This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
მოიძებნა 1 შედეგი.

დასახელება:ბეკლაზონი ეკო მსუბუქი სუნთქვა
უნიფიცირებული
დასახელება:
ბეკლომეტაზონი Beclometasone
დოზა:100მკგ/დოზა
ფორმა:აეროზოლი
შეფუთვა1:200დოზა ფლაკონი
რაოდენობა შეფუთვა1-ში:
შეფუთვა2:
რაოდენობა შეფუთვა2-ში:1
მწარმოებელი ქვეყანა:ჩეხეთი
კომპანია:ტევა ჩეხ ინდასთრის
მწარმოებელი:ტევა ჩეხ ინდასთრის
რეგისტრაციის ნომერი და
თარიღი:
გაცემის რეჟიმი:
ფარმაკოლოგიური
ჯგუფი/ქვეჯგუფი:
ჯგ.:გლუკოკორტიკოიდები.
ქვ/ჯგ.:საინჰალაციო.
ა.თ.ქ. კლასიფიკაცია:
R03BA01	
R სასუნთქი სისტემა
	
03 პრეპარატები ბრონქული ასთმის მკურნალობისათვის
	
B სხვა პრეპარატები ინჰალაციური გამოყენებისათვის ბრონქული ასთმის მკურნალობისათვის
	
A გლუკოკორტიკოიდები
ანოტაცია:
	
	
აღწერილობა:სუსპენზია, რომელიც საათის მინაზე შესხურებისას წარმოქმნის თეთრი ფერის ლაქას.
გაცემის წესი:გაიცემა ექიმის რეცეპტით.
ფარმაკოდინამიკა:ბეკლამეთაზონის დიპროპიონატი მიეკუთვნება ლოკალურ გლუკოკორტიკოსტეროიდებს, რომლებიც გამოიყენებიან ბრონქული ასთმის ბაზისური მკურნალობისათვის. პრეპარატის ზემოქმედებით ბრონქების ლორწოვან გარსში კლებულობს პოხიერი უჯრედების რაოდენობა, მცირდება ეპითელიუმის შეშუპება, ლორწოს სეკრეცია ბრონქული ჯირკვლებით, ბრონქების ჰიპერაქტივობა და უმჯობესდება გარეგანი სუნთქვის ფუნქციის მაჩვენებლები. ამრიგად, ბეკლამეთაზონ დიპროპიონატი ხელს უშლის ბრონქული ასთმის შეტევის განვითარებას, ანტიალერგიული, ანთებისსაწინააღმდეგო და ანტიექსუდაციური მოქმედებების შედეგად. პრეპარატი არ ხასიათდება მინერალოკორტიკოიდული აქტივობით. პრეპარატი არ ხსნის ბრონქოსპაზმს, თერაპიული ეფექტი ვითარდება თანდათანობით, ჩვეულებრივ ბეკლამეთაზონის დიპროპიონატის გამოყენების 5-7 დღის შემდეგ. ამიტომ ძალზედ მნიშვნელოვანია პრეპარატის მიღება რეგულარულად, მაშინაც კი, თუ არ არის ბრონქული ასთმის სიმპტომები. ნუ შეწყვიტავთ პრეპარატის მიღებას ექიმის რეკომენდაციის გარეშე.
შემადგენლობა:ყოველი ინჰალატორი შეიცავს პრეპარატის 200 დოზას. პრეპარატ ბეკლაზონ ეკო ადვილი სუნთქვა-ს ყოველი დოზა შეიცავს აქტიური ნივთიერებას: ბეკლომეთაზონის დიპროპიონატი – 50 მკგ. ან 100მკგ, ან 250მკგ. დამხმარე ნივთიერებები: ეთანოლი, აირი-სასხურებელი HFA-134ა.
