This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
ვალაციკლოვირი
Valaciclovir
ა.თ.ქ. კლასიფიკაცია:
	
 
J05AB11	
J მიკრობების საწინააღმდეგო პრეპარატები სისტემური გამოყენებისათვის
	
05 ვირუსების საწინააღმდეგო პრეპარატები სისტემური გამოყენებისათვის
	
A პირდაპირი მოქმედების ვირუსების საწინააღმდეგო პრეპარატები
	
B ნუკლეოზიდები და ნუკლეოტიდები
ანოტაცია:
	
	
ჭარბი დოზირება:
	
არ არსებობს მონაცემები. ერთჯერადად ვენაში შეყვანილი 80 მგ/კგ აციკლოვირი შეესაბამება დაახლოებით 15,0გ პრეპარატს, გვერდითი მოვლენების განვითარების გარეშე.
ურთიერთქმედება სხვა მედიკამენტებთან:
	
არ მოიპოვება მონაცემები.
ფარმაკოლოგიური თვისება:
	
იგი აციკლოვირის L-ვალინური ეთერია და ამგვარად წარმოადგენს პროწამალს. ვალაციკლოვირი ანტივირუსული საშუალებაა ნუკლეოზიდების ანალოგების ჯგუფიდან. პრეპარატი წარმოადგენს ჰერპესის ვირუსის დნმ პოლიმერაზას სპეციფიკურ ინჰიბიტორს. იგი აბლოკირებს ვირუსის დნმ-ის სინთეზს და ვირუსის რეპლიკაციას. სისხლში შეწოვის შემდეგ, ვალაციკლოვირი თითქმის მთლიანად გარდაიქმნება აციკლოვირად და ვალინად ღვიძლის ფერ-მენტის ვალაციკლოვირჰიდროლაზას ზემოქმედებით. აციკლოვირი თავის მხრივ აღწევს ვირუსით დაზიანებულ უჯრედებში, სადაც ვირუსული ფერმენტის თიმიდინკინაზას ზეგავლენით გარდაიქმნება მონოფოსფატად, შემდეგ უჯრედულ კინაზებითდიფოსფატად და აქტიურ ტრიფოსფატად. აციკლოვირის ტრიფოსფატი აინჰიბირებს დნმ-პოლიმერაზას და ამგვარად არღვევს ჰერპესის ვირუსის დნმ-ის სინთეზს და ვირუსის რეპლიკაციას. აქედან გამომდინარე, პრეპარატის მაღალი სპეციფიკურობა ვირუსით დაზიანებული ქსოვილების მიმართ აიხსნება იმით, რომ ფოსფოლირების ჯაჭვური რეაქციის I ეტაპი განპირობებულია ფერმენტებით, რომელსაც გამოიმუშავებს თვითონ ვირუსი. Herpes simplex-ის, Varicella zoster-ის და Epstain-Barr-ის ვირუსებისათვის ამ ფერმენტს წარმოადგენს ვირუსული თიმიდინკინაზა, რომელიც აღმო-ჩენილია მხოლოდ ვირუსით ინფიცირებულ უჯრედებში. პრეპარატის სელექტიურობა ციტომეგალოვირუსის მიმართ განპირობებულია იმით, რომ ფოსფოლირილება ნაწილობრივ მაინც ხორციელდება UL97 ფოსფოტრანსფერაზას გენის პროდუქტით. აციკლოვირის აქტივაციისათვის ვირუსსპეციფიკური ფერმენტის არსებობა მნიშვნელოვანი ხარისხით ხსნის მის სელექტიურობას. ვალაციკლოვირი აქტიურია In vitro I და II ტიპის Herpes simplex, Varicella zoster და Epstain-Barr-ის, ციტომეგალოვირუსის და ადამიანის 6 ტიპის ჰერპეს ვირუსის მიმართ. პაციენტისაგან გამოყოფილი კლინიკური შტამების ფართო შესწავლამ ცხადყო, რომ ნორმალური იმუნიტეტის მქონე პაციენტებში აციკლოვირის მიმართ ვირუსის დაქვეითებული მგრძნობელობა აღინიშნება ძალიან იშვიათად. შედარებით ხშირად ან ძალიან იშვიათად აღნიშნული ვირუსები იდენტფიცირდებიან გამოხატული იმუნოდეფიციის მქონე პაციენტებში, მაგალითად შინაგანი ორგანოების ან ძვლის ტვინის რეციპიენტებს, პაციენტებს, რომლებიც იტარებენ ქიმიოთერაპიას ავთვისებიანი სიმსივნის გამო, აგრეთვე შიდსით ინფიცირებულ პირებს. ვირუსის მიმართ აციკლოვირის დაქვეითებული მგრძნობელობა დაკავშირებულია უჯრედებში თიმიდინკინაზას ფენოტიპურ დეფიციტთან, რომელიც ინფიცირებულია ვირუსით. უფრო იშვიათად აციკლოვირის მიმართ დაქვეითებული მგრძნობელობა განპირობებულია დნმ-პოლიმერაზას ან ვირუსული თიმიდინკინაზას ფარული ცვლილებებით. აღნიშნული ვირუსების ვირულენტობა ახლოს დგას ე. წ. “ველურ” ვირუსებთან.
ფარმაკოკინეტიკა:
	
