| უნიფიცირებული დასახელება: | კალციტონინიCalcitonin | ||
| ა.თ.ქ. კლასიფიკაცია: | |||
H05BA01 | H ჰორმონები სისტემური გამოყენებისათვის (სასქესო ჰორმონების გარდა) | ||
| 05 კალციუმის ცვლის მარეგულირებელი პრეპარატები | |||
| B ანტიპარათირეოიდული ჰორმონები | |||
| A კალციტონინის პრეპარატები | |||
| ანოტაცია: | |||
| ჭარბი დოზირება: | კალციტონინის ჭარბი დოზირების დროს ვითარდება გულისრევა, ღებინება, თავბრუსხვევა - დაკავშირებული დოზასთან. არსებობს მონაცემები ნაზალური სპრეის გამოყენების შესახებ დოზით 1600 სე ერთჯერადად და დოზით 800 სე დღეში სამი დღის განმავლობაში, ამასთან დაკავშირებით არასასურველი რეაქციების განვითარების შესახებ მონაცემები არ მოიპოვება. არსებობს მონაცემები ჭარბი დოზირების ცალკეული შემთხვევების შესახებ. მკურნალობა სამპტომატურია. | ||
| ურთიერთქმედება სხვა მედიკამენტებთან: | აღწერილი არ არის. | ||
| განსაკუთრებული მითითებები: | ხანგრძლივი გამოყენებისას ავადმყოფებში შეიძლება წრმოიქმნას კალციტონინის მიმართ ანტისხეულები, თუმცა იგი არ მოქმედებს პრეპარატის კლინიკურ ეფექტურობაზე. პეჯეტის დაავადებით შეპყრობილ პაციენტებში, რომლებიც ხანგრძლივად იღებენ მიაკალციკს აღინიშნება “დაქვეითებული ეფექტის” ფენომენი, რაც შეიძლება განპირობებული იყოს პრეპარატის შეკავშირების ადგილების გაჯერებით და არა ანტისხეულების წარმოქმნით მკურნალობის შეწყვეტის შემდეგ კალციტონინის თერაპიული ეფექტი კვლვ აღდგება. პრეპარატის გამოყენება ბავშვებში: ბავშვებში კალციტონინის აეროზოლის გამოყენების შესახებ მონაცემები მწირია, რის გამოც მათ მიერ პრეპარატის მიღება არ არის რეკომენდებული. პრეპარატის გამოყენება ხანდაზმულებში და პაციენტია სხვა ჯგუფებში: არსებობს საკმარისი გამოცდილება კალციტონინის გამოყენების შესახებ ხანდაზმულებში, რომლის მიხედვით ამ ასაკობრივ ჯგუფში არ აღინიშნება პრეპარატის მიმართ აუტანლობა ან დოზირების რეჟიმის შეცვლის აუცილებლობა. იგივეს აქვს ადგილი ავადმყოფებში თირკმელების და ღვიძლის ფუნქციის დაქვეითებით, თუმცა სპეციალური კვლევა ამ ჯგუფის ავადმყოფებში არ არის ჩატარებული. გაფრთხილება: ვინაიდან კალციტონინი წარმოადგენს პეპტიდს, მისი მიღებისას შესაძლებელია სისტემური ალერგიული რეაქციების განვითარება. ანაფილაქსიური შოკის ცალკეული შემთხვევების ჩათვლით. კალციტონინის მიმართ მომატებული მგრძნობელობის შემთხვევაში აუცილებელია კანის სინჯის ჩატარება. ტრანსპორტის მართვა და სამუშაოს შესრულება, რომელიც საჭიროებს ყურადღების კონცენტრაციას: არ მოიპოვება მინაცემები პრეპარატის ზეგავლენის შესახებ ამ კატეგორიის პაციენტებში. კალციტონინი იწვევს თავბრუსხვევას, რასაც შეუძლია უარყოფითად იმოქმედოს პაციენტის სწრაფი რეაქციის უნარზე. თავბრუსხვევის განვითარების შემთხვევაში პაციენტმა არ უნდა მართოს ავტომობილი და არ უნდა შეასრულოს ის სამუშაო, რომელიც მოითხოვს ყურადღების მაქსიმალურ კონცენტრაციას. | ||
