This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
მეტრონიდაზოლი
Metronidazole
ა.თ.ქ. კლასიფიკაცია:
	
 
G01BA	
G შარდსასქესო სისტემა და სასქესო ჰორმონები
	
01 ანტისეპტიკური საშუალებები და მიკრობების საწინააღმდეგო პრეპარატები გინეკოლოგიური დაავადებების მკურნალობისათვის
	
B ანტისეპტიკური საშუალებები და მიკრობების საწინააღმდეგო პრეპარატები გინეკოლოგიური დაავადებების მკურნალობისათვის კორტიკოსტეროიდებთან კომბინაციაში
	
A ანტიბიოტიკები კორტიკოსტეროიდებთან კომბინაციაში
G01AF01	
G შარდსასქესო სისტემა და სასქესო ჰორმონები
	
01 ანტისეპტიკური საშუალებები და მიკრობების საწინააღმდეგო პრეპარატები გინეკოლოგიური დაავადებების მკურნალობისათვის
	
A ანტისეპტიკური საშუალებები და მიკრობების საწინააღმდეგო პრეპარატები გინეკოლოგიური დაავადებების მკურნალობისათვის (კორტიკოსტეროიდებთან კომბინაციის გარდა)
	
F იმიდაზოლის წარმოებულები
D06BX01	
D დერმატოლოგია
	
06 ანტიმიკრობული პრეპარატები კანის დაავადებების მკურნალობისათვის
	
B სხვა ანტიმიკრობული პრეპარატები გარეგანი გამოყენებისათვის
	
X სხვა ანტიმიკრობული პრეპარატები
P01AB01	
P პარაზიტების საწინააღმდეგო პრეპარატები, ინსექტიციდები და რეპელენტები
	
01 პროტოზოას საწინააღმდეგო პრეპარატები
	
A პრეპარატები ამებიაზის და სხვა პროტოზოული ინფექციების მკურნალობისათვის
	
B ნიტროიმიდაზოლის წარმოებულები
J01XD01	
J მიკრობების საწინააღმდეგო პრეპარატები სისტემური გამოყენებისათვის
	
01 მიკრობების საწინააღმდეგო პრეპარატები სისტემური გამოყენებისათვის
	
X ანტიბაქტერიული სხვა პრეპარატები
	
D იმიდაზოლის წარმოებულები
A01AB17	
A საჭმლის მომნელებელი ტრაქტი და ნივთიერებათა ცვლა
	
01 სტომატოლოგიური პრეპარატები
	
A სტომატოლოგიური პრეპარატები
	
B მიკრობების საწინააღმდეგო პრეპარატები ადგილობრივი გამოყენებისათვის პირის ღრუს დაავადებების დროს
ანოტაცია:
	
	
ფარმაკოლოგიური თვისება:
	
პრეპარატი წარმოადგენს ანტიპროტოზოულ საშუალებას, რომელიც ავლენს ანტიბაქტერიულ მოქმედებას. იგი აქტიურია Trichomonas vaginalis, Entamoeba histolytica-ს მიმართ, აგრეთვე ობლიგატური ანაერობების, მათ შორის ანაერობული გრამუარყოფითი ბაქტერიების Bacteroides spp., Bacteroides fragilis, Fusobacterium spp., ჩათვლით. ანაერობული გრამდადებითი ბაქტერიების Clostridium spp., Eubacterium spp., ანაერობული გრამდადებითი კოკების მგრძნობიარე შტამების, მათ შორის Peptococcus spp., Peptostreptococcus spp.-ს მიმართ. პრეპარატის მიმართ მდგრადია ფაკულტატიური ანაერობები და ობლიგატური აერობები.
ფარმაკოკინეტიკა:
	
პერორალურად მიღების შემდეგ მეტრონიდაზოლი სწრაფად აბსორბირდება კუჭ-ნაწლავის ტრაქტიდან. Cmax სისხლის პლაზმაში აღინიშნება პრეპარატის მიღებიდან 13 საათის. მეტრონიდაზოლი ორგანიზმის ყველა ქსოვილში ნაწილდება და აღწევს ჰემატოენცეფალურ, პლაცენტურ ბარიერში, ზურგის ტვინის სითხეში, ნაღველში და გამოიყოფა დედის რძეში. მისი ნახევრადგამოყოფის პერიოდი შეადგენს 8 საათს. მეტრონიდაზოლის 60-80% გამოიყოფა შარდით (მათ შორის 20% უცვლელი სახით), 6-15 % კი ფეკალიებით.
ჩვენება:
	