პერორალურად მიღების შემდეგ ვალაციკლოვირი კარგად აბსორბირდება კუჭ-ნაწლავის ტრაქტიდან, სწრაფად და თითქმის მთლიანად გარდაიქმნება აციკლოვირად და L-ვალინად, ფერმენტ ვალაციკლოვირჰიდროლაზას მოქმედებით. 1 გ ვალაციკლოვირის მიღებისას აციკლოვირის ბიოშეღწევადობა შეადგენს 54 %-ს და იგი არ მცირდება საკვების ზემოქმედების შედეგად. აციკლოვირის მაქსიმალური კონცენტრაცია ვალაციკლოვირის ერთჯერადად, დოზით 500 მგ-1,0 გ მიღების შემდეგ საშუალოდ შეადგენს 15-25 მკმოლ/მლ და იგი აღინიშნება პრეპარატის მიღებიდან საშუალოდ 1.5 საათის შემდეგ. Pპლაზმაში ვალაციკლოვირის მაქსიმალური კონცენტრაცია შეადგენს აციკლოვირის დონის 4 %-ს, მისი მიღებიდან საშუალოდ 45-60 წუთის შემდეგ. 3 საათის შემდეგ ვალაციკლოვირი პლაზმაში არ ისაზღვრება. აციკლოვირისა და ვალაციკლოვირის ფარმაკოკინეტიკა იდენტურია ერთჯერადი და ხელმეორე გამოყენების შემთხვევაში. პლაზმაში ვალაციკლოვირის ცილებთან შეკავშირების ხარისხი ძალიან დაბალია (15%). ვალაციკლოვირის ერთჯერადად და ხელმეორე გამოყენებისას მისი ნახევარგამოყოფის პერიოდი დაახლოვებით 3 საათს შეადგენს. ვალაციკლოვირი ორგანიზმიდან გამოიყოფა შარდით, ძირითადად აციკლოვირისა და მისი მეტაბოლიტის-9-კარბოქსიმეთოქსიმეთილგუანინის სახით.
ჩვენება:
	
- შემომსალტველი ჰერპესის მკურნალობა; - მარტივი ჰერპესის ვირუსით გამოწვეული კანისა და ლორწოვანი გარსების დაავადებათა მკურნალობა, მათ შორის პირველად გამოვლენილი და რეციდივული გენიტალური ჰერპესი; - მარტივი ჰერპესის ვირუსით გამოწვეული რეციდივული დაავადებების პროფილაქტიკა; - იმუნოდეფიციტის მქონე პაციენტებში ციტომეგალოვირუსული ინფექციების პროფილაქტიკა (შიდსით ინფიცირებისას, ორგანოების და ძვლის ტვინის ტრანსპლანტაცია, ონკოლოგიური დაავადების ქიმიო-თერაპია).
დოზირება და მიღების წესი:
	
შემომსალტველი ჰერპესის სამკურნალოდ პრეპარატი ინიშნება 1,0 გ-ის ოდენობით დღეში 3-ჯერ 7 დღის განმავლობაში. მარტივი ჰერპესის სამკურნალოდ პრეპარატი ინიშნება 2-ჯერ დღეში 500 მგ დოზით. მარტივი ჰერპესის ვირუსით გამოწვეული რეციდივული დაავადებების მკურნალობა რეკომენდებულია დაწყებულ იქნას პროდრომულ პერიოდში, ან დაავადების სიმპტომების გამოვლენისთანავე. მკურნალობის ხანგრძლივობა შეადგენს 5 დღეს. პირველ ეპიზოდში, როდესაც დაავადება შესაძლოა მიმდინარეობდეს შედარებით მძიმედ, მკურნალობის ხანგრძლივობა შესაძლოა გავზარდოთ 10 დღემდე. პრეპარატის საჭიროა დაინიშნოს რაც შეიძლება ადრე. პაციენტებში თირკმელების უკმარისობისას, როდესაც კრეატინინის კლირენსი შეადგენს 15-30 მლ/წთ უნიშნავენ 1,0 გ 2-ჯერ დღეში, ხოლო როდესაც კრეატინინის კლირენსის 15 მლ/წთ უფრო ნაკლებია-1,0 გ-ს ერთხელ დღეში. ჰემოდიალიზის ჩატარებისას, პრეპარატის მიღება რეკომენდებულია იმ პაციენტების დოზის შესაბამისად, რომელთა კრეატინინის კლირენსი 15 მლ/წთ-ში უფრო ნაკლებია. პრეპარატი ინიშნება ჰემოდიალიზის შემდეგ.
გვერდითი მოვლენები:
	
კუჭ-ნაწლავის ტრაქტის მხრივ: იშვიათადგულისრევა. ნერვული სისტემების მხრივ: იშვიათად - თავის ტკივილი. გამოხატული იმუნოდეფიციტით შეპყრობილ პაციენტებს, რომლებიც პრეპარატს ხანგრძლივად იღებენ დიდი დოზით (დღე-ღამეში 8 გ), შესაძლოა აღენიშნოთ თირკმელების უკმარისობის მოვლენები, მიკროანგიოპათური ჰემოლიზური ანემია და თრომბოციტოპენია (ხანდახან ერთდროულად).
უკუჩვენება:
	
ვალაციკლოვირისა და აციკლოვირის მიმართ მომატებული მგრძნობელობა.
ორსულობა და ლაქტაცია:
	
შესაძლებელია გამოყენება მხოლოდ სასიცოცხლო აუცილებლობისას, როდესაც მოსალოდნელი სარგებელი მკვეთრად სჭარბობს პოტენციურ რისკს.
განსაკუთრებული მითითებები:
	
არ მოიპოვება პრეპარატის გამოყენების გამოცდილება ღვიძლის ფუნქციის მძიმე დაზიანების შემთხვევაში. ხანდაზმულ პაციენტებში პრეპარატით მკურნალობისას სასურველია ვუზრუნველყოთ სითხის მიღების მოცულობის გაზრდა. თირკმელების ფუნქციის გამოხატული დარღვევის არ არსებობის შემთხვევაში დოზის კორექცია არ არის საჭირო. ბავშვებში პრეპარატის კლინიკური გამოყენების გამოცდილება არ არსებობს.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 026291857 sec.