| უნიფიცირებული დასახელება: | კალციუმის ფოლინატიCalcium folinate | ||
| ა.თ.ქ. კლასიფიკაცია: | |||
V03AF03 | V სხვა პრეპარატები | ||
| 03 სხვადასხვა პრეპარატები | |||
| A სხვადასხვა პრეპარატები | |||
| F ციტოსტატიური თერაპიის ტოქსიკურობის შემამცირებელი პრეპარატები | |||
| ანოტაცია: | |||
| ფარმაკოლოგიური თვისება: | პრეპარატი წარმოადგენს ფოლის მჟავას ანტაგონისტების ანტიდოტს (ფოლინის მჟავა წარმოადგენს ფოლის მჟავას აქტიურ, ქიმიურად აღდგენილ წარმოებულს). კალციუმის ფოლინატი ამცირებს ფოლის მჟავას ანტაგონისტების თერაპიულ და ტოქსიკურ ზემოქმედებას (მაგ. მეტოტრექსატი) სიმსივნის საწინააღმდეგო ქიმიოთერაპიის დროს, ხელს უწყობს ნუკლეინის მჟავების ბიოსინთეზის აღდგენას და ავსებს ორგანიზმში ფოლის მჟავის დეფიციტს. | ||
| ფარმაკოკინეტიკა: | იგი აღწევს ჰემატოენცეფალურ ბარიერში, გროვდება ღვიძლში და განიცდის მასში და ნაწლავების ლორწოვან გარსში მეტაბოლიზმს აქტიური მეტაბოლიტების წარმოქმნით. მეტაბოლიზმის ხარისხი და სიჩქარე უფრო მაღალია პერორალური მიღებისას, ვიდრე მისი პარენტერული შეყვანისას. პრეპარატის ნახევარგამოყოფის პერიოდი შეადგენს 6 საათს. მისი ელიმინაცია ხორციელდება თირკმელებით. | ||
| ჩვენება: | - მეტოტრექსატის ტოქსიკური მოქმედების პროფილაქტიკა და მკურნალობა; - მეგალობლასტური ანემიის მკურნალობა, რომელიც გამოწვეულია ფოლის მჟავას დეფიციტით. მსხვილი და სწორი ნაწლავის კიბოს პალიატიური მკურნალობა (კომბინაციაში ფტორურაცილთან). | ||
| დოზირება და მიღების წესი: | კალციუმის ფოლინატის დოზის შერჩევა ხდება ინდივიდუალურად მეტოტრექსატის ინტრავენური ინფუზიის დროს (12-15 გ/მ24 საათის შემდეგ). გასათვალისწინებელია თირკმელების გამომყოფი ფუნქციის მდგომარეობა, რომელიც ხორციელდება კრეატინინის და მეტოტრექსატის კონცენტრაციის სისტემატური კონტროლით პლაზმაში (მინიმუმ ერთხელ/დღეში). მეტოტრექსატის ნორმალური გამოყოფისას (მისი დონე პლაზმაში 10 მკM შეყვანიდან 24 საათის შემდეგ, 1 მკM 48 საათის შემდეგ შეყვანიდან და 0.2 მკM 72 საათის შემდეგ), ინიშნება კალციუმის ფოლინატი დოზით 15 მგ (დაახლოებით 10 მგ/მ2) პერორალურად, ინტრავენურად ან კუნთებში 6 საათში ერთხელ 60 საათის განმავლობაში (10 დოზა, დაწყებული 24 საათის შემდეგ მეტოტრექსატის შეყვანიდან). მეტოტრექსატის შენელებული გამოყოფისას (მეტოტრექსატის დონე აღემატება 0.2 მკM შეყვანიდან 72 საათის შემდეგ და 0,05 მკM შეყვანიდან 96 სთ-ის შემდეგ) კალციუმის ფოლინატი შეჰყავთ დოზით 15 მგ პერორალურად, ინტრავენურად ან კუნთებში 6 საათში ერთხელ მანამდე, სანამ მეტოტრექსატის დონე პლაზმაში არ გახდება 0.05 მკM-ზე ნაკლები. მეტოტრექსატის ადრეული შენელებული გამოყოფისას ორგანიზმიდან (მეტოტრექსატის დონე 50 მკM და მეტი 24 საათის შემდეგ, 5 მკM და მეტი 48 საათის შემდეგ ან კრეატინინის დონის გაზრდა პლაზმაში 100%-ით 24 საათის შემდეგ მეტოტრექსატის შეყვანიდან) კალციუმის ფოლინატის დანიშვნა წარმოებს დოზით 150 მგ ინტრავენურად 3 საათში ერთხელ, სანამ მეტოტრექსატის დონე პლაზმაში არ გახდება 1 მკM-ზე ნაკლები. შემდეგ ინიშნება 15 მგ ინტრავენურად 3 საათში ერთხელ, სანამ მეტოტრექსატის დონე არ დაიწევს 0.05 მკM-ზე უფრო ქვევით. აუცილებელია ერთდროული ჰიდრატაცია და ნატრიუმის ბიკარბონატის შეყვანა, (სანამ შარდის pH არ გახდება 7,0 და უფრო მეტი) სანამ მეტოტრექსატის დონე არ დაიწევს 0,05 მკM-ზე უფრო ქვევით. გამოხატული ტოქსიკური მოვლენების დროს, მკურნალობა კალციუმის ფოლინატით გრძელდება დამატებით კიდევ 24 საათი (14 თანმიმდევრული დოზა 84 საათის განმავლობაში). არასაკმარისი ეფექტის შემთხვევაში საჭიროა პრეპარატის პარენტერული შეყვანა. თუ 24 სთ-ის განმავლობაში კრეატინინის მნიშვნელობა პლაზმაში გაიზრდება 50 %-ით, ან თუ მეტოტრექსატის დონე 24 სთ-ის შემდეგ აჭარბებს 0,05 მკM, კალციუმის ფოლინატის დოზას ზრდიან 100 მგ/მ2 ყოველ 3 სთ-ში, სანამ მეტოტრექსატის დონე არ გახდება 0,01 მკM -ზე ნაკლები. მეგალობლასტური ანემიის დროს, რომელიც გამოწვეულია ფოლის მჟავას დეფიციტით, კალციუმის ფოლინატი ინიშნება დოზით 1 მგ/დღეღამეში. | ||
| გვერდითი მოვლენები: | კუჭ-ნაწლავის ტრაქტის მხრივ: პერორალური მიღებისას - გულისრევა, ღებინება (ამ შემთხვევაში პრეპარატი შეჰყავთ პარენტერულად). ალერგიული რეაქციები: ურტიკარია, ანაფილაქსიური შოკი. | ||
| უკუჩვენება: | - მომატებული მგრძნობელობა პრეპარატის მიმართ; - მეგალობლასტური ანემია, გამოწვეული ვიტამინი B12-ს დეფიციტით. | ||
| ორსულობა და ლაქტაცია: | აუცილებლობის შემთხვევაში უნდა განისაზღვროს პრეპარატის გამოყენების სარგებლობა დედისათვის და პოტენციური რისკი ნაყოფისათვის. ლაქტაციის პერიოდში - საჭიროა ძუძუთი კვების შეწყვეტა. | ||
| განსაკუთრებული მითითებები: | მეტოტრექსატით მკურნალობისას, როდე-საც აღინიშნება ტოქსიკურობის კლინიკური ნიშნები და ლაბორატორიული ცვლილებები, უნდა გამოირიცხოს მეტოტრექსატის კონცენტრაციის გაზრდა პლაზმაში სხვა სამკურნალო საშუალებებთან ურთიერთქმედებისას, რომლებიც აფერხებენ მის გამოყოფას ან გამოდევნიან მას პლაზმის ალბუმინებთან კავშირიდან. კალციუმის ფოლინატი სიფრთხილით ინიშნება, ასციტის, დეჰიდრატაციის, ექსუდატური პლევრიტის, თირკმელების ფუნქციის დარღვევის დროს. მკურნალობის დაწყებამდე და თერაპიის პროცესში საჭიროა თირკმელების ფუნქციის კონტროლი. მეტოტრექსატის შემთხვევითი ჭარბი დოზირებისას კალციუმის ფოლინატით მკურნალობა უნდა დაიწყოს დაუყოვნებლივ. ბავშვებში პრეპარატის გამოყენებისას უნდა გავითვალისწინოთ, რომ მან შეიძლება გაახშიროს ეპილეფსური შეტევების სიხშირე, ვინაიდან კალციუმის ფოლინატი ამცირებს კრუნჩხვების საწინააღმდეგო პრეპარატების ეფექტურობას. | ||
| ურთიერთქმედება სხვა მედიკამენტებთან: | კალციუმის ფოლინატის და ფენობარბიტალის ან დიფენინის ერთდროული გამოყენება იწვევს ამ უკანასკნელთა მოქმედების ეფექტის შემცირებას. პრეპარატის ფტორურაცილთან ერთდროული გამოყენება აძლიერებს უკანასკნელის თერაპიულ და ტოქსიკურ მოქმედებას. |
Page generation time: 0. 021385648 sec.
