| უნიფიცირებული დასახელება: | კანამიცინიKanamycin | ||
| ა.თ.ქ. კლასიფიკაცია: | |||
D06A | D დერმატოლოგია | ||
| 06 ანტიმიკრობული პრეპარატები კანის დაავადებების მკურნალობისათვის | |||
| A ანტიბიოტიკები გარეგანი გამოყენებისათვის | |||
S01AA24 | S პრეპარატები გრძნობის ორგანოების დაავადებების მკურნალობისათვის | ||
| 01 პრეპარატები თვალის დაავადებების მკურნალობისათვის | |||
| A მიკრობების საწინააღმდეგო პრეპარატები | |||
| A ანტიბიოტიკები | |||
A07AA08 | A საჭმლის მომნელებელი ტრაქტი და ნივთიერებათა ცვლა | ||
| 07 ფაღარათის საწინააღმდეგო, ნაწლავის ანთების და მიკრობების საწინააღმდეგო პრეპარატები | |||
| A ნაწლავის მიკრობების საწინააღმდეგო პრეპარატები | |||
| A ანტიბიოტიკები | |||
J01GB04 | J მიკრობების საწინააღმდეგო პრეპარატები სისტემური გამოყენებისათვის | ||
| 01 მიკრობების საწინააღმდეგო პრეპარატები სისტემური გამოყენებისათვის | |||
| G ამინოგლიკოზიდები | |||
| B სხვა ამინოგლიკოზიდები | |||
| ანოტაცია: | |||
| ფარმაკოლოგიური თვისება: | კანამიცინი ფართო სპექტრის ანტიბიოტიკია ამინოგლიკოზიდების ჯგუფიდან. იგი მოქმედებს ბაქტერიციდულად. აქტიურია Mycobacterium tuberculosis მიმართ. მისი მოქმედების მექანიზმი განპირობებულია ბაქტერიის ცილის სინთეზის ინჰიბირებით რიბოსომების დონეზე.პრეპარატს ახასიათებს მაღალი ბაქტერიციდული აქტივობა მთელი რიგი გრამუარყოფითი მიკროორგანიზმების მიმართ: Escherichia coli, Shigella spp., Salmonella spp., Proteus spp., Klebsiella spp., Enterobacter spp., Providencia spp., ზოგიერთი გრამუარყოფითი კოკების - Neisseria gonorrhoeae, Neisseria meningitides, ასევე ზოგიერთ გრამდადებითი კოკების მიმართ: მაგ. Staphylococcus spp. (მათ რიცხვში პენიცილინაზამაპროდუცირებელი). პრეპარატის მიმართ დაბალი მგრძნობელობით ან მდგრადობით ხასიათდება: Pseudomonas spp., Streptococcus spp. მის მიმართ მდგრადია - ანაერობული მიკროორგანიზმები, საფუარები, ვირუსები და უმრავლესი უმარტივესნი. | ||
| ჩვენება: | ინფექციურ-ანთებითი დაავადებები, გამოწვეული პრეპარატის მიმართ მგრძნობიარე მიკროორგანიზმებით, ტუბერკულოზი (სტრეპტომიცინის და ფტივაზიდის მიმართ მიკობაქტერიის მდგრადობის დროს). | ||
| დოზირება და მიღების წესი: | არატუბერკულოზური ინფექციის დროს მოზრდილებში ინიშნება კუნთებში ან ინტრავენურად წვეთოვანი სახით 500 მგ ყოველ 8-12 საათში ერთხელ. სადღეღამისო დოზა შეადგენს - 1-1.5 გ. მაქსიმალური ერთჯერადი დოზა უტოლდება 1 გ-ს, ინტერვალით შეყვანებს შორის - 12 საა-თი. მაქსიმალური სადღეღამისო დოზაა - 2 გ. მკურნალობის კურსი გრძელდება - 5-7 დღე. ბავშვებში პრეპარატი შეჰყავთ მხოლოდ კუნთებში, მაქსიმალური სადღეღამისო დოზით - 15 მგ/კგ 2-3 ჯერ დღეში. მოზრდილთა ტუბერკულოზის დროს ინიშნება - 1 გ ერთხელ დღეში; ბავშვებში - 15 მგ/კგ. პრეპარატი შეჰყავთ ყოველდღე 6 დღის განმავლობაში, მე-7 დღეს - შესვენებით. მკურნალობის კურსის რაოდენობა და საერთო ხანგრძლივობა განისაზღვრება ინდივიდუალურად. პლევრის და სახსრის ღრუში შეჰყავთ 1050 მლ 0.25% წყლიანი ხსნარი. პერიტონეული დიალიზის ჩატარებისას პრეპარატის 1-2 გ. იხსნება 500 მლ. სადიალიზო სითხეში. თირკმელების უკმარისობის დროს საჭიროა დოზის შემცირება და შეყვანებს შორის ინტერვალების გაზრდა. | ||
| გვერდითი მოვლენები: | ხანგრძლივი გამოყენებისას აღინიშნება სმენის ნერვის ნევრიტი, მიკროჰემატურია, ალბუმინურია. | ||
| უკუჩვენება: | - მომატებული მგრძნობელობა პრეპარატის მიმართ; - თირკმელების ფუნქციის დარღვევა; - სმენის ნერვის ნევრიტი. | ||
| ურთიერთქმედება სხვა მედიკამენტებთან: | არ შეიძლება კანამიცინის ერთდროული დანიშვნა სტრეპტომიცინთან, მონომიცინთან, ნეომიცინთან, გენტამიცინთან, ფლორიმიცინთან. |
Page generation time: 0. 022915796 sec.