| ფარმაკოლოგიური თვისება: | კალციტონინის სტრუქტურა წარმოდგენილია 32 ამინომჟავას ჯაჭვით და რგოლით, რომელიც შედგება 7 ამინომჟავას ნარჩენით N-ტერმინალის მიდამოში, რომელთა თანმიმდევრობა არ არის ერთნაირი სხვადასხვა სახეობებში. ორაგულის კალციტონინს ძუძუმწოვარ ცხოველების კალციტონინთან შედარებით გააჩნია უფრო მაღალი აფინურობა რეცეპტორების მიმართ. მისი მოქმედება უფრო ძლიერი და ხანგრძლივია. ორაგულის კალციტონინი თრგუნავს ოსტეოკლასტების აქტივობას სპეციფიკურ რეცეპტორებზე ზემოქმედებით, რაც საგრძნობლად ამცირებს ძვლოვან ქსოვილში ცვლის სიჩქარეს ნორმალურ დონემდე, ისეთი მდგომარეობების დროს, როდესაც აღინიშნება ძვლის ქსოვილის რეზორბციის გაძლიერება, მაგალითად, ოსტეოპოროზის დროს. კალციტონინის ხასიათდება ანალგეზიური აქტივობით მისი ცნს-ზე უშუალო ზემოქმედების შედეგად. კალციტონინის ერთჯერადი გამოყენების შემდეგ ადგილი აქვს შარდით კალციუმის, ფოსფორის და ნატრიუმის (მათი მილაკოვანი რეაბსორბციის შემცირების ხარჯზე) ექსკრეციის მომატებას და ჰიდროქსიპროლინის გამოყოფის შემცირებას. პრეპარატი აქვეითებს კალციუმისა და ფოსფორის დონეს სისხლის შრატში. კალციტონინის ხანგრძლივი პარენტერული გამოყენება იწვევს ძვლოვანი ცვლის ბიოქიმიური მარკერების კონცენტრაციის შემცირებას, როგორიცაა პირიდინოლინი და ტუტოვანი ფოსფატაზას ძვლოვანი იზოფერმენტები. კალციტონინის აეროზოლის სახით გამოყენება იწვევს სტატისტიკურად და კლინიკურად დასაბუთებულ წელის მალების ძვლების სიმკვრივის მომატებას (1-2%), რომელიც აღინიშნება უკვე მკურნალობის პირველი წლის განმავლობაში და შენარჩუნებულია 5 წლის განმავლობაში. კალციტონინი ხელს უწყობს მინერალური სიმკვირის შენარჩუნებას ბარძაყის ძვალში. კალციტონინის აეროზოლის გამოყენება დოზით, 200 სე იწვევს ხერხემლის ახალი მოტეხილობების განვითარების რისკის სტატისტიკურ და კლინიკურად მნიშვნელოვან შემცირებას (36%-ით) ავადმყოფებში, რომლებიც იღებდნენ პრეპარატს კომბინაციაში ვიტამინ D-თან და კალციუმის პრეპარატებთან, იმ ავადმყოფებთან შედარებით, რომლებიც იყენებდნენ პლაცებოს კომბინაციაში ვიტამინ D-თან და კალციუმთან. ავადმყოფთა ჯგუფში, რომლებიც იღებდნენ მიაკალციკს, აღინიშნებოდა ხერხემლის მოტეხილობების შემცირება 35%ით, იმ პაციენტებთან შედარებით, რომლებიც იყენებდნენ პლაცებოს. კალციტონინი ამცირებს კუჭის და პანკრეასის ეკზოკრინულ სეკრეციას. | ||
