| უნიფიცირებული დასახელება: | ცეტრორელიქსიCetrorelix | ||
| ა.თ.ქ. კლასიფიკაცია: | |||
H01CC02 | H ჰორმონები სისტემური გამოყენებისათვის (სასქესო ჰორმონების გარდა) | ||
| 01 ჰიპოთალამუსის და ჰიპოფიზის ჰორმონები და მათი ანალოგები | |||
| C ჰიპოთალამუსის ჰორმონები | |||
| C ანტიგონადოტროპინ- რილიზინგ ჰორმონები | |||
| ანოტაცია: | |||
| ფარმაკოლოგიური თვისება: | ცეტრორელიქსი წარმოადგენს LHRH -ის ანტაგონისტს. LHRH უკავშირდება ჰიპოფიზის უჯრედების მემბრანულ რეცეპტორებს, სადაც ცეტრორელიქსი ჩაენაცვლება ამ უკანასკნელს და ახორციელებს გონადოტროპული ჰორმონების სეკრეციის კონტროლს (მალუთეინიზირებელი და ფოლიკულომასტიმულირებელი პორმონები). ცეტრორელიქსი დოზადამოკიდებული სახით თრგუნავს პიპოფიზის მიერ მალუთეინიზირებელი და ფოლიკულომასტიმულირებელი ჰირმონების სეკრეციას. მათი გამოყოფის ინჰიბირება წარმოებს მკურნალობის დაწყებისთანავე და იგი შენარჩუნებულია მკურნალობის მთელი პროცესის განმავლობაში. ქალებში პრეპარატი აფერხებს მალუთეინიზირებელი ჰორმონის გამოყოფას და შესაბამისად თრგუნავს ოვულაციას. ერთჯერადად 3 მგ პრეპარატის მიღებისას მისი ეფექტი გრძელდება 4 დღის განმავლობაში. მეოთხე დღეს დათრგუნვის ხარისხი აღწევს 70%-ს. ეფექტის შენარჩუნება შესაძლებელია 0.25 მგ ცეტრორელიქსის ინექციით, ყოველ 24 საათში. ადამიანებში, ისევე როგორც ექსპერიმენტის პირობებში, ცეტრორელიქსით მკურნალობის შეწყვეტით მისი მოქმედება წყდება. | ||
| ფარმაკოკინეტიკა: | კანქვეშა ინექციის შემდეგ პრეპარატის ბიოშეღწევადობა 85% აღწევს. მისი პლაზმური საერთო, კლირენსი და რენული კლირენსი შეადგენს შესაბამისად 1.2 მლXწთ -1 X კგ-1 და 0.1 მლ X წთ -1 X კგ. განაწილების მოცულობა უტოლდება 1.1 ლ/კგ, ხოლო ტერმინალური ნახევრადდაშლის პერიოდი ინტრავენური და კანქვეშა ინექციის შემდეგ შესაბამისად შეადგენს 12 და 30 საათს. პრეპარატის ერთჯერადი დოზის კანქვეშ შვყვანისას (0.25-0.3 მგ), ისევე როგორც მისი სადღეღამისო დოზის გამოყენებისას 14 დღის განმავლობაში აღინიშნება ხაზოვანი კინეტიკა. | ||
| ჩვენება: | ცეტრორელიქსი გამოიყენება საკვერცხეების კონტროლირებადი სტიმულაციის დროს ნაადრევი ოვულაციის თავიდან აცილების მიზნით. | ||
| დოზირება და მიღების წესი: | ცეტრორელიქსი ინიშნება მხოლოდ სპეციალისტის მიერ. იგი შეჰყავთ კანქვეშ მუცლის ქვედა ნაწილში. პაციენტს თავად შესწევს ინექციის გაკეთების უნარი კონსულტაციის შემდეგ. 0.25 მგ პრეპარტი ინიშნება დღეში ერთხელ, დილას ან საღამოს. დილის ინექციის შემთხვევაში პრეპარატი კეთდება საკვერცხვების სტიმულაციის მეხუთე ან მეექვსე დღეს გონადოტროპინთან ერთად, რომლის დროსაც მკურნალობა გრძელდება ოვულაციამდე. საღამოს ინექციის შემთხვევაში მკურნალობა იწყება საკვერცხეების სტიმულაციის მეხუთე დღეს გონადოტროპულ ჰორმონებთან ერთად და გრძელდება ოვულაციის წინა საღამომდე. დოზის გამოტოვების შემთხვევაში, პრეპარატი შესაძლოა დაინიშნოს იმავე დღის ნებისმიერ დროს ექიმის შეხედულების მიხედვით. | ||
| გვერდითი მოვლენები: | ინექციის ადგილზე ერითემა, ქავილი, შეშუპება, იშვიათად თავის ტკივილი, გულისრევა. მძიმე ალერგიული რეაქციები აღინიშნება ცალკეულ შემთხვევაში. იშვიათად ვითარდება საკვერცხის ჰიპერსტიმულაციის სინდრომი, რაზეც მიუთითებს მუცლის ტკივილი, გულისრევა, ღებინება, ფაღარათი, სუნთქვის გაძნელება. | ||
