| უნიფიცირებული დასახელება: | ციტარაბინიCytarabine | ||
| ა.თ.ქ. კლასიფიკაცია: | |||
L01BC01 | L სიმსივნის საწინააღმდეგო პრეპარატები და იმუნომოდულატორები | ||
| 01 სიმსივნის საწინააღმდეგო პრეპარატები | |||
| B ანტიმეტაბოლიტები | |||
| C პირიმიდინის ანალოგები | |||
| ანოტაცია: | |||
| ჩვენება: | გამოიყენება მწვავე მიელოიდური ლეიკოზის, მწვავე ლიმფობლასტური ლეიკოზის, ქრონიკული მიელოიდური ლეიკოზის ბლასტური კრიზის, ძლიერ ავთვისებიანი არახოჯკინის ლიმფომის ინდუქციური და/ან შემანარჩუნებელი მკურნალობისათვის. | ||
| დოზირება და მიღების წესი: | ინდუქციური მკურნალობა მწვავე ლეიკოზის დროს: 100-200 მგ/მ 2 დღეში ვენაში ინექციის სახით, ორჯერად მიღებაზე, ან 100 მგ/მ 2 დღეში ვენაში ხანგრძლივი ინფუზიის სახით. მკურნალობის ხანგრძლივობა დგინდება კლინიკური და მორფოლოგიური მონაცემების მიხედვით. ძვლის ტვინის ჰიპოპლაზია ზღვრული დოზის მაჩვენებელია. განმეორებითი მკურნალობა შესაძლებელია 14 დღის და მეტის ხნის შემდეგ, რათა აღდგეს ძვლის ტვინის ფუნქცია. მკურნალობის ეფექტის შესანარჩუნებელი ციკლი ტარდება შემოკლებულ ვადებში. რემისიის შენარჩუნება; 75-100 მგ/მ 2 დღეში 5 დღის განმავლობაში თვეში ერთხელ. ცნს-ის დაზიანებისას: 10-30 მგ/მ 2 სამჯერ კვირაში ინტრათეკალურად. არახოჯკინის ლიმფომის დროს: გამოიყენება შესაბამისი პოლიქიმიოთერაპიის სქემა. გამოყენების წესი: ინდუქციური თერაპია სპეციალიზებულ კლინიკებში ტარდება ტრენირებული მედპერსონალის მიერ. საჭიროა უსაფრთხოების რეკომენდაციების დაცვა. ციტარაბინი იხმარება ინტრავენურად, კუნთებში, კანქვეშა და ინტრათეკალური ინექციის სახით, გამოიყენება ხანგრძლივი ინფუზიის სახითაც. განზავებისთვის იყენებენ ნატრიუმის ქლორიდის ფიზიოლოგიურ ხსნარს, ან 5% გლუკოზას. პერფუზორების გამოყენებისას, განზავება საჭირო არ არის. ციტარაბინი გამოიყენება ინტრათეკალურად, ინტრალუმბალურად და ინტრავენტრიკულურად შეუცვლელი სახით. რეკომენდებულია 5-8 მლ ლიქვორის პუნქტატის გამოღება, მისი შერევა საინექციო სითხესთან შპრიცში და ნელი რეინექცია. ასეთი ინექციისას, სისტემური ტოქსიკურობა არ ვლინდება. კუნთებში და კანქვეშა ინექცია გამოიყენება შემანარჩუნებელი თერაპიისთვის. სასურველია კანქვეშა ინექციების თავიდან აცილება შესაძლო შეშუპების გამო. ციტარაბინის ფლაკონი ერთჯერადად იხმარება. | ||
| გვერდითი მოვლენები: | ძვლის ტვინის ფუნქციის დათრგუნვა, თრომბოციტოპენია, ლეიკოპენია, ანემია, მეგალობლასტოზი, იმუნიტეტის დაქვეითება, გულისრევა, ღებინება, ფაღარათი, პირის ღრუს ანთება, ცხელება, პნევმონია, მადის დაქვეითება, ღვიძლის ფუნქციის დარღვევა. შესაძლოა ერითემის, თრომბოფლებიტის და სისხლჩაქცევების განვითარება. დიდი დოზებით მისი ხანგრძლივი ინფუზიისას (200 მგ/მ 2 დღეში) 5-7 დღეში ვითარდება კუჭნაწლავის მხრივ დარღვევები, რასაც შესაძლოა მოჰყვეს გაუვალობა. პრეპარატის ინტრათეკალური შეყვანისას არსებული ჩივილები, დიაგნოსტიკური ლუმბალური პუნქციის დროს არსებული ჩივილების მსგავსია. მკურნალობის პერიოდში და პანციტოპენიის ფაზაში საჭიროა სისხლის სურათის, ღვიძლის და თირკმელების ფუნქციის, შრატში შარდმჟავას დონის კონტროლი. პაციენტები, რომელთაც აღენიშნებათ დიდი რაოდენობით ბლასტური უჯრედები და დიდი სიმსივნური მასა (არახოჯკინის ლიმფომები), საჭიროებენ პროფილაქტიკას სისხლში შარდმჟავას დონის მომატების გამო. ციტარაბინის სინდრომი: აღწერილი სინდრომი ხასიათდება ცხელებით, კუნთების და ძვლების ტკივილით, მაკულო-პაპულოზური გამონაყარით, კონიუნქტივიტით და სისუსტით. სიმპტომები ვითარდება ინექციიდან 6-12 საათში. მისი პროფილაქტიკისა და მკურნალობისთვის გამოიყენება კორტიკოსტეროიდები. შესაძლოა ციტარაბინის და კორტიკოსტეროიდების ერთდროული დანიშვნა. გვერდითი მოვლენები ქრება მკურნალობის დასრულებისას. | ||
| უკუჩვენება: | - მედიკამენტით გამოწვეული ძვლის ტვინის ფუნქციის დათრგუნვისას ციტარაბინი არ იხმარება, რადგან უეფექტოა ამ ჯგუფის პაციენტებში; - ექსპერიმენტულად გამოვლენილია მისი მუტაგენური თვისებები; აგრეთვე ორსულობის ადრეულ ხანაში მისი ემბრიოტოქსიკური და ტერატოგენული ეფექტი; - ორსულობისას პრეპარატი, იგი ისევე როგორც ძუძუთი კვების პერიოდში არ ინიშნება; - მუტაგენური და ტერატოგენული ეფექტის გამო ციტარაბინით მკურნალობისას და შემდგომში 6 თვის განმავლობაში საჭიროა ორსულობის თავიდან აცილება; - პრეპარატისადმი მომატებული მგრძნობელობისას არ შეიძლება მისი დანიშვნა. | ||
| ურთიერთქმედება სხვა მედიკამენტებთან: | ციტარაბინი არ ინიშნება მეტოტრექსატთან და 5-ფტორურაცილთან ერთად. სხვა შეუთავსებლობა უცნობია. |
Page generation time: 0. 020822907 sec.
