This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
დოქსაზოზინი
Doxazosin
ა.თ.ქ. კლასიფიკაცია:
	
 
C02CA04	
C გულ-სისხლძარღვთა სისტემა
	
02 ანტიჰიპერტენზიული პრეპარატები
	
C პერიფერიული ანტიადრენერგული პრეპარატები
	
A ალფა- ადრენობლოკატორები
ანოტაცია:
	
	
ფარმაკოლოგიური თვისება:
	
დოქსაზოზინი წარმოადგენს ხანგრძლივი მოქმედების პოსტსინაფსური ალფა-ადრენორეცეპტორების სელექტიურ ანტაგონისტს. პერიფერიული სისხლძარღვების გლუვი კუნთების მოდუნების და სისხლძარღვთა საერთო პერიფერიული წინააღმდეგობის შემცირებით იგი აქვეითებს სისხლის არტერიულ წნევას. პრეპარატის მოქმედება გულის ფუნქციაზე უმნიშვნელოა და ატარებს გარდამავალ ხასიათს. დოქსაზოზინი ამცირებს საერთო ქოლესტერინის, დაბალი სიმკვრივის ლიპოპროტეინების და ტრიგლიცერიდების დონეს და ზრდის მაღალი სიმკვრივის ლიპოპროტეინების შემცველობას სისხლის შრატში. ამგვარად პრეპარატს გააჩნია პრევენციური მოქმედება ათეროსკლეროზისა და გულის იშემიური დაავადების განვითარების მიმართ. დოქსაზოზინი იწვევს თრომბოციტების აგრეგაციის ინჰიბირებას. ხანგრძლივი გამოყენებისას იგი ხელს უწყობს მარცხენა პარკუჭის ჰიპერტროფიის რეგრესიას, ამასთან ერთად იგი უსაფრთხოა ავადმყოფებში თირკმელების უკმარისობით, ფილტვების ობსტრუქციული დაავადებებით, პერიფერიული ანგიოპათიის და პოდაგრის დროს. დოქსაზოზინის ეფექტი გრძელდება 24 საათის განმავლობაში. სისხლის არტერიულ წნევაზე პრეპარატის გამოხატული მოქმედება აღინიშნება მისი მიღებიდან 2-6 საათში. პრეპარატის მოქმედების მაქსიმალური ეფექტი ვლინდება მისი რამოდენიმე კვირის განმავლობაში რეგულარული მიღების შემდეგ. თუ პრეპარატის ეფექტი არ არის საკმარისი, პაციენტებმა შეიძლება მიიღონ სხვა ანტიჰიპერტენზიული საშუალებები: ბეტა-ბლოკატორები, დიურეზული საშუალებები, კალციუმის არხების ბლოკატორები, აგფ-ინჰიბიტორები. დოქსაზოზინი ხელს უშლის ურეთრის ზემო ნაწილის გლუვი კუნთების და პროსტატის კუნთების შეკუმშვას. აღნიშნული კუნთების რელაქსაცია ამსუბუქებს შარდვას, რაც საგრძნობლად ამცირებს უსიამოვნო სიმპტომებს, რომლებიც აღინიშნება პროსტატის კეთილთვისებიანი ჰიპერპლაზიის დროს. პრეპარატის დადებითი მოქმედება აღინიშნება მკურნალობის პირველი 2 კვირის განმავლობაში, რომელიც უფრო თვალსაჩინო ხდება მკურნალობის შემდგომ პერიოდში. დოქსაზოზინის მოქმედება სისხლის ნორმალურ არტერიულ წნევაზე უმნიშვნელოა.
ფარმაკოკინეტიკა:
	
პერორალური მიღებისას პრეპარატი ადვილად შეიწოვება კუჭ-ნაწლავის ტრაქტიდან. მისი მაქსიმალურ კონცენტრაციას სისხლის პლაზმაში აღინიშნება მიღებიდან 1.5-3 საათის შემდეგ. პრეპარატი კარგად უკავშირდება პლაზმის პროტეინებს. დოქსაზოზინი განიცდის მეტაბოლიზმს ღვიძლში და ელიმინირდება განავალთან ერთად, ძირითადად მეტაბოლიტების სახით. პრეპარატის მიღებული დოზის 10%-ზე ნაკლები ელიმინირდება შარდთთან ერთად. ნახევარგამოყოფის პერიოდი შეადგენს 16დან 22 საათამდე.
ჩვენება:
	
