| უნიფიცირებული დასახელება: | ლევონორგესტრელიLevonorgestrel | ||
| ა.თ.ქ. კლასიფიკაცია: | |||
G02BA03 | G შარდსასქესო სისტემა და სასქესო ჰორმონები | ||
| 02 სხვა პრეპარატები გინეკოლოგიური დაავადებების მკურნალობისათვის | |||
| B კონტრაცეპტივები ადგილობრივი გამოყენებისათვის | |||
| A საშვილოსნოს შიდა კონტაცეპტივები (სშკ) | |||
G03AC03 | G შარდსასქესო სისტემა და სასქესო ჰორმონები | ||
| 03 სასქესო ჰორმონები და სასქესო სისტემის მოდულატორები | |||
| A ჰორმონული კონტრაცეპტივები სისტემური გამოყენებისათვის | |||
| C პროგესტაგენები | |||
G03AD01 | G შარდსასქესო სისტემა და სასქესო ჰორმონები | ||
| 03 სასქესო ჰორმონები და სასქესო სისტემის მოდულატორები | |||
| A ჰორმონული კონტრაცეპტივები სისტემური გამოყენებისათვის | |||
| D გადაუდებელი კონტრაცეპტივები | |||
| ანოტაცია: | |||
| ფარმაკოლოგიური თვისება: | პრეპარატი მოქმედებს ჰიპოფიზის ფუნქციაზე, რაც იწვევს გონადროპული ჰორმონების პროდუქციის შემცირებას. იგი ხელს უწყობს ენდომეტრიუმის ცვლილებებს, რის შედეგად ირღვევა კვერცხუჯრედის პროცესი. პრეპარატი ზრდის ცერვიკალური ლორწოს სიბლანტეს, რაც ხელს უსლის სპერმატოზოიდების მიგრაციას. აღნიშნული დოზით პრეპარატის გამოყენება, ოვულაციის დათრგუნვითა და განაყოფიერების დაბრკოლებით იმ შემთხვევაშია შესაძლებელი, როდესაც სქესობრივი კავშირი მყარდება ოვულაციის წინ (ამ დროს განაყოფიერების შესაძლებლობა შედარებით უფრო მაღალია). იმ შემთხვევაში, როდესაც საშვილოსნოს ეპითელიუმში ზიგოტის განვითარება უკვე დაწყებულია, მკურნალობა არაეფექტურია. ეფექტურობა: პრეპარატის აბების მიღებით შესაძლებელია დაუგეგმავი ორსულობის თავიდან აცილება დაახლოებით 85%-ით. რაც მეტია დროის ინტერვალი სქესობრივ კავშირსა და პრეპარატის მიღებას შორის, მით ნაკლებია პრეპარატის ეფექტურობა (პირველი 24სთ-ის განმავლობაში 95%; 24სთ-დან 48სთ-მდე 85%; 48სთ-დან 72სთ-მდე 58%). არ მოიპოვება მონაცემები 72სთ-ის შემდეგ მკურნალობის ეფექტურობის შესახებ. პრეპარატი რეკომენდებული დოზით არ მოქმედებს სისხლის შედედების ფაქტორებზე, ლიპიდებისა და ნახშირწყლების ცვლაზე. | ||
| ფარმაკოკინეტიკა: | ლევონორგესტრელი პერორალურად მიღების შემდეგ სწრაფად და მთლიანად აბსორბირდება. პრეპარატის ერთი აბის მიღებისას ლევონორგესტრელის მაქსიმალური კონცენტრაცია სისხლის პლაზმაში (საშუალოდ 14.1მგ/მლ) აღინიშნება 2-4სთ-ის შემდეგ, რის შემდეგაც მიმდინარეობს პრეპარატის კონცენტრაციის 2 ეტაპიანი დაქვეითება. პრეპარატის ნახევრადგამოყოფის პერიოდი მერყეობს 9-დან 14.5 სთ-ის ფარგლებში. პრეპარატის მეტაბოლიტები ორგანიზმიდან გამოიყოფა შარდთან და განავალთან ერთად დაახლოებით თანაბარი რაოდენობით. მისი ბიოტრანსფორმაცია სტეროიდების მეტაბოლიზმის მსგავსია. იგი მეტაბოლიზდება ღვიძლში, ხოლო მეტაბოლიტები გამოიყოფიან კონიუგატების (გლუკურონიდების) სახით. მას არ ახასიათებს ფარმაკოლოგიურად ცნობილი აქტიური მეტაბოლიტების წარმოქმნის უნარი. იგი უკავშირდება პლაზმის ცილებს, ძირითადად სასქესო ჰორმონების შემაკავშირებელ ალბუმინებს და გლობულინებს. მიღებული დოზის მხოლოდ 1.5% შრატში იმყოფება თავისუფალ მდგომარეობაში, ხოლო 65% სპეციფიურად დაკავშირებულია სასქესო ჰორმონების შემაკავშირებელ გლობულინთან. პრეპარატის ბიოშეღწევადობა შეადგენს 100%-ს. მიღებული დოზის დაახლოებით 0.1% გადადის დედის რძეში. | ||
