| უნიფიცირებული დასახელება: | ცინარიზინიCinnarizine | ||
| ა.თ.ქ. კლასიფიკაცია: | |||
N07CA02 | N ნერვული სისტემა | ||
| 07 სხვა პრეპარატები ნერვული სისტემის დაავადებების მკურნალობისათვის | |||
| C თავბრუსხვევის საწინააღმდეგო პრეპარატები | |||
| A თავბრუსხვევის საწინააღმდეგო პრეპარატები | |||
| ანოტაცია: | |||
| ფარმაკოლოგიური თვისება: | ცინარიზინი თრგუნავს სისხლძარღვების გლუვი კუნთების ტონუსს კალციუმის ნელი არხების ბლოკირების ხარჯზე. კალციუმის იონების მიმართ ანტაგონიზმის გარდა იგი აქვეითებს ვაზოაქტიური ნივთიერებების - ნორადრენალინისა და სეროტონინის მოქმედებას რეცეპტორების მიერ კონტროლირებადი კალციუმის არხების ინჰიბირების შედეგად. პრეპარატის მოქმედება სელექტიურია, რასაც თან ახლავს ანტივაზოკონსტრიქციული ეფექტი, სისხლის არტერიული წნევასა და გულის შეკუმშვის სიხშირეზე გამოხატული ზეგავლენის გარეშე. ცინარიზინს შესწევს უნარი გააუმჯობესოს მიკროცირკულაცია, ერითროციტების მემბრანის ელასტიურობის მომატებისა და სისხლის სიბლანტის დაქვეითების ხარჯზე,. რის შედეგადაც იზრდება ჰიპოქსიის მიმართ უჯრედების რეზისტენტობა. ცინარიზინი თრგუნავს ვესტიბულური სისტემის აგზნებადობას და ამცირებს ნისტაგმს და სხვა მოვლენებს. ცინარიზინი ხსნის თავბრუსხვევის მწვავე შეტევას და ხელს უწყობს მის პრევენციას. გააჩნია ანტიჰისტამინური ეფექტი. | ||
| ფარმაკოკინეტიკა: | პრეპარატის მიღებისას მისი მაქსიმალური დონე სისიხლის პლაზმაში აღინიშნება 1-3 სთ-ის შემდეგ. ცინარიზინის ნახევრადგამოყოფის პერიოდი შეადგენს 4 სთ-ს. პრეპარატი ორგანიზმში განიცდის სრულ მეტაბოლიზმს. მისი 1/3 გამოიყოფა შარდით, ხოლო 2/3 კი ფეკალიებით. პლაზმის ცილებს უკავშირდება ცინარიზინი მხოლოდ 91%. | ||
| ჩვენება: | პრეპარატი გამოიყენება ლაბირინთისმიერი დარღვევის სიმპტომების შემთხვევაში თავბრუსხვევის, ყურებში შუილის, ღებინებისა და გულისრევის შეგრძნების დროს; აგრეთვე შაკიკის პროფილაქტიკისათვის; ცერებროვასკულური წარმოშობის თავბრუსხვევის, ყურებში შუილის, თავის ტკივილის, გაღიზიანების, არაკომუნიკაბელობის, მეხსიერების დაქვეითებისა და კონცენტრაციის უნარის შემცირების დროს. იგი ასევე გამოიყენება პერიფერიული სისხლძარღვების დაავადების სიმპტომების - რეინოს დაავადების ჩათვლით, აკროციანოზის, ტროფიკული დარღვევების, ხანგამოშვებითი კოჭლობის, ტროფიკული და ვარიკოზული წყლულის, პარესთეზიების, კიდურების ღამის სპაზმის და ცივი კიდურების სინდრომის სამკურნალოდ. | ||
| დოზირება და მიღების წესი: | აბები: პრეპარატი თავის ტვინის სისხლმიმოქცევის დარღვევის დროს ინიშნება დოზით 1 აბის დღეში 3-ჯერ (25 მგ). პერიფერიული სისხლმიმოქცევის მოშლის დროს პრეპარატი გამოიყენება დღეში 3ჯერ 2-3 აბის ოდენობით. წონასწორობის დარღვევისას გამოიყენება დღეში 3-ჯერ 1 აბის ოდენობით. ცინარიზინის მიღება რეკომენდებულია ჭამის შემდეგ. მაქსიმალური რეკომენდებული დოზა დღეში არ უნდა აღემატებოდეს 225 მგ-ს (9 აბი). ვინაიდან პრეპარატის მოქმედების ეფექტი თავბრუსხვევის შემთხვევაში დამოკიდებულია მის დოზაზე, საჭიროა დოზის თანდათანობითი გაზრდა. კაფსულები: პრეპარატი თავის ტვინის სისხლმიმოქცევის დარღვევის დროს ინიშნება დღეში 1 კაფსულის (75 მგ-ის) ოდენობით. პერიფერიული სისხლმიმოქცევის მოშლის დროს პრეპარატი გამოიყენება დღეში 2-3 კაფსულის ოდენობით. წონასწორობის დარღვევისას კი უნიშნავენ ერთ კაფსულას დღეში. ცინარიზინის მიღება რეკომენდებულია ჭამის შემდეგ. მაქსიმალური რეკომენდებული დოზა დღეში არ უნდა აღემატებოდეს 225 მგ-ს (3 კაფსულა). ვინაიდან პრეპარატის მოქმედების ეფექტი თავბრუსხვევის დროს დამოკიდებულია მის დოზაზე, საჭიროა დოზის თანდათანობითი გაზრდა. | ||
