This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
გოზერელინი
Goserelin
ა.თ.ქ. კლასიფიკაცია:
	
 
L02AE03	
L სიმსივნის საწინააღმდეგო პრეპარატები და იმუნომოდულატორები
	
02 სიმსივნის საწინააღმდეგო ჰორმონული პრეპარატები
	
A ჰორმონები და მათი წარმოებულები
	
E ჰონადოტროპინ-რილიზინგ ჰორმონის ანალოგები
ანოტაცია:
	
	
ფარმაკოლოგიური თვისება:
	
გოზერელინი წარმოადგენს LHRH (მალუთეინიზირებელი ჰორმონის რილიზინგ ჰორმონი) სინთეზურ ანალოგს. მისი ხანგრძლივი დანიშვნა თრგუნავს ჰიპოფიზის მიერ მალუთეინიზირებელი ჰორმონის სეკრეციას, რასაც მამაკაცებში ტესტოსტერონის, ხოლო ქალებში ესტრადიოლის კონცენტრაციის დაქვეითება მოყვება. ეს ეფექტი შექცევადია პრეპარატის მიღების შეწყვეტის შემდეგ. დასაწყისში შესაძლოა მამაკაცებში ტესტოსტერონის და ქალებში ესტრადიოლის კონცენტრაციის მომატება. მკურნალობის დასაწყისში შესაძლოა ქალებში ვაგინალური სისხლდენის განვითარება, რომელიც სპონტანურად წყდება. მამაკაცებში პრეპარატის პირველი დეპო ინექციიდან 21-ე დღეს ტესტოსტერონის კონცენტრაცია ქვეითდება კასტრაციის წინ არსებულ დონემდე და რჩება შემცირებული მუდმივი მკურნალობისას, რომელიც ტარდება ყოველ 28 დღეში გოზერელინის შემცველობით 3,6 მგ ან ყოველ 12 კვირაში გოზერელინის10,8 მგ გამოყენებისას. ქალებში დეპო ინექციიდან (3,6 მგ) 21 დღის შემდეგ და ყოველ 28 დღეში მკურნალობის განახლებისას ესტრადიოლის კონცენტრაცია კლებულობს პოსტმენოპაუზის დროს არსებულ დონემდე. ესტრადიოლის დათრგუნვას თან ახლავს პასუხი ჰორმონდამოკიდებულ სარძევე ჯირკვლის სიმსივნის, ენდომეტრიოზის, საშვილოსნოს ფიბრომის მხრივ, ხოლო საკვერცხეებში ფოლიკულების განვითარების დათრგუნვა. მკურნალობა იწვევს ენდომეტრიუმის გათხელებას და ამენორეას. გოზერელინით მკურნალობის ადრეულ ეტაპზე ზოგიერთ ქალებს შეიძლბა აღენიშნოთ ვაგინალური სისხლდენა სხვადასხვა ხანგრძლივობის და ინტენსივობის. ამგვარი სისხლდენა სავარაუდოდ წარმოადგენს რეაქციას ესტროგენების კონცენტრაციის დაქვეითებაზე და უნდა შეწყდეს სპონტანურად. ენდომეტრიოზის მკურნალობისას გოზერელინი აქვეითებს ისეთი სიმპტომის გამოხატულებას, როგორიცაა: ტკივილი და ამცირებს ენდომეტრიოიდული დაზიანების ზომას და რაოდენობას. ფიბრომის მკურნალობისას იგი გამოიყენება დამხმარე საშუალებად ოპერაციულ ჩარევასთან ერთად. იგი ამცირებს საშვილოსნოს და მიომატოზური კვანძების სიდიდეს და ოპერაციისას სისხლდენას.
ფარმაკოკინეტიკა:
	
გოზერელინს ახასიათებს სრული ბიოშეღწევადობა. ყოველ 4 კვირაში ერთხელ ინექციისას იქმნება პრეპარატის ეფექტური კონცენტრაცია. პლაზმის ცილებს იგი სუსტად უკავშირდება. მისი ნახევრადდაშლის პერიოდი თირკმლების ნორმალური ფუნქციის შემთხვევაში 2-4 საათია, ხოლო მათი დარღვეული ფუნქციის დროს იგი ხანგრძლივდება. დოზის შეცვლა არ არის საჭირო თირკმლების და ღვიძლის დაზიანებისას.
ჩვენება:
	
