This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
ნისტატინი
Nystatin
ა.თ.ქ. კლასიფიკაცია:
	
 
G01AA01	
G შარდსასქესო სისტემა და სასქესო ჰორმონები
	
01 ანტისეპტიკური საშუალებები და მიკრობების საწინააღმდეგო პრეპარატები გინეკოლოგიური დაავადებების მკურნალობისათვის
	
A ანტისეპტიკური საშუალებები და მიკრობების საწინააღმდეგო პრეპარატები გინეკოლოგიური დაავადებების მკურნალობისათვის (კორტიკოსტეროიდებთან კომბინაციის გარდა)
	
A ანტიბიოტიკები
D01AA01	
D დერმატოლოგია
	
01 სოკოს საწინააღმდეგო პრეპარატები კანის დაავადებების მკურნალობისათვის
	
A სოკოს საწინააღმდეგო პრეპარატები გარეგანი გამოყენებისათვის
	
A სოკოს საწინააღმდეგო ანტიბიოტიკები
A07AA02	
A საჭმლის მომნელებელი ტრაქტი და ნივთიერებათა ცვლა
	
07 ფაღარათის საწინააღმდეგო, ნაწლავის ანთების და მიკრობების საწინააღმდეგო პრეპარატები
	
A ნაწლავის მიკრობების საწინააღმდეგო პრეპარატები
	
A ანტიბიოტიკები
ანოტაცია:
	
	
ფარმაკოლოგიური თვისება:
	
ნისტატინი მიეკუთვნება პოლიენური ჯგუფის ანტიბიოტიკებს, რომელიც პროდუცირდება Actinomycet Streptomyces noursei-მიერ. ნისტატინი სელექტიურად მოქმედებს პათოგენურ, განსაკუთრებით საფუარას მაგვარ, კანდიდას ჯგუფის სოკოებზე და აგრეთვე იგი ცვლის მიკროორგანიზმების უჯრედის მემბრანის შეღწევადობას და თრგუნავს მათ გამრავლებას. არ ხასიათდება აქტიურობით ბაქტერიების, აქტინომიცეტების და ვირუსების მიმართ.
ფარმაკოკინეტიკა:
	
შიგნით მიღებისას პრეპარატი ცუდად შეიწოვება კუჭ-ნაწლავის ტრაქტიდან. ანტიბიოტიკის ფუნგისტატური კონცეტრაცია სისხლში და ქსოვილებში აღინიშნება პრეპარატის მხოლოდ დიდი დოზებით მიღებისას. პრეპარატი არ გაივლის ჰემატოენცეფალურ ბარიერს და არ აღწევს სპინალურ სითხეში. შიგნით მიღებული ძირითადი დოზა გამოიყოფა სწორი ნაწლავის გზით უცვლელ მდგომარეობაში. ფეკალიებში აღინიშნება პრეპარატის მაღალი კონცენტრაცია, რომელიც საკმარისია სამკურნალო ეფექტის მისაღებად კუჭ-ნაწლავის ტრაქტის ლორწოვანი გარსის კანდიდომიკოზის დროს. შეწოვილი პრეპარატის ფრაქცია გამოიყოფა შარდით.
ჩვენება:
	
ნისტატინი გამოიყენება კანდიდას ჯგუფის სოკოებით (Candida albicans და სხვა) გამოწვეული დაავადებების, ლორწოვანი გარსის (პირის ღრუს, საშოს და ა.შ.), კანის და შინაგან ორგანოების (კუჭ-ნაწლავის ტრაქტის, ფილტვების, თირკმლების და სხვა) კანდიდოზის სამკურნალოდ და პროფილაქტიკისათვის. პროფილაქტიკის მიზნით უნიშნავენ იმ პირებს, რომელთაც უტარდებათ ხანგრძლივი მკურნალობა პენიცილინის ან სხვა ჯგუფის ანტიბიოტიკებით (განსაკუთრებით ტეტრაციკლინის ჯგუფის, ლევომიცეტინის, ნეომიცინის და სხვა გამოყენების დროს, აგრეთვე დასუსტებულ ავადმყოფებს.
დოზირება და მიღების წესი:
	
ნისტატინის აბი ინიშნება პერორალურად დაღეჭვის გარეშე. მოზრდილებში - 500.000 ერთეული 3-4-ჯერ დღეში ან 250.000 ერთეულ 6-8-ჯერ დღეში. სადღეღამისო დოზა შეადგენს 1.500.000-3.000.000 ერთეულს მძიმე გენერალიზებული კანდიდომიკოზის დროს სადღეღამისო დოზა შეიძლება გაიზარდოს 4.000.000-6.000.000 ერთეულამდე. 1 წლამდე ასაკის ბავშვებში - 100.000 ერთეული 2-3-ჯერ დღეში, 1-დან-5 წლის ასაკის ბავშვებში - 200.000 ერთეული 23-ჯერ დღეში, 6 წელზე უფროსი ასაკის ბავშვები იღებენ მოზრდილთA დოზას. მკურნალობის საშუალო ხანგრძლივობაა 10-14 დღე (დამოკიდებულია დაავადების სიმძიმეზე და პრეპარატის მიმართ ტოლერანტობაზე). ქრონიკულ მორეციდივე და გენერალიზებული კანდიდოზის დროს მკურნალობის კურსს იმეორებენ 2-3 კვირის შესვენების შემდეგ.
გვერდითი მოვლენები:
	
ნისტატინი ნაკლებად ტოქსიკურია. გვერდით მოვლენებს ჩვეულებრივ არ იწვევს, მაგრამ პრეპარატისადმი მომატებული მგრძნობელობის დროს შესაძლოა გულისრევა, პირღებინება, დიარეა, ტემპერატურის მომატება, კანკალი: გარეგანი და ინტრავაგინალური გამოყენებისას ადგილობრივი ალერგიული რეაქციები. ამ შემთხვევაში პრეპარატის დოზას ამცირებენ. სოკოების რეზისტენტული ფორმების გავრცელების რისკის შემთხვევაში პრეპარატის მიღებას წყვეტენ.
უკუჩვენება:
	
მომატებული მგრძნობელობა პრეპარატისადმი; ლაქტაციის პერიოდში მისი გამოყენებისათვის საჭიროა მოსალოდნელი სარგებლიანობის და პოტენციური რისკის თანაფართობის გათვალისწინება. ორსულობის დროს ინტრავაგინურად მისი გამოყენება წინააღმდეგნაჩვენებია.
განსაკუთრებული მითითებები:
	
ნისტატინის მკურნალობის დროს მის მიმართ რეზისტენტობა ნელა ვითარდება. ალერგიული რეაქციის განვითარებისას ნისტატინის მიღება წყდება. საშოს სოკოვანი დაავადების შემთხვევაში საჭიროა სქესობრივი პარტნიორის ერთდროული მკურნალობა და სქესობრივი აქტისგან თავის შეკავება. მენსტრუაციის დროს პრეპარატის მიღებას არ წყვეტენ.
ჭარბი დოზირება:
	
არ არის აღწერილი.
ურთიერთქმედება სხვა მედიკამენტებთან:
	
კანდიდომიკოზის პროფილაქტიკისთვის სასურველია ბენზილპენიცილინით, ამინოგლიკოზიდებით, ტეტრაციკლინის ჯგუფის ანტიბიოტიკებით, ლევომიცეტინით, ნეომიცინით მკურნალობისას მათი ნისტატინთან კომბინირება.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 022860116 sec.