This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
ჰიოსცინის ბუტილბრომიდი
Hyoscine butylbromide
ა.თ.ქ. კლასიფიკაცია:
	
 
A03BB01	
A საჭმლის მომნელებელი ტრაქტი და ნივთიერებათა ცვლა
	
03 სპაზმოლიზური და ქოლინობლოკატორები
	
B შმაგა და მისი წარმოებულები
	
B შმაგას ნახევრადსინთეზური ალკალოიდები, მეოთხეული ამონიუმების ნაერთები
ანოტაცია:
	
	
ფარმაკოლოგიური თვისება:
	
ჰიოსცინის ბუტილბრომიდი კუჭ-ნაწლავის, სანაღვლე გზების და შარდსასქესო სისტემის გლუვი მუსკულაურის მიმართ ავლენს სპაზმოლიზურ მოქმედებას. იგი ვერ აღეწევს ჰემატოენცეფალურ ბარიერში, რის გამოც არ მოქმედებს ცნს-ზე. პერიფერიული ანტიქოლინერგული რეაქციები განპირობებულია შინაგანი ორგანოების მ-ქოლინორეცეპტორების ბლოკადითა და პრეპარატის ანტიმუსკარინული მოქმედებით.
ჩვენება:
	
პრეპარატი გამოიყენება კუჭ-ნაწლავის ტრაქტისა და შარდსასქესო სისტემის სპასტიური მდგომარეობის, ასევე სანაღვლე გზების დისკინეზიების ან სპაზმების სამკურნალოდ.
დოზირება და მიღების წესი:
	
მოზრდილებსა და 6 წლის ასაკის ზევით ბავშვებში გამოიყენება შაქრით შემოგარსული 1-2 აბი 3-5-ჯერ ან სანთელი დღეში. აბები უნდა გადავყლაპოთ მთლიანად წყლის მიყოლებით. სუპოზიტორია საჭიროა გამოვიღოთ გარსიდან და შევიყვანოთ სწორ ნაწლავში წამახვილებული ბოლოთი.
გვერდითი მოვლენები:
	
ანტიქოლინერგულ გვერდით მოვლენებს შორის აღსანიშნავია პირის სიმშრალე, დისჰიდროზი, შარდის შეკავება, რომელიც ჩვეულებრივ გარდამავალია და თავისით ქრება. ძალიან იშვიათად აღინიშნება კანის მხრღვ გვერდითი მოვლენები, ასევე სუნთქვის გაძნელება.
უკუჩვენება:
	
პრეპარატის ბუტილბრომიდის გამოყენება წინააღმდეგნაჩვენებია პაციენტებში მიასთენიით და მეგაკოლონით, აგრეთვე მასში შემავალი რომელიმე კომპონენტის მიმართ მომატებული მგრძნობელობისას. ბუშტში დგამენ კათეტერს. ამავე დროს ტარდება შემანარჩუნებელი თერაპია.
ორსულობა და ლაქტაცია:
	
არ მოიპოვება მონაცემები ორსულობის პერიოდში პრეპარატის უარყოფითი მოქმედების შესახებ, მაგრამ მიუხედავად ამისა, მისი ორსულობის I ტრიმესტრში მიღებისას სიფრთხილეა საჭირო. ლაქტაციის პერიოდში პრეპარატის უსაფრთხოების შესახებ მონაცემები არ არსებობს, რის გამოც ამ დროს საჭიროა შეწყდეს ძუძუთი კვება.
განსაკუთრებული მითითებები:
	
პაციენტებში, რომლებსაც აღენიშნებათ ნაწლავთა გაუვალობა ან საშარდე გზების ობსტრუქცია, ასევე წვრილკუთხოვანი გლაუკომა ან ტაქიკარდიის მიმართ მიდრეკილება, ანტიქოლინერგული გართულებების თავიდან აცილების მიზნით პრეპარატი სიფრთხილით ინიშნება.
ჭარბი დოზირება:
	
პრეპარატის ჭარბი დოზირების შესახებ მონაცემები არ არსებობს, ამიტომ სიმპტომები და რეკომენდაციები ატარებენ თეორიულ ხასიათს. ამ დროს შესაძლებელია ანტიქოლინერგული სიმპტომების განვითარება: შარდის შეკავება, პირის სიმშრალე, კანის სიწითლე, ტაქიკარდია, კუჭ-ნაწლავი ტრაქტის მოტორიკის დათრგუნვა, მხედველობის დაქვეითება. მკურნალობა: თუკი პრეპარატი მიღებულია პერორალურად საჭიროა კუჭის ამორეცხვა გააქტივებული ნახშირით და 15 % მაგნიუმის სულფატით. პრეპარატით გამოწვეული ჭარბი დოზირების კუპირება ხდება ქოლინომიმეტური საშუალებებით. გლაუკომით დაავადებულ პაციენტებს ადგილობრივად უნიშნავენ პილოკარპინს. აუცილებლობისას შეჰყავთ არაპირდაპირი მოქმედების ქოლინომიმეტური საშუალებები სისტემით, მაგალითად, 0.5-2.5 მგ ნეოსტიგმინი კუნთებში ან ვენაში. გულსისხლძარღვთა დაავადებების დროს ჭარბი დოზირებით გამოწვეულ გართულებებს მკურნალობენ დადგენილი წესით. სასუნთქი სისტემის მუსკულატურის პარეზის დროს საჭიროა ინტუბაციის ჩატარება, ფილტვების ხელოვნური ვენტილაცია. შარდის შეკავების შემთხვევაში შარდის ბუშტში დგამენ კათეტერს. ამავე დროს ტარდება შემანარჩუნებელი თერაპია.
ურთიერთქმედება სხვა მედიკამენტებთან:
	
ჰიოსცინს შესწევს უნარი გააძლიეროს ტრიციკლური ანტიდეპრესანტების, ანტიჰისტამინური საშუალებების და ამანტადინის მოქმედება. დოპამინის ანტაგონისტებისა და ჰიოსცინის ბუტილბრომიდის ერთდროული გამოყენება იწვევს ორივე პრეპარატის მოქმედების შესუსტებას კუჭ-ნაწლავის ტრაქტზე. ჰიოსცინის ბუტილბრომიდი აძლიერებს ბეტა-ადრენომიმეტური საშუალებებით გამოწვეულ ტაქიკარდიას.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 019784626 sec.