This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
მოიძებნა 1 შედეგი.

დასახელება:ვესტიბო
უნიფიცირებული
დასახელება:
ბეტაჰისტინი Betahistine
დოზა:8მგ
ფორმა:აბი
შეფუთვა1:-
რაოდენობა შეფუთვა1-ში:
შეფუთვა2:
რაოდენობა შეფუთვა2-ში:30
მწარმოებელი ქვეყანა:ბულგარეთი
კომპანია:აქტავის
მწარმოებელი:ბალკანფარმა-დუპნიცა
რეგისტრაციის ნომერი და
თარიღი:
გაცემის რეჟიმი:
ფარმაკოლოგიური
ჯგუფი/ქვეჯგუფი:
ჯგ.:ვესტიბულარული აპარატის პათოლოგიის დროს გამოსაყენებელი საშუალებები.
ქვ/ჯგ.:ჰისტამინის სინთეტური ანალოგები.
ა.თ.ქ. კლასიფიკაცია:
N07CA01	
N ნერვული სისტემა
	
07 სხვა პრეპარატები ნერვული სისტემის დაავადებების მკურნალობისათვის
	
C თავბრუსხვევის საწინააღმდეგო პრეპარატები
	
A თავბრუსხვევის საწინააღმდეგო პრეპარატები
ანოტაცია:
	
