This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
რკინის (II) სულფატი
Ferrous (II) sulfate
ა.თ.ქ. კლასიფიკაცია:
	
 
B03AA07	
B სისხლწარმოქმნა და სისხლი
	
03 ანემიის საწინააღმდეგო პრეპარატები
	
A რკინის პრეპარატები
	
A რკინის (ორვალენტიანი) პრეპარატები შიგნით მისაღებად
ანოტაცია:
	
	
გვერდითი მოვლენები:
	
აღინიშნება მუცლის არეში ტკივილები, გულისრევა, ღებინება, დიარეა, ალერგიული რეაქციები.
უკუჩვენება:
	
პრეპარატის გამოყენება წინააღმდეგნაჩვენებია მასში შემავალი კომპონენტების მიმართ მომატებული მგრძნობელობისას. აგრეთვე იმ დაავადებების დროს, რომლებსაც თან ახლავს ორგანიზმში რკინის დაგროვება (აპლასტიური და ჰემოლიზური ანემია, ტალასემია, ჰემოსიდეროზი, ჰემოქრომატოზი), რკინის შეთვისების დარღვევისას (სიდეროაქრესტიული ანემია, პერნიციოზული ანემია, ვიტამინ B12-ის უკმარისობა).
ფარმაკოლოგიური თვისება:
	
პრეპარატი აღადგენს ორგანიზმში რკინის დეფიციტს, რომელიც საჭიროა ჰემოგლობინის სინთეზისათვის. პრეპარატის მიღების შემდეგ რკინის შეწოვა ხდება უშუალოდ წვრილი ნაწლავის დისტალურ ნაწილში. შეწოვა იზრდება ორგანიზმში რკინის მარაგის დაქვეითებისას.
ჩვენება:
	
პრეპარატი გამოიყენება რკინადეფიციტური მდგომარეობისას ორსულობისა და ლაქტაციის პერიოდში, ხანგრძლივი სისხლდენებისას, არარეგულარული და არასრულყოფილი კვების შედეგად გამოწვეული რკინის დეფიციტის მკურნალობისა და პროფილაქტიკისათვის.
დოზირება და მიღების წესი:
	
პრეპარატი მიიღება პერორალურად ჭამის შემდეგ. მკურნალობის ხანგრძლივობა დგინდება ინდივიდუალურად მკურნალი ექიმის მიერ. მოზრდილებში პრეპარატი მიიღება დღეღამის განმავლობაში 3 დრაჟე 2-ჯერ ჭამის შემდეგ. პრეპარატი ანალოგიური დოზით მიიღება ორსულობისა (II და III ტრიმესტრი) და ლაქტაციის პერიოდში. 4-დან 12 წლამდე ასაკის ბავშვებში მიიღება დღეღამეში ერთხელ ჭამის შემდეგ 3 დრაჟეს ოდენობით.
განსაკუთრებული მითითებები:
	
მკურნალობის დაწყებამდე აუცილებელია შრატში შრატისმიერი რკინისა და ფერიტინის დონის გამოკვლევა. პრეპარატით მკურნალობა უნდა ჩატარდეს სისხლის სურათის ნორმალიზებამდე (8-12 კვირა). პრეპარატის მიღების შემთხვევაში შესაძლებელია ფეკალური მასების პიგმენტაცია, ბენზიდინის ცრუდადებითი სინჯი. მხედველობაში უნდა მივიღოთ ის გარემოება, რომ დიდი რაოდენობით ჩაის მიღება ამცირებს რკინის იონების კუჭ-ნაწლავის ტრაქტის მიერ შეწოვას.
ჭარბი დოზირება:
	
სიმპტომებს წარმოადგენს გულისრევა, ღებინება, დიარეა. იმ შემთხვევაში, თუკი არსებობს ჭარბი დოზირების მხრივ ეჭვი, მაშინ აუცილებელია შრატში შრატისმიერი რკინისა და ფერიტინის დონის გამოკვლევის ჩატარება, კუჭის ამორეცხვა, რძისა და უმი კვერცხის მიღება კუჭ-ნაწლავის ტრაქტში რკინის იონების კავშირის და მათი შემდგომი გამოყოფის გასაძლიერებლად. თუკი შრატში აღინიშნება ფერიტინის მაჩვენებლის მომატება, მაშინ აუცილებელია რკინის ხელატორის (დესფერალი) მიღება.
ურთიერთქმედება სხვა მედიკამენტებთან:
	
ანტაციდური პრეპარატებთან, ქოლესტირამინთან, მეთილდოფასთან, თუთიის, მაგნიუმის, კალციუმის, ფოსფორის და ალუმინის შემცველ პრეპარატებთან, ტეტრაციკლინის ჯგუფის ანტიბიოტიკებთან, პენიცილინამინთან, ციპროფლოქსაცინთან, ნორფლოქსაცინთან, ოფლოქსაცინთან რკინის სულფატის ერთდროული გამოყენებისას რკინის შეწოვა მცირდება. პრეპარატის რკინის შემცველ სხვა პრეპარატებთან კომბინაცია არ არის რეკომენდებული.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 020664460 sec.