| უნიფიცირებული დასახელება: | დექსტროზაDextrose | ||
| ა.თ.ქ. კლასიფიკაცია: | |||
V06DC01 | V სხვა პრეპარატები | ||
| 06 პრეპარატები კვებისათვის | |||
| D კვების სხვა პრეპარატები | |||
| C ნახშირწყლები | |||
V04CA02 | V სხვა პრეპარატები | ||
| 04 დიაგნოსტიკური პრეპარატები | |||
| C სხვა დიაგნოსტიკური პრეპარატები | |||
| A ტესტები შაქრიანი დიაბეტის გამოსავლენად | |||
B05CX01 | B სისხლწარმოქმნა და სისხლი | ||
| 05 პლაზმის შემცვლელი და საპერფუზის ხსნარები | |||
| C საირიგაციო ხსნარები | |||
| X საირიგაციო სხვა ხსნარები | |||
B05BA03 | B სისხლწარმოქმნა და სისხლი | ||
| 05 პლაზმის შემცვლელი და საპერფუზის ხსნარები | |||
| B ხსნარები ვენაში შესაყვანად | |||
| A ხსნარები პარენტერალური კვებისათვის | |||
| ანოტაცია: | |||
| ფარმაკოლოგიური თვისება: | პრეპარატი აღჭურვილია რეჰიდრატაციული და დეზინტოქსიკაციური თვისებებით. იგი წარმოადგენს ორგანიზმისათვის ძვირფას საკვებ მასალას. დექსტროზა ადვილად შეიწოვება ორგანიზმში, ქსოვილებში მისი წვის შედეგად გამოიყოფა დიდი რაოდენობით ენერგია, რომელიც ხმარდება ორგანიზმში მიმდინარე სასიცოცხლო პროცესებს. დექსტროზას (5%) ხსნარი გამოიყენება ორგანიზმის სითხის შესავსებად. ვენაში პრეპარატის ჰიპერტონული ხსნარის (10%, 20%, 40%) შეყვანისას იზრდება სისხლის ოსმოსური წნევა, მატულობს სითხის ნაკადი ქსოვილებიდან სისხლში, ძლიერდება ნივთიერებათა ცვლა, უმჯობესდება ღვიძლის ანტიტოქსიკური ფუნქცია, ძლიერდება გულის კუნთის კუმშვადობა, ფართოვდება სისხლძარღვები, ძლიერდება დიურეზი. | ||
| ჩვენება: | დექსტროზას ხსნარებს ხშირად იყენებენ მედიცინაში ჰიპოგლიკემიის, ინფექციური დაავადებების, ღვიძლის დაავადებების (ჰეპატიტი, ღვიძლის დისტროფიისა და ატროფიის დროს), გულის დეკომპენსაციის, ფილტვების შეშუპების, ჰემორაგიული დიათეზის, ტოქსიკოინფექციების, სხვადასხვა ინტოქსიკაციების (ნარკოტიკებით, ნახშირორჟანგით, ციანწყალბადმჟავით და მისი მარილებით, ანილინით, დარიშხანით, ფოსგენით და სხვა ნივთიერებებით მოწამვლა) და სხვა პათოლოგიური მდგომარეობების დროს; ორგანიზმში ნახშირწყლების ნაკლებობით, ღებინების, ფაღარათის შედეგად გამოწვეული დეჰიდრატაციის, ოპერაციის შემდგომ პერიოდში. აგრეთვე იყენებენ შოკისა და კოლაფსის შემთხვევაში. ის წარმოადგენს სხვადასხვა სისხლისშემცვლელებისა და შოკის საწინააღმდეგო სითხეების კომპონენტს. პრეპარატს იყენებენ აგრეთვე სხვადასხვა საშუალებების განზავებისათვის მათი ვენაში შეყვანის დროს. პრეპარატის ხსნარს მეთილენის ლურჯთან ერთად იყენებენ ციანწყალბადმჟავით მოწამვლის დროს. ხშირად პრეპარატი ინიშნება ასკორბინის მჟავასთან ერთად. დექსტროზას 40%-იანი ამპულირებული ხსნარი, რომელიც შეიცავს 5% მაგნიუმის ასკორბინატს ზოგჯერ გამოიყენება ჰიპერტონული დაავადების დროს, რომელსაც თან ახლავს თავის ტვინში სისხლმიმოქცევის მოშლა (ჰიპოტენზიურ საშუალებებთან, დიურეზულებთან ერთად და სხვა), ასევე ვეგეტატური ნევროზების, ძილის მოშლის დროს. | ||
| დოზირება და მიღების წესი: | ვენაში შეჰყავთ წვეთოვანი სახით. 5% ხსნარი - მაქსიმალურად 150 წვეთი/წუთში. მაქსიმალური სადღეღამისო დოზა მოზრდილებში შეადგენს 2 ლ-ს. 10% ხსნარი - მაქსიმალურად 60 წვეთი/წთ-ში, მაქსიმალური სადღეღამისო დოზა მოზრდილებში შეადგენს-500 მლ; 20% ხსნარი -მაქსიმალურად 30-40 წვე-თი/წუთში, მაქსიმალური სადღეღამისო დოზა მოზრდილებში - 300 მლ; 40% ხსნარი მაქსიმალურად 30 წვეთი/წუთში, მაქსიმალური სადღეღამისო დოზა მოზრდილებში-250 მლ. | ||
| გვერდითი მოვლენები: | შესაძლებელი იონური ბალანსის დარღვევა; იშვიათად ადგილობრივი გაღიზიანება, თრომბოფლებიტი; | ||
| უკუჩვენება: | ჰიპერგლიკემია, შაქრიანი დიაბეტი. | ||
| განსაკუთრებული მითითებები: | დექსტროზას 5% ხსნარის ოსმოლარობის გაზრდისათვის შეიძლება მისი კომბინირება ნატრიუმის ქლორიდის იზოტონურ ხსნართან. დექსტროზას უფრო სწრაფი და სრული შეთვისებისათვის კანქვეშ შეჰყავთ 4-5 ერთეული ინსულინი. |
Page generation time: 0. 023296619 sec.
