This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
ჯოზამიცინი
Josamycin
ა.თ.ქ. კლასიფიკაცია:
	
 
J01FA07	
J მიკრობების საწინააღმდეგო პრეპარატები სისტემური გამოყენებისათვის
	
01 მიკრობების საწინააღმდეგო პრეპარატები სისტემური გამოყენებისათვის
	
F მაკროლიდები და ლინკოზამიდები
	
A მაკროლიდები
ანოტაცია:
	
	
ფარმაკოლოგიური თვისება:
	
პრეპარატი გამოიყენება ბაქტერიული ინფექციების სამკურნალოდ; იგი ხასიათდება ბაქტერიოსტატური ეფექტით მიკრობთა უჯრედის ცილების ინჰიბირების გამო რიბოსომების დონეზე, ხოლო დიდ კონცენტრაციებში ავლენს ბაქტერიციდულ მოქმედებას. ჯოზამიცინი იჩენს მაღალ აქტივობას უჯრედშიდა მიკროორგანიზმების (Chlamydia trachomatis, Clamydia Pneumoniae, Mycoplazma pneumoniae, Mycoplazma hominis, Ureaplazma urealyticum, Legionella pneumophilia), გრამდადებითი ბაქტერიების (Staphylococcus aureus, Streptococcus pyogenes, Streptococcus pneumoniae, Corynebacter diphteriae), გრამუარყოფითი ბაქტერიების (Neisseria meningitidis, Neisseria gonorrhoeae, Haemophilus influenzae, Bordetella pertusis, Helicobacter pylori), ზოგიერთი ანაერობული ბაქტერიების (Peptococcus, Peptostreptococcus, Clostridium perfrigens) მიმართ. იგი ადვილად შეიწოვება კუჭ-ნაწლავის ტრაქტიდან. მისი მაქსიმალური კონცენტრაცია სისხლის შრატში აღინიშნება მიღებიდან 1-4 საათში. პრეპარატის 15% უკავშირდება პლაზმის ცილებს. ჯოზამიცინი კარგად აღწევს ფილტვებში, ნერწყვში, ოფლში, ცრემლში, ნუშისებრ ჯირკვლებში. მეტაბოლიზდება ღვიძლში და გამოიყოფა უპირატესად ნაღველით, 20% კი ელიმინირდება შარდით.
ჩვენება:
	
- ზემო სასუნთქი გზების ინფექციები: ფარინგიტი, ოტიტი, სინუსიტი, ლარინგიტი, ტონზილიტი, დიფტერია, ქუნთრუშა; - ქვემო სასუნთქი გზების ინფექციები: მწვავე ბრონქიტი, ბრონქოპნევმონია, პნევმონია, ფსიტაკოზი, ყივანახველა; - სტომატოლოგიური ინფექციები: გინგივიტი, პაროდონტის დაავადებები; - კანისა და რბილი ქსოვილების ინფექციები: პიოდერმია, ფურუნკულოზი, ციმბირის წყლული, ლიმფანგიტი, წითელი ქარი, ლიმფადენიტი, ვენერიული ლიმფოგრანულომა; შარდ-სასქესო სისტემის ინფექციები: პროსტატიტი, პიელონეფრიტი, გონორეა, ათაშანგი, შერეული ინფექციები. დოზირების რეჟიმი მოზრდილთათვის რეკომენდებულია 1-2 გ ჯოზამიცინი დღეში. სადღეღამისო დოზა იყოფა 2-3 მიღებაზე. საწყისი დოზაა 1 გ. კანის ინფექციების დროს გამოიყენება 500 მგ 2-ჯერ დღეში 2-4 კვირის განმავლობაში, შემდგომში - 500 მგ ერთხელ დღეში, 8 კვირის მანძილზე შემანარჩუნებელი თერაპიის სახით. მიიღება მცირე რაოდენობით წყალთან ერთად საჭმლის მიღებებს შორის ინტერვალში. სტრეპტოკოკული ინფექციის დროს ინიშნება მინიმუმ 10 დღის განმავლობაში. გვერდითი მოვლენები კუჭ-ნაწლავის ტრაქტის მხრივ: იშვიათად მადის დაკარგვა, გულისრევა, გულძმარვა, ღებინება, დიარეა. შესაძლოა ფსევდომემბრანული კოლიტის განვითარება. მომატებული მგრძნობელობის დროს: შესაძლებელია ალერგიული რეაქციების განვითარება. ღვიძლის და სანაღვლე გზების მხრივ: იშვიათად ღვიძლის ფერმენტების აქტივობა იზრდება, რაც შეიძლება გამოვლინდეს სიყვითლით. სმენის ორგანოზე მოქმედებით შეიძლება განვითარდეს სმენის გარდამავალი დაქვეითება.
უკუჩვენება:
	
- მაკროლიდების მიმართ ტოლერანტობის დაქვეითება; - ღვიძლის მძიმე დაზიანება. განსაკუთრებული მითითებები თირკმელების დაავადებით შეპყრობილ პირებში, ორსულ და მეძუძურ დედებში სიფრთხილით გამოიყენება. შესაძლებელია ჯვარედინი რეზისტენტობის განვითარება სხვა მაკროლიდების მიმართ.
ჭარბი დოზირება:
	
სპეციფიკური სიმპტომები არ ვითარდება. დოზის გამოტოვებისას, საჭიროა პრეპარატის მიღება. თუ შემდგომი დოზის გამოყენების დროა გამოტოვებული დოზა არ მიიღება. მკურნალობის შეწყვეტა ან დროებით შეჩერება ამცირებს ჯოზამიცინის ეფექტს.
დოზირება და მიღების წესი:
	
პენიცილინთან, ცეფალოსპორინებთან და ლინკომიცინთან ერთად პრეპარატის დანიშვნა ამცირებს მის ბაქტერიციდულ ეფექტს. ჯოზამიცინი ნაკლებად აქვეითებს ქსანტინების გამოყოფას სხვა მაკროლიდებთან შედარებით. ჯოზამიცინის, ტერფენადინის ან ასტემიზოლის შემცველ ანტიჰისტამინურ პრეპარატებთან კომბინაცია იწვევს სახიფათო არითმიებს. ერგოტამინთან ერთად მისი დანიშვნით ძლიერდება ვაზოკონსტრიქცია. ციკლოსპორინთან ერთად ჯოზამიცინის მიღებისას იზრდება ამ უკანასკნელის ნეფროტოქსიკური ეფექტი. დიგოქსინთან ერთად მისი დანიშვნა ზრდის დიგოქსინის კონცენტრაციას და არითმიის განვითარების რისკს. კონტრაცეპტივების ჩასახვის საწინააღმდეგო მოქმედება მცირდება მაკროლიდებით მკურნალობის დროს.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 022221674 sec.