| უნიფიცირებული დასახელება: | კლემასტინიClemastine | ||
| ა.თ.ქ. კლასიფიკაცია: | |||
R06AA04 | R სასუნთქი სისტემა | ||
| 06 ანტიჰისტამინური პრეპარატები სისტემური გამოყენებისათვის | |||
| A ანტიჰისტამინური პრეპარატები სისტემური გამოყენებისათვის | |||
| A ამინოალკილური ეთერები | |||
D04AA14 | D დერმატოლოგია | ||
| 04 პრეპარატები ქავილის მკურნალობისათვის (ანტიჰისტამინური პრეპარატების და საანესთეზიო საშუალებების ჩათვლით) | |||
| A პრეპარატები ქავილის მკურნალობისათვის (ანტიჰისტამინური პრეპარატების და საანესთეზიო საშუალებების ჩათვლით) | |||
| A ანტიჰისტამინური პრეპარატები გარეგანი გამოყენებისათვის | |||
| ანოტაცია: | |||
| ფარმაკოლოგიური თვისება: | პრეპარატი წარმოადგენს H1-ჰისტამინური რეცეპტორების ბლოკატორს. იგი ავლენს ანტიალერგიულ, ქავილის საწინააღმდეგო და ანტიექსუდატურ მოქმედებას, ამცირებს კაპილარების განვლადობას დაახლოვებით 12 სთ-ის განმავლობაში. პრეპარატს გააჩნია ანტიქოლინერგული აქტივობა და იწვევს სედატიურ ეფექტს. | ||
| ჩვენება: | პრეპარატის პერორალურად გამოყენება: ალერგიული გენეზის რინოპათია, თივის ცხელება, ურტიკარია, კანის ქავილი, ქავილით მიმდინარე დერმატოზები, მწვავე და ქრონიკული ეგზემა, კონტაქტური დერმატიტები, მწერების ნაკბენით გამოწვეული რეაქციები. პრეპარატის პარენტერულად გამოყენება: ანაფილაქსიური შოკი, ანაფილაქტოიდური შოკი, ანგიონევროზული შეშუპება; ალერგიული ან ფსევდოალერგიული რეაქციების პროფილაქტიკა და მკურნალობა (მაგალითად, რენტგენოკონტრასტული საშუალებებით, ჰემოტრანსფუზიით გამოწვეული ან დიაგნოსტიკური მიზნით ჰისტამინის გამოყენება). | ||
| დოზირება და მიღების წესი: | მოზრდილებსა და 12 წლის ასაკის ზევით ბავშვებში პრეპარატი პერორალურად ინიშნება დოზით 1 მგ 2-ჯერ დღეში (დილას და საღამოს). აუცილებლობისას სადღეღამისო დოზას ზრდიან 6 მგ-მდე. 6-დან 12 წლამდე ასაკის ბავშვებში ინიშნება 0,5-1მგ 2-ჯერ დღეში. მოზრდილებში ინიშნება პარენტერულად ვენაში ან კუნთებში ერთჯერადი დოზით 2 მგ 2-ჯერ დღეში დილას და საღამოს. ალერგიული რეაქციების პროფილაქტიკის მიზნით პრეპარატი შეჰყავთ ვენაში 2 მგის ოდენობით. ბავშვებში კლემასტინი ინიშნება კუნთებში დღეღამური დოზით 25 მკგ/კგ წონაზე 2-ჯერ დღეში. | ||
| გვერდითი მოვლენები: | შესაძლებელია დაღლილობის შეგრძნება, ძილიანობა. იშვიათად - პირის სიმშრალე, თავის ტკივილი, თავბრუსხვევა, კანის მხრივ რეაქციები, გულისრევა, ეპიგასტრალურ მიდამოში ტკივილები, ყაბზობა, ტრემორი. ძალიან იშვიათად პრეპარატის ვენაში შეყვანისას შესაძლებელია მომატებული მგრძნობელობის რეაქციები (ქოშინი, ბრონქოსპაზმი, შოკი). ზოგიერთ პაციენტებში მოსალოდნელია ცნს-ზე მასტიმულირებელი მოქმედება. | ||
| უკუჩვენება: | კლემასტინის ან სხვა მსგავსი ქიმიური სტრუქტურის მქონე ანტიჰისტამინური პრეპარატების მიმართ მომატებული მგრძნობელობა, 1 წლამდე ასაკის ბავშვები. | ||
| განსაკუთრებული მითითებები: | პრეპარატის არტერიაში შეყვანას მკაცრად უნდა ვერიდოთ. პრეპარატი სიფრთხილით ინიშნება 6 წლამდე ასაკის ბავშვებში, დახურულკუთხოვანი გლაუკომით დაავადებულ პაციენტებში, აგრეთვე მასტენოზირებელი კუჭის წყლულის, დუოდენურ და პილორუსის მიდამოში ობსტრუქციული მოვლენების, წინამდებარე ჯირკვლის ჰიპერტროფიის დროს, რომლის თანმხლებია შარდის გამოყოფის დარღვევა ან შარდის ბუშტშის ყელის მიდამოში ობსტრუქციული მოვლენების არსებობა. ლაქტაციისა და ორსულობის პერიოდში პრეპარატი ინიშნება მხოლოდ მკაცრი ჩვენების მიხედვით. პრეპარატით მკურნალობის პერიოდში თავი უნდა შევიკავოთ ისეთი სამუშაოების შესრულებისაგან, რომლებიც მოითხოვენ ყურადღების მაქსიმალურ კონცენტრაციას. მკურნალობის პერიოდში უნდა მოვერიდოთ ალკოჰოლური სასმელების გამოყენებას. პრეპარატისა და მაო-ს ინჰიბიტორების, აგრეთვე საძილე საშუალებების ერთდროული გამოყენება არ არის რეკომენდებული. |
Page generation time: 0. 023315374 sec.
