This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
პიპეკურონიუმის ბრომიდი
Pipecuronium bromide
ა.თ.ქ. კლასიფიკაცია:
	
 
M03AC06	
M ძვალ-კუნთოვანი სისტემა
	
03 მიორელაქსანტები
	
A პერიფერიული მოქმედების მიორელაქსანტები
	
C მეოთხეული ამონიუმის ნაერთები
ანოტაცია:
	
	
ფარმაკოლოგიური თვისება:
	
პიპეკურონიუმის ბრომიდი ქიმიური სტრუქტურით მიეკუთვნება ბისმეოთხეულ ამონიუმის ნაერთებს. იგი წარმოადგენს პერიფერიულ არამადეპოლარიზებელ კონკურენტული ტიპის მიორელაქსანტს. პრეპარატი აბლოკირებს ჩონჩხის კუნთების ნქოლინორეცეპტორებს და ხელს უშლის მედიატორ აცეტილქოლინის დეპოლარიზაციულ მოქმედებას, თრგუნავს ნერვ-კუნთოვან გადაცემას. მაღალ დოზებში გააჩნია განგლიომაბლოკირებელი მოქმედება. მისი ეფექტი ვენაში შეყვანისას ვლინდება 2-3 წუთში და გრძელდება დოზის შესაბამისად 30-120 წუთი. პრეპარატით გამოწვეულ მიორელაქაციას არ ახლავს თან კუნთების ფასციკულაცია და ტკივილი ოპერაციის შემდეგ. იგი არ იწვევს პოხიერი უჯრედებიდან ჰისტამინის გამონთავისუფლებას და თერაპიულ დოზებში არ ახდენს ზეგავლენას გულ-სისხლძარღვთა სისტემაზე.
ფარმაკოკინეტიკა:
	
პიპეკურონიუმის ბრომიდი უცვლელი სახით გამოიყოფა ორგანიზმიდან ძირითადად თირკმელებით. ნახევარგამოყოფის პერიოდი 44-138 წთ-ია. უმნიშვნელო რაოდენობით იგი გაივლის პლაცენტურ ბარიერს.
ჩვენება:
	
ჩონჩხის კუნთების რელაქსაციისათვის სხვადასხვა ქირურგიული ჩარევისას და ფილტვის ხელოვნური ვენტილაციის ჩასატარებლად.
დოზირება და მიღების წესი:
	
მოზრდილებში: დოზა დგინდება ინდივიდუალურად, ზოგადი ანესთეზიის სახის, ოპერაციის ხანგრძლივობის და ავადმყოფის მდგომარეობის მიხედვით. შეყვანის წინ მშრალ ნივთიერებას ხსნიან გამხსნელში. მიღებული ხსნარი შეჰეყავთ ინტრავენურად. კუნთების სრული რელაქსაციისათვის საკმარისია საშუალოდ 20-80მკგ/კგ, უფრო ხშირად 40-50მკგ/კგ-ზე. აღნიშნულ დოზებში სრული მიორელაქსაცია გრძელდება 50 წთ-ს. შემანარჩუნებელი დოზები შეადგენს 15 მკგ/კგ-ზე. ბავშვებში: ნარკოზის დროს პრეპარატის დიაზეპამთან, კეტამინთან, ფენტანილთან, აზოტის ქვეჟანგთან კომბინაციაში მისი დოზა შეადგენს 9-10-მკგ/კგ-ს. განმეორებითი შეყვანისას ინიშნება საწყისი დოზის 1/3.
გვერდითი მოვლენები:
	
გულ-სისხლთარღვთა სისტემის მხრივ: ბრადიკარდია, არტერიული წნევის დაქვეითება. სისხლის შედედების მხრივ: შესაძლოა პარციალური თრომბოპლასტინური და პროთრომბინული დროის შემცირება. ალერგიული რეაქციები: ანაფილაქსიური რეაქცია, იშვიათად ადგილი აქვს: კუნთების სისუსტეს, ჰიპოპნოეს, აპნოეს.
უკუჩვენება:
	
