| უნიფიცირებული დასახელება: | მიზოპროსტოლიMisoprostol | ||
| ა.თ.ქ. კლასიფიკაცია: | |||
A02BB01 | A საჭმლის მომნელებელი ტრაქტი და ნივთიერებათა ცვლა | ||
| 02 ანტაციდები, კუჭისა და 12-გოჯა ნაწლავის წყლულის საწინააღმდეგო პრეპარატები და ნაწლავებში მეტეორიზმის შესამცირებელი პრეპარატები | |||
| B კუჭისა და 12-გოჯა ნაწლავის წყლულის საწინააღმდეგო პრეპარატები | |||
| B პროსტაგლანდინები | |||
G02AD06 | G შარდსასქესო სისტემა და სასქესო ჰორმონები | ||
| 02 სხვა პრეპარატები გინეკოლოგიური დაავადებების მკურნალობისათვის | |||
| A მიომეტრიუმის ტონუსის გამაძლიერებელი პრეპარატები | |||
| D პროსტაგლანდინები | |||
| ანოტაცია: | |||
| ფარმაკოლოგიური თვისება: | მიზოპროსტოლი პროსტაგლანდინ E1-ის სინთეტური ანალოგია. იგი ახდენს ციტოპროტექტორულ მოქმედებას, რაც დაკავშირებულია კუჭში ლორწოვანის გამოყოფის გაძლიერებასა და კუჭის ლორწოვანის მიერ ბიკარბონატის სეკრეციის მომატებასთან. ახდენს რა უშუალო ზემოქმედებას კუჭის პარიეტალურ უჯრედებზე, მიზოპროსტოლი თრგუნავს ბაზალურ, ღამის და სტიმულირებულ (საკვებით, ჰისტამინით, პენტაგასტრინით) სეკრეციას. ამცირებს პეპსინის ბაზალურ (არა ჰისტამინით სტიმულირებული) გამოყოფას. იგი იწვევს მიომეტრიუმის გლუვი კუნთების შეკუმშვის ინდუცირებას და აფართოვებს საშვილოსნოს ყელს. ზრდის მიომეტრიუმის შეკუმშვის სიხშირესა და ძალას, ახდენს სუსტ მასტიმულირებელ მოქმედებას კუჭნაწლავის ტრაქტის გლუვ მუსკულატურაზე. მოქმედება იწყება 30 წთ-ის შემდეგ და გრძელდება არანაკლებ 3–6 სთ-ისა. 50მკგ დოზის დროს ეფექტი ზომიერი და ხანმოკლეა, ხოლო 200მკგ დროს – გამოხატული. | ||
| ფარმაკოკინეტიკა: | პერორალური მიღების დროს პრეპარატი სწრაფად და სრულად ადსორბირდება (საკვები ხელს უშლის ადსორბციას). პლაზმის ცილებს უკავშირდება 85%-ით. კუჭნაწლავის ტრაქტსა და ღვიძლში მეტაბოლიზდება ფარმაკოლოგიურად აქტიურ მიზოპროსტოლის მჟავამდე. Cmax მიიღწევა 12 წთ-ის შემდეგ. Css – 2 წთ-ის შემდეგ. ხშირად მიღების შემთხვევაში არ კუმულირდება. T1/2 – 20-40 წთ-ში. გამოიყოფა თირკმლების საშუალებით (80%) და ნაღველით (15%). თირკმლის ფუნქციის მოშლის შემთხვევაში შესაძლებელია Cmax თითქმის 2-ჯერ მომატება და T1/2-ის გაზრდა. | ||
| ჩვენება: | კუჭის წყლულის განვითარების პროფილაქტიკა, რაც დაკავშირებულია არასტეროიდული ანთების საწინააღმდეგო საშუალებების მიღებასთან ისეთ პაციენტებში, რომლებსაც აქვთ წყლულის წარმოქმნის მაღალი რისკი. თორმეტგოჯა ნაწლავის წყლულის გამწვავების მკურნალობა, კუჭის წყლულის მკურნალობა. | ||
| დოზირება და მიღების წესი: | პრეპარატი მიიღება პერორალურად. ერთჯერადი დოზაა 200-400მკგ, მომატებული მგრძნობელობისა და თირკმლის უკმარისობის დროს – 100მკგ. მიღების ჯერადობა და ხანგრძლივობა დამოკიდებულია დაავადების ჩვენებებსა და მკურნალობის ეფექტურობაზე. | ||