- პროსტატის კიბო (როდესაც შესაძლებელია ჰორმონული მკურნალობა); - სარძევე ჯირკვლის კიბო (პრემენოპაუზის და პერიმენოპაუზის დროს როდესაც ჰორმონული მკურნალობა დასაშვებია); - ენდომეტრიოზის დროს, ენდომეტრიოზის კერების რაოდენობის, ზომის და ტკივილის შემცირების მიზნით; - ენდომეტრიუმის გათხელებისთვის მის რეზექციამდე; - საშვილოსნოს ფიბრომის დროს რკინის პრეპარატებთან ერთად ჰემოგლობინის დონის მოსამატებლად; - თანმხლები რეპროდუქციის დროს: ჰიპოფიზის ქვერეგულაციით სუპეროვულაციის გამოსაწვევად;
დოზირება და მიღების წესი:
	
მოზრდილებში: რეკომენდირებულია 3,6 მგ გოზერელინის ინექცია კანქვეშ მუცლის წინა კედელზე, ყოველ 28 დღეში. მამაკაცებში პროსტატის კიბოს სამკურნალოდ რეკომენდირებულია გოზერელინი 10,8 მგ გოზერელინი, რომელიც კეთდება 12 კვირაში ერთხელ. თანმხლები რეპროდუქციის დროს ქალებში 3,6 მგ გოზერელინი ინიშნება ჰიპოფიზის ფუნქციის დასათრგუნად. ეს ეფექტი აღინიშნება 7-21 დღეში. ამ დროს ვითარდება მართვადი სუპეროვულაცია, რომელმაც შესაძლოა ჰონადოტროპინზე მოთხოვნილება გაზარდოს. ფოლიკულების განვითარების შესაბამის ეტაპზე ჰონადოტროპინის რაოდენობა მცირდება და შეჰყავთ ადამიანის ქორიონული გონადოტროპინი ოვულაციის ინდუცირებისათვის. მკურნალობის დროს საჭიროა სპეციალური მონიტორირება საკვერცხეების ფუნქციაზე. თირკმლების და ღვიძლის დაზიანების დროს დოზის შეცვლა არ არის საჭირო. ისევე როგორც ხანდაზმულებში. ედომეტრიოზის მკურნალობა გრძელდება 6 კვირის განმავლობაში. მკურნალობის გამეორება არ არის სასურველი ძვლების შესაძლო დემინერალიზაციის გამო. ენდომეტრიოზის მკურნალობის დროს მასთან ერ-თად ესტროგენ-პროგესტერონის დანიშვნა ამცირებს ძვლის დემინერალიზაციას. ენდომეტრიუმის გათხელების შემთხვევაში 2 დეპო ინექცია ინიშნება 4 კვირის შუალედით, 2 კვირის შემდეგ ოპერაციის ჩატარებით. საშვილოსნოს ფიბრომით გამოწვეული ანემიის დროს რეკომენდირებულია ინექცია 3 თვე, ოპერაციულ ჩარევამდე.
გვერდითი მოვლენები:
	
