This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
ნიმესულიდი
Nimesulide
ა.თ.ქ. კლასიფიკაცია:
	
 
M01AX17	
M ძვალ-კუნთოვანი სისტემა
	
01 ანთების და რევმატიზმის საწინააღმდეგო პრეპარატები
	
A ანთების საწინააღმდეგო არასტეროიდული პრეპარატები
	
X ანთების საწინააღმდეგო არასტეროიდული სხვა პრეპარატები
M02AA26	
M ძვალ-კუნთოვანი სისტემა
	
02 პრეპარატები ძვალ-კუნთოვანი სისტემის დაავადებებისას გარეგანი გამოყენებისათვის ტკივილის სინდრომის დროს
	
A პრეპარატები ძვალ-კუნთოვანი სისტემის დაავადებებისას გარეგანი გამოყენებისათვის ტკივილის სინდრომის დროს
	
A ანთების საწინააღმდეგო არასტეროიდული პრეპარატები გარეგანი გამოყენებისათვის
ანოტაცია:
	
	
ფარმაკოლოგიური თვისება:
	
ნიმესულიდი წარმოადგენს სულფონანილიდების კლასის არასტეროიდულ ანთების საწინააღმდეგო საშუალებას. იგი ხასიათდება ანთების საწინააღმდეგო, ანალგეზიური და სიცხის დამწევი მოქმედებით. პრეპარატის მოქმედების მექანიზმი განპირობებულია ფერმენტ ციკლოოქსიგენაზა-2-ის სელექტიური ბლოკირებით და პროსტაგლანდინების სინთეზის დათრგუნვით ანთების კერაში.
ფარმაკოკინეტიკა:
	
პერორალური მიღებისას ნიმესულიდი კარგად შეიწოვება კუჭ-ნაწლავის ტრაქტის მიერ. სისხლის პლაზმაში მაქსიმალურ კონცენტრაციას აღწევს 1-2 სთ-ის შემდეგ. ნახევრად დაშლის პერიოდი შეადგენს 2-3 სთ-ს, ხოლო მოქმედების ხანგრძლივობა გრძელდება დაახლოებით 6 სთ-ის განმავლობაში. ნიმესულიდი ორგანიზმიდან გამოიყოფა ძირითადად შარდთან ერთად: დოზის 98% გამოიყოფა 24 სთ-ის განმავლობაში. პრეპარატით ხანგრძლივი მკურნალობის დროს მისი კუმულაცია არ აღინიშნება.
ჩვენება:
	
ოსტეოართრიტი, ბურსიტი, ტენდინიტი, სპორტული ტრავმები, ინფექციურ-ანთებითი დაავადებები ოტოლარინგოლოგიაში, ტკივილი გინეკოლოგიური დაავადებების, თრომბოფლებიტების დროს. პოსტოპერაციულ პერიოდში, კბილის ტკივილი, ცხელება.
დოზირება და მიღების წესი:
	
ნიმესულიდი ენიშნებათ მხოლოდ მოზრდილებს პერორალურად 100მგ (1 პაკეტი) დღეში 2-ჯერ ჭამის შემდეგ. პრეპარატის დოზა დამოკიდებულია ავადმყოფის მდგომარეობაზე და მკურნალობის მიმართ მის რეაქციაზე. ხანშიშესულ ავადმყოფთა მკურნალობის დოზას ადგენს ექიმი. დოზის შემცირება ხდება ავადმყოფთა მდგომარეობის გათვალისწინებით.
გვერდითი მოვლენები:
	
