This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
ესტრადიოლი + დიდროგესტერონი
Estradiol + Dydrogesterone
ა.თ.ქ. კლასიფიკაცია:
	
 
G03FB08	
G შარდსასქესო სისტემა და სასქესო ჰორმონები
	
03 სასქესო ჰორმონები და სასქესო სისტემის მოდულატორები
	
F პროგესტაგენები ესტროგენებთან კომბინაციაში
	
B პროგესტაგენები ესტროგენებთან კომბინაციაში (კომბინაციები თანამიმდევრული მიღებისათვის)
G03CA53	
G შარდსასქესო სისტემა და სასქესო ჰორმონები
	
03 სასქესო ჰორმონები და სასქესო სისტემის მოდულატორები
	
C ესტროგენები
	
A ბუნებრივი და ნახევრად სინთეზური ესტროგენები
ანოტაცია:
	
	
ფარმაკოლოგიური თვისება:
	
პრეპარატი წარმოადგენს ჰორმონჩანაცვლებითი თერაპიისათვის საჭირო ესტროგენის სახით მიკრონიზირებული 17-β-ესტრადიოლისა და გესტაგენის სახით დიდროგესტერონის შემცველ კომბინირებულ ორფაზიან პრეპარატს. ორივე კომპონენტი ქიმიურად და ბიოლოგიურად ქალის საკვერცხეებში გამომუშავებული (ესტრადიოლის და პროგესტერონის) ენდოგენური სასქესო ჰორმონების იდენტურია. ესტრადიოლი, პერიმენოპაუზის პერიოდში, ხელს უშლის ენდოგენური ესტროგენის უკმარისობით გამოწვეულ სიმპტომებს. იგი უშუალოდ მოქმედებს ვეგეტატიურ ნერვულ სისტემაზე და ხასიათდება არაპირდაპირი დადებითი ფსიქოტროპული ეფექტით, სწრაფად ხსნის ისეთ სიმპტომებს როგორიცაა: ღამით ოფლიანობა, ალები, აგზნება, უძილობა, დეპრესია, სისხლძარღვოვანი კრიზები. იწვევს ენდომეტრიუმის ზომიერ პროლიფერაციას და ციკლურ ცვლილებებს საშვილოსნოს ყელში და საშოში, აუმჯობესებს საშარდე გზებისა და კანის ტროფიკას. ხელს უშლის ოსტეოპოროზის განვითარებას და ძვლის მასის შემცირებას. დაბალი სიმკვრივის ლიპოპროტეიდების შემცირებით და მაღალი სიმკვრივის ლიპოპროტეიდების ზრდით იგი იწვევს ლიპიდური ცვლის ნორმალიზაციას. რაც მნიშვნელოვნად ამცირებს ათეროსკლეროზისა და გულ-სისხლძარღვთა სისტემის დაავადებების განვითარების რისკს. დიდროგესტერონი არ ხასიათდება ანდროგენული და ანაბოლიური ეფექტებით. იგი თავისი აქტივობით პარენტერალურად მისაღები პროგესტერონის მსგავსია. კომბინირებული ჰორმონჩანაცვლებითი მკურნალობის დროს დიდროგესტერონი უზრუნველყოფს საშვილოსნოს ენდომეტრიუმის მთლიან სეკრეტორულ აქტივობას. იგი აგრეთვე ხელს უწყოფს ესტროგენების მოქმედებას სისხლის ლიპიდურ ცვლაზე და არ ახასიათებს უარყოფითი მოქმედება ნახშირწყლოვან ცვლაზე.
ფარმაკოკინეტიკა:
	
