| უნიფიცირებული დასახელება: | სუქსამეთონიუმის ქლორიდიSuxamethonium chloride | ||
| ა.თ.ქ. კლასიფიკაცია: | |||
M03AB01 | M ძვალ-კუნთოვანი სისტემა | ||
| 03 მიორელაქსანტები | |||
| A პერიფერიული მოქმედების მიორელაქსანტები | |||
| B ქოლინის წარმოებულები | |||
| ანოტაცია: | |||
| ფარმაკოლოგიური თვისება: | სუქსამეთონიუმის ქლორიდი წარმოადგენს პერიფერიული მოქმედების მიორელაქსაციური საშუალება. სუქსამეთონიუმი იწვევს ნერვ-კუნთოვანი გადაცემის ბლოკირებას. მისი მოქმედებით მიორელაქსაცია ვითარდება თანმიმდევრობით: სახის, ზემო და ქვემო კიდურების, კისრის, ზურგის კუნთების მოდუნება. პრეპარატი სწრაფად იშლება სისხლში ფერმენტ ფსევდოქოლინესთერაზას მეშვეობით, რის გამოც მის მიერ გამოწვეული მიორელაქსაციური ეფექტი ხანმოკლეა. პრეპარატი არ გაივლის ჰემატოენცეფალურ ბარიერს. მისი მოქმედება ინტრავენურად შეყვანისას 54-60 წმ-ში ვლინდება, ხოლო კუნთებში ინექციის დროს 2-4-წთ-ში და გრძელდება 10 წთის განმავლობაში. | ||
| ფარმაკოკინეტიკა: | ინტრავენური შეყვანისას პრეპარატი სწრაფად ვრცელდება პლაზმასა და ექსტრაცელულურ სითხეში. იგი განიცდის ჰიდროლიზს ქარვის მჟავასა და ქოლინის წარმოქმნით. პრეპარატის ნახევრადდაშლის პერიოდი შეადგენს 90 წამს. იგი ელიმინირდება თირკმელების საშუალებით. | ||
| ჩვენება: | - ქირურგიული ჩარევისას სპონტანური სუნთქვის დასათრგუნად და მიორელაქსაციისთვის ელექტროიმპულსური თერაპიისას კუნჩხვების თავიდან აცილების მიზნით ტეტანუსის დროს სტრიქნინით მოწამვლის შემთხვევაში. | ||
| დოზირება და მიღების წესი: | პრეპარატის დოზა დგინდება ინდივიდუალურად. ინტრავენური შეყვანისას რეკომენდებულია 100მკგ/კგ-დან 1.5 მგ/კგ-მდე. კუნთებში პრეპარატი კეთდება მხოლოდ ბავშვებში 2-4 მგ/კგ დოზით. ჭარბი დოზირებისას ადგილი აქვს სუნთქვის ხანმოკლე შეჩერებას. | ||
| უკუჩვენება: | ღვიძლის მწვავე უკმარისობა, მიასთენია, მწვავე გლაუკომა, თვალის ტრავმა, ანემია, დამწვრობა, ფსევდოქოლინესთერაზას დეფიციტი, ავთვისებიანი ჰიპერთერმია ანამნეზში, ჰიპერკალიემია, მომატებული მგრძნობელობა სუქსამეთონიუმის მიმართ. | ||
| გვერდითი მოვლენები: | მიოკარდიუმის გამტარებლობის და აგზნებადობის დარღვევა, კარდიოგენული შოკი, ღვიძლის დაზიანება, თვალშიდა წნევის მომატება, კუნთების ტკივილი განსაკუთრებით გულმკერდის და მუცლის არეში, ჰიპერკალიემია. | ||
| განსაკუთრებული მითითებები: | სუქსამეთონიუმი გამოიყენება სტაციონარის პირობებში. თირკმლების უკმარისობის დროს გამოიყენება ერთჯერადად და საშუალო დოზით. პრეპარატი არ გამოიყენება თანდაყოლილი და დისტროფიული მიოტონიის შემთხვევაში. პრეპარატის მოქმედების გახანგრძლივებას საფუძვლად უდევს პლაზმური ფსევდოქოლინესთერაზას აქტივობის შემცირება, რომელსაც ადგილი აქვს შემდეგი პათოლოგიების დროს: ტეტანუსი, ტუბერკულოზი, მძიმე ინფექციები, ავთვისებიანი სიმსივნე, ღვიძლის და თირკმლების უკმარისობა, მიქსედემა, ანემია, კოლაგენური დაავადებები. სუქსამეთონიუმი არ შეჰყავთ სისხლის პრეპარატებთან ერთად. | ||
| ორსულობა და ლაქტაცია: | პრეპარატის გამოყენება არ არის რეკომენდებული ორსულობის და ლაქტაციის დროს. | ||
| ურთიერთქმედება სხვა მედიკამენტებთან: | ფსევდოქოლინერთერაზას ინჰიბიტორებთან (ტრიმეტაფანი, ნეოსტიგმინი, ციკლოფოსფამიდი, ქლორპრომაზინი, კეტამინი, მორფინი და მისი ანტაგონისტები) ერთად გამოყენებისას სუქსამეთონიუმის მოქმედება ხანგრძლივდება. დიფენჰიდრამინს, პრომეთაზინს, ესტროგენებს, ოქსიტოცინს და ჰორმონულ კონტრაცეპტივებს ასევე შეუძლიათ ფსევდოქოლინესთერაზას ინჰიბირება. შემდეგი პრეპარატები ახანგრძლივებენ სუქსამეთონიუმის ნერვ-კუნთოვან მაბლოკირებელ მოქმედებას ფსევდოქოლინესთერაზას აქტივობის ინჰიბირების გარეშე: მაგნიუმის მარილები, ქინაქინი, ლითიუმის კარბონატი, ამინოგლიკოზიდები, ქინიდინი, პროკაინამიდი, ლიდოკაინი, ვერაპამილი, ბეტა-ბლოკატორები, ჰალოტანი, იზოფლურანი, დიეთილის ეთერი და მეტოქსიფლურანი. |
Page generation time: 0. 021474827 sec.
