This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
პერიციაზინი
Periciazine
ა.თ.ქ. კლასიფიკაცია:
	
 
N05AC01	
N ნერვული სისტემა
	
05 ფსიქოლეფსიური საშუალებები
	
A ანტიფსიქოზური პრეპარატები
	
C პიპერადინული სტრუქტურის ფენოთიაზინის წარმოებულები
ანოტაცია:
	
	
ფარმაკოლოგიური თვისება:
	
პერიციაზინი წარმოადგენს ფენოთიაზინის პიპერიდინულ წარმოებულს. მას გააჩნია ანტიფსიქოზური, სედაციური, ღებინების საწინააღმდეგო მოქმედება. იგი ასევე იწვევს ადრენორეცეპტორების და ქოლინორეცეპტორების ბლოკირებას, ჰიპოტენზიას, აგრეთვე აბლოკირებს პოსტსინაფსურ დოფამინერგულ რეცეპტორებს თავის ტვინის მეზოლიმბურ სტრუქტურებში, თრგუნავს ჰიპოფიზის და ჰიპოთალამუსის ჰორმონების გამოყოფას, ზრდის პროლაქტინის პროდუქციას.
ფარმაკოკინეტიკა:
	
კლინიკური მონაცემები ფარმაკოკინეტიკის შესახებ მწირია. პრეპარატი კარგად უკავშირდება პლაზმის ცილებს. გამოიყოფა თირკმლებით და ნაღვლის მეშვეობით.
ჩვენება:
	
ფსიქოპათიები (ისტერიული, აგზნებითი) პარანოიდული მდგომარეობა - ორგანული, სისხლძარღვოვანი და სენილური პათოლოგიის დროს. ფსიქოპათიური მდგომარეობა შიზოფრენიის დროს.
დოზირება და მიღების წესი:
	
რეკომენდებულია საწყისი დღიური დოზა 5-10 მგ. საშუალო დღიური დოზაა 30-40 მგ. სასურველია პრეპარატის მიღება საღამოს საათებში. დოზა ნაწილდება 3-4 მიღებაზე. ბავშვებში და ხანდაზმულებში რეკომენდებულია საწყისი დღიური დოზა 5 მგ. დოზა შეიძლება გაიზარდოს 10-30 მგმდე. მოზრდილებში მაქსიმალური დღიური დოზა შეადგენს 60 მგ.
უკუჩვენება:
	
გულ-სისხლძარღვთა სისტემის დაავადებები, ც.ნ.ს.-ის გამოხატული დათრგუნვა, გლაუკომა, პორფირია, წინამდებარე ჯირკვლის დაავადებები, ორსულობა, ლაქტაცია.
გვერდითი მოვლენები:
	
უძილობა, აჟიტირება, მხედველობის გაუარესება, არითმია, პოსტურალური ჰიპოტენზია, ქოლესტაზი, სუნთქვის დათრგუნვა, იმპოტენცია, გალაქტორეა, აგრანულოციტოზი, პირის სიმშრალე, ყაბზობა, აკომოდაციის დარღვევა.
განსაკუთრებული მითითებები:
	
პერიციაზინი სიფრთხილით გამოიყენება ხანდაზმულებში, დასუსტებულ პირებში და ფენოთიაზინების მიმართ მომატებული მგრძნობელობისას; ასევე ღვიძლის დაზიანებისას, რეის სინდრომის, სარძევე ჯირკვლის კიბოს, გულ-სისხლძარღვთა დაავადებების, პარკინსონის დაავადების და ალკოჰოლური ინტოქსიკაციისას. ჰიპერთერმიის გამოვლენის შემთხვევაში პრეპარატის მიღება უნდა შეწყდეს დაუყოვნებლივ.
ორსულობა და ლაქტაცია:
	
პრეპარატი უკუნაჩვენებია ორსულობის და ლაქტაციის დროს.
ურთიერთქმედება სხვა მედიკამენტებთან:
	
პერიციაზინის ცნს-ზე დამთრგუნველად მოქმედ სხვა პრეპარატებთან ერთად გამოყენებისას ც.ნ.ს. დეპრესია ძლიერდება და ადგილი აქვს სუნთქვის დათრგუნვას. პერიციაზინი აქვეითებს ამფეტამინის, ლევოდოპას, კლონიდინის, გუანეტიდინის, ადრენალინის მოქმედებას. მისი ჰიპოტენზიურ პრეპარატებთან ერთად დანიშვნა იწვევს ორთოსტატულ ჰიპოტენზიას. არ არის რეკომენდებული პრეპარატის მიღებისას ავტოტრანსპორტის და მექანიზმების მართვა.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 021698305 sec.