This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
ალპროსტადილი
Alprostadil
ა.თ.ქ. კლასიფიკაცია:
	
 
G04BE01	
G შარდსასქესო სისტემა და სასქესო ჰორმონები
	
04 პრეპარატები უროლოგიური დაავადებების მკურნალობისათვის
	
B სხვა პრეპარატები უროლოგიური დაავადებების მკურნალობისათვის (მათ შორის სპაზმოლიზური საშუალებები)
	
E პრეპარატები ერექციის დარღვევის მკურნალობისათვის
C01EA01	
C გულ-სისხლძარღვთა სისტემა
	
01 პრეპერატები გულის დაავადებების მკურნალობისათვის
	
E სხვა პრეპარატები გულის დაავადებების მკურნალობისათვის
	
A პროსტაგლანდინები
ანოტაცია:
	
	
ფარმაკოკინეტიკა:
	
ალპროსტადილის გადასხმისას მისი კონცენტრაცია პლაზმაში სწრაფად აღწევს პიკურ მაჩვენებლებს და ინფუზიის შეწყვეტისას რამოდენიმე წუთში უბრუნდება საწყის დონეს. პლაზმაში არსებული პრეპარატის დაახლოებით 90% დაკავშირებულია პლაზმის ცილებთან. ალპროსტადილის მეტაბოლიტები გამოიყოფიან შარდთან (82%) და განავალთან (12%) ერთად 72 საათის განმავლობაში. გადასხმიდან 24 საათის განმავლობაში ელიმინირდება მთლიანი დოზის 92 %.
ჩვენება:
	
ნეიროგენული, ფსიქოგენური და სისხლძარღვოვანი გენეზის (ან შერეული ფორმის) ერექციის დისფუნქციის მკურნალობა; ერექციის დარღვევის სხვა დიაგნოსტიკურ ტესტებთან კომპლექსში. პერიფერიული არტერიების ოკლუზიური დაავადებები, როდესაც სხვა მკურნალობით ვერ იქნა მიღწეული ადექვატური შედეგი, ან როდესაც მისი ჩატარება შეუძლებელია; პერიფერული არტერიების III და IV ხარისხის ქრონიკული ოკლუზიური დაავადებები (ფონტეინის კლასიფიკაციით). - ნეიროგენული, ფსიგოგენური და სისხძარღვოვანი გენეზის (ან შერეული ფორმის) ერექციის დისფუნქციის მკურნალობა; ერექციის დარღვევისას ფარმაკოლოგიური სინჯის ჩასატარებლად სხვა დიაგნოსტიკურ ტესტებთან კომპლექსში.
დოზირება და მიღების წესი:
	
საერთოდ პრეპარატის დოზირების რეჟიმი ინდივიდუალურია. ინტრავენური გადასხმა: ორი ამპულა ალპროსტადილი (40 მკგ) უნდა გაიხსნას 50250 მლ ფიზიოლოგიურ ხსნარში. გადასხმა ტარდება დღეში ორჯერ, ან სამი ამპულა ალპროსტადილი (60 მკგ) უნდა გაიხსნას 50-250 მლ ფიზიოლოგიურ ხსნარში. გადასხმა ტარდება დღეში ერთხელ. ინტრაარტერიული გადასხმა: ერთი ამპულა ალპროსტადილი (20 მკგ) უნდა გაიხსნას 50 მლ ფიზიოლოგიურ ხსნარში. ჩვეულებრივ შეჰყავთ ნახევარი ამპულა ალპროსტიდოლი (10 მკგ) 60-120 წუთის განმავლობაში. საჭიროების შემთხვევაში შეიძლება გადაისხას 1 ამპულა ალპროსტადილი (20 მკგ). გადასხმა ტარდება დღეში ერთხელ. მკურნალობის ხანგრძლივობა შეადგენს 3-4 კვირას. საინფუზიო ხსნარი უნდა მომზადდეს უშუალოდ გადასხმის წინ. საერთოდ პრეპარატის დოზირების რეჟიმი ინდივიდუალურია.
გვერდითი მოვლენები:
	
