| უნიფიცირებული დასახელება: | ამობარბიტალიAmobarbital | ||
| ა.თ.ქ. კლასიფიკაცია: | |||
N05CA02 | N ნერვული სისტემა | ||
| 05 ფსიქოლეფსიური საშუალებები | |||
| C საძილე და სედატიური საშუალებები | |||
| A ბარბიტურატები | |||
| ანოტაცია: | |||
| ფარმაკოლოგიური თვისება: | საძილე საშუალება, ბარბიტურის მჟავის წარმოებული. თრგუნავს თავის ტვინის ქერქის სენსორულ ზონას, აქვეითებს მამოძრავებელ(მოძრაობით) აქტივობას, ცვლის ტვინის ფუნქციურ (აქტივობის) მდგომარეობას. მოქმედების მექანიზმი საბოლოოდ დადგენილი არ არის, როგორც ჩანს ბარბიტურატები, ავლენენ განსაკუთრებულ აქტიურობას ჰიპოთალამუსის დონეზე, სადაც თრგუნავენ აღმავალ გამავლობას რეტიკულური ფორმაციის დონეზე, აბრკოლებენ რა ამით იმპულსების გადაცემას თავის ტვინის ქერქში. სხვა ბარბიტურატების მსგავსად ნარკოტიულ დოზებში ახდენენ კრუნჩხვისსაწინააღმდეგო მოქმედებას. შეიძლება გამოიწვიოს სუნთქვის დათრგუნვა, რომლის ხარისხიც დამოკიდებულია დოზაზე. ბარბიტურატები ახდენენ ღვიძლის მიკროსომული ფერმენტების ინდუქციას, ამით აძლიერებენ ან ცვლიან სხვა პრეპარატების მეტაბოლიზმს. | ||
| ფარმაკოკინეტიკა: | ამობარბიტალი სწრაფად აბსორბირდება კნტ-დან. პლაზმის ცილებს უკავშირდება 60%-ით. T1/2 შეადგენს დაახლოებით 20-25 საათს და მატულობს ახალშობილებში. გადის პლაცენტარულ ბარიერს და მცირე რაოდენობით გამოიყოფა დედის რძით. ამობარბიტალი მეტაბოლიზდება ღვიძლში. დაახლოებით 50% გამოიყოფა შარდით მეტაბოლიტ-N- ჰიდროქსიამილობარბიტალის სახით, 1%-ზე ნაკლები- შეუცვლელი სახით; დაახლოებით 5% გამოიყოფა განავლით. | ||
| ჩვენება: | დამხმარე საშუალება პრედოპერაციულ პერიოდში შფოთვის შესამცირებლად და შეყვანილი ნარკოზის ეფექტის გასაზრდელად. | ||
| დოზირება და მიღების წესი: | პერორალურად მიღებისას მოზრდილების ერთჯერადი დოზა შეადგენს 50-400მგ; ბავშვებში -2-6 მგ/კგ, მაგრამ არა უმეტეს 100მგ მიღებაზე. ი/მ ან ი/ვ მოზრდილებისათვის ერთჯერადი დოზა შეადგენს 30-200მგ. ბავშვებისათვის ერთჯერადი დოზა ი/მ შეყვანისას შეადგენს 2-3 მგ/კგ, ი/ვ -3-5 მგ/კგ.ზე. | ||
| გვერდითი მოვლენები: | ცნს-ისა და პერიფერიული ნერვული სისტემის მხრივ: მოძრაობის კოორდინაციის მოშლა, თავბრუსხვევა, ძილიანობა, დეპრესია, იშვიათად შფოთვა, თავის ტკივილი, შეკრულობა, გაღიზიანებადობა, კოშმარული სიზმრები, ძილის დარღვევა, გულისწასვლა, ჰალუცინაციები. საჭმლის მომნელებელი სისტემის მხრივ: გულისრევა, ღებინება; ხანგრძლივი მიღების შემდეგ-ღვიძლის დაზიანება. სისხლმბადი სისტემის მხრივ: აგრანულოციტოზი. მეგალობლასტური ანემია, ტრომბოციტოპენია. ალერგიული რეაქციები: ექსფოლიატური დერმატიტი, არტერიული ჰიპოტენზია, სტივენ-ჯონსონის სინდრომი. სხვადასხვა: პარენტერალურად შეყვანისას- ტრომბოფლებიტი, ხანგრძლივი მიღებისას- ოსტეოგენოზის მოშლა. | ||
