This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
ამფოტერიცინ B
Amphotericin B
ა.თ.ქ. კლასიფიკაცია:
	
 
G01AA03
G შარდსასქესო სისტემა და სასქესო ჰორმონები
01 ანტისეპტიკური საშუალებები და მიკრობების საწინააღმდეგო პრეპარატები გინეკოლოგიური დაავადებების მკურნალობისათვის
A ანტისეპტიკური საშუალებები და მიკრობების საწინააღმდეგო პრეპარატები გინეკოლოგიური დაავადებების მკურნალობისათვის (კორტიკოსტეროიდებთან კომბინაციის გარდა)
A ანტიბიოტიკები
A01AB04
A საჭმლის მომნელებელი ტრაქტი და ნივთიერებათა ცვლა
01 სტომატოლოგიური პრეპარატები
A სტომატოლოგიური პრეპარატები
B მიკრობების საწინააღმდეგო პრეპარატები ადგილობრივი გამოყენებისათვის პირის ღრუს დაავადებების დროს
A07AA07
A საჭმლის მომნელებელი ტრაქტი და ნივთიერებათა ცვლა
07 ფაღარათის საწინააღმდეგო, ნაწლავის ანთების და მიკრობების საწინააღმდეგო პრეპარატები
A ნაწლავის მიკრობების საწინააღმდეგო პრეპარატები
A ანტიბიოტიკები
J02AA01
J მიკრობების საწინააღმდეგო პრეპარატები სისტემური გამოყენებისათვის
02 სოკოს საწინააღმდეგო პრეპარატები სისტემური გამოყენებისათვის
A სოკოს საწინააღმდეგო პრეპარატები სისტემური გამოყენებისათვის
A სოკოს საწინააღმდეგო ანტიბიოტიკები
ანოტაცია:
გვერდითი მოვლენები:
საჭმლის მომნელებელი სისტემის მხრივ: შესაძლოა-გულისრევა, ღებინება, ტკივილი მუცლის არეში, ტუტე ფოსფატაზის მომატება, იშვიათად- შეკრულობა, დიარეა, საჭმლის მონელების მოშლა, ღვიძლის ფერმენტების აქტივობის გაზრდა, ბილირუბინემია, ღვიძლის ფუნქციის დარღვევა. ქოლესტატური ჰეპატიტი, ღვიძლის უჯრედების დაზიანება, ჰეპატომეგალია, სიყვითლე, პანკრეატიტი. ცნს-სა და პერიფერიული ნერვული სისტემის მხრივ: შესაძლოა თავის ტკივილი, იშვიათად-ასთენია, შფოთვა, კომა, კრუნჩხვები, დეპრესია, თავბრუსხვევა, ნევროზი, პარესთეზიები, მგრძნობელობის დარღვევა, ტრემორი. სისხლმბადი სისტემის მხრივ: იშვიატად-ანემია, გრანულოციტოპენია, ლეიკოპენია, სპლენომეგალია, თრომბოციტოპენია. წყალ-ელექტრონული ბალანსის მხრივ: შესაძლოა ჰიპოკალიემია, აციდოზი. ნივთიერებათა ცვლის მხრივ: შესაძლოა ჰიპოკალიემია; იშვიათად-შარდოვანაში აზოტის გაზრდა, კრეატინფოსფოკინაზის მომატება, ჰიპერგლიკემია, ჰიპერკალიემია, ჰიპერნატრიემია, ჰიპერურიკემია, ჰიპოალბუმინემია, ჰიპოკალციემია, ჰიპომაგნიემია, ლაქტატდეჰიდროგენაზის მომატება, წვივის შეშუპება. გულსისხლძარღვთა სისტემის მხრივ: იშვიათად-გულის უკმარისობა, ექსტრასისტოლია, არტერიული ჰიპოტენზია, თრომბოფლებიტი, ბრადიკარდია, სიცხის შეგრძნება, არტერიული ჰიპერტენზია. სასუნქი სისტემის მხრივ: იშვიათად-ბრონქოსპაზმი, ხველება, დისფონია, დისპნოე, ჰიპოქსია, სუნთქვის უკმარისობა. ალერგიული რეაქციები: იშვიათად-კანის გამონაყარი, ქავილი, ანაფილაქსიური რეაქცია. დერმატოლოგიური რეაქცია: შესაძლოა გამონაყარი კანზე, იშვიატად-ფოლიკულიტი, ერითემატოზური გამონაყარი, ბუშტუკოვანი გამონაყარი, მაკულო-პაპილოზური გამონაყარი, ოფლის მომატებული გამოყოფა, ჭინჭრის ციება. სხვა: შესაძლოა- ცხელება, შემცივნება, ციანოზი, ფეხების შეშუპება და კრუნჩხვა.