	
სიფრთხილის ზომები:პრეპარატი ინიშნება სიფრთხილით: - წყლულოვანი დაავადებების მქონე პაციენტებში, დისპეპსიის განვითარების რისკის გამო (გულძმარვა, წვის შეგრძნება, პირღებინება, კუჭის დისკომფორტი) მკურნალობის დროს; - ბრონქული ასთმით, ჭინჭრის ციებით, გამონაყარით და ალერგიული რინიტით დაავადებულ პაციენტებში (არსებობს მომატებული რისკი ალერგიული დაავადებების მქონე პაციენტებისათვის, მკურნალობის დროს ალერგიული სიმპტომების დამძიმების შესაძლებლობის გამო); - ჰისტამინური (კლასტერული) თავის ტკივილით და შაკიკით დაავადებულ პაციენტებში, ბეტაჰისტინით მკურნალობისას შეტევების პროვოცირების საშიშროების გამო; - პაციენტებისათვის, რომლებიც ღებულობენ ანტიჰისტამინურ პრეპარატებს (ალერგიის სამკურნალო საშუალებები). ფეოქრომიციტომით დაავადებულმა ავადმყოფებმა პრეპარატი უნდა მიიღონ მხოლოდ ექიმის კონტროლის ქვეშ, რადგან ბეტაჰისტინ შეუძლია გამოიწვიოს კატექოლამინების გამოყოფა სიმსივნიდან, რის შედეგადაც შესაძლოა განვითარდეს მძიმე ჰიპერტონიული კრიზი (არტერიული წნევის ძლიერი მომატება).
ვარგისიანობის ვადა:3 (სამი) წელი დამზადების დღიდან. არ მიიღოთ შეფუთვაზე მითითებული შენახვის ვადის ამოწურვის შემდეგ.
გაცემის წესი:რეცეპტით.
შემადგენლობა:ბეტაჰისტინის დიჰიდროქლორიდი 8მგ ან 16მგ. დამხმარე ნივთიერებები: პოვიდონი, მიკროკრისტალური ცელულოზა, ლაქტოზის მონოჰიდრატი, სილიციუმის უწყლო კოლოიდური ორჟანგი, კროსპოვიდონი, სტეარინის მჟავა.
ფარმაკოლოგიური თვისება:ვესტიბოს ეფექტი გამოვლინდება სპეციალურ რეცეპტორებზე (H1 და H3 ჰისტამინური რეცეპტორები) ზემოქმედების შედეგად, რომლებიც განლაგებულია შუა ყურის არეში და ტვინის ზოგიერთ ზონებში. იგი აუმჯობესებს მიკროცირკულაციას და კაპილარების განვლადობას, ნორმაში მოჰყავს ენდოლიმფის წნევა წონასწორობის ორგანოში. პრეპარატი არ ახდენს უარყოფით ზემოქმედებას გულის მუშაობაზე, ზოგიერთ შემთხვევაში შესაძლოა გამოიწვიოს არტერიული წნევის მცირეოდენი შემცირება. ამ ეფექტების კლინიკურ გამოვლინებას წარმოადგენს თავბრუსხვევის სიხშირისა და ინტენსივობის შემცირება, ყურებში ხმაურის შემცირება, სმენის მომატება მისი დაქვეითების შემთხვევაში.
ჩვენება:ვესტიბო ინიშნება მენიერის დაავადების სამკურნალოდ, რომლისთვისაც დამახასიათებელია : • თავბრუსხვევა (გულისრევის შეგრძნებით ან/და პირღებინებით); • სმენის დაკარგვა (სნენის დარღვევა); • თინითუსი (შუილი ყურებში). ვესტიბულარული თავბრუსხვევის სიმპტომური მკურნალობისათვის (თავბრუსხვევა რომელიც გამოწვეულია წონასწორობის ორგანოს დაავადების შედეგად).
დოზირება და მიღების წესი:პრეპარატის დოზა შეირჩევა ინდივიდუალურად, პაციენტის მკურნალობის მიმართ რეაქციის შესაბამისად. პრეპარატს ღებულობენ საკვების მიღებისას. ჩივილებიდან გამომდინარე, ექიმი განსაზღვრავს თქვენი დაავადებისათვის სამკურნალო აუცილებელ დოზას. მოზრდილებისათვის რეკომენდებული დოზები: სადღეღამისო დოზა შეადგენს 24-48მგ-ს, რომელიც დაყოფილია ორი ან სამჯერადი მიღებისათვის. აბებს ღებულობენ საკვების მიღებისას. ბავშვებისათვის: ამ პრეპარატს არ უნიშნავენ ბავშვებსა და მოზარდებს 18 წლამდე. ამ ჯგუფებში პრეპარატის ეფექტურობა და უსაფრთხოება არ არის დამტკიცებული. ზოგიერთ პაციენტში გაუმჯობესება შესაძლოა დადგეს 14-დღიანი მკურნალობის კურსის შემდეგ. თუ თქვენ გამოგრჩათ პრეპარატის მიღება, მიიღეთ იგი შემდეგი რეგულარული მიღების დროს.
გვერდითი მოვლენები:პრეპარატით მკურნალობისას შესაძლოა შემდეგი გვერდითი რეაქციები: ცენტრალური ნერვული სისტემის მხრივან - ძილიანობა, სისუსტე, თავის ტკივილი; კანის მხრივ – გამონაყარი, ქავილი; საჭმლის მომნელებელი სისტემის მხრივ – დიარეა, რომელიც შესაძლოა თავიდან ავიცილოთ პრეპარატის საკვებთან ერთად მიღებით.
უკუჩვენება:მომატებული მგრძნობელობა ბეტაჰისტინის დიჰიდროქლორიდის ან ნებისმიერი დამხმარე ნივთიერებების მიმართ.
ორსულობა და ლაქტაცია:ორსულობა: ცხოველებზე დაკვირვების მონაცემებით, ნაყოფზე საზიანო ეფექტი არ დასტურდება. ბეტაჰისტატინის უსაფრთხოება ორსულობისას ადამიანებში არ არის დამტკიცებული და ამიტომ მისი დანიშვნა ორსულთათვის არ არის რეკომენდირებული. ლაქტაციის პერიოდი: გამოიყოფა დედის რძესთან ერთად, აღწევს პლაზმაში კონცენტრაციის მსგავს მაჩვენებელს. არ არის მონაცემები ჩვილ ბავშვებში უარყოფითი ზემოქმედების შესახებ. ბავშვის დიდის რძით კვებისას სასურველია თავი შეიკავოთ პრეპარატის მიღებისაგან.
განსაკუთრებული მითითებები:ზემოქმედება სატრანსპორტო საშუალებების მართვისას და ტექნიკასთან მუშაობისას: ბეტაჰისტინი, როგორც წესი არ ახდენს ზეგავლენას სიფხიზლეზე და ყურადღების კონცენტრაციის უნარზე, მაგრამ იშვიათად პრეპარატით მკურნალობისას შესაძლოა წარმოიქმნას ძილიანობა. ამის შედეგად შესაძლოა ავტომობილის მართვისა და ტექნიკასთან მუშაობის უნარის დროებითი დარღვევა.
ჭარბი დოზირება:ჭარბი დოზირების სიმპტომები მოიცავს გულისრევას, პირღებინებას, დისპეპსიას, ატაქსიას და კრუნჩხვებს. ჭარბი დოზირებისას აუცილებელია კუჭის ამორეცხვა პირღებინების პროვოცირებით, ამორეცხვა კუჭის ზონდის გამოყენებით, აგრეთვე ჭარბი დოზირების დროს შესაბამისი სამკურნალო პრეპარატების მიღება.
ურთიერთქმედება სხვა მედიკამენტებთან:პრეპარატი ვესტიბო არ ინიშნება ანტიჰისტამინურ სამკურნალო პრეპარატებთან (ალერგიული დაავადებების სამკურნალო პრეპარატები) ერთად. ეთილის სპირიტი, პირიმეტამინი და სალბუტამოლი აძლიერებენ ბეტაჰისტამინის ეფექტს.
შენახვის პირობები:ტემპერატურაზე არა უმეტეს 25ºC. შეინახეთ ბავშვებისათვის მიუწვდომელ ადგილას!
შეფუთვა:8მგ-იანი აბები, 10ცალი პვქ/პვდქ ალუმინის ფოლგის ბლისტერში. 3 ბლისტერი, გამოყენების ინსტრუქციასთან ერთად მუყაოს კოლოფში. 16მგ-იანი აბები, 10ცალი პვქ/პვდქ ალუმინის ფოლგის ბლისტერში. 3 ბლისტერი, გამოყენების ინსტრუქციასთან ერთად მუყაოს კოლოფში.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 051167860 sec.