ფარმაკოკინეტიკა:ბეკლამეთაზონ დიპროპიონატის ფარმაკოკინეტიკა არ არის კარგად შესწავლილი. ბეკლამეთაზონ დიპროპიონატის რეკომენდებული დოზების ინჰალაციური მეთოდით შეყვანა არ ხასიათდება სისტემური აქტივობით. დოზის 10-20% ხვდება ფილტვებში, სადაც ხდება ბეკლამეთაზონ დიპროპიონატის ჰიდროლიზი მის აქტიურ მეტაბოლიტად - ბეკლამეთაზონ მონოპროპიონატი. პრეპარატის დიდი ნაწილი, ინაქტივირდება ღვიძლში პირველადი გასვლის დროს. პლაზმის ცილებთან შეკავშირება შეადგენს სისტემურ სისხლისმიმოქცევაში არსებული აქტიური ნივთიერების 87%-ს. პრეპარატის ძირითადი ნაწილი (35-76%) გამოიყოფა 96 საათის განმავლობაში განავალთან ერთად, უპირატესად პოლარული მეტაბოლიტების სახით.
ჩვენება:- გამწვავებული ბრონქული ასთმის პროფილაქტიკა და მისი მკურნალობა ბრონქოდილატატორებით სიმპტომების მოხსნის შეუძლებლობის შემთხვევაში; - მძიმე მიმდინარეობის ჰორმონდამოკიდებული ბრონქული ასთმა.
დოზირება და მიღების წესი:ბეკლამეთაზონ დიპროპიონატის საწყისი დოზა შეირჩვეა დაავადების სიმძიმის გათვალისწინებით. შემდეგ, პაციენტის საპასუხო რეაქციის მიხედვით, პრეპარატის დოზა შეიძლება გაიზარდოს კლინიკური ეფექტის მიღწევამდე ან შემცირდეს მინიმალურ ეფექტურ დოზამდე. მოზრდილები (ხანდაზმული პაციენტების ჩათვლით) და 12 წელს გადაცილებული ბავშვები პრეპარატის რეკომენდებული საწყისი დოზები: • მსუბუქი სიმძიმის ბრონქული ასთმა – 200მკგ 2ჯერ დღეში; • საშუალო სიმძიმის ბრონქული ასთმა – 600-800 მკგ/დღეში, დღიური დოზა იყოფა 2,3 ან მიღებად; • მძიმე ხარისხის ბრონქული ასთმა – 1000 მკგ/დღეში, დღიური დოზა იყოფა 2,3 ან 4 მიღებად. პრეპარატის მაქსიმალური დღიური დოზა მოზრდილებში არ უნდა აღემატებოდეს 1 მგ-ს. 4-დან 12 წლამდე ასაკის ბავშვები ჩვეულებრივ საწყისი დოზა შეადგენს 50-100 მკგ-ს 2ჯერ დღეში. საჭიროების შემთხვევაში დოზა შეიძლება გაიზარდოს 400 მკგ-მდე დღეში. დღიური დოზა იყოფა 2, 3 ან 4 მიღებად. პრეპარატის მაქსიმალური დღიური დოზა ბავშვებში არ უნდა აღემატებოდეს 500 მკგ-ს. ბეკლაზონ ეკო ადვილი სუნთქვა-ის ინჰალატორის ყოველი გამოყენების შემდეგ რეკომენდებული პირის გამორეცხვა წყლით.
გვერდითი მოვლენები:ინჰალატორი ბეკლაზონ ეკო ადვილი სუნთქვა რეკომენდებლ დოზებში სისტემური გლუკოკორტიკოსტეროიდებისათვის დამახასიათებელ გვერდით მოვლენებს არ იწვევს. ინჰალაციის სახით გამოყენების დროს ზოგიერთ შემთხვევაში შესაძლებელია ხმის ჩახლეჩვა, ყელში გაღიზიანების ან ღიტინის შეგრძნების არსებობა. ამ მოვლენების თავიდან ასაცილებლად ყოველი ინჰალაციის შემდეგ საჭიროა პირის გამორეცხვა. იშვიათად ვითარდება ხველა და ცემინება. ძალიან იშვიათად ვითარდება პარადოქსული ბრონქოსპაზმი, რომელიდ ადვილად მოიხსნება ბრონქოდილატატორებით. ასეთ შემთხვევაში აუცილებელია დაუყოვნებლივ შევწვიტოთ ბეკლაზონ ეკო ადვილი სუნთქვა–ს მიღება და მივმართოთ ექიმს. უნდა გამოვიყენოთ სხვა მკურნალობა. ბეკლამეტაზონ დიპროპიონატის ხანგრძლივი, და ასევე დღეში 400 მკგ-ზე უფრო დიდი დოზების გამოყენებისას, შეიძლება განვითარდეს პირის ღრუსა და ზედა სასუნთქი გზების კანდიდოზი, რომელიც განიკურნება სოკოსსაწინააღმდეგო ადგილობრივი მკურნალობით, ბეკლაზონ ეკო ადვილი სუნთქვა-ს მიღების შეწყვეტის გარეშე. ასეთი ავადმყოფებისათვის, ასევე, შეიძლება სასარგებლო იყოს ინჰალატორის ყოველი გამოყენების შემდეგ პირის გამორეცხვა წყლით. ბეკლამეთაზონ დიპროპიონატის დღეში 1500 მკგ-ზე უფრო დიდი დოზების ხანგრძლივი გამოყენებისას შეიძლება განვითარდეს თირკმელზედა ჯირკვლის ფარული უკმარისობა, კორტიკოსტეროიდების ტაბლეტის ფორმებიდან ინჰალაცირ ფორმაზე გადასვლისას შესაძლებელია კანზე ალერგიული გამონაყარის განვითარება.