ურთიერთქმედება სხვა მედიკამენტებთან:
ერთდროულად მიღებისას ანტომიკრობულ საშუალებებსა და იმუნოდეპრესანტებთან, რომლებსაც აქვთ ნეფროტოქსიური მოქმედება, ციკლოსპორინებთან, პენტამიდინებთან (პარენტერალური მიღებისას) შესაძლებელია ნეფროტოქსიური მოქმედების რისკის მომატება. ჰიპოკალიემიის ფონზე რომელიც ამფოტერიცინ В-ს მიერაა გამოწვეული, შესაძლოა ნერვ-კუნთოვანი გადაცემის ბლოკატორების მოქმედების გაძლიერება, საგულე გლიკოზიდების ტოქსიურობის გაზრდა, გლუკოკორტიკოსტეროიდებს შეუძლიათ კალიუმის დეფიციტის გაზრდა, ამასთან მათი იმუნოდეპრესიული მოქმედება შეიძლება იყოს განსაკუთრებით გამოხატული. ამფოტერიცინ В-ს ფლუციტოზინთან ერთდროულად მიღებისას შეინიშნება მოქმედების სინერგიზმი. თუმცა მცირდება ფლუციტოზინის კლირენსი და ძლიერდება მისი ტოქსიური ეფექტი. ზალციტაბინთან ერთროულად მიღებისას მცირდება თირკმლის ექსკრეცია. პაციენტებში სტიბიუმის შენაერთებით გამოწვეული მიოკარდიუმის დაზიანებებით, ამფოტერიცინ В მიღებისას იზრდება არითმიების განვითაერებისა და გულის გაჩერების რისკი.
ფარმაკოლოგიური თვისება:
სოკოს საწინააღმგედო საშუალება, პოლიენის ჯგუფის ანტიბიოტიკი. გამომწვევის ბიოლოგიურ სითხეში კონცეტრაციისა და მისი მგრძნობელობის მიხედვით ახდენს ფუნგიციდურ ან ფუნგისტატიურ მოქმედებას. ამფოტერიცინ В-ს მოქმედების მექანიზმი ეყრდნობა მის უნარს შეუკავშირდეს სტეროლებს (ერგოსტეროლებს), რომლებიც არიან სოკოს უჯრედულ მემბრანაში. ამის შედეგად ირღვევა მემბრანის განვლადობა, და უჯრედშიდა კომპონენტები ხვდებიან უჯრედის გარე სივრცეში.
ფარმაკოკინეტიკა:
ნაწილდება ორგანიზმის ორგანოებისა და ქსოვილების დიდ ნაწილში, თავზურგტვინის სითხეში არ ისაზღვრება. პლაზმის ცილებს უკავშირდება 90%-ით. გამოიყოფა თირკმელებით, ძალიან ნელა. შეყვანილი დოზის 2-5% გამოიყოფა აქტიური ფორმით. შეიძლება აღმოჩნდეს შარდში პრეპარატის მოხსნიდან 7 კვირის განმავლობაში.