პრეპარატი რეკომენდებულია მსუბუქი და ზომიერი ხარისხის არტერიული ჰიპერტენზიის სამკურნალოდ და პროსტატის კეთილთვისებიანი ჰიპერპლაზიის სიმპტომების შესამსუბუქებლად.
დოზირება და მიღების წესი:
	
პრეპარატის მიღება თვითნებურად დაუშვებელია. პრეპარატის სწორი მიღება ამცირებს გვერდითი მოვლენების წარმოშობის სიხშირეს და სიმძიმეს. მისი მიღება დაშვებულია ჭამის წინ, მის დროს ან ჭამის შემდეგ. მაღალი არტერიული წნევა (ჰიპერტენზია): პრეპარატის საწყისი დოზა შეადგენს 1 მგს დღეში. პირველი დოზა ინიშნება საღამოს, ძილის წინ. ავადმყოფის მდგომარეობის მიხედვით, დოზას ზრდიან 1 -2 კვირის განმავლობაში 2 მგ-მდე, 4 მგ-მდე, 8 მგ-მდე ან 16 მგ-მდე დღეში ოპტიმალური ეფექტის მისაღწევად. დღეღამის დოზა შეადგენს საშუალოდ 2 მგ-დან 8 მგ-მდე, რომელიც ეფექტურია. დღეღამური მაქსიმალური დოზა არ უნდა აღემატებოდეს 16 მგ-ს. პროსტატის კეთილთვისებიანი ჰიპერპლაზია ავადმყოფებში ნორმალური სისხლის არტერიული წნევით: საწყისი დოზა შეადგენს 1 მგ-ს დღეღამეში. პირველი დოზა ინიშნება საღამოს ძილის წინ. პრეპარატის მოქმედების მიხედვით შესაძლებელია დოზის გაზრდა 1-2 კვირის განმავლობაში 2 მგ-მდე, 4 მგ-მდე, ზოგჯერ 8 მგ-მდე. ეფექტური სადღეღამისო დოზა შეადგენს 2 მგ-დან 4 მგ-ს. მაქსიმალური დღეღამის დოზა არ უნდა აღემატებოდეს 8 მგ-ს. პროსტატის კეთილთვისებიანი ჰიპერპლაზია ავადმყოფებში ჰიპერტენზიით: დოზები იგივეა რაც ჰიპერტენზიის დროს. შემანარჩუნებელი დოზა დამოკიდებულია არტერიულ წნევაზე. პაციენტებში ღვიძლის უკმარისობით პრეპარატი ინიშნება მცირე დოზებით. თუ პაციენტს დაავიწყდა დოზის მიღება, მან იგი უნდა მიიღოს უახლოეს ხანში, დაუშვებელია ორმაგი დოზის გამოყენება. მნიშვნელოვანია პრეპარატის რეგულარული მიღება. თუ პრეპარატის მიღება შეწყდა რამდენიმე დღის განმავლობაში, ახალი მკურნალობის კურსი იწყება მინიმალური დოზით.
გვერდითი მოვლენები:
	
პრეპარატით მკურნალობის დაწყებისას ან დოზის გაზრდისას აღინიშნება ჰიპოტენზია - მდგომარეობის შეცვლის დროს (ორთოსტაზი), რასაც შეიძლება თან მოჰყვეს თავბრუსხვევა, ვერტიგო, ცალკეულ შემთხვევაში - გულყრა. ეს ეფექტები ქრება სპონტანურად, მაგრამ თუ ისინი ატარებენ მძიმე ხასიათს ან შენარჩუნებული არიან ხანგრძლივი პერიოდის განმავლობაში, დოზა მცირდება ან წყდება პრეპარატის მიღება. შეიძლება აღინიშნებოდეს დაღლილობა, ძილიანობა, თავის ტკივილი, კუნთების სისუსტე, ქვემო კიდურების შეშუპება, გულისრევა. ცალკეულ შემთხვევებში აღინიშნება ტაქიკარდია, შარდის შეუკავლობა.
ორსულობა და ლაქტაცია:
	
აუცილებელია ექიმის გაფრთხილება არსებული და სავარაუდო ორსულობის შესახებ. ნაყოფისათვის რისკი სრულად არ არის გამორიცხული. ორსულ ქალებში პრეპარატი ინიშნება სასიცოხლო ჩვენების მიხედვით, როდესაც პრეპარატის სასარგებლო მოქმედება დედის ორგანიზმე ჭარბობს მის პოტენციურ დამაზიანებელ მოქმედებას ნაყოფზე.
უკუჩვენება:
	
მომატებული მგრძნობელობა პრეპარატის და მისი კომპონენტების მიმართ.
განსაკუთრებული მითითებები:
	
