| უნიფიცირებული დასახელება: | ვინპოცეტინიVinpocetine | ||
| ა.თ.ქ. კლასიფიკაცია: | |||
N06BX18 | N ნერვული სისტემა | ||
| 06 ფსიქოანალეფსიური საშუალებები | |||
| B ფსიქომასტიმულირებელი და ნოოტროპული პრეპარატები | |||
| X ფსიქომასტიმულირებელი და ნოოტროპული სხვა პრეპარატები | |||
| ანოტაცია: | |||
| ფარმაკოლოგიური თვისება: | ვინპოცეტინს გააჩნია კომპლექსური მოქმედების სამკურნალო მექანიზმი. იგი დადებითად მოქმედებს თავის ტვინის სისხლმიმოქცევაზე, ცერებრულ მეტაბოლიზმზე და სისხლის რეოლოგიურ თვისებებზე. ვიმპოცეტინს გააჩნია ნეიროპროტექტული ეფექტი: იგი ამცირებს დამაზიანებელი ციტოტოქსიკური რეაქციების ინტვნსივობას, რომლებიც გამოწვეულია ამგზნები ამინომჟავებით; ვინპოცეტინი აინჰიბირებს როგორც ნატრიუმისა და კალციუმის არხების, ასევვ გლუტამატ NMDA-სა და AMPA-ს რეცეპტორების ფუნქციურ აქტივობას; ვინპოცეტინი ზრდის ადენოზინის ნეიროპროტექტულ ეფექტს; პრეპარატი ასტიმულირებს ცერებრულ მეტაბოლიზმს: აძლიერებს თავის ტვინის მიერ გლუკოზისა და ჟანგბადის შეთვისებასა და უტილიზაციას, ზრდის ნეირონების რეზისტენტობას ჰიპოქსიის მიმართ; ვინპოცეტინი ასტიმულირებს გლუკოზის ტრანსპორტს ჰემატოენცეფალურ ბარიერში, რომელიც წარმოადგენს თავის ტვინის ენერგიის უნივერსალურ წყაროს. იგი ხელს უწყობს გლუკოზის მეტაბოლიზმს უფრო ხელსაყრელი აერობული მიმართულებით; პრეპარატი შერჩევითად აინჰიბირებს Ca 2+ -კალმოდულინ-დამოკიდებულ ცგმფ-ფოსფოდიესთერაზას, თავის ტვინის ქსოვილებში ზრდის ცამფ-ისა და ცგმფ-ის, აგრეთვე ატფ-ის კონცენტრაციას და შესაბამისად ატფ/აგფ-ის შეფარდებას. იგი ასტიმულირებს ნორადრენალინისა და სეროტონინის ცერებრულ მეტაბოლიზმს და ააქტივებს აღმავალ ნორადრენერგულ სისტემას. ზემოთჩამოთვლილი მოქმედების მექანიზმები უზრუნველყოფენ ვინპოცეტინის ცერებროპროტექტულ ეფექტს. ვინპოცეტინი აუმჯობესებს თავის ტვინის ქსოვილებში მიკროცირკულაციას: თრგუნავს თრომბოციტების აგრეგაციას; ამცირებს პათოლოგიურად მომატებულ სისხლის სიბლანტეს; ზრდის ერითროციტების დეფორმირებულობის ხარისხს და თრგუნავს მათ მიერ ადენოზინის შთანთქმას. იგი აგრეთვე უზრუნველყოფს ქსოვილების ოქსიგენაციის პროცესს. ვინპოცეტინი შერჩევითად აძლიერებს თავის ტვინში სისხლმიმოქცევას: აუმჯობესებს თავის ტვინში სისხლმიმოქცევის პროცესს; ამცირებს თავის ტვინის სისხლძარღვების წინააღმდეგობას, სისტოლური სისხლმიმოქცევის პარამეტრებზე უმნიშვნელო ზემოქმედების გარეშე. იგი პრაქტიკულად არ მოქმედებს არტერიულ წნევაზე, წუთმოცულობაზე, პულსის სიხშირესა და საერთო პერიფერიულ წინააღმდეგობაზე; ვინპოცეტინი არ იწვევს “მითვისების” ფენომენს -პირიქით, მისი გამოყენებისას პირველ რიგში ძლიერდება ჯერ კიდევ სიცოცხლისუნარიანი მცირე პერფუზიის იშემიური უბნის სისხლით მომარაგება. | ||