| გვერდითი მოვლენები: | პრეპარატის მიღებისას შესაძლებელია ძილიანობა და კუჭ-ნაწლავის ტრაქტის მხრივ დარღვევები. აღნიშნული სიმპტომები ატარებს შექცევად ხასიათს და დოზის შერჩევის შემდეგ ისინი ქრებიან. იშვიათად აღინიშნება თავის ტკივილი, პირის ღრუს სიმშრალის შეგრძნება, სხეულის წონის მომატება, ოფლიანობა ან ალერგიული რეაქციები. ძალიან იშვიათად პრეპარატის მი-ღებისას აღინიშნება წითელი მგლურას მაგვარი სინდრომი და წითელი ბრტყელი ლიქენი. ხანდაზმულ პაციენტებში, პრეპარატის ხანგრძლივი მიღებისას შესაძლებელია განვითარდეს დეპრესია, რაც მოითხოვს პრეპარატის მიღების შეწყვეტას. | ||
| უკუჩვენება: | პრეპარატის მიღება წინააღმდეგნაჩვენებია მასში შემავალი კომპონენტების მიმართ მომატებული მგრძნობელობის დროს. | ||
| ორსულობა და ლაქტაცია: | აღნიშნულ პერიოდში პრეპარატი ინიშნება მხოლოდ აუცილებლობის შემთხვევაში. ვინაიდან არ არსებობოს მონაცემები ცინარიზინის დედის რძეში გამოყოფის შესახებ, მისი გამოყენება ლაქტაციის პერიოდში არ არის რეკომენდებული. | ||
| განსაკუთრებული მითითებები: | ცინარიზინის მიღებამ შესაძლოა გამოიწვიოს ეპიგასტრიუმის მიდამოს გაღიზიანება, რომელიც მცირდება მისი ჭამის შემდეგ მიღებისას. პაციენტებში, რომლებიც დაავადებულნი არიან პარკინსონიზმით პრეპარატის გამოყენება დასაშვებია მხოლოდ იმ შემთხვევაში, როდესაც მოსალოდნელი სარგებლიანობა სჭარბობს პოტენციურ რისკს. ცინარიზინის მიღებამ შესაძლოა გამოიწვიოს ძილიანობა, ხანდაზმულ პაციენტებში პირიქით - ხანდახან აგზნებადობა, განსაკუთრებით მკურნალობის დასაწყისში. პრეპარატით მკურნალობისას საჭიროა თავი შევიკავოთ ალკოჰოლური სასმელების ან ცნს-ის დამთრგუნველი საშუალებების მიღებისაგან. დიაგნოსტიკური ჩარევა: ვინაიდან ცინარიზინს გააჩნია ანტიჰისტამინური ეფექტი, ამ უკანასკნელის კანის სინჯების ჩატარებამდე 4 დღით ადრე მიღებამ შეიძლება შენიღბოს კანის რეაქტიულობის მხრივ დადებითი რეაქციები. სატრანსპორტო საშუალებების მართვის უნარზე ზემოქმედება: იმის გამო, რომ პრეპარატის მიღების შემდეგ შესაძლებელია ძილიანობა, განსაკუთრებით მკურნალობის დასაწყისში, ცინარიზინის გამოყენებისას თავი უნდა შევიკავოთ ისეთი სამუშაოების შესრულებისაგან, რომელიც მოითხოვს ყურადღების მაქსიმალურ კონცენტრაციას. | ||
| ურთიერთქმედება სხვა მედიკამენტებთან: | ცინარიზინის ალკოჰოლთან, ცნს-ის დამთრგუნველ საშუალებებთან, აგრეთვე ტრიციკლურ ანტიდეპრესანტებთან ერთდროულმა მიღებამ შესაძლოა გამოიწვიოს ზემოთჩამოთვლილი საშუალებების ან ცინარიზინის სედატიური ეფექტის პოტენცირება. | ||
| ჭარბი დოზირება: | 4 წლის ასაკის პაციენტში აღწერილია პრეპარატის ჭარბი დოზით მიღებისას ღებინება, ძილიანობა, კომა, ტრემორი, ჰიპოტონია. მკურნალობა: სპეციფიკური ანტიდოტი არ არსებობს. პრეპარატის ჭარბი დოზით მიღების შემთხვევაში საჭიროა კუჭის ამორეცხვა, შემდგომში მდგომარეობის მიხედვით გააქტივებული ნახშირის მიცემა. |
Page generation time: 0. 022062318 sec.