უკუჩვენება:- ჰიპერმგრძნობელობა პრეპარატის ნებისმიერი კომპონენტის მიმართ; - ბრონქული ასთმის მძიმე შეტევები, რომლებიც საჭიროებენ ინტენსიურ თერაპიას; - ტუბერკულოზი; - 4 წლამდე ასაკის ბავშვები; - ორსულობის I ტრიმესტრი.
განსაკუთრებული მითითებები:საჭიროა ავადმყოფს გავაცნოთ პრეპარატის სწორი გამოყენება, რათა ვუზრუნველყოთ ფილტვების საჭირო უბნებში წამლის მოხვედრა. ბეკლაზონ ეკო ადვილი სუნთქვა არ არის განკუთვნილი მწვავე ასთმური შეტევების მოხსნისათვის. ავადმყოფმა უნდა იცოდეს პრეპარატის პროფილაქტიკური თვისების შესახებ და ასევე ის, რომ ოპტიმალური შედეგის მისაღწევად საჭიროა ინჰალატორის რეგულარული გამოყენება, ასთმის სიმპტომების არ არსებობისასაც კი. სიფრთხილეა საჭიროა ბეკლაზონ ეკო ადვილი სუნთქვა-ს დანიშვნისას ავადმყოფებში თირკმელზედა ჯირკვლის უკმარისობით. უფროსებში პრეპარატის მაქსიმალური დღიური დოზა არ უნდა აღემატებოდეს 1 მგ-ს. ამ დოზის ორჯერ გადაჭარბების დროს აღინიშნებოდა სისხლის პლაზმაში კორტიზოლის კონცენტრაციების საგრძნობი დაქვეითება. ავადმყოფების უმეტესობაში დღეში პრეპარატის 1500 მკგ-მდე მიღებული დოზა არ იწვევს თირკმელზედა ჯირკვლის ფუნქციის საგრძნობ დათრგუნვას. ზოგიერთ პაციენტში, რომელიც ღებულობს ბეკლამეტაზონ დიპროპიონატს დღიური დოზით 2000 მკგ, შეიძლება აღინიშნებოდეს თირკმელზედა ჯირკვლის ფუნქციის დათრგუნვა, თუმცა თირკმელზედა ჯირკვლის ფუნქციის მოკლევადიანი რეზერვი არ იცვლება. ავადმყოფები, რომლებშიც ბრონქოდილატატორები არასაკმარისად ეფექტურია: ავადმყოფებში, პრეპარატ ბეკლაზონ ეკო ადვილი სუნთქვა-ს რეგულარული გამოყენებისას სუნთქვა უმჯობესდება მკურნალობის ერთი კვირის შემდეგ. იმ ავადმყოფებში, რომლებშიც ამ დროის განმავლობაში სუნთქვის გაუმჯობესება არ შეინიშნება, ბრონქებში ხშირად არის ლორწოს გარკვეული რაოდენობა, რომელიც ხელს უშლის წამლის მოხვედრას ფილტვების საჭირო უბნებში. ასეთ შემთვევებში, საჭიროა სტეროიდების შედარებით მაღალი სისტემური დოზებით ხანმოკლე კურსის ჩატარება ლორწოს სეკრეციისა და ფილტვებში სხვა ანთებითი ცვლილებების მოსაცილებლად. ინჰალატორ ბეკლაზონ ეკო ადვილი სუნთქვა-თი მკურნალობის გაგრძელება ინარჩუნებს მდგომარეობის მიღწეულ გაუმჯობესებას, და სისტემური სტეროიდები თანდათანობით უნდა მოიხსნას. ავადმყოფები, რომლებიც რეგულარულად ღებულობენ პერორალურ სტეროიდებს: თუ ავადმყოფები რეგულარულად ღებულობენ პერორალურ სტეროიდებს, მათი გადასვლა ინჰალატორ ბეკლაზონ ეკო ადვილი სუნთქვა-თი მკურნალობაზე, და ასევე შემდგომი