This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
კეტოტიფენი
Ketotifen
ა.თ.ქ. კლასიფიკაცია:
	
 
S01GX08	
S პრეპარატები გრძნობის ორგანოების დაავადებების მკურნალობისათვის
	
01 პრეპარატები თვალის დაავადებების მკურნალობისათვის
	
G დეკონგესტანტები და ალერგიის საწინააღმდეგო პრეპარატები
	
X ალერგიის საწინააღმდეგო სხვა პრეპარატები
R06AX17	
R სასუნთქი სისტემა
	
06 ანტიჰისტამინური პრეპარატები სისტემური გამოყენებისათვის
	
A ანტიჰისტამინური პრეპარატები სისტემური გამოყენებისათვის
	
X სხვა ანტიჰისტამინური პრეპარატები სისტემური გამოყენებისათვის
ანოტაცია:
	
	
ფარმაკოლოგიური თვისება:
	
კეტოტიფენი წარმოადგენს ანტიალერგიულ საშუალებას, რომელიც თრგუნავს ბიოლოგიურად აქტიური ნივთიერებების გამონთავისუფლებას, (როგორიცაა - ჰისტამინი, ლეიკოტრიენები, პროსტაგლანდინები, თრომბოციტების გამააქტივებელი ფაქტორი), იმ უჯრედებიდან, რომლებიც მონაწილეობენ დაუყოვნებელი I ტიპის ალერგიული რეაქციების განვითარებაში (პოხიერი უჯრედები, ეოზინოფილები, ბაზოფილები). პრეპარატს გააჩნია H1-ჰისტამინური რეცეპტორების ბლოკირების უნარი. იგი ამცირებს ქემოტაქსისის და ეოზინოფილების დეგრანულაციის პროცესს და ზრდის ცამფ-ის რაოდენობას ფერმენტ ფოსფოდიესთერაზას ინჰიბირების შედეგად, რაც ხელს უწყობს უჯრედების მემბრანების სტაბილიზაციას.
ფარმაკოკინეტიკა:
	
თვალის წვეთების ერთჯერადი და მრავალჯერადი გამოყენებისას სისხლის პლაზმაში პრეპარატის შემცველობა შეადგენდა 20 პგ/მლ. პერორალური მიღებისას ზადიტენს ახასია-თებს ორფაზიანი ელიმინირების პროცესი (ხანმოკლე ნახევრადგამოყოფის პერიოდით, რომელიც შეადგენს 3-5 საათს) და რომელიც უტოლდება 21 საათს. პრეპარატის 1% უცვლელი სახით გამოიყოფა შარდით 48 საათის განმავლობაში, ხოლო 60-70% მეტაბოლიტების სახით. მისი მთავარი მეტაბოლიტია კეტოტიფენ-N-გლუკურონიდი.
ჩვენება:
	
სეზონური ალერგიული კონიუნქტივიტი.
დოზირება და მიღების წესი:
	
მოზრდილებში, მოზარდებში და ბავშვებში 12 წლის ასაკის ზევით: 1 წვეთი 2 ჯერ დღეში. ბავშვებში 12 წლის ასაკის ქვევით: პრეპარატის უსაფრთხოება არ არის გამოკვლეული.
გვერდითი მოვლენები:
	
1-დან და 2 %- მდე პაციენტებში: წვის შეგრძნება, წერტილოვანი ეპითელიური ეროზიები. <1%: მხედველობის დაბინდვა, თვალების სიმშრალე, ქუთუთოების დაზიანება, კონიუნქტივიტი, თვალების ტკივილი, ფოტოფობია, სუბკონიუნქტიური სისხლჩაქცევები, თავის ტკივილი, ძილიანობა, ეგზემა, ურტიკარული გამონაყარი კანზე, ტუჩების სიმშრალე, ალერგიული რეაქციები.
უკუჩვენება:
	
მომატებული მგრძნობელობა პრეპარატის მიმართ.
ორსულობა და ლაქტაცია:
	
ვინაიდან კლინიკური კვლევის მონაცამები არ მოიპოვება. ამიტომ ამ პერიოდში არ არის რეკომენდებული. განსაკუთრებული მითითებები პრეპარატი კონსერვანტის სახით შეიცავს ბენზალკონიუმის ქლორიდს, რომელიც ილექება კონტაქტური ლინზების ხმარების დროს, რის გამოც კეტოტიფენის თვალის წვეთები არ გამოიყენება პაციენტებში, რომლებიც ატარებენ ლინზებს. აუცილებელია ლინზების მოხსნა პრეპარატის გამოყენებამდე და მათი ჩასმა გამოყენებიდან არანაკლებ 15 წუთის შემდეგ. იმ პირებში, რომელთაც დარღვეული აქვთ მხედველობა ან აღენიშნებათ სედაცია, პრეპარატის მიღების დროს არ არის რეკომენდებული ტრანსპორტის მართვა.
ჭარბი დოზირება:
	
ჭარბი დოზირების შესახებ მონაცემები არ მოიპოვება. პრეპარატის პერორალური გამოყენება 5მლ დოზით ექვივალენტურია 1,25მგ, რაც შეესაბამება პერორალური დოზის 60%. 20მგ კეტოტიფენის მიღებისას კლინიკურმა კვლევამ არ გამოავლინა ჭარბი დოზირების მნიშვნელოვანი ცვლილებები.
განსაკუთრებული მითითებები:
	
თვალში 2 ან მეტი პრეპარატის ერთდროული გამოყენებისას აუცილებელია დაცული იქნას 5 წუთიანი ინტერვალი მათ ჩაწვეთებას შორის. კეტოტიფენის პერორალური გამოყენებისას შესაძლებელია ცენტრალური ნერვული სისტემის მხრივ დარღვევები, რაც ძლიერდება მასთან ერთად ანტიჰისტამინური საშუალებების და ალკოჰოლის გამოყენებისას.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 021805999 sec.