ზოგადი: იშვიათად ვითარდება ანაფილაქსია, ართრალგია, პარესთეზიები, გამონაყარი, წნევის მომატება ან დაქვეითება. აღნიშნული სიმპტომები ატარებს შექცევად ხასიათს მკურნალობის შეწყვეტისას და იშვიათად მოითხოვს ჩარევას. მკურნალობის დაწყების დროს შესაძლოა ჰოპოფიზში სისხლჩაქცევის განვითარება. ინექციის ადგილას შესაძლოა ადგილი ჰქონდეს დალურჯებას. მამაკაცებში: აღინიშნება ალები, ოფლიანობა, იმპოტენცია, მტკივნეულობა მკერდის არეში. იშვიათად შარდსაწვეთის ობსტრუქცია და ზურგის ტვინის კომპრესია. შესაძლოა ძვლების დემინერალიზაციის მოვლენების განვითარება. ქალებში: აღინიშნება ალები, ოფლიანობა, ლიბიდოს შეცვლა, თავის ტკივილი, დეპრესია, საშოს სიმშრალე, სარძევე ჯირკვლების ზომაში გაზრდა. იშვიათად ძვლებში მეტასტაზების არსებობისას ჰიპერკალცემია ვლინდება მკურნალობის დასაწყისში. თანმხლები რეპროდუქციის დროს საკვერცხის ჰიპერსტიმულაციის სინდრომი ვითარდება გოზერელინის ჰონადოტროპინთან ერთად გამოყენებისას. საჭიროა დაკვირვება, რათა გამოვლინდეს ჰიპერსტიმულაციის რისკის მქონე პაციენტები. აუცილებლობის შემთხვევაში ქორიონული გონადოტროპინი უნდა მოიხსნას. LHRH (რილიზინგ ჰორმონით) მკურნალობამ შესაძლოა ფოლიკულური და ლუტეინური ცისტების განვითარებას შეუწყოს ხელი. ცისტები ასიმპტომურია და არაფუნქციონირებადი.
უკუჩვენება:
	
უკუნაჩვენებია გოზერელინის და სხვა ანალოგების მიმართ მომატებული მგრძნობელობის შემთხვევაში. არ გამოიყენება ორსულობის და ლაქტაციის პერიოდში.
ორსულობა და ლაქტაცია:
	
მიუხედავად ექსპერიმენტით დაუდასტურებელი ტერატოგენობისა გოზერელინით მკურნალობა ორსულებში არ არის რეკომენდირებული. მკურნალობის დაწყებამდე უნდა გამოირიცხოს ორსულობა. არ არის რეკომენდირებული პრეპარატის გამოყენება ლაქტაციის პერიოდში.
განსაკუთრებული მითითებები:
	
გოზერელინი არ გამოიყენება ბავშვებში. მამაკაცებში: არსებობს შარდსაწვეთის ობსტრუქციის განვითარების რისკი. ზურგის ტვინის თანმხლები კომპრესიის და თირკმლების ფუნქციის დარღვევის გამოვლენისას საჭიროა სიმპტომური მკურნალობა ქალებში: LHRH ანალოგებით მკურნალობა იწვევს ძვლების დემინერალიზაციას. 6 თვიანი მკურნალობის შემდეგ ხერხემლის მხრივ იკარგება 4.6 % მინერალი. მკურნალობის შეწყვეტიდან 6 თვის შემდეგ დანაკარგი 2.6 % შეადგენს. ენდომეტრიოზის მკურნალობისას ესტროგენის და პროგესტერონის დამატება ამცირებს ძვლების დემინერალიზაციას. გოზერელინი სიფრთხილით გამოიყენება ძვლის მეტაბოლური დაავადების არსებობისას. გოზერელინი ზრდის საშვილოსნოს ყელის რეზისტენტობას, რაც ყელის გაფართოებას ხელს უშლის. თანმხლები რეპროდუქციის დროს გოზერელინი ინიშნება, როგორც მკურნალობის რეჟიმის ნაწილი და საჭიროებს სპეციალისტის მეთვალყურეობას. სხვა LHRH ანალოგების მსგავსად გოზერელინის დანიშვნამ ჰონადოტროპინთან ერთად შესაძლოა საკვერცხეების ჰიპერსტიმულაციის სინდრომი გამოიწვიოს, რომელიც მძიმე გართულებაა. შესაძლოა საჭირო გახდეს ადამიანის ქორიონული გონადოტროპინის მოხსნა. პრეპარატი სიფრთხილით გამოიყენება პოლიკისტოზის დროს თანმხლები რეპროდუქციულ რეჟიმში მკურნალობისას. ავტოტრანსპორტის და მექანიზმების მართვის უნარზე პრეპარატი არ მოქმედებს.
ჭარბი დოზირება:
	
ჭარბი დოზირება არ იწვევს შესამჩნევ ცვლილებებს. მკურნალობა სიმპტომატურია.
ურთიერთქმედება სხვა მედიკამენტებთან:
	
არ არის ცნობილი.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 021014575 sec.