კუჭ-ნაწლავის ტრაქტის მხრივ: ლორწოვანის ანთება, ტკივილი ეპიგასტრიუმის არეში, გულძმარვა, გულისრევა, ღებინება, დიარეა. აღნიშნული მოვლენები გარდამავალია და პრეპარატით მკურნალობის შეწყვეტას არ საჭიროებს. ალერგიული რეაქციები კანზე, ძირითადად ერითემატოზული ფორმის გამონაყარი, ეკზანთემა ან ურტიკარია. იშვიათად ცვლილებები ც.ნ.ს-ის მხრივ: თავბრუსხვევა, თავის ტკივილი და ძილიანობა. იშვიათად აღინიშნება: ოლიგურია, რომელიც დაკავშირებულია წყლის გამოყოფის პროცესის შეფერხებასთან და როგორც ადგილობრივი, აგრეთვე მთლიანი შეშუპების განვითარებასთან. კუპრისფერი განავალი-მელენა, (რაც გამოწვეულია კუჭ-ნაწლავის წყლულით და სისხლისდენებით), პეტექიები, პურპურა, განსაკუთრებით ქვედა კიდურებში-თრომბოციტოპენიით გამოწვეული. ისევე, როგორც სხვა არასტეროიდულ ანთების საწინააღმდეგო საშუალებებს, ნიმესულიდს ახასიათებს აგრეთვე სტივენსჯონსონის, ლაილას სინდრომების და ანაფილაქსიური რეაქციების განვითარება. აღნიშნული გვერდითი რეაქციების შემთხვევაში საჭიროა ექიმთან კონსულტაცია და პრეპარატით მკურნალობის შეწყვეტა.
უკუჩვენება:
	
- მომატებული მგრძნობელობა ნიმესულიდის, აცეტილსალიცილის მჟავას ან სხვა არასტეროიდული ანთების საწინააღმდეგო საშუალებების მიმართ; - ღვიძლის ზომიერი და გამოხატული უკმარისობა; - გასტროდუოდენალური სისხლდენა. კუჭის და 12-გოჯა ნაწლავის წყლული. თირკმელების უკმარისობა (კრეატინინის კლირენსი ნაკლებია 30მლ/წთ-ში); - ორსულობა და ლაქტაცია.
განსაკუთრებული მითითებები:
	
ნიმესულიდი სიფრთხილით ენიშნება ხანდაზმულ პაციენტებს. პრეპარატი შეიცავს საქაროზას, რაც გათვალისწინებული უნდა იქნას შაქრიანი დიაბეტით დაავადებულ ავადმყოფებში და პაციენტებში დაბალკალორიული დიეტით. ნიმესულიდი სიფრთხილით ენიშნებათ იმ პაციენტებს. რომლებსაც წარსულში აღენიშნებოდათ სისხლდენა, კუჭ-ნაწლავის ტრაქტის დაავადება ან პაციენტებს, რომელთაც უტარდებათ მკურნალობა ანტიკოაგულანტებით ან თრომბოციტების აგრეგაციის ინჰიბიტორებით. რადგან პრეპარატი ორგანიზმიდან გამოიყოფა თირკმელების საშუალებით, გორგლოვანი ფილტრაციის შესაბამისად უნდა მოხდეს დოზის კორექცია. მხედველობის ნებისმიერი დარღვევის გამოვლენისას მკურნალობა უნდა შეწყდეს და ჩატარდეს ოფთალმოლოგის კონსულტაცია. პრეპარატმა შეიძლება გამოიწვიოს ორგანიზმში სითხის შეკავება, ამდენად იგი სიფრთხილით უნდა იქნეს გამოყენებული გულის უკმარისობითა და ჰიპერტენზიით დაავადებულ ავადმყოფებში. სიფრთხილით ენიშნებათ იმ პაციენტებს, რომელთა პროფესია საჭიროებს მუდმივ ყურადღებას, რადგან პრეპარატი იწვევს ძილიანობას და თავბრუსხვევას.
ჭარბი დოზირება:
	
მკურნალობა სიმპტომატურია (კუჭის გამორეცხვა, გააქტივებული ნახშირის მიღება).
ურთიერთქმედება სხვა მედიკამენტებთან:
	
ნიმესულიდი აძლიერებს ანტიკოაგულანტების მოქმედებას. მისი ერთდროული დანიშვნით ლითიუმის პრეპარატებთან იზრდება პლაზმაში ლითიუმის კონცენტრაცია. ნიმესულიდი მნიშვნელოვნად უკავშირდება პლაზმის ცილებს, რაც გათვალისწინებული უნდა იქნეს სხვა პრეპარატებთან (ჰიდანტოინთან და სულფანილამიდებთან) მისი კომბინაციისას.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 021396749 sec.