| უნიფიცირებული დასახელება: | თიანეპტინიTianeptine | ||
| ა.თ.ქ. კლასიფიკაცია: | |||
N06AX14 | N ნერვული სისტემა | ||
| 06 ფსიქოანალეფსიური საშუალებები | |||
| A ანტიდეპრეპსანტები | |||
| X სხვა ანტიდეპრესანტები | |||
| ანოტაცია: | |||
| ფარმაკოლოგიური თვისება: | პრეპარატი წარმოადგენს მარედინამიზირებელი მოქმედების ანტიდეპრესანტს, რომელსაც გააჩნია ანქსიოლიზური და ზომიერი სედატიური ეფექტი. სხვა ანტიდეპრესანტებისგან განსხვავებით აადვილებს სეროტონინის ნეირონულ უკუმიტაცებას, პრაქტიკულად არ ახდენს ზეგავლენას ადრენერგულ და დოპამინერგულ პროცესებზე ცნს-ში.პრეპარატს თავისი მოქმედების მიხედვით სედატურ და მასტიმულირებელ ანტიდეპრესანტებს შორის შუალედური ადგილი უჭირავს. პრეპარატი არამკვეთრად გამოხატული ენდოგენური და რეაქტიული დეპრესიების, სხვადასხვა გენეზის განგაშის დროს სწრაფად აუმჯობესებს ხასიათს და ამცირებს სომატოვეგეტატური დარღვევების გამოხატულებას. იგი ხელს უწყობს ძილის აღდგენას, აძლიერებს ყურადღების კონცენტრაციას, არ ზრდის მადას და არ მოქმედებს სხეული წონაზე. ალკოჰოლიზმით დაავადებულებში ახდენს დეპრესიის და ცნს-ის მხრივ ალკოჰოლური მოშლილობების პრევენციას. პრეპარატის მიღებისას აღინიშნება ისეთი სომატური სიმპტომების შემცირება, როგორიცაა: ტკივილი ეპიგასტრალურ არეში, გულისრევა, თავბრუსხვევა, თავის ტკივილი, გულისცემის სიხშირე, სიცხის შეგრძნება, კუნთებში ტკივილის შეგრძნება. ქრონიკული ალკოჰოლიზმით შეპყრობილ პაციენტებში აბსტინენციის დროს პრეპარატი არეგულირებს ქცევას და დადებითად მოქმედებს პაციენტის ხასიათზე. თიანეპტინი უარყოფითად არ მოქმედებს მეხსიერებაზე, ძილსა და ყურადღების კონცენტრაციაზე. პრეპარატს არ გააჩნია ანტიქოლინერგული მოქმედება, იგი არ იწვევს შეჩვევას. | ||
| ფარმაკოკინეტიკა: | პრეპარატი პერორალურად მიღების შემდეგ სწრაფად შეიწოვება კუჭ-ნაწლავის ტრაქტიდან. იგი კარგად ნაწილდება ორგანიზმში და მნიშვნელოვანი ხარისხით უკავშირდება სისხლის პლაზმის ცილებს (დაახლოებით 94 %). თიანეპტინი მეტაბოლიზდება ღვიძლში (ბეტა-ოქსიდაცია და N-დემეთილირება). თიანეპტინის TЅ შეადგენს 2.5 საათს, ხოლო ხანდაზმულ პაციენტებში - 3.5 საათს. პრეპარატი ორგანიზმიდან გამოიყოფა თირკმელებით: ძირითადი ნაწილი გამოიყოფა მეტაბოლიტების სახით, ხოლო 8% - უცვლელად. თირკმელების უკმარისობით შეპყრობილ და/ან ხანდაზმულ პაციენტებში (70 წლის ასაკის ზევით) TЅ ხანგრძლივდება 1 საათით. | ||
| ჩვენება: | დეპრესიული მდგომარეობები, მათ რიცხვში გერიატრიულ პრაქტიკაში, განგაშისა და დეპრესიის მდგომარეობა, სომატური ხასიათის ჩივილებით, აგრეთვე ალკოჰოლიზმით შეპყრობილ პირებში აბსტინენციის პერიოდში. პრეპარატი გამოიყენება სუსტად, საშუალოდ და მძიმედ გამოხატული დეპრესიული მდგომარეობის სამკურნალოდ. | ||
