| უნიფიცირებული დასახელება: | ფუზაფუნგინიFusafungine | ||
| ა.თ.ქ. კლასიფიკაცია: | |||
R02AB03 | R სასუნთქი სისტემა | ||
| 02 პრეპარატები ყელის დაავადებების მკურნალობისათვის | |||
| A პრეპარატები ყელის დაავადებების მკურნალობისათვის | |||
| B ანტიბიოტიკები | |||
| ანოტაცია: | |||
| ფარმაკოლოგიური თვისება: | პრეპარატი წარმოადგენს ადგილობრივი გამოყენების ანტიმიკრობულ საშუალებას, რომელსაც არ გააჩნია სისტემური მოქმედება. ფუზაფუნგინი ხასიათდება ანტიბაქტერიული და ანთების საწინააღმდეგო მოქმედებით. იგი ამცირებს სასუნთქი გზების ლორწოვანი გარსის ანთებით პროცესს, შეშუპებასა და რესპირატორული ტრაქტის ლორწოვანი გარსში ექსუდაციის პროცესს. ფუზაფუნგინი წარმოადგენს აეროზოლს მიკრონაწილების სახით, რომელიც პენეტრირებს სასუნთქი გზების შედარებით ძნელად მისაღწევ ნაწილებში (სინუსები, ბრონქიოლები). ფუზაფუნგინი აქტიურია ისეთი მიკროორგანიზმების მიმართ, როგორიცაა: Streptococcus spp., A ჯგუფები, Streptococcus pneumoniae (ძველი დასახელებაა Pneumococcus), Staphylococcus spp., Neisseria spp. ზოგიერთი შტამების, ზოგიერთი ანაერობების, აგრეთვე Mycoplasma spp., და სოკო Candidas მიმართ. | ||
| ფარმაკოკინეტიკა: | ფუზაფუნგინის საინჰალაციო გზით მიღების შემდეგ იგი არ აღინიშნება სისხლის პლაზმაში, არამედ რჩება სასუნთქი გზების ლორწოვანი გარსის ზედაპირზე. | ||
| ჩვენება: | ფუზაფუნგინი გამოიყენება ცხვირ-ხახისა (სინუსიტი, რინიტი, რინოფარინგიტი, ფარინგიტი, ტონზილიტი, ლარინგიტი, ტრაქეიტი, ბრონქიტი, ტონზილექტომიის შემდგომი მდგომარეობა) და სასუნთქი გზების ანთებითი და ინფექციური დაავადებების ადგილობრივი მკურნალობისათვის. დოზირების რეჟიმი მოზრდილებში რეკომენდებულია ყოველ 4 საათში 1 სეანსი. თითოეული სეანსი მოიცავს 4 ინჰალაციას პირის ღრუში და/ან 4 ინჰალაციას ცხვირის თითოეულ ნესტო-ში. ბავშვებში პრეპარატი ინიშნება 1 სეანსის სახით ყოველ 6 საათში. მკურნალობის დასაწყისში ან გამოხატული პათოლოგიის შემთხვევაში დოზა შესაძლოა გაიზარდოს 6 ინჰალაციამდე ყოველ სეანსზე. მკურნალობის ჩვეულებრივი კურსი არ უნდა აჭარბებდეს 10 დღეს. სინუსიტების, რინიტების, რინოფარინგიტების დროს საჭიროა ინჰალაცია ჩატარდეს ნაზალურად, ცხვირის ადაპტერის გამოყენებით. ინჰალაციის წინ საჭიროა ცხვირის გასუფთავება, რის შემდეგაც ცხვირის თითოეულ ნესტოში ნაწილობრივ უნდა შევიყვანოთ ადაპტერი. აუცილებელია დავაფიქსიროთ ფლაკონი, შემდეგ ღრმად ჩავისუნთქოთ, რათა პრეპარატის მიკრონაწილები კარგად განაწილდეს სინუსებსა და ცხვირის ნესტოებში. აეროზოლის თითოეული დოზის შესუნთქვა რეკომენდებულია დახურული პირით. ფარინგიტების, ტონზილიტების, ტონზილექტომიის შემდგომი მდგომარეობის და