This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
ალილესტრენოლი
Allylestrenol
ა.თ.ქ. კლასიფიკაცია:
	
 
G03DC01	
G შარდსასქესო სისტემა და სასქესო ჰორმონები
	
03 სასქესო ჰორმონები და სასქესო სისტემის მოდულატორები
	
D პროგესტაგენები
	
C ესტრენის წარმოებულები
ანოტაცია:
	
	
ფარმაკოლოგიური თვისება:
	
პროგესტინია. აქვს გამოხატული პროგესტაგენური აქტივობა. იწვევს ენდომეტრიუმის ეპითელიუმის გადასვლას პროლიფერაციული ფაზიდან სეკრეტორულში. ახდენს მასტიმულირებელ გავლენას ტროფობლასტის სეკრეტორულ ფუნქციაზე, აქვეითებს ოქსიტოცინაზის გამომუშავებას. ზრდის პლაცენტური სტეროიდების მეტაბოლების წარმოქმნას და ახდენს პლაცენტის ფუნქციის ნორმალიზებას, ასტიმულირებს ენდოგენური პროგესტერონის სეკრეციას.
ფარმაკოკინეტიკა:
	
პერორალურად მიღების შემდეგ ალილესტრენოლის აბსორბცია მაღალია. მეტაბოლიზდება ღვიძლში. გამოიყოფა თირკმელებით მეტაბოლების სახით.
ჩვენება:
	
ორსულობის შეწყვეტის საფრთხე, ნაადრევი მშობიარობის საშიშროება.
დოზირება და მიღების წესი:
	
ინდივიდუალურია. პერურალურად მიღებისას ერთჯერადი დაზაა -5მგ, სადღეღამისო დოზა მერყეობს 10-დან 40მგ-მდე.
გვერდითი მოვლენები:
	
საჭმლის მომნელებელი სისტემის მხრივ: დისპეპსიის სიმპტომები, გულისრევა, ქოლესტატური სიყვითლე. ცნს-ის მხრივ: თავის ტკივილი, დეპრესია, უძილობა, ძილიანობა. შარდგამომყოფი სისტემის მხრივ: სითხის შეკავება, შეშუპების სინდრომი. ენდოკრინული სისტემის მხრივ: სხეულის მასის მომატება, გალაქტორეა, სარძევე ჯირკვლების გაჯირჯვება, გლუკოზის მიმართ ტოლერანტობის დაქვეითება. სხვადასხვა: თრომბოფლებიტი, თრომბოემბოლია, ჰიპერთერმია, ჭორფლი.
უკუჩვენება:
	
ღვიძლის ფუნქციის მოშლა, დუბინ-ჯონსონის სინდრომი, როტორის სინდრომი, თრომბოფლებიტი, თრომბოემბოლია, თავის ტვინის სისხლისმიმოქცევის მოშლა, სარძევე ჯირკვლების სიმსივნე, სასქესო ჯირკვლების სიმსივნე, ანამნეზში ტოქსიკოზისა და ჰერპესის არსებობა წინა ორსულობის დროს, ლაქტაცია.
განსაკუთრებული მითითებები:
	
პრეპარატი სიფრთხილით ინიშნება თირკმლის ანთებითი დაავადებების, გულის ქრონიკული უკმარისობისა და გლუკოზის მიმართ ტოლერანტობის დაქვეითების დროს. შაქრიანი დიაბეტისას ალილესტრენოლის მიღების ფონზე შესაძლებელია გლუკოზის მიმართ ტოლერანტობის დაქვეითება.
ურთიერთქმედება სხვა მედიკამენტებთან:
	
მიკროსომული ჟანგვის ინდუქტორები აქვეითებენ ალილესტრენოლის ეფექტურობას, ღვიძლის მიკროსომული ფერმენტების ინჰიბიტორები ზრდიან გვერდითი ეფექტების განვითარების რისკს.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 020655157 sec.