| უნიფიცირებული დასახელება: | ქლოროქინიChloroquine | ||
| ა.თ.ქ. კლასიფიკაცია: | |||
P01BA01 | P პარაზიტების საწინააღმდეგო პრეპარატები, ინსექტიციდები და რეპელენტები | ||
| 01 პროტოზოას საწინააღმდეგო პრეპარატები | |||
| B პრეპარატები მალარიის მკურნალობისათვის | |||
| A ამინოქინოლინები | |||
| ანოტაცია: | |||
| გვერდითი მოვლენები: | პრეპარატის ხანგრძლივმა მიღებამ შესაძლებელია გამოიწვიოს მხედველობის დაქვეითება, კუნთების სისუსტე და სპაზმები, თავის ტკივილი, თავბრუსხვევა, ყურებში შუილი, სმენის დაქვეითება, აგზნება, მადის დაკარგვა, ღებინება, გულისრევა, ფაღარათი, მუცლის არეში ტკივილის შეგრძნება, კანის ქავილი, გამონაყარი, კანსა და ლორწოვან გარსზე გაძლიერებული პიგმენტაცია, თმის ცვენა და გაჭაღარავება, სისხლის წნევის დაქვეითება, ელექტროკარდიოგრამის ცვლილება და გულის კუნთის დაზიანება. | ||
| უკუჩვენება: | მკურნალობის ხანმოკლე კურსს იშვიათად ახლავს თან რაიმე გვერდითი მოვლენები. სახსრების, შემაერთებელი ქსოვილის და კანის დაავადებების მკურნალობა მოითხოვს ხანგრძლივ დროს, რის გამოც საჭიროა პაციენტმა ზუსტად დაიცვას ექიმის მიერ დანიშნული დოზები, მკურნალობის ხანგრძლივობა და საკონტროლო გამოკვლევები. ყველა სახის უჩვეულო სიმპტომების გამოვლენისას საჭიროა ექიმის ინფორმირება. | ||
| ორსულობა და ლაქტაცია: | ვინაიდან პრეპარატი აღწევს დედის რძეში, ლაქტაციის პერიოდში საჭიროა ძუძუთი კვების ან პრეპარატის მიღების შეწყვეტა. ორსულებში პრეპარატი გამოიყენება მალარიის პროფილაქტიკისა და მკურნალობისათვის. ცხოველებზე ჩატარებულმა კვლევებმა ცხადყო, რომ მაღალი დოზით პრეპარატის მიღება ნაყოფზე ავლენს ტოქსიკურ ზემოქმედებას. | ||
| განსაკუთრებული მითითებები: | პაციენტებს ღვიძლის ფუნქციის დარღვევით, პრეპარატის და ალკოჰოლის კომბინაციისას დიდი სიფრთხილე მართებთ, ვინაიდან ეს იწვევს ფსორიაზის და პორფირიის გამწვავებას. პრეპარატის მიღება უარყოფითად მოქმედებს მძღოლებზე და იმ პირებზე, რომელთა სამუშაო მოითხოვს ყურადღების გაძლიერებულ კონცენტრაციას. | ||
| ურთიერთქმედება სხვა მედიკამენტებთან: | ქლოროქინის ერთდროული მიღება არ არის რეკომენდებული ფენილბუტაზონთან, ოქროს პრეპარატებთან, პენიცილინთან, ციტოსტატურ საშუალებებთან, ლევამიზოლთან. სიფრთხილეა საჭირო ციმეტიდინის, ქინაქინის და მალარიის საწინააღმდეგო სხვა საშუალებებთან, კორტიკოსტეროიდებთან, ანტაციდებთან, მეტრონიდაზილთან, მაო-ს ინჰიბიტორებოან, სათუთურას პრეპარატებთან, ქლოროქინთან კომბინირებისას და მუცლის ტიფის საწინააღმდეგო პერორალური იმუნიზაციის დროს. | ||
| ჩვენება: | პრეპარატი გამოიყენება ყველა სახის მალარიის, ამებიაზის, სახსრების ზოგიერთი დაავადების, შემაერთებელი ქსოვილის და კანის დაავადებების სამკურნალოდ (როგორც რევმატოიდული ართრიტის, წითელი მგლურას, ფოტოდერმატოზების და პორფირიის სამკურნალო დამატებითი საშუალება). პრეპარატი მიიღება მხოლოდ ექიმის დანიშნულების მიხედვით. | ||
| დოზირება და მიღების წესი: | მალარიის პროფილაქტიკა: მოზრდილებში პრეპარატის მიღების დაწყება რეკომენდებულია 1-2 კვირით ადრე ავადმყოფობის კერის გაღვივებამდე და მისი გაქრობიდან 4-6 კვირის განმავლობაში. 2 აბი (0.5გ) ინიშნება ყოველ კვირას ერთსა და იმავე დღეს. ბავშვებში დოზას ადგენს ექიმი მისი წონის შესაბამისად. პრეპარატის მიღების წესი და მკურნალობის კურსის ხანგრძლივობა იდენტურია მოზრდილებში მიღების წესისა და მკურნალობის კურსის. ამებიაზის დროს მოზრდილებში პრეპარატი ინიშნება დღეში 4 აბი 2 დღის განმავლობაში, მოგვიანებით 2 აბი ყოველდღიურად 2-3 კვირის განმავლობაში. სადღეღამისო დოზას ადგენს ექიმი, სხეულის წონიდან გამომდინარე. |
Page generation time: 0. 021039995 sec.