| გვერდითი მოვლენები: | კუჭნაწლავის სისტემის მხრივ: ტკივილი მუცლის არეში, მეტეორიზმი, გულისრევა, ღებინება, დიარეა, შეკრულობა. სასქესო სისტემის მხრივ: ტკივილი მუცლის ქვედა ნაწილში, რაც დაკავშირებულია მიომეტრიუმის შეკუმშვასთან, დისმენორეა, პოლიმენორეა, მენორაგია, მეტრორაგია. ალერგიული რეაქცია: გამონაყარი კანზე, ქავილი, კვინკეს შეშუპება. სხვა: სხეულის წონის შეცვლა, ასთენია, ადვილად დაღლა; ძალიან იშვიათად – კრუნჩხვები (ქალებში პრედ- ან პოსტკლიმაქტერულ პერიოდებში). | ||
| უკუჩვენება: | ღვიძლის ფუნქციის მნიშვნელოვანი მოშლა, ნაწლავების ანთებითი დაავადებები, ორსულობა, ლაქტაციის პერიოდი, თირკმლის უკმარისობის მძიმე ფორმა, ენტერიტი, 18 წლამდე ბავშვები და მოზარდები, მომატებული მგრძნობელობა მიზოპროსტოლის მიმართ. | ||
| ორსულობა და ლაქტაცია: | ორსულებსა და ლაქტაციის პერიოდში პრეპარატის მიღება უკუნაჩვებებია. აუცილებელია იმის გათვალიწინება, რომ მიზპროსტოლი ზრდის საშვილოსნოს ტონუსს და შეიძლება გამოიწვიოს ორსულობის შეწყვეტის პროვოცირება, მაშინ როდესაც მას იღებენ, როგორც გასტროპროტექტორულ საშუალებას. პრეპარატის გამოყენების აუცილებლობის შემთხვევაში რეპროდუქციული ასაკის ქალებში, საჭიროა წინასწარ ჩატარდეს შრატისმიერი ტესტი ორსულობაზე, რომელიც უნდა იყოს უარყოფითი 2 კვირის განმავლობაში მიზოპროსტოლით მკურნალობის დაწყებამდე. მკურნალობა შეიძლება დაიწყოს მხოლოდ მე-2-3 დღეს ნორმალური მენსტრუაციიდან. მკურნალობის მთელი კურსის განმავლობაში საჭიროა კონტრაცეპციის საიმედო მეთოდის გამოყენება. | ||
| განსაკუთრებული მითითებები: | მიზოპროსტოლი სიფრთხილით ინიშნება პაციენტებში, რომელთაც აღენიშნებათ არტერიული ჰიპოტენზია, გულის იშემიური დაავადება, თავის ტვინის სისხლის მიმოქცევის მოშლა, კორონაროკარდიოსკლეროზი, ეპილეფსია, ენტეროკოლიტი, დიარეა, მომატებული მგრძნობელობა პროსტაგლანდინებისა ან მათი ანალოგების მიმართ. მისი გამოყენება ორსულობის შეწყვეტისათვის ხდება მხოლოდ მიფეპრისტონთან კომბინაციაში და მხოლოდ სპეციალიზირებულ სამედიცინო დაწესებულებებში, რომლებსაც ემსახურებიან შესაბამისად მომზადებული საექიმო კადრები და აქვთ შესაძლებლობა აღმოუჩინონ სასწრაფო ქირურგიულ-გინოკოლოგიური და ჰემოტრანსფუზიური დახმარება. მიზოპროსტოლის მიღებიდან პირველი კვირის განმავლობაში არ არის რეკომენდებული აცეტილსალიცილის მჟავისა და სხვა არასტეროიდული ანთების საწინააღმდეგო საშუალებების დანიშვნა. | ||
| ურთიერთქმედება სხვა მედიკამენტებთან: | მიზოპროსტოლის ანტაციდებთან ერთროულად მიღების დროს მისი კონცეტრაცია სისხლის პლაზმაში კლებულობს. მაგნიუმის შემცველ ანტაციდებთან ერთდროულად მირებისას შესაძლოა დიარეის გაძლიერება. აცენოკუმაროლთან ერთდროულად მიღებისას აღწერილია მისი ანტიკოაგულანტური მოქმედების შესუსტება. დიკლოფენაკსა და ინდომეტაცინთან ერთდროულად მიღებისას ძლიერდება მათი გვერდითი მოქმედებები. მიზოპროსტოლი მიფეპრისტონთან კომბინაციაში იწვევს: ორსულობის შეწყვეტას ადრეულ სტადიაზე (ამენორეის 42–ე დღეზე). |
Page generation time: 0. 022342558 sec.