აუცილებელია ექიმის ინფორმირება, თუ აღინიშნება ქრონიკული დაავადებები, ნივთიერებათა ცვლის დარღვევა, მომატებული მგრძნობელობა პრეპარატის მიმართ სხვა პრეპარატების მიღების შემთხვევაში. დოქსაზოზინის პირველმა დოზამ შეიძლება გამოიწვიოს არტერიული წნევის მკვეთრი დაქვეითება, რასაც მოჰყვება თავბრუსხვევა, ვერტიგო, შესაძლებელია გულყრა. მსგავსი მოვლენების თავიდან აცილების მიზნით მკურნალობა იწყება დოქსაზოზინის 1 მგ-ის დანიშვნით ძილის წინ. აუცილებელია სიფრთხილე მდგომარეობის შეცვლის დროს (ორთოსტაზი), რაც განსაკუთრებით მნიშვნელოვანია ხანდაზმულ პაციენტებში და ავადმყოფებში, რომლებიც ერთდროულად იღებენ სხვა ანტიჰიპერტენზიულ და დიურეზულ საშუალებებს. პრეპარატი არ არის რეკომენდებული პაციენტებში დაბალი არტერიული წნევით. პაციენტებმა, რომლებსაც აღენიშნებათ პროსტატის ჰიპერპლაზიის სიმპტომები, უნდა გაიარონ შემოწმება უროლოგთან. პაციენტებში ღვიძლის უკმარისობით დოქსაზოზინი განიცდის შენელებულ მეტაბოლიზმს, რის გამოც ამ შემთხვევაში დოზის გაზრდა ხდება სიფრთხილით. დოქსაზოზინის გამოყენების უსაფრთხოება და ეფექტურობა ბავშვებში შესწავლილი არ არის, რის გამოც მისი დანიშვნა ბავ-შვებში რეკომენდებული არ არის. დოქსაზოზინით მკურნალობის დაწყებისას და დოზის შეცვლისას სისხლის არტერიული წნევა შეიძლება ძლიერ შემცირდეს, რასაც შეიძლება მოჰყვეს თავბრუსხვევა. ამიტომ ასეთ შემთხვევაში არ არის რეკომენდებული ავტომობილის მართვა და მუშაობა იმ მექანიზმებთან, რომლებიც საჭიროებენ ყურადღების მაღალ კონცენტრაციას.
ჭარბი დოზირება:
	
დოქსაზოზინის ჭარბი დოზირება ძირითად იწვევს ჰიპოტენზიას, თავბრუსხვევას და ვერტიგოს, ასევე გულყრას. უმრავლეს შემთხვევაში საკმარისია დოზის შემცირება ან პრეპარატით მკურნალობის შეწყვეტა. პრეპარატის მაღალი დოზით მიღებისას აღინიშნება ჰიპოტენზია. აუცილებელია შემდეგი ღონისძიებების ჩატარება: პაციენტი უნდა იმყოფებოდეს მწოლიარე მდგომარეობაში დაბალი სასთუმალით და ოდნავ აწეული ქვედა კიდურებით. არ არის რეკომენდებული ღებინების გამოწვევა. აუცილებელია ექიმთან კონსულტაცია, რომელიც იღებს გადაწვეტილებას პრეპარატის ელიმინირების შესახებ ორგანიზმიდან (კუჭის ამორეცხვა, გააქტივებული ნახშირი, საფაღარათო). ჭარბი დოზირების მკურნალობა სიმპტომატურია; ინიშნება ალფა-ადრენორეცეპტორების აგონისტები, მაგალითად, ნორადრენალინი.
ურთიერთქმედება სხვა მედიკამენტებთან:
	
დოქსაზოზინი შეიძლება დაინიშნოს სხვა ანტიჰიპერტენზიულ საშუალებებთან ერთად, მხოლოდ აუცილებელია სიფრთხილის დაცვა მკურნალობის დაწყებისას, ვინაიდან ამ დროს მისი ანტიჰიპერტენზიული ეფექტი ძლიერდება. აუცილებელია სიფრთხილის დაცვა პრეპარატის ერთდროული დანიშვნისას იმ საშუალებებთან, რომლებიც მოქმედებენ მეტაბოლიზმის სიჩქარეზე ღვიძლში, ვინაიდან ისინი ანელებენ ან აჩქარებენ დოქსაზოზინის მეტაბოლიზმს. ლაბორატორიული სინჯები: დოქსაზოზინი არ მოქმედებს პროსტატის სპეციფიკურ ანტიგენზე.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 021406451 sec.