მკურნალობა, უნდა ჩატარდეს დიდი სიფრთხილით, ვინაიდან თირკმელზედა ჯირკვლის ქერქის ფუნქციის დარღვევა, რომელიც სტეროიდების ხანგრძლივი გამოყენებით არის გამოწვეული ნელ აღდგენას განიცდის. ინჰალატორ ბეკლაზონ ეკო ადვილი სუნთქვა-ს დანიშვნამდე ავადმყოფი უნდა იმყოფებოდეს შედარებით სტაბილურ მდგომარეობაში. თავდაპირველად პრეპარატი უნდა მივიღოთ სტეროიდების ჩვეულებრივ შემანარჩუნებელი სისტემური დოზების დამატების სახით. დაახლოებით ერთი კვირის შემდეგ სტეროიდების დღე-ღამური დოზა თანდათან მცირდება – 1 მგ-ით კვირაში (პრედნიზოლონზე გაანგარიშებით). ავადმყოფებში, რომლებიც ხანგრძლივად და სისტემურად ღებულობდნენ სტეროიდებს ან იღებდნენ სტეროიდების მაღალ დოზებს, თირკმელზედა ჯირკვლის ქერქის ფუნქცია შეიძლება დაქვეითებული იყოს. ასეთ ავადმყოფებში საჭიროა თირკმელზედა ჯირკვლის ქერქის ფუნქციის კონტროლი, ხოლო სტეროიდების სისტემური დოზის შემცირება ფრთხილად უნდა გახორციელდეს. სუნთქვის ფუნქციის სტაბილურად შენარჩუნების ან მისი გაუმჯობესების მიუხედავად სტეროიდების მოხსნისას ზოგიერთი ავადმყოფი საერთო სისუსტეს უჩივის. ასეთ ავადმყოფებს ხელი უნდა შეუწყოთ, რათა გააგრძელონ ინჰალატორ ბეკლაზონ ეკო ადვილი სუნთქვა-ს მიღება და ასევე გააგრძელონ სტეროიდების მოხსნა, იმ შემთხვევაში თუ არ აღინიშნება თირკმელზედა ჯირკვლის ფუნქციის უკმარისობის ობიექტური სიმპტომები. ავადმყოფების უმრავლესობა შეიძლება გადავიყვანოთ ინჰალატორ ბეკლაზონ ეკო ადვილი სუნთქვა-თი კურნალობაზე სუნთქვის კარგი ფუნქციის შენარჩუნებით, თუმცა ახალ პრეპარატზე გადასვლის პირველ თვეებში საჭიროა ავადმყოფის მდგომარეობის კონტროლი, მანამ სანამ მისი ჰიპოფიზარულ-თირკმელზედა ჯირკვლის ფუნქცია საკმარისად არ აღდგება, რათა საგანგებო სიტუაციებში ადექვატური რეაქცია უზრუნველჰყოს, მაგალითად, ტრავმა, ქირურგიული ჩარევა ან ინფექცია. ავადმყოფებს, რომლებიც ახალი პრეპარატით მკურნალობაზე გადაიყვანეს და რომელთაც თირკმელზედა ჯირკვლის დარღვეული ფუნქცია აქვთ, თან უნდა ჰქონდეთ გამაფრთხილებელი ბარათი, რომელშიც მითითებული იქნება, რომ სტრესულ სიტუაციებში, მაგალითად ქირურგიული ჩარევის, სუნთქვის ორგანოების ინფექციების ან ასთმის გამწვავების დროს, ასეთი პაციენტები საჭიროებენ სტეროიდების დამატებით სისტემურ გამოყენებას. სტრესული სიტუაციის აღმოფხვრის შემდეგ სტეროიდების დოზა შეიძლება ისევ შემცირდეს. ასეთ ავადმყოფებს უნდა ჰქონდეთ სტეროიდების მარაგი ექსტრემალური სიტუაციის შემთვევისათვის, მაგალითად სუნთქვის ორგანოების ინფექციით