| უნიფიცირებული დასახელება: | ამბროქსოლიAmbroxol | ||
| ა.თ.ქ. კლასიფიკაცია: | |||
R05CB06 | R სასუნთქი სისტემა | ||
| 05 ხველებისა და გაციების დროს გამოსაყენებელი პრეპარატები | |||
| C ამოსახველებელი პრეპარატები (ხველების საწინააღმდეგო პრეპარატებთან კომბინაციის გარდა) | |||
| B მუკოლიზური საშუალებები | |||
| ანოტაცია: | |||
| ფარმაკოლოგიური თვისება: | ამბროქსოლი წარმოადგენს მოქმედების ორი მექანიზმის მქონე მუკოლიზურ პრეპარატს; იგი ახორციელებს თავის მოქმედებას ლორწოვანის სეკრეციის გაზრდით და სეკრეტის გათხიერებით (სეკრეტოლიზი), აგრეთვე ლორწოს ევაკუაციის გაძლიერებით (სეკრეტომოტორიკა). ამბროქსოლი წარმოადგენს ბრომჰექსინის მეტაბოლიტს. იგი ხასიათდება კარგად გამოხატული ამოსახველებელი ეფექტით. ამბროქსოლის აქტივობის გამო, იზრდება მუკოლიზურ უჯრედებში როგორც ლიზოსომების გამოყოფის, აგრეთვე ჰიდროლიზური ენზიმების აქტივობის პროცესი, რაც იწვევს ლორწოვან გარსში ბრონქების მიერ გამოყოფილი მჟავე მუკოპოლისაქარიდების დაშლას. ამავე დროს, უფრო ნაკლებად ბლანტი ლორწოს გამოყოფის გამო, მიმდინარეობს ადენოციტების სტიმულაცია. სასუნთქი გზების ანთებითი დაავადებების დროს, ამბროქსოლის გამოყენებით ძლიერდება ბრონქული სეკრეციის გამოყოფის პროცესი და მუკოცილიარული კლირენსი. ამასთან ერთად მცირდება ლორწოს სიბლანტე, რის გამოც ძლიერდება ფილტვების ვენტილაცია და სუსტდება ხველება. | ||
| ფარმაკოკინეტიკა: | პერორალურად მიღების დროს ამბროქსოლი სწრაფად და თითქმის მთლიანად აბსორბირდება კუჭ-ნაწლავის ტრაქტის მიერ. მისი მაღალი ტროპიზმის გამო, იგი ადვილად ნაწილდება ბრონქების ლორწოვან გარსში და ფილტვის ქსოვილში. სისხლის პლაზმაში მისი მაქსიმალური კონცენტრაცია აღინიშნება 1-1.5 სთ-ის შემდეგ. პერორალურად მიღებული პრეპარატის დოზის ბიოშეღწევადობა შეადგენს 70-80%-ს. ამბროქსოლის ნახევრადგამოყოფის პერიოდი ხანგრძლივია და შეადგენს 8-10 სთ-ს. ამბროქსოლის ექსკრეცია ორგანიზმიდან ძირითადად მიმდინარეობს თირკმელების სა-შუალებით. ბრომჰექსინისაგან განსხვავებით, ამბროქსოლი ღვიძლში არ განიცდის დამატებით ბიოტრანსფორმაციას, რაც ღვიძლის დაავადებებით შეპყრობილ პაციენტებში პრეპარატის დანიშვნის საშუალებას იძლევა. | ||
| ჩვენება: | - მწვავე ბრონქიტი, ტრაქეიტი, ლარინგიტი, ფარინგიტი; - ქრონიკული ბრონქიტი გამწვავების ფაზა-ში; - ბრონქული ასთმა; - ბრონქოპნევმონია; - მუკოვისციდოზი; - ბრონქოექტაზური დაავადება; - დიდი ქირურგიული ოპერაციების შემდგომ, ტრავმების და სხვა პერიოდში ბრონქებსა და ფილტვებში შეგუბებით მიმდინარე დაავადებების პროფილაქტიკა. | ||
| დოზირება და მიღების წესი: | მოზრდილებში და ბავშვებში 12 წლის ასაკის ზემოთ პერორალურად ინიშნება 1 ტაბ. (30 მგ) 2-3-ჯერ დღეში, (მძიმე შემთხვევებში შესაძლებელია სადღეღამისო დოზის გაზრდა 180 მგ-მდე). ბავშვებში 5 წლის ასაკიდან 12 წლის ასაკამდე - 1/2 ტაბ. (15 მგ) 2-3-ჯერ დღეში ყოველდღიურად, 2-5 წლამდე - 1/4 ტაბ. (7.5 მგ) 3-ჯერ დღეში, 2 წლამდე ასაკის ბავშვებში - 1/4 ტაბ. (7.5 მგ) 2-ჯერ დღე-ში. ტაბლეტებს იღებენ ჭამის დროს, მცირე რაოდენობის სითხესთან ერთად. | ||
| გვერდითი მოვლენები: | ალერგიული რეაქციები კანზე გამონაყარის, ურტიკარიის და ანგიონევროზული შეშუპე ბის სახით აღენიშნებათ ავადმყოფთა არაუმეტეს 1%-ს. პრეპარატის თერაპიულ და ტოქსიკურ დო ზებს შორის დიაპაზონი ძალიან დიდია, ამიტომ მისი ჭარბი დოზირების შესაძლებლობა პრაქტიკულად არ არსებობს. | ||
| უკუჩვენება: | - მომატებული მგრძნობელობა ამბროქსოლის მიმართ; - ორსულობის 1 ტრიმესტრი; - კუჭისა და 12-გოჯა ნაწლავის წყლულოვანი დაავადება გამწვავების სტადიაში. | ||
| ურთიერთქმედება სხვა მედიკამენტებთან: | ამბროქსოლის და ზოგიერთი ანტიბიოტიკების - ამპიცილინის, ამოქსიცილინის და სხვა კომბინაციით ძლიერდება ანტიბაქტერიული საშუალებების ეფექტურობა. ამბროქსოლის კომბინაციით თეოფილინთან იზრდება მისი კონცენტრაცია სისხლის პლაზმაში, რაც მკურნალობის ვადების შემცირების შესაძლებლობას იძლევა. |
Page generation time: 0. 020701150 sec.
