This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
ებასტინი
Ebastine
ა.თ.ქ. კლასიფიკაცია:
	
 
R06AX22	
R სასუნთქი სისტემა
	
06 ანტიჰისტამინური პრეპარატები სისტემური გამოყენებისათვის
	
A ანტიჰისტამინური პრეპარატები სისტემური გამოყენებისათვის
	
X სხვა ანტიჰისტამინური პრეპარატები სისტემური გამოყენებისათვის
ანოტაცია:
	
	
ფარმაკოლოგიური თვისება:
	
პრეპარატის პერორალური მიღების შემდეგ მისი ალერგიის საწინააღმდეგო გამოხატული მოქმედება იწყება 1 სთ-ში და გრძელდება 48 საათის განმავლობაში. ებასტინით 5 დღიანი მკურნალობის კურსის ჩატარების შემდეგ, აქტიური მეტაბოლიტების ხარჯზე, ანტიჰისტამინური აქტივობა შენარჩუნებულია 72 საათის განმავლობაში. პრეპარატი არ იწვევს გამოხატულ ანტიქოლინერგულ და სედატიურ ეფექტებს. მაღალ დოზებში 80 მგ ებასტინის მიღებისას ცვლილებას ეკგ-ის მხრივ არა აქვს ადგილი.
ფარმაკოკინეტიკა:
	
ებასტინი პერორალური მიღების შემდეგ ორგანიზმში გარდაიქმნება აქტიურ მეტაბოლიტ კარებასტინად. იგი ადვილად შეიწოვება და თითქმის მთლიანად მეტაბოლიზდება ღვიძლში. 10 მგ პრეპარატის ერთჯერადი მიღების შემდეგ კარებასტინი პლაზმაში მაქსიმალურ კონცენტრაციას 80-100ნგ/მლ-ში აღწევს 2.6 - 4 საათის შემდეგ. 10 მგ პრეპარატის ყოველდღიური მიღების შემთხვევაში წონასწორული კონცენტრაცია 130-160 ნგ/მლ-ში აღინიშნება 3-5 დღეში. ებასტინისა და კარებასტინის შეკავშირების ხარისხი პლაზმის ცილებთან 95%-ზე მეტია. კარებასტინის ნახევრადგამოყოფის პერიოდი შეადგენს 15-დან 19სთ ს. პრეპარატის 66% შარდის მეშვეობით გამოიყოფა კონიუგატების სახით. მისი დანიშვნისას საკვების მიღების დროს კაბას ტინის დონე სისხლში იზრდება 1.6 - 2ჯერ, თუმცა ეს არ ცვლის მისი მაქსიმალური კონცენტრაციის მიღწევის დროს და არ ახდენს მოქმედებას პრეპარატის კლინიკურ ეფექტზე. ხანდაზმულ პაციენტებში პრეპარატის ფარმაკოკინეტიკური მაჩვენებლები არსებითად არ იცვლება. თირმკლების უკმარისობის მემთხვევაში ნახევრადგამოყოფის პერიოდი იზრდება 23-26 საათამდე, ხოლო ღვიძლის უკმარისობისას - 27 სათამდე.
ჩვენება:
	
- ალერგიული რინიტი (სეზონური და/ან მთელი წლის განმავლობაში); - იდიოპათური ჭინჭრის ქრონიკული ციება.
დოზირება და მიღების წესი:
	
ალერგიული რინიტის დროს მოზრდილებს უნიშნავენ 10 მგ დღეში ერთხელ, ხოლო გამოხატული სიმპტომატიკის დროს (ალერგიული რინიტის მთელი წლის განმავლობაში) - 2გ-ს დღეში. იდიოპათური ჭინჭრის ქრონიკული ციების შემთხვევაში პრეპარატი ინიშნება 10 მგ დღეში ერთხელ. მისი გამოყენება წარმოებს საკვების მიღებისაგან დამოუკიდებლად.
გვერდითი მოვლენები:
	
შესაძლოა: თავის ტკივილი, პირის ღრუს სიმშრალე, მოთენთილობა. იშვიათად: ტკივილი მუცლის არეში, დისპეფსია, გულისრევის შეგრძნება, ასთენია, უძილობა, რინიტი, სინუსიტი.
უკუჩვენება:
	
ჰიპერმგრძნობელობა პრეპარატისადმი.
ორსულობა და ლაქტაცია:
	
ორსულებში პრეპარატის მიღების უსაფრთხოება არ არის შესწავლილი, რის გამოც მისი მიღება ამ დროს, ისევე როგორც ლაქტაციის პერიოდში არ არის მიზანშეწონილი, ვინაიდან არ მოიპოვება მონაცემები ებასტინის დედის რძეში გამოყოფის შესახებ.
განსაკუთრებული მითითებები:
	
განსაკუთრებული სიფრთხილეა საჭირო თირკმელებისა და ღვიძლის უკმარისობით დაავადებულ პაციენტებში პრეპარატის დანიშვნის დროს. იმის გამო, რომ არ არსებობს საკმარისი კლინიკური მონაცემები 12 წლის ასაკამდე ბავშვებში მისი გამოყენების შესახებ, ექიმთან კონსულტაციის გარეშე პრეპარატის მიღება არ არის რეკომენდებული. პრეპარატი არ მოქმედებს სატრანსპორტო საშუალებებისა და სხვა მექანიზმების მართვის უნარზე.
ჭარბი დოზირება:
	
ებასტინის სპეციალური ანტიდოტი არ მოიპოვება. დოზის გადაჭარბების შემთხვევაში რეკომენდებულია კუჭის ამორეცხვა, ორგანიზმის მთავარ სასიცოცხლო ფუნქციებზე მონიტორინგი და სიმპტომატური მკურნალობის ჩატარება.
ურთიერთქმედება სხვა მედიკამენტებთან:
	
არ არის რეკომენდებული პრეპარატის დანიშვნა კეტოკონაზოლსა და ერითრომიცინთან ერთად. ებასტინი არ ურთიერთქმედებს თეოფილინთან, არაპირდაპირ ანტიკოაგულანტებთან, ციმეტიდინთან, დიაზეპამთან, ეთანოლთან და ეთანოლის შემცველ პრეპარატებთან.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 021239123 sec.