This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
სარეკლამო ადგილი







უნიფიცირებული
დასახელება:
	
ოქსიტოცინი
Oxytocin
ა.თ.ქ. კლასიფიკაცია:
	
 
H01BB02	
H ჰორმონები სისტემური გამოყენებისათვის (სასქესო ჰორმონების გარდა)
	
01 ჰიპოთალამუსის და ჰიპოფიზის ჰორმონები და მათი ანალოგები
	
B ჰიპოფიზის უკანა წილის ჰორმონები
	
B ოქსიტოცინი და მისი წარმოებულები
ანოტაცია:
	
	
ფარმაკოლოგიური თვისება:
	
ოქსიტოცინი წარმოადგენს სინთეზურ ნანოპეპტიდს, რომელიც თავისი მოქმედებით ბუნებრივი ოქსიტოცინის იდენტურია. იგი ასტიმულირებს საშვილოსნოს გლუვ მუსკულატურას, ზრდის მიომეტრიუმის ტონუსსა და შეკუმშვის ძალას, ხელს უწყობს მიოეპითელური უჯრედების შეკუმშვას, რომლებიც გარს აკრავს სარძევე ჯირკვლების ალვეოლებს (რაც აადვილებს რძის გადასვლას მსხვილ სადინარებსა და სარძევე სინუსებში). იგი აძლიერებს პროლაქტინის გამომუშავებას. ოქსიტოცინს გააჩნია ვაზოპრესინის მაგვარი სუსტი ანტიდიურეზული თვისება.
ჩვენება:
	
მშობიარობის ინდუქციისათვის სამედიცინო ჩვენებების მიხედვით: - მშობიარობის აქტის სტიმულაციისათვის მისი პირველადი და მეორადი სისუსტის დროს; - საკეისრო კვეთის დროს (ბავშვის ამოყვანის შემდეგ) - საშვილოსნოს ატონიისა და ატონიური სისხლდენის დროს (პროფილაქტიკისა და მკურნალობისათვის), საშვილოსნოს ინვოლუციისათვის მშობიარობის შემდგომ პერიოდში. - არასრული ან სეპტიური აბორტი;
დოზირება და მიღების წესი:
	
პრეპარატი შეჰყავთ კუნთებში. იმ შემთხვევაში, როდესაც პრეპარატის მიღების ასეთი წესი არ იძლევა სასურველ შედეგს, მაშინ იგი შეყავთ ვენაში ნელა, ან წვეთოვანი სახით. იგი ინიშნება კუნთებში ან ვენაში მდგომარეობის მიხედვით, დოზით 210 სე. საკეისრო კვეთის დროს პრეპარატი შეჰყავთ საშვილოსნოს კუნთებში დოზით 5 სე. ვენაში შეჰყავთ ერთჯერდი დოზით 5 სე.
გვერდითი მოვლენები:
	
ვაზოპრესინის მაგვარი სუსტი ეფექტი, გულისრევა, ღებინება, ტაქიკარდია, არითმია, საშვილოსნოს ჰიპერტონუსი, დისკორდინირებული ან მეტად ძლიერი მშობიარობის აქტი, პლაცენტის ნაადრევი მოცილება.
უკუჩვენება:
	
ნაყოფის დაბადებისათვის მექანიკური წინააღმდეგობა, სამშობიარო მოქმედების არ არსებობა, ვიწრო მენჯი, პრეპარატისადმი მგრძნობელობის მომატება.
ჭარბი დოზირება:
	
ჭარბი დოზირების სიმპტომებს წარმოადგენს საშვილოსნოს ჰიპერსტიმულაცია, რაც იწვევს კონტრაქტურას ან ჩახევებს, მშობიარობის შემდგომ სისხლდენას, საშვილოსნოსა და პლაცენტურ ჰიპოპერფუზიას, ნაყოფის გულის სიხშირის შემცირებას, ჰიპოქსიას, ჰიპერკაპნიას და ნაყოფის დაღუპვას. მკურნალობა: პრეპარატის მიღების შეწყვეტა, სითხის შეყვანა, ფორსირებული დიურეზი, ნატრიუმის ქლორიდის ჰიპერტონული ხსნარის გადასხმა, ელექტროლიტური ბალანსის ნორმალიზება, პაციენტზე საგულდაგულო დაკვირვება.
ურთიერთქმედება სხვა მედიკამენტებთან:
	
ოქსიტოცინი სიფრთხილით გამოიყენება სიმპათომიმეტურ საშუალებებთან კომბინაციაში.
განსაკუთრებული მითითებები:
	
ოქსიტოცინის შეყვანა წარმოებს სპეციალიზირებულ სამედეცინო სტაციონარში ექიმის მკაცრის კონტროლის ქვეშ. არასასურველია ოქსიტოცინის გამოყენება ინჰალაციურ სანარკოზე საშუალებებთან ერთად.








Page generation time: 0. 020126905 sec.