გამოწვეული ასთმის გამწვავების შემთხვევისათვის. ასეთ შემთხვევებში ბეკლამეტაზონის დოზა უნდა გაიზარდოს, ხოლო სისტემური გამოყენების სტეროიდების დოზების მოხსნის შემდეგ, ისევ უნდა შემცირდეს შემანარჩუნებელ დონემდე. ზოგჯერ სტეროიდებით სისტემური მკურნალობიდან ინჰალატორ ბეკლაზონ ეკო ადვილი სუნთქვა-ზე გადასვლა იწვევს ადრე დათრგუნული ალერგიების, მაგალითად ალერგიული რინიტისა და ეგზემის განვითარებას. ალერგიის ამ ფორმებს უნდა ვუმკურნალოთ სიმპტომატურად ანტიჰისტამინური ან სხვა ადგილობრივი გამოყენების პრეპარატებით. ორსულობისა და ძუძუთი კვების დროს ბეკლაზონ ეკო ადვილი სუნთქვა-ს გამოყენება საჭიროებს დიდ სიფრთხილეს. პრეპარატის დანიშვნის შესახებ საკითხი ექიმმა უნდა გადაწყვიტოს. ორსულებში და მეძუძურ დედებში ინჰალატორი ბეკლაზონ ეკო ადვილი სუნთქვა უნდა გამოვიყენოთ მხოლოდ იმ შემთხვევაში, თუ მისი სარგებელი აღემატება პოტენციურ საშიშროებას. ორსულეში პრეპარატის უსაფრთხოების შესახებ მონაცემები არასაკმარისია. ბეკლამეთაზონ დიპროპიონატის დედის რძეში გამოყოფის შესახებ მონაცემები არ არსებობს. პრეპარატი ბეკლაზონ ეკო ადვილი სუნთქვა, რომელიც ერთ დოზაში 50 მკგ ბეკლამეტაზონ დიპროპიონატს შეიცავს, მნიშვნელოვან როლს თამაშობს ბავშვებში მძიმე ფორმის ბრონქული ასთმის მკურნალობაში, ვინაიდან ხელს უწყობს კარგი კონტროლის უზრუნველჰყოფას და არ იწვევს ბავშვის ზრდის შეფერხებას. ბეკლაზონ ეკო ადვილი სუნთქვა, ერთ დოზაში 250 მკგ ბეკლამეთაზონ დიპროპიონატს შეიცავს, არ გამოიყენება პედიატრიაში. სუნთქვის ორგანოების ინფექციურ-ანთებითი დაავადებები არ ითვლება ბეკლამეთაზონ დიპროპიონატით მკურნალობის სპეციფიკურ უკუჩვენებად.
ჭარბი დოზირება:ბეკლამეთაზონ დიპროპიონატის მაღალი დოზების (1 მგ-ზე მეტი) ერთჯერადი ინჰალაციის დროს შესაძლებელია ჰიპოთალამო-ჰიპოზარულ-თირკმელზედა ჯირკვლის სისტემის ფუნქციის დათრგუნვა. საგანგებო ღონისძიებების ჩატარება ასეთ შემთხვევაში აუცილებელი არ არის, და პრეპარატით მკურნალობა უნდა გაგრძელდეს. ჰიპოთალამო-ჰიპოზარულ-თირკმელზედა ჯირკვლის სისტემის ფუნქცია აღდგება 1-2 დღეში.
ურთიერთქმედება სხვა მედიკამენტებთან:საჭიროების შემთხვევაში შესაძლებელია ბეკლამეთაზონ დიპროპიონატის გამოყენება კომბინაციაში ბრონქოდილატატორებთან, ნატრიუმის კრომოგლიკატთან და ანტიბიოტიკებთან. ბეკლამეთაზონ დიპროპიონატი აღადგენს ავადმყოფის რეაქციას ბრონქოდილატატორებზე და ამცირებს მათი გამოყენების სიხშირეს.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 050786433 sec.