| უკუჩვენება: | მწვავე გარდამავალი ან შერეული პორფირია, პორფირია ანამნეზში, მომატებული მგრძნობელობა ამობარბიტალის მიმართ. | ||
| ორსულობა და ლაქტაცია: | ორსულობისა და ლაქტაციის პერიოდში ამობარბიტალის გამოიყენების აუცილებლობის შემთხვევაში საჭიროა ყურადღებით შევაფასოთ ერთის მხრივ დედის მკურნალობის შედეგად მოსალოდნელი დადებითი შედეგი და მეორეს მხრივ ნაყოფის ან ბავშვის პოტენციური რისკი. საჭიროა გავითვალისწინოთ, რომ პერორალურად მიღების ან პარენტერალურად შეყვანის შემდეგ ბარბიტურატები გადიან პლაცენტარულ ბარიერს; პარენტერალური შეყვანის შემდეგ დედისა და ნაყოფის სისხლში აქტიური ნივთიერების კონცენტრაციის დონე ერთმანეთთან ძალიან ახლოა. დადგენილია, რომ ბარბიტურატები ზრდიან ნაყოფის ანომალების განვითარების სიხშირეს. მათმა გამოყენებამ ორსულობის III ტრიმესტრის განმავლობაში შეიძლება გამოიწვიოს ფიზიკური დამოკიდებულებისა და მოხსნის სიმპტომის გამოვლენა ახალშობილებში. ბარბიტურატების გამოყენებამ მშობიარობის დროს შეიძლება სუნთქვის დათრგუნვა ახალშობილებში, განსაკუთრებით დღენაკლებში, ღვიძლის ფუნქციის განუვითარებლობის გამო. თუ ბარბიტურატებს იყენებენ მშობიარობის დროს, რეკომნდირებულია მშობიარობის მიღება რეანიმაციული მზაობის პირობებში. ბარბიტურატები გამოიყოფიან დედის რძით; დედებისათვის ამ პრეპარატის მიღებამ შეიძლება გამოიწვიოს ახალშობილის ცნს-ის დათრგუნვა. | ||
| განსაკუთრებული მითითებები: | განსაკუთრებული სიფრთხილით მიიღება შემდეგი დაავადებებისა და მდგომარეობების დროს: ანამნეზში სამკურნალო საშუალებების ბოროტად გამოყენების ან წამლზე დამოკიდებული მდგომარეობის შემთხვევაში, ღვიძლის კომა, ღვიძლის ფუნქციის მოშლა, მწვავე ან მუდმივი ტკივილი, სასუნთქი გზების დაავადებები, რომლებსაც თან ახლავს ქოშინი ან სასუნთქი გზების ობსტრუქცია, მომატებული მგრძნობელობა სხვა ბარბიტურატების მიმართ. პარენტერალურად სიფრხილით მიიღება გულის დაავადებებისა და არტერიული ჰიპერტენზიის დროს. სიფრთხილით იღებენ ხანდაზმული ასაკის ადამიანები. | ||
| ურთიერთქმედება სხვა მედიკამენტებთან: | ერთდროულად მიღებისას პრეპარატებთან, რომლებსაც აქვთ ცნს-ზე დამთრგუნველი მოქმედება, შესაძლოა მათი ამ მოქმედების გაძლიერება. ერთდროულად მიღებისას (მაო) მონოამინოქსიდაზას ინჰიბიტორებთან შესაძლოა გახანგრძლივება ცნს-ზე დამთრგუნველი მოქმედებისა. ერთდროულად მიღებისას შესაძლოა ქსანტინების წარმოებულის მეტაბოლიზმის გაძლიერება და ბარბიტურატების საძილე ეფექტის დაქვეითება. ღვიძლის მიკროსომული ფერმენტების ინდუქციის შედეგად, ამობარბიტალის ერთდროულად მიღებისას შესაძლოა ანტიკოაგულანტების, კარბამაზეპინის ან სუქცინიმიდის წარმოებულის კრუნჩხვისსაწინააღმდეგო საშუალებების, ტრიციკლური ანტიდეპრესანტების, დოქსიციკლინის მოქმედების დაქვეითება. |
Page generation time: 0. 021014259 sec.