- მიასთენია; - მომატებული მგრძნობელობა პრეპარატის მიმართ.
განსაკუთრებული მითითებები:
	
პიპეკურონიუმის ბრომიდი გამოიყენება მხოლოდ სტაციონარულ პირობებში, ენდოტრაქეული ინტუბაციისათვის შესაბამისი აპარატურის, ხელოვნური სუნთქვის, ოქსიგენოთერაპიის, ასევე, სპეციფიკური ანტიდოტების არსებობის პირობებში. შესაძლო პრეციპიტაციის გამო პრეპარატს არ ურევენ სხვა ხსნარებთან. გამონაკლისს წარმოადგენს: ფიზიოლოგიური ხსნარი, რინგერის ხსნარი, 5%-იანი ნატრიუმის ქლორიდისა და გლუკოზის ხსნარები. პრეპარატი სიფრთხილით და ნაკლები დოზებით გამოიყენება პაციენტებში ნერვ-კუნთოვანი გადაცემის დარღვევით, გულის ქრონიკული უკმარისობით, სიმსუქნით, თირკმელების უკმარისობით, ღვიძლისა და სანაღვლე გზების პათოლოგიით, ხანდაზმულებში, ანამნეზში პოლიომიელიტის დროს. ზოგიერთმა მდგომარეობამ-ჰიპოკალიემია, დიგიტალიზაცია, ჰიპერმაგნიემია, ჰიპოკალციემია, ჰიპოპროტეინემია, დეჰიდრატაცია, აციდოზი, ჰიპერკაპნია, კახექსია, ჰიპოთერმია შესაძლოა გააძლიეროს პიპეკურონიუმის ეფექტი. მკურნალობის დაწყებამდე საჭიროა წყალმარილოვანი ცვლის დარეგულირება. პიპეკურონიუმის ფარმაკოლოგიურ ანტაგონისტს წარმოადგენენ ანტიქოლინესთერაზული საშუალებები.
ორსულობა და ლაქტაცია:
	
ორსულებში, რომლებიც ტოქსიკოზის სამკურნალოდ იყენებდნენ მაგნიუმის მარილებს შესაძლებელია ნერვ-კუნთოვანი ბლოკადის პოტენცირება, რის გამოც მათ ჰიპკურონიუმი ენიშნებათ შემცირებული დოზით.
ურთიერთქმედება სხვა მედიკამენტებთან:
	
პიპეკურონიუმის ბრომიდის ეფექტის გაძლიერებას და/ან პროლონგირებას იწვენენ: ინჰალაციური სანარკოზო საშუალებები: ჰალოტანი, მეტოქსიფლურანი, ეთილის ეთერი, კეტამინი, ფენტანილი, პროპანიდიდი, ბარბიტურატები, ამინოგლიკოზიდები, ტეტრაციკლინები, მეტრონიდაზოლი, დიურეზული-სალურეზული საშუალებები ალფა და ბეტა -ადრენობლოკატორები, თიამინი, მაო-ს ინჰიბიტორები, გუანიდინი, ფენიტოინი, კალციუმის ანტაგონისტები, ლიდოკაინი ინტრავენურად, დიფენინი. ოპერაციამდე, ნეოსტიგმინის, ნორადრენალინის, თეოფილინის, კალიუმის ქლორიდის, ნატრიუმის ქლორიდი, კალციუმის ქლორიდი შეყვანისას პიპეკურონიუმის ეფექტი მცირდება. მადეპოლარიზებელმა მიორელაქსანტებმა შესაძლოა შეასუსტონ, ან- პირიქით - გააძლიერონ პრეპარატის ეფექტი. ეს დამოკიდებულია პრეპარატის შეყვანის დროზე, დოზაზე, პრეპარატის მიმართ ინდივიდუალურ მგრძნობელობაზე.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 020054682 sec.