- შარდსასქესო ორგანოების ტრიქომონიაზი (ქალებსა და მამაკაცებში); - ლამბლიოზი; - ამებური დიზენტერია; - არანაწლავური ამებიაზი; - წყლულოვანი სტომატიტი; - ვარდისფერი ფერიმჭამელები; - ქრონიკული ალკოჰოლიზმი (ალკოჰოლის მიმართ სენსიბილიზაციის გამოწვევის გამო); - ოპერაციის შემდგომი ინფექციური გართულებების პროფილაქტიკა, რომლებიც გამოწვეულია ანაერობული ფლორის, განსაკუთრებით ბაქტეროიდებითა და ანაერობული სტრეპტოკოკებით, პირველ რიგში კი კუჭ-ნაწლავის ტრაქტის და მცირე მენჯის ორგანოების ოპერაციის შემდეგ.
დოზირება და მიღების წესი:
	
მოზრდილებში ტრიქომონიაზის სამკურნალოდ პრეპარატი ინიშნება 2-ჯერ დღეღამეში 250მგ-ის ოდენობით 10 დღის განმავლობაში. ქალებში მეტრონიდაზოლი დამატებით ინიშნება ვაგინალური სანთლების ფორმით. აუცილებლობის შემთხვევაში შესაძლებელია მკურნალობის კურსის განმეორება ან დოზის გაზრდა ერთხელ დღეღამეში 0.75მგ-მდე. მკურნალობის კურსს შორის შესვენება უნდა შეადგენდეს 3-4 კვირას. ალტერნატიული მკურნალობის სქემა გამოიყენება პაციენტსა და მის სქესობრივ პარტნიორს შორის, როდესაც პრეპარატი მიიღება ერთჯერადად 2გ-ის ოდენობით (აბი მიიღება საღამოს ძილის წინ). მოზრდილებში ლამბლიოზის სამკურნალოდ პრეპარატი გამოიყენება ერთხელ დღეში 1გ-ის ოდენობით (2-ჯერ 2აბი) 5-7 დღის განმავლობაში. 1 წლამდე ასაკის ბავშვებში პრეპარატი ინიშნება დღეში 125 გ-ის, 2-დან 4 წლამდე ასაკის ბავშვებში - დღეში 250მგ-ის, 5-8 წლამდე ასაკის ბავშვებში დღეში 375 მგის, ხოლო 8 წლის ასაკის ზევით ბავშვებში დღეში 500მგ-ის (ორ მიღებაზე) ოდენობით. მკურნალობის კურსი შეადგენს 5 დღეს. მოზრდილებში უსიმპტომო ამებიაზის სამკურნალოდ (კისტას არსებობისას) პრეპარატი ინიშნება დღეში 1-1.5გ (2-3-ჯერ დღეში 2 აბის ოდენობით) 5-7 დღის განმავლობაში. ქრონიკული ამებიაზის სამკურნალოდ პრეპარატი გამოიყენება 1.5გ (3-ჯერ დღეში 2 აბის ოდენობით) 5-10 დღის განმავლობაში, მწვავე ამებური დიზენტერიის სამკურნალოდ - 2.25გ (3-ჯერ დღეში 3 აბის ოდენობით) სიმპტომების გაქრობამდე, ღვიძლის აბსცესის სამკურნალოდ მაქსიმალური დღეღამური დოზა შეადგენს 2.5გ ერთ ან 2-3-ჯერ მისაღებად, 3-5 დღის განმავლობაში ანტიბიოტიკებთან (ტეტრაციკლინი) და თერაპიის სხვა მეთოდებთან კომბინაციაში. 1-დან 3 წლამდე ბავშვებში პრეპარატი ინიშნება მოზრდილების დოზის, ხოლო 3-დან 7 წლამდე ასაკის ბავშვებშიმოზრდილებისთვის განკუთვნილი დოზის 1/3. წყლულოვანი სტომატიტის სამკურნალოდ მოზრდილებში პრეპარატი გამოიყენება დღეში 500მგ-ის ოდენობით (1 აბი 2-ჯერ დღეში) 3-5 დღის განმავლობაში; აღნიშნულ შემთხვევაში ბავშვებში პრეპარატი არ მიიღება. მოზრდილებში ინფექციური დაავადებების გართულებების პროფილაქტიკისათვის გამოიყენება დღეში 750-1500მგ-ის ოდენობით (3-ჯერ 1-2 აბის ოდენობით) 34 დღით ადრე ოპერაციამდე ან შესაძლებელია მაღალი დოზის 1გ ერთჯერადად გამოყენება. ოპერაციიდან 1-2 საათის შემდეგ (როდესაც პრეპარატის მიღება შესაძლებელია პერორალურად) რეკომენდებულია პრეპარატის დოზა დღეში 750მგ-ის ოდენობით 7 დღის განმავლობაში. ანაერობული ინფექციების სამკურნალოდ დოზირების რეჟიმი დგინდება ინდივიდუალურად და დამოკიდებულია პაციენტის ასაკზე, ინფექციის ლოკალიზაციასა და ინფექციის სიმძიმეზე. დღეღამური დოზა არ უნდა აჭარბებდეს 1.5-2გ-ს. ქრონიკული ალკოჰოლიზმის სამკურნალოდ პრეპარატი ინიშნება დღეში 500მგ-ის ოდენობით 6 თვის განმავლობაში. პაციენტებში, რომლებსაც დარღვეული აქვთ თირკმელების ფუნქცია (როდესაც კრეატინინის კლირენსი 10 მლ/წთ-ზე ნაკლებია) პრეპარატის დღეღამური დოზა ორჯერ უნდა შევამციროთ.
გვერდითი მოვლენები:
	