| დოზირება და მიღების წესი: | პრეპარატი ინიშნება დოზით 12.5 მგ დღეში 3-ჯერ (დილით, შუადღით და საღამოს) ჭამის წინ. 70 წლის ასაკის ზევით პაციენტებში, აგრეთვე თირკმელების უკმარისობით შეპყრობილ პირებში რეკომენდებულია სადღეღამისო დოზის 25 მგ-მდე (2 აბი) შემცირება. | ||
| გვერდითი მოვლენები: | საჭმლის მომნელებელი ტრაქტის მხრივ: აღინიშნება მუცლის არეში ტკივილები, პირის ღრუს სიმშრალე, ანორექსია, გულისრევა, ღებინება, ყაბზობა, მეტეორიზმი. ცნს-ის მხრივ: ძილის დარღვევა, ძილიანობა, ღამის შიშები, ასთენია, თავბრუსხვევა, თავის ტკივილი, გულყრა, ტრემორი, სიცხის შეგრძნება. გულ-სისხლძარღვთა სისტემის მხრივ: ტაქიკარდია, ექსტრასისტოლია, მკერდის არეში ტკივილები. სასუნთქი სისტემების მხრივ: სუნთქვის გაძნელება. სხვადასხვა: კუნთების ტკივილი, წელის არეში ტკივილის შეგრძნება. ზემოთაღნიშნული გვერდითი მოვლენები იშვიათად ვითარდება და სწრაფად ქრება. | ||
| უკუჩვენება: | თიანეპტინის მიღება წინააღმდეგნაჩვენებია მაო-ს ინჰიბიტორებთან კომბინაციაში, აგრეთვე 15 წლამდე ასაკის ბავშვებში. | ||
| ორსულობა და ლაქტაცია: | აღნიშნულ პერიოდში პრეპარატის მიღება წინააღმდეგნაჩვენებია. ტრიციკლური ანტიდეპრესანტები გამოიყოფიან დედის რძეში, ამიტომ ლაქტაციის პერიოდში პრეპარატის მიღება წინააღმდეგნაჩვენებია. | ||
| განსაკუთრებული მითითებები: | მკურნალობის დასაწყისში პაციენტები სასურველია იმყოფებოდნენ მუდმივი მეთვალყურეობის ქვეშ, ვინაიდან მათი მხრიდან არსებობს სუიციდური მცდელობის საშიშროება. იმ შემთხვევაში, თუ საჭიროა ზოგადი ანესთეზიის გამოყენება, აუცილებელია ამის შესახებ ექიმი-ანესთეზიოლოგის ინფორმირება, აღნიშნული პრეპარატით პაციენტის მიერ გამოყენების თაობაზე. პრეპარატის მიღება შეწყვეტილი უნდა იქნას ოპერაციამდე 24 საათით ან 48 საათით ადრე. მკურნალობის შეწყვეტისას რეკომენდებულია დოზის თანდათანობითი შემცირება 7-14 დღის განმავლობაში. მაო-ს ინჰიბიტორებით მკურნალობის დროს, პრეპარატით მკურნალობის დაწყებამდე საჭიროა მკურნალობის კურსებს შორის ინტერვალი შეადგენდეს 2 კვირას, ხოლო პრეპარატის მაო-ს ინჰიბიტორებით შეცვლის შემთხვევაში საკმარისია 24 საათიანი შესვენება. პრეპარატის მიღებისას ზოგიერთ პაციენტებში შეიძლება აღინიშნოს ყურადღების კონცენტრაციის დაქვეითება. ამიტომ ავადმყოფებმა, რომლებიც იღებენ პრეპარატს საჭიროა თავი შეიკავონ ისეთი სამუშაოების შესრულებისაგან, რომლებიც მოითხოვს ყურადღების მაღალ კონცენტრაციას. | ||
| ჭარბი დოზირება: | ჭარბი დოზირების სიმპტომების განვითარების დროს აუცილებელია კუჭის ამორეცხვა და სიმპტომატური მკურნალობის ჩატარება. | ||
| ურთიერთქმედება სხვა მედიკამენტებთან: | მაო-ს ინჰიბიტორებთან პრეპარატის კომბინაცია არ არის რეკომენდებული, ვინაიდან არსებობს კოლაფსის ჰიპერთერმიის, კრუნჩხვების წარმოშობის საშიშროება; არ არის გამორიცხული შესაძლო ლეტალური გამოსავალი. |
Page generation time: 0. 021574622 sec.
