This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
მიდეკამიცინი
Midecamycin
ა.თ.ქ. კლასიფიკაცია:
	
 
J01FA03	
J მიკრობების საწინააღმდეგო პრეპარატები სისტემური გამოყენებისათვის
	
01 მიკრობების საწინააღმდეგო პრეპარატები სისტემური გამოყენებისათვის
	
F მაკროლიდები და ლინკოზამიდები
	
A მაკროლიდები
ანოტაცია:
	
	
ფარმაკოლოგიური თვისება:
	
პრეპარატი წარმოადგენს მაკროლიდურ ანტიბიოტიკს. მისი ანტიმიკრობული მოქმედების მექანიზმი განპირობებულია ბაქტერიული უჯრედის ცილების სინთეზის ინჰიბირებით რიბოსომების დონეზე. იგი აქტიურია მის მიმართ მგრძნობიარე ბაქტერიებით გამოწვეული ინფექციური დაავადებების სამკურნალოდ. მცირე დოზებში ხასიათდება ბაქტერიოსტატური, ხოლო მაღალ დოზებში ბაქტერიციდული მოქმედებით. იგი აქტიურია მიკროორგანიზმების: Staphylococcus spp., Streptococcus, Listeria monocytogenes, Clostridium spp., Corynebacterium diphteriae, Neisseria, gonorrhoeae, neisseria meningitidis, Bordetella pertussiis, Erysipelotrix-ის მიმართ. პრეპარატი მოქმედებს ე. წ. უჯრედშიდა გამომწვევებზე, როგორიცაა: მიკოპლაზმა, ლეგიონელა, ქლამიდია და ურეაპლაზმა ურეალიტიკუმი. პრეპარატი თავისი მოქმედებით თრგუნავს ბაქტერიების გამრავლებას. მისი გამოყენება გაცივებისა და სხვა ვირუსული დაავადების დროს დაუშვებელია.
ჩვენება:
	
პრეპარატი გამოიყენება სასუნთქი გზების, შარდ-სასქესო ორგანოების, კანისა და რბილი ქსოვილების ინფექციების სამკურნალოდ. იგი აგრეთვე ეფექტურია დიფტერიისა, წითელი ქარის, ქუნთრუშას, ყივანახველას, Campylobacter-ის რიგის ბაქტერიებით გამოწვეული ენტერიტის სამკურნალოდ. პრეპარატი გამოიყენება პაციენტებში, რომლებსაც პენიცილინის მიმართ გააჩნიათ მომატებული მგრძნობელობა.
დოზირება და მიღების წესი:
	
დოზირება დგინდება ექიმის მიერ. პრეპარატი ჩვეულებრივ ინიშნება დღეში 3-ჯერ დოზით 400 მგ (1 აბი). მაქსიმალური სადღეღამისო დოზა შეადგენს 1600 მგ-ს. აბები მიიღება ჭამის წინ. ბავშვებში სადღეღამისო დოზა შეადგენს 30-50 მგ/კგ წონაზე, რომელიც იყოფა 2-3 მიღებაზე. მკურნალობის კურსი შეადგენს 7-14 დღეს. პრეპარატის მიღების ხანგრძლივობა დგინდება ექიმის მიერ, რომლის თვითნებურად შეწყვეტა დაუშვებელია.
გვერდითი მოვლენები:
	
პრეპარატის გამოყენებისას იშვიათად აღინიშნება გვერდითი მოვლენები: გემოს დაკარგვა, გულისრევა, ღებინება, ფაღარათი, ტკივილი ეპიგასტრიუმში, ანორექსია, ღვიძლის ტრანსმინაზების და ბილირუბინის აქტივობის ტრანზიტული მომატება, კანის ალერგიული რეაქციები.
უკუჩვენება:
	
პრეპარატის გამოყენება წინააღმდეგნაჩვენებია ღვიძლის ფუნქციის მძიმე დარღვევის მქონე პაციენტებში, აგრეთვე პრეპარატის შემადგენლობაში შემავალი კომპონენტების მიმართ მომატებული მგრძნობელობისას.
ორსულობა და ლაქტაცია:
	
ორსულებში პრეპარატი გამოიყენება მხოლოდ აუცილებლობის შემთხვევაში ექიმის რეკომენდაციით. ვინაიდან პრეპარატი აღწევს დედის რძეში, ამიტომ მისი გამოყენებისას ლაქტაციის პერიოდში საჭიროა ძუძუთი კვების შეწყვეტა.
განსაკუთრებული მითითებები:
	
ღვიძლის დაზიანების შემთხვევაში პრეპარატის გამოყენების წინ აუცილებელია ექიმთან კონსულტაცია.
ჭარბი დოზირება:
	
ჭარბი დოზით პრეპარატის გამოყენების შემთხვევაში საჭიროა ექიმის ინფორმირება.
ურთიერთქმედება სხვა მედიკამენტებთან:
	
პრეპარატი ამცირებს ორგანიზმიდან ციკლოსპორინის და ვარფარინის გამოყოფას. კარბამაზეპინთან, ჭვავის რქის ალკალოიდებთან კომბინირებისას მცირდება მათი მეტაბოლიზმის ინტენსივობა ღვიძლში.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 021596783 sec.