ინტრავენური ან ინტრაარტერიული გადასხმისას შესაძლოა აღინიშნოს სიწითლე, თვაი ტკივილი და შეშუპება შეყვანის ადგილას. აღინიშნება თავის ტკივილი, სახის ჰიპერემია, სისტოლური არტერიული წნევის დაქვეითება ტაქიკარდიით და სტენოკარდიით; ალერგიული რეაქციები, სახსროვანი სიმპტომები, ტემპერატურის მომატება, ზოგჯერ ჰიპერთერმია, ფსიქოზი ცენტრალური გენეზის კრუნჩხვები, ოფლიანობა, ზოგჯერ ჰიპერთერმია, ფსიქოზი, ცენტრალური გენეზის კრუნჩხვები. შემცივნება, დიარეა, გულისრევა, ღებინება. პარესთეზიები, ტრანსამინაზების აქტივობის მომატება, იშვიათად ჰიპერბილირუმინემია, გულის უკმარისობა, ფილტვების შეშუპება, რესპირატორული დისტრეს-სინდრომი, ტაქიპნოე, ანურია, გულის არითმიები, ჰიპოქრომული ანემია, თრომბოციტოპენია, ხანგრძლივი მკურნალობისას (4 კვირაზე მეტ ხანს) შესაძლებელია ლულოვანი ძვლების შექცევადი კორტიკალური პოლიპეტაცია. ინტრაკავერნოზული შეყვანისას ასოს ტკივილი, პრიაპიზმი, ხანგრძლივი ერექცია. იშვიათად ფიბროზი, შეშუპება, ქავილი, გამონაყარი, ჰემორაგიები, ტკივილი სათესლე ჯირკვლების, გრიპის მსგავსი სინდრომის განვითარება.
უკუჩვენება:
	
- მომატებული მგრძნობელობა ალპროსტადილის ან პრეპარატის სხვა კომპონენტების მიმართ; - ფილტვების შეშუპება, ბრონქული ასთმა, გულის არითმია, ფილტვებისა და ღვიძლის დაავადება, კუჭის მწვავე წყლული, მიელომური დაავაება, ნამგლისებრ უჯრედოვანი ანემია, ასოს დეფორმაცია (ანგულაცია, კავერნოზული ფიბროზი, პერონის დაავადება). - არანამკურნალები გულის უკმარისობა; - ახლო წარსულში გადატანილი მიოკარდის ინფარქტი.
ორსულობა და ლაქტაცია:
	
ორსულობისა და ლაქტაციის პერიოდში პრეპარატის დანიშვნა არ შეიძლება.
განსაკუთრებული მითითებები:
	
მკურნალობის პერიოდში უნდა შემოწმდეს გულსისხლძარღვთა სისტემის ფუნქციური მდგომარეობა, უნდა განისაზღვროს წყლის ბალანსი და ცენტრალური ვენური წნევა. საჭიროა მუდმივად სისხლის შედედების სისტემის, ბიოქიმიური მაჩვენებელების და ჰემოდინამიკის მონიტორინგი. არ გამოიყენება ქრონიკული ნარკომანიით, ალკოლიზმით, ფსიქიური დარღვევეით შეპყრობილ პირებში.
ურთიერთქმედება სხვა მედიკამენტებთან:
	
ალპროსტადილმა შეიძლება გამოიწვიოს არტიჰიპერტენზიული პრეპარატების, ვაზოდილატატორების და გულის იშემიური დაავადების სამკურნალოდ გამოყენებული საშუალებების ეფექტების პოტენცირება. არ არის სასურველი ალპროსტადის გამოყენება ერექციის დისფუნქციის სამკურნალო სხვა პრეპარატებთან კომბინაციაში.
ფარმაკოლოგიური თვისება:
	
იგი მიეკუთვნება პროსტაგლანდინების (E1) ჯგუფის პრეპარატს. ალპროსტადილი აფართოვებს არტერიებს და პრეკაპილარულ სფინქტერებს, აუმჯობესებს სისხლმიმოქცევას და დარღვეულ მიკროცირკულაციას, ამცირებს თრომბოციტების აგრეგაციას, აგრეთვე, სისხლძარღვთა გლუვი კუნთების უჯრედების პროლიფერაციას, ზრდის სისხლის ფიბრინოლიზურ აქტივობას და აუმჯობესებს ერითროციტების ელასტიურ თვისებებს. პრეპარატი აინჰიბირებს ქოლესტეროლის სინთეზს, ნეიტროფილების აქტივაციას და აუმჯობესებს უჯრედოვან მეტაბოლიზმს, ხასითდება ანგიოპროტექტორული თვისებებით. პრეპარატი აგრეთვე აქვეითებს სისხლძარღვთა პერიფერიულ წინააღმდეგობას და არტერიულ წნევას, რეფლექსურად იწვევს გულის სისტოლური მოცულობის და მისი რითმის გაზრდას. ამასთან ერთად პრეპარატი ასტიმულირებს ნაწლავების, შარდის ბუშტის და საშვილოსნოს გლუვი კუნთების ტონუსს, ამცირებს კუჭის წვენის სეკრეციას, აუმჯობესებს კავერნოზული სხეულების სისხლმომარაგებას ამის შედეგად ერექციას.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 021571945 sec.