| ფარმაკოკინეტიკა: | კალციტონინი სწრაფად იწოვება ცხვირის ლორწოვანი გარსიდან. მისი მაქსიმალური კონცენტრაცია პლაზმაში აღინიშნება პირველი საათის განმავლობაში. ორაგულის კალციტონინის ბიოშეღწევადობა ინტრანაზალური გამოყენებისას შეადგენს 3-50% პრეპარატის ბიოშეღწევადობასთან შედარებით, რომელიც გამოიყენება კუნთებში ინექციის სახით. მაღალი დოზების გამოყენების შემთხვევაში მისი კონცენტრაცია სისხლში უფრო მაღალია, რაც დადასტურებულია მრუდის „კონცენტრაცია-დრო“ ფართის მომატებით, თუმცა შედარებითი ბიოშეღწევადობის გაზრდას ამ დროს არა აქვს ადგილი. პრეპარატის ნახევრადგამოყოფის პერიოდი შეადგენს 16-43 წუთს. კალციტონინის განმეორებითი გამოყენებისას კუმულაციას არა აქვს ადგილი. | ||
| ჩვენება: | ოსტეოპოროზი - ოსტეოპოროზი პოსტმენოპაუზის (როგორც ადრეულ, ასევე გვიან სტადიაში) პერიოდში; - სენილური ოსტეოპოროზი, როგორც ქალებში, ასევე მამაკაცებში; - მეორადი ოსტეოპოროზი, კერძოდ, გამოწვეული გლუკოკორტიკოიდებით ან იმობილიზაციით; - ტკივილი ძვლებში, დაკავშირებული ოსტეოლიზთან ან ოსტეოპენიასთან; - პეჯეტის დაავადება (მადეფორმირებელი ოსტიტი); - ნეიროდისტროფიული დაავადებები (ალგოდისტროფია ან ზუდეკის დაავადება), გამოწვეუღი სხვადასხვა ეტიოლოგიური ფაქტორებით, როგორიცაა: პოსტტრავმული მტკივნეული ოსტეოპოროზი, რეფლექსური დისტროფია, მხარბეჭის სინდრომი, კაუზალგია, წამლისმიერი ნეიროტროფიული დარღვევები. | ||
| დოზირება და მიღების წესი: | ოსტეოპოროზი: რეკომენდებული დოზაა 200 სე ყოველდღიურად. ძვლოვანი მასის პროგრესული დაკარგვის პროფილაქტიკის მიზნით მიაკალციკთან ეროდროულად ინიშნება კალციუმის ადექვატური დოზები და ვიტამინი D. მკურნალობა ხანგრძლივია. ტკივილი ძვლებში დაკავშირებული ოსტეოლიზთან ან ოსტეოპენიასთან: დღეღამური დოზა შეადგენს 200-400 სე ყოველდღიურად. დღეღამური დოზა 200 სე შეიძლება მიღებულ იქნას ერთჯერადად. უფრო მაღალი დოზები იყოფა რამოდენიმე მიღებაზე. დოზის კორეგირება წარმოებს ავადმყოფის რეაქციის მიხედვით მკურნალობაზე. სრული ანლაგეზიური ეფექტის მისაღწევად საჭიროა მკურნალობა რამოდენიმე დღის განმავლობაში. ხანგრძლივი მკურნალობის ჩასატარებლად სადღეღამისო დოზა მცირდება, ან იზრდება ინტერვალი პრეპარატის მიღებებს შორის. პეჯეტის დაავადება: რეკომენდებული დღე-ღამური დოზა შეადგენს 200 სე ერთჯერადად, ან დოზა იყოფა რამდენიმე მიღებაზე. ზოგიერთ შემთხვევაში ინიშნება 400 სე დღეში, გაყოფილი რამდენიმე მიღებაზე. მკურნალობის ხანგრძლივობა შეადგენს არანაკლებ 3 თვეს. აუცილებლობის შემთხვევაში შესაძლებელია მკურნალობის კურსის გახანგრძლივება. დოზის კორეგირება წარმოებს მკურნალობის მიმართ ავადმყოფის რეაქციის მიხედვით. პეჯეტის დაავადების დროს კალციტონინით მკურნალობა შედგენს რამდენიმე თვიდან რამდენიმე წელს. მკურნალობის ფონზე ტუტოვანი ფოსფატაზას კონცენტრაცია სისხლში და ჰიდროქსიპროლინის