| უნიფიცირებული დასახელება: | ბენციკლანიBencyclane | ||
| ა.თ.ქ. კლასიფიკაცია: | |||
C04AX11 | C გულ-სისხლძარღვთა სისტემა | ||
| 04 პერიფერიული ვაზოდილატატორები | |||
| A პერიფერიული ვაზოდილატატორები | |||
| X პერიფერიული სხვა ვაზოდილატატორები | |||
| ანოტაცია: | |||
| ურთიერთქმედება სხვა მედიკამენტებთან: | პრეპარატი სიფრთხილით მიიღება ქვემოთ ჩამოთვლილ სამკურნალო საშუალებებთან კომბინაციაში: ნარკოტიკული და სედატიური საშუალებები; სიმპათომიმეტური პრეპარატები. ბენციკლინის დოზა შემცირებული უნდა იქნეს დიურეზულ საშუალებებთან, საგულე გლიკოზიდებთან, ბეტა-ბლოკატორებთან და ქინიდინთან ერთდროული მიღების დროს (დღეღამური დოზა არ უნდა აჭარბებდეს 150-200 მგ-ს). | ||
| ფარმაკოლოგიური თვისება: | ბენციკლანი წარმოადგენს მიოტროპულ, სპაზმოლიზურ საშუალებას, რომელიც ასევე ხასიათდება სედატიური ეფექტით. პრეპარატს გააჩნია სპზამოლიზური, სისხლძარღვების გამაფართოებელი და ადგილობრივი საანესთეზიო მოქმედება. იგი ასევე აბლოკირებს თრომბოციტების აგრეგაციას. პრეპარატის ზემოთჩამოთვლილი ეფექტების გამო იგი გამოიყენება სისხლძარღვების სხვადასხვა ფუნქციური დაავადებების დროს, რომელთაც თან ახლავს სპაზმი, ასევე ორგანული დაავადებების შემთხვევა-შიც. პრეპარატი ავლენს ეფექტურობას ვისცერული ორგანოების გლუვი კუნთების სპაზმის დროს. იგი აჩქარებს ატრიოვენტრიკულურ გამტარებლობას, რის გამოც შესაძლებელია მისი გამოყენება გულის ტრანსმისორული ფუნქციიას დარღვევის შემთხვევაში. ფარმაკოკინეტიკა პერორალურად მიღებისას იგი სწრაფად და თითქმის სრულად აბსორბირდება. Cmax სისხლის პლაზმაში პრეპარატის ერთჯერადი მიღებისას აღინიშნება 3 სთ-ის განმავლობაში. პრეპარატი ელიმინირდება ძირითადად შარდით (97%) არააქტიური მეტაბოლიტების სახით. T1/2 შეადგენს 6-8 სთ-ს. | ||
| ჩვენება: | პრეპარატი გამოიყენება თავის ტვინში სისხლის მიმოქცევის დარღვევისას, ისეთი ნევროლოგიური სიმპტომების დასათრგუნად, როგორიცაა: თავბრუსხვევა, თავის ტკივილი, ძილის დარღვევა და სხვა. მხედველობის მხრივ: დიაბეტური ანგიოპათია, მაობლიტირებელი არტერიოსკლეროზი. პერიფერული სისხლძარღვების მხრივ: არტერიის სპაზმი, ოპერაციის და ტრავმის შემდგომი სისხლის მიმოქცევის დარღვევა. კარდიოლოგია: პრეპარატი გამოიყენება ნორმო- და ბრადიკარდიის დროს, კორონალური და პერიფერიული წინააღმდეგობის შესამცირებლად (გულის მწვავე და ქრონიკული დაავადებები, სტენოკარდია, სინუსის კვანძის სისუსტის სინდრომი, I, II და III ხარისხის ატრიოვენტრიკულური ბლოკადა). ვისცერალური სპაზმების მხრივ: კუჭნაწლავის ტრაქტის სპაზმები, გასტრიტი, ენტერიტი, კოლიტი, ქოლეცისტოპათია, ქოლელითიაზი. უროლოგიის მხრივ: ნეფროლითიაზი, ტენეზმები. პრეპარატი გამოიყენება კუჭის წყლულის, ბრონქული ასთმის, ასთმური ბრონქიტის სამკურნალოდ. | ||
| დოზირება და მიღების წესი: | მოზრდილებში პრეპარატის ერთჯერადი დოზა შეადგენს 1 -2 აბს (მაქსიმალური დოზა დღეში შეადგენს 4 აბს) პრეპარატით მკურნალობის კურსის ჩატარებისას, იგი მიიღება დღეში 3-ჯერ 3-4 კვირის განმავლობაში, შემდგომში 1 აბი 2-ჯერ დღეში. მოზრდილებში მიიღება მხოლოდ მწვავე შემთხვევების დროს დოზით 1-2 ამპულა ინტრავენურად, არტერიაში ან 1 ამპულა კუნთებში, რომელიც განზავებულია ფიზიოლოგიურ ხსნარში. | ||
| გვერდითი მოვლენები: | პრეპარატის მიღებისას აღინიშნება შემდეგი გვერდითი მოვლენები: თავბრუსხვევა, ტაქიკარდია, სისუსტე, ტრემორი. პრეპარატის ჭარბი დოზირების შემთხვევაში აღინიშნება თირკმლებისა და ღვიძლის ფუნქციის დარღვევა ან პრეპარატის მიმართ მომატებული მგრძნობელობის სიმპტომები. ხანდაზმულ პაციენტებში პრეპარატის მაღალი დოზით მიღებამ შესაძლებელია გამოიწვიოს ჰალუცინაციები ან ეპილეფსიის სიმპტომები. | ||
| უკუჩვენება: | პრეპარატის მიღება წინააღმდეგნაჩვენებია თირკმელების უკმარისობის, ღვიძლის, სასუნთქი ორგანოებისა და გულის დაავადების (მწვავე ტაქიკარდია) დროს. | ||
| ორსულობა და ლაქტაცია: | პრეპარატი გამოიყენება ჩვენების მიხედვით. | ||
| განსაკუთრებული მითითებები: | სისხლმიმოქცევის და სუნთქვის დარღვევისას, ან შარდის შეკავებისას პროსტატის ჰიპერტროფიის დროს პრეპარატის პარენტერალური გამოყენება წინააღმდეგნაჩვენებია. პრეპარატით მკურნალობის შემთხვევაში ყოველ 2 თვეში საჭიროა სისხლის ანალიზის ჩატარება. კანქვეშ მისი ხსნარის შემთხვევით მოხვედრისას შესაძლებელია ადგილობრივი ანთებითი რეაქციის განვითარება. საჭიროა ინექციის ადგილის მონაცვლეობა თრომბოფლებიტის განვითარების და ვენების ენდოთელიუმის დაზიანების თავიდან აცილების მიზნით. | ||
| ჭარბი დოზირება: | ჭარბი დოზირების შემთხვევაში აღინიშნება თირკმლისა და ღვიძლის ფუნქციის დარღვევა ან პრეპარატის მიმართ მომატებული მგრძნობელობის სიმპტომები. ხანდაზმულ პაციენტებში პრეპარატის მაღალი დოზით მიღებამ შესაძლებელია გამოიწვიოს ჰალუცინაციები ან ეპილეფსიის სიმპტომები. |
Page generation time: 0. 021430313 sec.
