გამოხატული ალერგიის საწინააღმდეგო მოქმედება იწყება 1 საათში და გრძელდება 48 საათის განმავლობაში. კესტინით მკურნალობის 5 დღიანი კურსის შემდეგ ანტიჰისტამინური აქტივობა ნარჩუნდება 72 საათის განმავლობაში აქტიური მეტაბოლიტების მოქმედების ხარჯზე. არ გააჩნია ანტიქოლინერგული აქტივობა, არ არის გამავალი ჰემატოენცეფალურ ბარიერში, არ იწვევს სედატიურ ეფექტს. 80მგ დოზის მიღებისას არ აგრძელებს QT ინტერვალს ეკგ-ზე.
ფარმაკოკინეტიკა:პერორარული მიღების შემდეგ სწრაფად შეიწოვება და თითქმის მთლიანად მეტაბოლიზდება ღვიძლში, გადაიქცევა რა აქტიურ მეტაბოლიტ კარებასტინად. 20მგ პრეპარატის ერთჯერადი მიღების შემდეგ კარებასტინის მაქსიმალური კონცენტრაცია პლაზმაში მიიღწევა 2,6-4 საათში და შეადგენს 80-100 ნგ/მლ-ს. ცხიმიანი საკვები აჩქარებს აბსორბციას (კონცენტრაცია სისხლში იზრდება 50%-ით). 20მგ პრეპარატის ყოველდღიური მიღებისას წონასწორული კონცენტრაცია მიიღწევა 3-5 დღეში და შეადგენს 130-160 ნგ/მლ-ს. ებასტინისა და კარებასტინის შეკავშირება პლაზმის ცილებთან 95%-ზე მეტია. კარებასტინის ნახევარგამოყოფის პერიოდი შეადგენს 15-დან 19 საათამდე, პრეპარატის 66% გამოიყოფა შარდთან ერთად კონიუგატების სახით. პრეპარატის დანიშვნისას საკვების მიღების დროს კარებასტინის კონცენტრაცია სისხლში იზრდება 1,6 – 2-ჯერ, თუმცა ეს არ ცვლის მისი მაქსიმალური კონცენტრაციის მიღწევის დროს და არ ახდენს მოქმედებას კესტინის კლინიკურ ეფექტებზე. ხანდაზმულ პაციენტებში ფარმაკოკინეტიკური მაჩვენებლები არსებითად არ იცვლება. თირკმლის უკმარისობისას ნახევარგამოყოფის პერიოდი იზრდება 23-26 საათამდე, ხოლო ღვიძლის უკმარისობისას – 27 საათამდე, თუმცა პრეპარატის კონცენტრაცია 20მგ/დღე-ღამეში დოზით მიღებისას არ აღემატება თერაპიულ მნიშვნელობას.
ჩვენება:- ალერგიული რინიტი სეზონური და/ან მთელი წლის განმავლობაში (გამოწვეული ყოფითი, ყვავილის მტვრის, ეპიდერმული, საკვების, მედიკამენტური და სხვა ალერგენებით); - ჭინჭრის ციება (შეიძლება გამოწვეული იყოს ყოფითი, ყვავილის მტვრის, ეპიდერმული, საკვების, მწერების, მედიკამენტური ალერგენებით, მზის, სიცივის და სხვა ზემოქმედებით).
უკუჩვენება:- მომატებულიმგრძნობელობა პრეპარატის მიმართ, ორსულობა, ლაქტაციის პერიოდი; - გარსით დაფარული 20მგ აბები არ არის გათვალისიწნებული 12 წლამდე ასაკის ბავშვებისთვის.
სიფრთხილის ზომები:სიფრთხილით ინიშნება თირკმლებისა და/ან ღვიძლის უკმარისობისას; პაციენტებთან გაზრდილი QT –ინტერვალით და ჰიპოკალიემიით.
ორსულობა და ლაქტაცია:ორსულებში კესტინის გამოყენების უსაფრთხოება გამოკვლეული არ არის, ამიტომ კესტინის მიღება ორსულებისთვის რეკომენდებული არ არის. ლაქტაციის პერიოდში არ არის რეკომენდებული კესტინის მიღება, ვინაიდან ებასტინის გამოყოფა დედის რძესთან ერთად შესწავლილი არ არის.
დოზირება და მიღების წესი:პერორალურად, საჭმლის მიღებისგან დამოუკიდებლად. 12-დან 15 წლამდე ასაკის ბავშვებში: 10მგ (1/2 აბი) დღე-ღამეში ერთხელ. მოზრდილებს და 15 წელს ზემოთ ბავშვებს ენიშნებათ 10-20მგ (1/2-1 აბი) პრეპარატი დღე-ღამეში ერთხელ. სადღეღამისო დოზა 20მგ ინიშნება ექიმის რეკომენდაციით. ღვიძლის ფუნქციის დარღვევისას სადღეღამისო დოზა არ უნდა აჭარბებდეს 10მგ.
გვერდითი მოვლენები:თავის ტკივილი, პირის ღრუს სიმშრალე. იშვიათად: დისპეფსია, გულისრევა, უძილობა, ძილიანობა, აბდომინალური ტკივილები, ასთენიური სინდრომი, სინუსიტი, რინიტი.
ჭარბი დოზირება:ებასტინის სპეციალური ანტიდოტი არ არსებობს. დოზის გადაჭარბების შემთხვევაში რეკომენდებულია კუჭის ამორეცხვა, ორგანიზმის სასიცოცხლო ფუნქციებზე დაკვირვება, სიმპტომური მკურნალობა.
ურთიერთქმედება სხვა მედიკამენტებთან:არ არის რეკომენდებული კესტინი დანიშვნა კეტოკონაზოლსა და ერითრომიცინთან ერთად ეკგ-ზე QT –ინტერვალის გაგრძელების რისკის გაზრდის გამო. კესტინი არ ურთიერთქმედებს თეოფილინთან, არაპირდაპირ ანტიკოაგულანტებთან, ციმეტიდინთან, დიაზეპამთან, ეთანოლთან და ეთანოლის შემცველ პრეპარატებთან.
განსაკუთრებული მითითებები:თერაპიულ დოზებში კესტინი არ ახდენს გავლენას სატრანსპორტო საშუალებების და მექანიზმების მართვის უნარზე. 6-დან 12 წმალდე ასაკის ბავშვებში უმჯობესია კესტინის 10მგ აბების (1/2 აბი დღე-ღამეში) გამოყენება.
გამოშვების ფორმა:10 აბი პოლივინილქლორიდის აპკისა და ალუმინის ფოლგისგან დამზადებულ ბლისტერში. 1 ბლისტერი გამოყენების ინსტრუქციასთან ერთად თავსდება მუყაოს კოლოფში.
შენახვის პირობები:არაუმეტეს 30ºC ტემპერატურაზე სინათლისგან დაცულ, ბავშვებისთვის მიუწვდომელ ადგილას.
ვარგისიანობის ვადა:3 წელი. ნუ გამოიყენებთ ვარგისიანობის ვადის გასვლის შემდეგ.
გაცემის წესი:რეცეპტის გარეშე.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 051398834 sec.