ექსკრეცია შარდით მცირდება, ხოლო ხშირად კი ნორმალიზდება. გასათვალისწინებელია ის ფაქტი, რომ ცალკეულ შემთხვევაში საწყისი შემცირების შემდეგ აღინიშნება ამ მაჩვენებლების მომატება. მკურნლობის შეწყვეტის ან აღდგენის საკითხი დამოკიდებულია დაავადების კლინიკურ სურათზე. მკურნალობის შეწყვეტიდან ერთი ან რამდენიმე თვის შემდეგ შეიძლება კვლავ განვითარდეს ძვლოვანი ქსოვილის მეტაბოლიზმის დარღვევა, რაც განაპირობებს კალციტონინით მკურნალობის ახალი კურსის დაწყებას. ნეიროდისტროფიული დაავადება: მნიშვნელოვანია ადრეული დიაგნოსტიკა. მკურნალობა იწყება დაუყოვნებლივ დიაგნოზის დასმის შემდეგ. ინიშნება 200 სე (ერთჯერადად) ყოველდღიურად, 2-4 კვირის განმავლობაში. შესაძლებელია მკურნალობის გაგრძელება 6 კვირამდე დოზით 200 სე პაციენტის მდგომარერის მიხედვით. | ||
| გვერდითი მოვლენები: | ადგილობრივი არასასურველი რეაქციები: ძალიან ხშირად: რინიტი (მათ შორის სიმშრალე ცხვირის ღრუში, ცხვირის ლორწოვანი გარსის შეშუპება და შეგუბებითი მოვლენები, ცემინება, ალერგიული რინიტი), არასპეციფიკური სიმპტომები ცხვირის მხრივ (მტკივნეულობა, პაპულების წარმოქმნა, ექსკორიაციები, უსიამოვნო სუნი, გაღიზიანება, ერითემა). ხშირად: წყლულოვანი რინიტი, სინუსიტი, სისხლდენა ცხვირიდან. აღნიშნუღი მოვლენები სუსტად არის გამოხატული (შემთხვევათა 80%) და საჭიროებენ მკურნალობის შეწყვეტას 5% შემთხვევაში. სისტემური არასასურველი რეაქციები: ხშირად: ჰიპერემია, თავბრუსხვევა, თავის ტკივილი, გულისრევა, დიარეა, მუცლის ტკივილი, ძვლების და კუნთების ტკივილი, ფარინგიტი, დაღლილობა, გემოს დათრგუნვა. ხანდახან: არტერიული ჰიპერტენზია, ღებინება, სახსრების ტკივილი, ხველა, გრიპის მსგავსი მოვლენები, ჰიპერემია, შეშუპება (სახის, კიდურების, გენერალიზებული შეშუპება), მხედველობის დარღვვვა. კალციტონინის გამოყენებისას შესაძლებელია მომატებული მგრძნობელობის რეაქციის განვითარება, როგორიცაა: კანის გენერალიზებული რეაქცია, ჰიპერემია, შეშუპება (სახის, კიდურების, გენერალიზებული შეშუპება, სახსრების ტკივილი, ქავილი). არსებობს მონაცემები ალერგიული რეაქციების, ანაფილაქტოიდური ტიპის რეაქციების და ანაფილაქსიური შოკის ცალკეული შემთხვევების განვითარების შესახებ. სისტემური არასასურველი ეფექტები ინტრანაზალური გამოყენებისას აღინიშნება უფრო იშვიათად, ვიდრე კალციტონინის პარენტერული გამოყენებისას. | ||
| უკუჩვენება: | მომატებული მგრძნობელობა პრეპარატის და მისი შემადგენელი კომპონენტების მიმართ. | ||
| ორსულობა და ლაქტაცია: | კვლევა პრეპარატის გამოყენების შესახებ აღნიშნულ პერიოდში არ არის ჩატარებული, რის გამოც მისი გამოყენება ამ დროს არ არის რეკომენდებული. |
Page generation time: 0. 021672303 sec.