ესტრადიოლი შეწოვა: პრეპარატის შიგნით მიღებისას მიკრონიზირებული ესტრადიოლი ადვილად შეიწოვება. მეტაბოლიზმი და გამოყოფა: ესტრადიოლის სტანდარტული მეტაბოლიზმი, ესტრონად და ესტრონ სულფატად, მიმდინარეობს ღვიძლში. აღნიშნული მეტაბოლიტები ესტროგენულ აქტივობას ავლენენ როგორც პირდაპირი, აგრეთვე ესტრადიოლად გარდაქმნის გზით. ესტრონ სულფატი განიცდის მეტაბოლიზმს ღვიძლში. ესრტონისა და ესტრადიოლის გლუკურონიდები ორგანიზმიდან გამოიყოფიან ძირითადად შარდთან ერთად. დიდროგესტერონი შეწოვა: დიდროგესტერონი სწრაფად აბსორბირდება კუჭ-ნაწლავის ტრაქტის მიერ. მეტაბოლიზმი: დიდროგესტერონი მთლიანად მეტაბოლიზდება. მის ძირითად მეტაბოლიტს წარმოადგენს 20-დიჰიდრო-დიდროგესტერონი (დჰდ), რომელიც შარდში ძირითადად იმყოფება გლუკურონის მჟავას კონიუგატის სახით. ყველა მეტაბოლიტისათვის დამახასიათებელ საერთო თვისებას წარმოადგენს მათ მიერ 4,6-დიენ-3-ონა კონფიგურაციის შენარჩუნება და 17-ალფა-ჰიდროქსილირების რეაქციის არ არსებობა. სწორედ ამით აიხსნება დიდროგესტერონში ესტროგენული და ანდროგენული ეფექტების არ არსებობა. გამოყოფა: T1/2 დიდროგესტერონის შეადგენს 5-7სთს; T1/2 დიჰიდრო-დიდროგესტერონის (დჰდ) 14-17სთ-ს. 72სთ-ის შემდეგ დიდროგესტერონი მთლიანად გამოიყოფა.
ჩვენება:
	
- ვეგეტატიური, ფსიქოემოციური და უროგენიტალიუმის ორგანოების მოშლით გამოწვეული დაავადებების მკურნალობა; - ოსტეოპოროზის პროფილაქტიკა პოსტმენოპაუზის პერიოდში; - გულ-სისხლძარღვთა სისტემის ორგანოების დაავადებების პროფილაქტიკა.
დოზირება და მიღების წესი:
	
პრეპარატს იღებენ 1 ტაბლეტს დღეღამეში შეუსვენებლივ. 28 დღიანი მენსტრუალური ციკლის პირველ 14 დღეს იღებენ ყოველდღიურად თითო ნარინჯისფერ ტაბლეტს, და დანარჩენ 14 დღეს - ყოველდღიურად თითო ყვითელ ტაბლეტს. 28 დღიანი ციკლის დამთავრების შემდეგ საჭიროა დაუყოვნებლივ მკურნალობის მომდევნო ციკლის დაწყება. აბების რეგულირების საკონტროლოდ თვითოეულ ტაბლეტზე აღნიშნულია კვირის დღეები. იმ პაციენტებს, რომელთაც მენსტრუალური ციკლი არ შეუწყდათ, რეკომენდებულია მკურნალობის დაწყება მენსტრუაციის დაწყებიდან პირველ დღეს. არარეგულარულად მიმდინარე მენსტრუაციული ციკლის მქონე პაციენტებში მიზანშეწონილია მკურნალობის დაწყება პროგესტერონით 10-14 დღიანი მონოთერაპიის შემდეგ. ავადმყოფებს, რომელთაც ბოლო მენსტრუაცია აღენიშნებოდათ 12 თვეზე მეტი ხნის წინ, მკურნალობა ეწყებათ ნებისმიერ დროს.
გვერდითი მოვლენები:
	
მტკივნეული შეგრძნება სარძევე ჯირკვლის არეში; მკურნალობის დასაწყისში, სპორადულად წარმოქმნილი, აციკლური მენტრუაციის მსგავსი სისხლდენები. იშვიათად: ღებინება, თავის ტკივილი, შეშუპებები (აღნიშნული სიმპტომები ტრანზიტორული ხასიათისაა). კანზე ალერგიული რეაქციები.
უკუჩვენება:
	
- მომატებული მგრძნობელობა პრეპარატის მიმართ; - სარძევე ჯირკვლის დადგენილი ან სავარაუდო კიბო, ენდომეტრიუმის კიბო ან ჰორმონდამოკიდებული სხვა სიმსივნეები; - ღვიძლის ფუნქციის მკვეთრად გამოხატული დარღვევები; - მწვავე ვენური თრომბოემბოლიური მოშლილობები; - უცნობი ეტიოლოგიის სისხლდენები საშვილოსნოდან; - დადგენილი ან სავარაუდო ორსულობა; - ლაქტაცია;
ორსულობა და ლაქტაცია:
	