| ჩვენება: | პრეპარატის აბებს იყენებენ დაუგეგმავი ორსულობის თავიდან აცილების მიზნით სქესობრივი აქტის შემდეგ 72სთ-ის განმავლობაში, როდესაც კონტრაცეპციის სხვა მეთოდების გამოყენება არ არის შესაძლებელი. | ||
| დოზირება და მიღების წესი: | პერორალურად ენიშნებათ 2 აბი. შედარებით უფრო საიმედო ეფექტის მისაღებად საჭიროა პირველი აბის მიღება რაც შეიძლება ადრე სქესობრივი აქტის შემდეგ (მაგრამ არა უგვიანეს 72სთ-სა). მეორე აბის მიღება წარმოებს 12სთის შემდეგ (არაუგვიანეს 16სთ-სა) პირველი აბის მიღებიდან. იმ შემთხვევაში, როდესაც ნებისმიერი აბის მიღების შემდეგ 3სთ-ის განმავლობაში არ აღინიშნება ღებინება, საჭიროა მეორე აბის მიღება. პრეპარატის აბების მიღება წარმოებს მენსტრუალური ციკლის ნებისმიერ დღეს, წინამდებარე დროული მენსტრუაციის შემთხვევაში. სწრაფი ჩასახვის საწინააღმდეგო საშუალებების მიღების შემდეგ მომდევნო მენსტრუაციამდე აუცილებელია ადგილობრივი ბარიერული (მაგ. კონდომის) ჩასახვის საწინააღმდეგო მეთოდების გამოყენება. პრეპარატის ერთად შესაძლებელია პერორალური ჰორმონული ჩასახვის საწინააღმდეგო საშუალებების გამოყენება. ბავშვებში პრეპარატის გამოყენება ნებადართული არ არის. დღეისათვის არ არსებობს საკმარისი მონაცემები 16 წლამდე ასაკის ბავშვებში პრეპარატის გამოყენების შესახებ. გვერდითი მოვლენები: გულისრევა, სიხშირე (%): 23.1; ტკივილი მუცლის ქვედა არეში - 17.6%; გადაღლილობა - 16.9%; თავის ტკივილი - 16.8%; თავბრუსხვევა - 11.2%; სარძევე ჯირკვლების გამკვრივება - 10.8%; ღებინება - 5.6%; სხვადასხვა (დიარეა, მენსტრუალური ციკლის დარღვევა, სისხლიანი გამონადენი) – 13.5% შესაძლებელია მენსტრუალური ციკლის დროებითი დარღვევა, თუმცა ქალების უმრავლესობაში მომდევნო ოვულაციის პროცესი ნორმალურია. იმ შემთხვევაში, როდესაც მენსტრუალური ციკლის გადავადება ხდება 5 დღეზე მეტი ხნით, საჭიროა გამოირიცხოს შესაძლებელი ორსულობა. | ||
| უკუჩვენება: | - მომატებული მგრძნობელობა პრეპარატის ან მასში შემავალი ინგრედიენტების მიმართ; - დუბინ-ჯონსონის და როტორის სინდრომი, სარძევე ჯირკვლის კიბო, თრომბოზები, ჰერპესი, ცხიმოვანი ცვლის მოშლა, არანამშობიარებ ქალებში, შიგნითა და გარეთა სასქესო ორგანოების მწვავე და ქვემწვავე ანთებითი დაავადებები, საშვილოსნოს ყელის ავთვისებიანი დაავადებები, უცნობი გენეზის მეტრორაგია, საშვილოსნოს მიომა, ენდომეტრიოზი, ენდომეტრიტი, სალპინგოოფორიტი, ანამნეზში საშვილოსნოს გარე ორსულობა, ღვიძლის მწვავე დაავადებები; - ორსულობა და ლაქტაცია; - 16 წლამდე ასაკის ბავშვებში. | ||