ლარინგიტის დროს ინჰალაცია ტარდება პირის ღრუდან, ამ შემთხვევაში იყენებენ პირის ღრუსათვის განკუთვნილ ადაპტერს. ღრმად უნდა ჩავისუნთქოთ აეროზოლის შიგთავსი, შევაჩეროთ რამოდენიმე წამით სუნთქვა, რათა აქტიური ნივთიერების ნაწილაკებმა მთლიანად დაფაროს ნუშურებისა და ცხვირ-ხახის ლორწოვანი გარსი. გვერდითი მოვლენები აეროზოლის გამოყენებისას იშვიათად აღინიშნება ცხვირის ცემინება და ცხვირ-ხახის გაღიზიანება. პაციენტებში, რომლებსაც მიდრეკილება აქვთ ალერგიის მიმართ იშვიათად ვითარდება ადგილობრივი რეაქციები კანსა და ლორწოვან გარსზე, რაც გამოიხატება შეშუპებით, გამონაყარით და ბრონქოსპაზმით. ზემოთაღნიშნული სიმპტომების გამოვლენისას აუცილებელია პრეპარატის მიღების შეწყვეტა და ექიმთან კონსულტაცია. | ||
| უკუჩვენება: | პრეპარატის მიღება წინააღმდეგნაჩვენებია მის მიმართ მომატებული მგრძნობელობის დროს. 2.5 წლამდე ასაკის ბავშვებში პრეპარატის მიღება არ არის რეკომენდებული. ორსულობა და ლაქტაცია აღნიშნულ პერიოდში პრეპარატი ინიშნება ჩვენების მიხედვით. | ||
| განსაკუთრებული მითითებები: | ფუზაფუნგინის ხანგრძლივი დროით მიღება არ არის რეკომენდებული, ვინაიდან არსებობს ნორმალური მიკრობული ფლორის დათრგუნვის და სუპერინფექციის გავრცელების საშიშროება. მკურნალობის კურსი ჩვეულებრივ შეადგენს 10 დღეს, წინააღმდეგ შემთხვევაში მკურნალობის ტაქტიკა საჭიროა გადამოწმდეს. ფუზაფუნგინის აქტივობის მაქსიმალური გამოვლინებისათვის აუცილებელია დაცული იქნას დანიშნული სეანსების რიცხვი და ჯერადობა, და მიზნობრივად იქნას გამოყენებული შესაბამისი ადაპტერები. მყარი თერაპიული ეფექტის მისაღწევად აუცილებელია მკურნალობის ხანგრძლივობის დაცვა დანიშნულების შესაბამისად. რეკომენდებული არ არის სეანსების შეწყვეტა გამოჯანმრთელების პირველივე სიმპტომების გამოვლენისთანავე - ეს შეიძლება რეციდივის მიზეზი გახდეს. ინფექციის გენერალიზებისას შეიძლება პრეპარატის კომბინირება სისტემური გამოყენების ანტიბიოტიკებთან. შესაძლებელია ფუზაფუნგინის გამოყენება ხანდაზმული პაციენტების სამკურნალოდ. სეანსების რეგულარული ჩატარებისათვის საჭიროა პაციენტმა მუდმივად თან ატაროს ფლაკონი, რისთვისაც სპეციალურად განკუთვნილი ჩანთა გამოიყენება. ადაპტერები საჭიროა ყოველდღიურად გავასუეფთავოთ ეთანოლში დასველებული ბამბის ტამპონით. პედიატრიაში გამოყენება: ლარინგოსპაზმის გავრცელების საშიშროების გამო 2.5 წლამდე ასაკის ბავშვებში ფუზაფუნგინის მიღება არ არის რეკომენდებული. | ||
| ჭარბი დოზირება: | ჭარბი დოზირების სიმპტომები აღწერილი არ არის. | ||
| ურთიერთქმედება სხვა მედიკამენტებთან: | ფუზაფუნგინის კომბინაცია დასაშვებია ყველა სამკურნალო საშუალებებთან. |
Page generation time: 0. 021691754 sec.