საჭმლის მომნელებელი სისტემების მხრივ: პირის ღრუში არასასიამოვნო სუნი, ენაზე ნადები, გულისრევა, დისპეფსიური მოვლენები. ცნს-ის და პერიფერიული ნერვული სისტემების მხრივ: ძილიანობა; თავის ტკივილი, ატაქსია, მოძრაობის დისკოორდინაცია, პერიფერიული ნეიროპათია (ხანგრძლივი თერაპიის დროს). ალერგიული რეაქციების მხრივ: კანზე გამონაყარი, ქავილი. სხვადასხვა: ზომიერი ლეიკოპენია, შარდის ფერის ცვლილება.
უკუჩვენება:
	
- პრეპარატის მიმართ მომატებული მგრძნობელობა; - ორსულობა (I ტრიმესტრი) და ლაქტაციის პერიოდი.
ორსულობა და ლაქტაცია:
	
მისი გამოყენება ორსულობის I ტრიმესტრში წინააღმდეგნაჩვენებია. ორსულობის II და III ტრიმესტრში 2 გ-ზე მეტი პრეპარატის გამოყენება არ არის რეკომენდებული. ლაქტაციის პერიოდში პრეპარატის გამოყენების აუცილებლობისას საჭიროა ძუძუთი კვების შეწყვეტა.
განსაკუთრებული მითითებები:
	
პრეპარატი სიფრთხილით ინიშნება ღვიძლის ქრონიკული დაავადებით შეპყრობილ პაციენტებში. მკურნალობის პერიოდში საჭიროა თავი შევიკავოთ ალკოჰოლური სასმელების მიღებისგან. იმ შემთხვევაში, როდესაც პაციენტი იყენებს პერორალურ ანტიკოაგულანტურ საშუალებებს, საჭიროა პრეპარატის დოზის შემცირება. იგი მოქმედებს ანალიზის შედეგებზე, ამცირებს შრატში გლუტამილ-ოქსალძმარმჟავა ტრანსამინაზას აქტივობას. პრეპარატით ხანგრძლივი დროით მკურნალობის შემთხვევაში (10 დღეზე მეტი) აუცილებელია აუცილებელია რეგულარულად ჩავატაროთ კლინიკურ-ლაბორატორიული შემოწმება.
ჭარბი დოზირება:
	
სიმპტომები: გულისრევა, ღებინება, ანორექსია. მკურნალობა სიმპტომატურია.
ურთიერთქმედება სხვა მედიკამენტებთან:
	
პრეპარატისა და ვარფარინის, ასევე სხვა არაპირდაპირი ანტიკოაგულანტების ერთდროული გამოყენება აძლიერებს მათ მოქმედებას.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 024033757 sec.