ორსულობის და ლაქტაციის დროს პრეპარატის გამოყენება ნებადართული არ არის.
განსაკუთრებული მითითებები:
	
პრეპარატით მკურნალობის დაწყებამდე აუცილებელია საერთო და გინეკოლოგიური გამოკვლევების ჩატარება. რეკომენდებულია მამოგრაფიული გამოკვლევა. ავადმყოფებში, რომლებიც იღებენ ან ადრე იღებდნენ ესტროგენული პრეპარატებს, ენდომეტრიუმის შესაძლებელი ჰიპერსტიმულაციის წარმოქმნის მიზნით პრეპარატით მკურნალობის დაწყებამდე აუცილებელია ხანგრძლივი გამოკვლევების ჩატარება. პრეპარატით ხანგრძლივი (1 წელზე მეტი) მკურნალობის დროს საჭიროა ყოველ მე-12 თვეს საკონტროლო სამედიცინო (გინეკოლოგიურის ჩათვლით) გამოკვლევების ჩატარება. მამოგრაფიული გამოკვლევები ტარდება ყოველ 1-2 წელიწადში. პრეპარატით მკურნალობის ფონზე, როგორც წესი, ადგილი აქვს ნაკლებად გამოხატულ რეგულარულ მენსტრუაციის მსგავს სისხლდენებს. საშვილოსნოდან უეცრად განვითარებული ძლიერი სისხლდენები ან გინეკოლოგიური გამოკვლევების შედეგად პათოლოგიური ცვლილებები წარმოადგენს ჩვენებას ენდომეტრიუმის დამატებითი გამოკვლევების შესახებ. პრეპარატი არ წარმოადგენს ჩასახვის საწინააღმდეგო საშუალებას, ამიტომ ავადმყოფებში პერიმანოპაუზის პერიოდში შესაძლებელია არაჰორმონული ჩასახვის საწინააღმდეგო საშუალებების გამოყენება. სინთეზურად მიღებული ესტროგენული პრეპარატებისაგან განსხვავებით ესტრადიოლი წარმოადგენს ნატურალურ ესტროგენს და პრაქტიკულად არ იწვევს თრომბოზს და თრომბოემბოლიურ ცვლილებებს. თუმცა, ტრავმამ ან მოსალოდნელმა ქირურგიულმა ჩარევამ შესაძლებელია გააძლიეროს თრომბოზის განვითარების რისკი. პრეპარატი განსაკუთრებული სიფრთხილით ენიშნებათ ავადმყოფებს ანამნეზში მონაცემებით ღრმა ვენების თრომბოზის, თრომბოემბოლიური ცვლილებების ან თავის ტვინში სისხლის მიმოქცევის მოშლის შესახებ. პრეპარატი განსაკუთრებული სიფრთხილით ენიშნებათ ავადმყოფებს საშვილოსნოს ლეიომიომით და ენდომეტრიოზით (მათ შორის ანამნეზში). პრეპარატით მკურნალობის პერიოდში დიაგნოსტირებული ან შესაძლებელი ეპილეფსიით, შაკიკით, გულის უკმარისობით, არტერიული ჰიპერტონიით, პორფირიით, ჰემოგლობინოპათიებით ან ოტოსკლეროზით შეპყრობილი ავადმყოფები იმყოფებიან ექიმის მკაცრი მეთვალყურეობის ქვეშ. პრეპარატის მიღება არ ახდენს გავლენას ავტოტრანსპორტის მართვის უნარზე იმ პირებში, რომელთა მუშაობაც მოითხოვს ყურადღების მაქსიმალურ კონცენტრაციას.
ჭარბი დოზირება:
	
ჭარბი დოზირების შემთხვევაში საჭიროა კუჭის გამორეცხვა და შემდგომ სიმპტომატური მკურნალობის ჩატარება. სპეციფიკური ანტიდოტი არ არსებობს.
ურთიერთქმედება სხვა მედიკამენტებთან:
	
პრეპარატის ბარბიტურატების, ფენიტოინის, რიფამპიცინის, კარბამაზეპინის კომბინაციით ქვეითდება პრეპარატის აქტივობა, რადგან აღნიშნული პრეპარატები ზრდიან ღვიძლის ფერმენტების აქტივობას და აძლიერებენ პრეპარატის შემადგენლობაში შემავალი კომპონენტების მეტაბოლიზმს.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 021831290 sec.