ჩვენება:
სისტემური და/ან მძიმე მიკოზები: დისსემინირებული კანდიდოზი, დისსემინირებული კრიპტოკოკკოზი და კრიპტოკოკური მენინგიტი, ინვაზიური და დისსემინირებული ასპერჰილოზი, კოქციდიოიდომიკოზი, ჩრდილოამერიკული ბლასტომიკოზი, ჰისტოპლაზმოზი, ჰიალოგიფომიკოზი, მუკორომიკოზი, ქრონიკული მიცეტომა. ლეიშმანიოზი: ვისცერალური, ამერიკული კან-ვისცერალური. გაურკვეველი ეტიოლოგიის ცხელება (რეზისტენტული 96 სთ-ის განმავლობაში ჩატარებული ანტიბიოტიკო თერაპიის მიმართ, ნეიტროპენიისა და სოკოს ინფექციის მაღალი რისკი მქონე პაციენტებში). ინვაზიური სოკოების ინფექციის პროფილაქტიკა ნეიტროპენიით მიმდინარე ავთვისებიანი ახალწარმონაქმნების მქონე ავადმყოფებში, ასევე პარენქიმული ორგანოებისა და ძვლის ტვინის გადანერგვის დროს.
ორსულობა და ლაქტაცია:
ადეკვატური და მკაცრად კონტროლირებული გამოკვლევევები ორსულ ქალებში არ ჩატარებულა. ამფოტერიცინ В გადის პლაცენტარულ ბარიერს. უცნობია, ამფოტერიცინ В გამოიყოფა თუ არა დედის რძით. ლაქტაციის პერიოდში პრეპარატის გამოყენების აუცილებლობის შემთხვევაში საჭიროა გადაწყვეტილების მიღება ძუძუთი კვების შეწყვეტასთან დაკავშირებით.
განსაკუთრებული მითითებები:
მკურნალობის პროცესში აუცილებელია თირკმლისა და ღვიძლის ფუნქციების, სისხლის შემადგენლობისა და სისხლში კალიუმის იონების შემცველობის სისტემური კონტროლი. იმისათვის,რომ ავიცილოთ გვერდითი ეფექტების განვითარების რისკი, პრეპარატის ი/ვ შეყვანა ხდება ნელა (2-6 სთ-ის განმავლობაში). შეძლებისდაგვარად ამფოტერიცინ В არ ინიშნება იმ პაციენტებში, რომლებიც იღებენ სიმსივნისსაწინააღმდეგო პრეპარატებს. არ არის სასურველი დიურეზული პრეპარატების დანიშნვა, პირებში რომლებიც იღებენ ამფოტერიცინ В-ს. თუ ეს შეუძლებელია, მაშინ აუცილებელია მონიტორინგი ელექტროლიტურ ბალანსზე.
დოზირება და მიღების წესი:
ი/ვ შეყვანისას საწყისი დოზა (ორგანიზმის გადატანის განსაზღვრისას) შედგენს 1მგ, შემდეგ დოზა შეიძლება გავზარდოთ 5-10მგ დან მაქსიმალურ სადღეღამისო დოზამდე. შეყვანის ჯერადობა - დღეგამოშვებით ან 2 ჯერ კვირაში. ბავშვებში ი/ვ - საწყისი დოზა 250მკგ/კგ, შემდეგ დოზა თანდათან იზრდება 125-250 მკგ/კგ დან მაქსიმალურ დოზამდე. ამფოტერიცინ В-ს გარეგანი გამოყენებისას კანის დაზიანებულ უბანზე ისმევენ 2-4 ჯერ. ინჰალაციური შეყვანისას დოზას ადგენენ შეყვანის გზის მიხედვით. მაქსიმალური სადღეღამისო დოზები: ი/ვ ინფუზიისას მოზრდილებში -50 მგ, ბავშვებში -1 მგ/კგ.
უკუჩვენება:
ღვიძლისა და თირკმლის ფუნქციის მძიმე დარღვევა, გლომერულონეფრიტი, ამილოიდოზი, სისხლისმბადი სისტემის დაავადებები, შაქრის დიაბეტი, ამფოტერიცინ В-ს მომატებული მგრძნობელობა.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 023227433 sec.