| ფარმაკოკინეტიკა: | შიგნით მიღებისას ვინპოცეტინი სწრაფად და კარგად შეიწოვება. მისი ბიოშეღწევადობა შეადგენს 57%-ს. თერაპიული კონცენტრაციები პლაზმაში მერყეობს 10-დან 20 ნგ/მლ-ის ფარგლებში. მისი ნახევრადგამოყოფის პერიოდი შეადგენს დაახლოებით 5სთ-ს. | ||
| ჩვენება: | თავის ტვინის სისხლმიმოქცევის უკმარისობა, რომელსაც თან ახლავს ნევროლოგიური ან ფსიქიური მოშლილობანი: ინსულტის შემდგომი მდგომარეობა, ვერტებრო-ბაზილარული უკმარისობა, ცერებრული ათეროსკლეროზი, სისხლძარღვოვანი წარმოშობის დემენცია, ტრავმის შემდგომი და ჰიპერტონელი ენცეფალოპათია. ოფთალმოლოგიაში: თვალის გარსის სისხლძარღვებისა და ბადურას ქრონიკული დაავადებების სამკურნალოდ. ოტიატრიაში: ვინპოცეტინი გამოიყენება პერცეპციული ტიპის სმენის დაქვეითების, მენიერის დაავადების, ყურებში იდოპათური შუილის სამკურნალოდ. | ||
| დოზირება და მიღების წესი: | ხშირ შემთხვევაში პრეპარატი გამოიყენება დღეში 3-ჯერ 5-10 მგ-ის ოდენობით (15-30 მგ დღეში). ვინპოცეტინი ინიშნება ჭამის შემდეგ. იმის გამო, რომ ვინპოცეტინს არ გააჩნია ჰეპათო- და ნეფროტოქსიკური მოქმედება, პაციენტებში, რომლებსაც დარღვეული აქვთ ღვიძლისა და თირკმელების ფუნქცია დოზის კორექცია არ არის აუცილებელი. | ||
| გვერდითი მოვლენები: | გულ-სისხლძარღვთა სისტემის მხრივ აღინიშნება ST სეგმენტის დეპრესია და QT იტერვალის გაზრდა, აგრეთვე ტაქიკარდია, ექსტრასისტოლია. სისხლძარღვების მხრივ: არტერიული წნევის უმნიშვნელო ცვლილება, ძირითადად მისი დაქვეითება; კანის სიწითლე. ცნს-ის მხრივ: ძილის დარღვევა (უძილობა ან პირიქით ძილიანობა), თავბრუსხვევა, სისუსტე. კუჭ-ნაწლავის ტრაქტის მხრივ: პირის სიმშრალე, ღებინება, კუჭის არეში წვის შეგრძნება. კანის მხრივ ალერგიული სიმპტომები გვხვდება იშვიათად. | ||
| უკუჩვენება: | - პრეპარატის მიღება წინააღმდეგნაჩვენებია მასში შემავალი კომპონენტების მიმართ მომატებული მგრძნობვლობის დროს, აგრეთვე ორსულობისა და ლაქტაციის პერიოდში; - არ არსებობს მონაცემები ბავშვებში პრეპარატის გამოყენების შესახებ. | ||
| განსაკუთრებული მითითებები: | QT ინტერვალის გახანგრძლივების დროს, ან იმ პრეპარატების ერთდროული მიღებისას, რიმლებიც ხელს უწყობენ QT ინტერვალის გახანგრძლივებას, რეკომენდებულია ელექტროკარდიოგრამის კონტროლი. ლაქტოზას აუტანლობის შემთხვევაში მხედველობაში უნდა მივიღოთ ის ფაქტი, რომ ვინპოცეტინის თითოეული აბი შეიცავს 41.5 მგ ლაქტოზას. | ||
| ურთიერთქმედება სხვა მედიკამენტებთან: | არ არსებობს მონაცემები. |
Page generation time: 0. 021711423 sec.