| ორსულობა და ლაქტაცია: | პრეპარატის მიღება ორსულობის პერიოდში ნებადართული არ არის. პრეპარატის მიღება არ იწვევს ორსულობის შეწყვეტას. პროგესტაგენებით მკურნალობისას ორსულობის დადგომის დროს ეპიდემიოლოგიური გამოკვლევებით პრეპარატის ტერატოგენულ ეფექტი არ აღინიშნება. ლევონორგესტრელი გადადის დედის რძეში. ნაყოფზე პრეპარატის პოტენციური ზემოქმედების დაქვეითება შესაძლებელია ორივე აბის სწრაფად მიღებით ძუძუთი კვების შემდეგ და შემდგომში ძუძუთი კვების შეწყვეტით. განსაკუთრებული მითითებები პრეპარატის სწრაფად მომქმედი გამოყენება შესაძლებელია მხოლოდ ექსტრემალურ პირობებში. იგი არ ცვლის რეგულარულად მისაღებ ჩასახვის საწინააღმდეგო საშუალებებს. ზოგჯერ ამგვარი ჩასახვის საწინააღმდეგო საშუალების გამოყენებით შესაძლებელია ორსულობის განვითარება. იმ შემთხვევაში, როდესაც ქალს ექიმთან ვიზიტის დროს არ ახსოვს სქესობრივი კავშირის ზუსტი დრო, ან იგივე მენსტრუალური ციკლის დროს 72სთ-ით ადრე ადგილი ჰქონდა დაუცველ სქესობრივ კავშირს, შესაძლებელია განაყოფიერება. ამ დროს მეორე სქესობრივი კავშირის შემდეგ პრეპარატის გამოყენება სასურველ ეფექტს არ იწვევს. როდესაც მენსტრუალური ციკლის გადავადება ხდება 5დღეზე მეტი ხნით ან დროულია, მაგრამ მისი მიმდინარეობა განსხვავდება ნორმალური ციკლისაგან, ან სხვა რაიმე მიზეზის გამო საეჭვო ორსულობის შემთხვევაში, საჭიროა გამოირიცხოს შესაძლო ორსულობა. პრეპარატის მიღების მიუხედავად განაყოფიერების შემთხვევაში, ვითარდება საშვილოსნოს გარე ორსულობა. ღვიძლის ფუნქციის მძიმე უკმარისობის დროს პრეპარატის გამოყენება არ არის რეკომენდებული. შეწოვის პროცესის მძიმე დარღვევები (მაგ. კრონის დაავადება) აქვეითებს პრეპარატის ეფექტურობას. პრეპარატის მიღების შემდეგ მენსტრუაცია იწყება ჩვეულებრივ დროს და ნორმალურად მიმდინარეობს. ზოგჯერ იგი იწყება რამდენიმე დღით ადრე ან იგვიანებს. პრეპარატის მიღების შემდეგ რეკომენდებულია სამედიცინო შემოწმება კონტრაცეპციის რეგულარული მეთოდის გამოყენების შესახებ. იმ შემთხვევაში, როდესაც პრეპარატის მიღება შეცდომით მოხდა რეგულარულ ჰორმონულ ჩასახვის საწინააღმდეგო საშუალებებთან ერთად და რეგულარული აბების მიღებიდან მომდევნო 7 დღიანი შესვენების შემდეგ ადგილი არა აქვს მენსტრუაციას, საჭიროა გამოირიცხოს შესაძლებელი ორსულობა. ერთთვიანი მენსტრუალური ციკლის განმავლობაში აბების განმეორებითი მიღება მენსტრუალური ციკლის დარღვევის გამო რეკომენდებული არ არის. პრეპარატის ეფექტურობა რეგულარულ ჩასახვის საწინააღმდეგო საშუალებებთან შედარებით უფრო დაბალია. რეგულარული სქესობრივი კავშირის დროს ქალებმა საჭიროა მიმართონ კონტრაცეპციის სხვა საშუალებებს. | ||
| ჭარბი დოზირება: | სიმპტომები: შესაძლებელია ღებინება ან სისხლდენა. მკურნალობა: სიმპტომატური. სპეციფიკური ანტიდოტი არ მოიპოვება. | ||
| ურთიერთქმედება სხვა მედიკამენტებთან: | ღვიძლის მეტაბოლიზმის ინდუქტორებთან პრეპარატის კომბინაციით ლევონორგესტრელის მეტაბოლიზმი ძლიერდება. ბარბიტურატები (პრიმიდონის ჩათვლით), ფენიტოინი, კარბამაზეპინი, კრაზანას შემცველი პრეპარატები, რიფამპიცინი, რიტონავირი, რიფაბუტინი, გრიზეოფულვინი აქვეითებენ პრეპარატის ეფექტურობას და პირიქით, ციკლოსპორინის მეტაბოლიზმის დათრგუნვით, ლევონორგესტრელის შემცველი პრეპარატები აძლიერებენ ციკლოსპორინის ტოქსიკურ ეფექტს. |
Page generation time: 0. 022658319 sec.