| უკუჩვენება: | - მომატებული მგრძნობელობა პრეპარატის მიმართ: - ორსულობა და ლაქტაცია; - მენოპაუზის შემდგომი პერიოდი: - საშუალო და მძიმე ხარისხის ღვიძლის და თირკმელების დაზიანება. | ||
| ორსულობა და ლაქტაცია: | პრეპარატი არ გამოიყენება ორსულობის და ლაქტაციის დროს. ექსპერიმენტებით დადგენილ იქნა, რომ პრეპარატი მოქმედებს რეპროდუქციულ უნარხე, ორსულობის პრიცესზე, თუმცა მისი ტერატოგენობა არ იქნა დადასტურებული. | ||
| განსაკუთრებული მითითებები: | საკვერცხეების სტიმულაციის დროს შესაძლოა საკვერცხეების ჰიპერსტიმულაციის სინდრომის განვითარება, რომელიც საჭიროებს სიმპტომატურ მკურნალობას (დასვენება, ელექტროლიტების და კოლოიდური ხსნარების, ჰეპარინის ინტრავენური გადასხმა). არ არის შესწავლილი ცეტრორელიქსი გამოყენება საკვეცხვებიხ განმეორებითი სტიმულაციის დროს, ამიტომ იგი სიფრთხილით ინიშნება აღნიშნულ შემთხვევებში. ცეტრორელიქსი ავტოტრანსპორტის და მექანიზმების მართვის უნარზე არ მოქმედებს. გამოყენების მითითებები: გამოყენების წინ უნდა ცეტრორელიქსი გაიხსნას გამხსნელში. ხსნარში ნალექის არებობისას პრეპარატი უნდა გადაიღვაროს. ხსნარის ამოღებისას ამპულა სრულად უნდა დაიცალოს, რათა აუცილებელი დოზა მიეწოდოს პაციენტს. ინექციის ადგილი ყოველდღე უნდა იცვლებოდეს. ინექცია შეიძლება პაციენტმა თვითონ გაიკეთოს მუცლის ქვედა ნახევარში, ჭიპთან ახლოს. ინფორმაცია თუ პაციენტი თვითონ იკეთებს ინექციას: - დაიბანეთ ხელები; - სუფთა ზედაპირზე მოათავსეთ საჭირო საშუალებები; - ფლაკონს ფხვნილით მოაცილეთ პლასტმასის საფარი, სპირტით დაამუშავეთ რეზინის საცობი; - აიღეთ ყვითელ ნიშნიანი საინექციო ნემსი და შპრიცი. შპრიცს წამოაცვით ნემსი; - ნემსი დააფიქსირეთ, ფლაკონის რეზინის საცობში და შეუშვით საინექციო წყალი ფრთხილად; -დატოვეთ შპრიცი ფლაკონში და ნაზად შეანჯღრიეთ მანამ, სანამ ხსნარი ერთგვაროვანი გახდება; - ამოიღეთ ფლაკონის მთელი შემადგენლობა შპრიცში; - შპრიცს მოაცილეთ ნემსი. აიღეთ ნაცრისფერ ნიშნიანი სარექციო ნემსი და დაამაგრეთ, შპრიცზე; - ფრიციდან გამოუშვით ბუშტუკები, ხელით არ შეეხოთ ნემსს; - ჭიპთან ახლოს მონიშნეთ, საინექციო ადგილი და წაუსვით სპირტი; - შპრიცი დაიკავეთ როგორც ავტოკალამი და უჩხვლიტეთ კანში; - კანს ხელი გაუშვით ნემსის სრული შეყვანის შემდეგ; - ამოქაჩეთ შპრიცი, თუ სისხლი არ ამოვიდა, ნელა შეიყვანეთ შიგთავსი კანში. ნელა ამოიღეთ ნემსი და წაუსვით სპირტიანი ბურთულა ინექციის ადგილზე: - თუ სისხლი ამოვიდა შპრიცის ამოქაჩვის დროს, ამოიღეთ, ნემსი, შპრიცის შიგთავსი გადაღვარეთ და ხელახლა დაიწყეთ მომზადება პირველი საფეხურიდან; - შპრიცი და ნემსები გამოიყენეთ, მხოლოდ ერთხელ. | ||
| ჭარბი დოზირება: | ჭარბი დოზირების დროს არ აღინიშნება მწვავე მოწამვლის ნიშნები და იგი არ საჭიროებს დამატებით ჩარევას. ვირთაგვებში ცეტრორელიქსის თერაპიულ დოზაზე 200-ჯერ მეტი დოზის შეყვანის დროს მწვავე მოწამვლის ნიშნები არ იქნა გამოვლენილი. | ||
| ურთიერთქმედება სხვა მედიკამენტებთან: | კლინიკური კვლევით დადგენილ იქნა, რომ იგი არ ურთიერთქმედებს პრეპარტებთან, რომლებიც განიცდიან მეტაბოლიზმს ციტოქრომ P-450-ით. ამავე დროს არ არის გამორიცხული პრეპარატებთან არასასურველი ურთიერთქმედება. ცეტრორელიქსი შეუთავსებელია მრავალ საინექციო ხსნარ-თან, იგი იხსნება მხოლოდ საინექციო წყალში. |
Page generation time: 0. 021022679 sec.
