This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
დიოსმინი
Diosmin
ა.თ.ქ. კლასიფიკაცია:
	
 
C05CA03	
C გულ-სისხლძარღვთა სისტემა
	
05 ანგიოპროტექტორები
	
C კაპილარების განვლადობის შემამცირებელი პრეპარატები
	
A ბიოფლავონიდები
ანოტაცია:
	
	
გვერდითი მოვლენები:
	
ცალკეულ შემთხვევებში აღინიშნება უმნიშვნელო ცვლილებები საჭმლის მომნელებელი სისტემის მხრივ და ნეიროვეგეტატური დარღვვვები, რომლებიც არ საჭიროებენ პრეპარატის მიღების შეწყვეტას.
ფარმაკოლოგიური თვისება:
	
პრეპარატს გააჩნია ვენომატონიზირებელი და ანგიოპროტექტული მოქმედება. იგი ამცირებს ვენების დაჭიმულობას, ზრდის მათ ტონუსს და აქვეითებს ვენურ შეგუბებას. დიოსმინი ამცირებს კაპილარების განვლადობას და ზრდის მათ რეზისტენტობას. ამასთან ერთად აუმჯობესებს როგორც მიკროცირკულაციას, ასევე ლიმფურ დრენაჟს. დიოსმინის სისტემატური მიღებისას აღინიშნება ქვედა კიდურების ქრონიკული ვენური უკმარისობისათვის (როგორც ორგანული, ასევე ფუნქციური გენეზის) დამახასიათებელი კლინიკური სიმპტომების შემცირება.
ფარმაკოკინეტიკა:
	
პრეპარატის მეტაბოლიტებს წარმოადგენს სხვადასხვა ფენოლური მჟავები, რაც დასტურდება შარდში მათი არსებობით. მისი T1/2 შეადგენს 11 სთ-ს. ორგანიზმიდან გამოიყოფა ძირითადად ფეკალიებით, ხოლო მიღებული დოზის 14% ელიმინირდება თირკმელებით.
ჩვენება:
	
პრეპარატი გამოიყენება ქვედა კიდურების ორგანული და ფუნქციური გენეზის ვენების ქრონიკული უკმარისობის სამკურნალოდ, რომლის თანმხლებია ქვედა კიდურებში სიმძიმის შეგრძნება, ტკივილი, ღამის კრუნჩხვები, ტროფიკული დარღვევები. დიოსმინი აგრეთვე გამოიყენება ბუასილის მწვავე შეტევის ფუნქციური სიმპტომების სამკურნალოდ.
დოზირება და მიღების წესი:
	
ვენური უკმარისობის დროს პრეპარატი ინიშნეპა დღეში 2 აბის ოდენობით შუადღესა და საღამოს ჭამის დროს. ბუასილის მწვავე შეტევის შემთხვევაში პრეპარატი ინიშნება დღეში 6 აბის ოდენობით პირველი 4 დღის განმავლობაში, ხოლო მომდევნო 3 დღის განმავლობაში კი - 4 აბის ოდენობით.
უკუჩვენება:
	
პრეპარატის მიღება წინააღმდეგნაჩვენებია მის მიმართ მომატებული მგრძნობელობის და ლაქტაციის პერიოდში.
ორსულობა და ლაქტაცია:
	
ორსულობის დროს შეიძლება მისი გამოყენება ჩვენებების მიხედვით. დიოსმინით მკურნალობის პერიოდში არ არის რეკომენდებული ძუძუთი კვება, ვინაიდან აქტიური ნივთიერების გამოყოფა ქალის რძით არ არის შესწავლილი. ექსპერიმენტულ კვლევებში არ არის დადგენილი მისი ტერატოგენული ეფექტი.
განსაკუთრებული მითითებები:
	
ბუასილის გამწვავებისას დიოსმინის მიღება ვერ ცვლის ანორექტული უბნის დაავადების სპეციფიკურ მკურნალობას. პრეპარატი გამოიყენება მკურნალობის ხანმოკლე კურსის სახით. ეფექტის არ არსებობის შემთხვევაში საჭიროა დამატებითი კვლევა და მკურნალობის კორექცია. პაციენტებმა, რომლებსაც დარღვეული აქვთ ვენური სისხლმიმოქცევა, საჭიროა თავი შეიკავონ დიდი ხნის განმავლობაში მზის სხივების პირდაპირი ზემოქმედებისაგან. აგრეთვე საჭიროა სხეულის წონის დაკლება და სპეციალური სამედიცინო დანიშნულების წინდების ტარება, რომლებიც ხელს უწყობს სისხლის ცირკულაციის გაუმჯობესებას. დიოსმინი არ ახდენს გავლენას სატრანსპორტო საშუალებების მართვის უნარზე და იმ სამუშაოს შესრულებაზე, რომლებიც მოითხოვენ ყურადღების მაქსიმალურ კონცენტრაციას.
ჭარბი დოზირება:
	
ჭარბი დოზირების სიმპტომები არ არის აღწერილი.
ურთიერთქმედება სხვა მედიკამენტებთან:
	
პრეპარატის ურთიერთქმედება სხვა სამკურნალო საშეალებებთან არ არის აღწერილი.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 022155196 sec.