| უნიფიცირებული დასახელება: | ცეტირიზინიCetirizine | ||
| ა.თ.ქ. კლასიფიკაცია: | |||
R06AE07 | R სასუნთქი სისტემა | ||
| 06 ანტიჰისტამინური პრეპარატები სისტემური გამოყენებისათვის | |||
| A ანტიჰისტამინური პრეპარატები სისტემური გამოყენებისათვის | |||
| E პიპერაზინის წარმოებულები | |||
| ანოტაცია: | |||
| ფარმაკოლოგიური თვისება: | ცეტირიზინი - ანტიჰისტამინური პრეპარატია, რომელსაც ახასიათებს ალერგიის საწინააღმდეგო მოქმედება. ხასიათდება H1 ჰისტამინის რეცეპტორების სელექტიური ბლოკადით. იგი არ ავლენს მნიშვნელოვან ანტიქოლინერგულ და ანტისეროტონინულ თვისებებს. თერაპიული დოზით პრაქტიკულად არ იწვევს სედატიურ ეფექტსა და ძილიანობას. პრეპარატი მოქმედებს ალერგიული რეაქციის “დაუყოვნებელ” - ჰისტამინდამოკიდებულ და “გვიან” - უჯრედულ სტადიაზე. იგი ამცირებს ეოზინოფილების მიგრაციასა და ადჰეზიის მოლეკულების (ICAM-1 და VCAM-1) ექსპრესიას, რომლებიც წარმოადგენენ ალერგიული ანთებითი რეაქციის მარკერებს. თრგუნავს ჰისტამინის და ან-თების სხვა მედიატორებისა და ინდუქტორების გამონთავისუფლებას, როგორიცაა PAF (თრომბოციტების გამააქტივებელი ფაქტორი) და სუბსტანცია P. იგი ამცირებს მსუბუქი მიმდინარეობის ბრონქული ასთმის ჰისტამინინდუცირებულ ბრონქოობსტრუქციას, ახასიათებს კანის ალერგიული რეაქციის მიმართ მაღალი მაინჰიბირებელი მოქმედება. პრეპარატი არ გაივლის ჰემატოენცეფალურ ბარიერს და პრაქტიკულად არ მეტაბოლიზდება ღვიძლში. | ||
| ფარმაკოკინეტიკა: | სისხლის პლაზმაში პრეპარატის მაქსიმალური კონცენტრაცია აღინიშნება მისი მიღებიდან ერთი საათის განმავლობაში, ხოლო კლინიკური ეფექტი ვლინდება 2სთ-ის შემდეგ. H1-რეცეპტორების ბლოკადის ხანგრძლივობა 24 სთზე მეტია. საკვების მიღება გავლენას არ ახდენს პრეპარატის აბსორბციის ხარისხზე, თუმცა ახანგრძლივებს მას. თერაპიული კურსის ფონზე არ ვითარდება ტოლერანტობა ერთჯერადი დოზის მიღების შემდეგ ცეტირიზინის ნახევრადგამოყოფის პერიოდი მოზრდილებში შეადგენს 10 სთ-ს, 6-12 წლამდე ბავშვებში -6 სთ-ს, ხოლო 2-6 წლამდე ბავშვებში -5 სთ-ს. | ||
| ჩვენება: | - სეზონური და ქრონიკული ალერგიული რინიტი; - ალერგიული კონიუნქტივიტი; - ქავილით მიმდინარე დერმატოზები; - ჭინჭრის ციება (ქრონიკული იდიოპათური ჭინჭრის ციების ჩათვლით), კვინკეს შეშუპება. | ||
| დოზირება და მიღების წესი: | პრეპარატი ინიშნება: - მოზრდილებსა და 12 წელზე მეტი ასაკის ბავშვებში - დღეში ერთხელ 1 აბი (0.01გ) - დილას; 6-12 წლამდე ბავშვებში - 1 აბი (0.01გ) ერთჯერადად დილას ან 1/2 აბი (0.005გ) დღეში ორჯერ (დილას და საღამოს) ; - 2-6 წლამდე ბავშვებში - 1/2 აბი (0.005 გ) ერთ მიღებაზე დილას ან 1/4 აბი დღეში ორჯერ (დილას და საღამოს); თირკმელების უკმარისობის მქონე ავადმყოფებში საჭიროა დოზის განახევრება. თირკმლის ნორმალური ფუნქციის მქონე ასაკოვანი პაციენტები დოზის კორექციას არ საჭიროებენ. | ||
| გვერდითი მოვლენები: | კუჭ-ნაწლავის ტრაქტის მხრივ: პირის ღრუს სიმშრალე, იშვიათად საჭმლის მომნელებელი ტრაქტის დისფუნქცია; ცნს-ის მხრივ: შესაძლებელია მცირედ გამოხატული და სწრაფად გარდამავალი ძილიანობა, თავის ტკივილი, თავბრუსხვევა, ერთეულ შემთხვევაში აგზნებადობა; ალერგიული რეაქციები: იშვიათად კანზე გამონაყარი ან ანგიონევროზული შეშუპება. გვერდითი მოვლენები ვითარდება იშვიათად და გააჩნია გარდამავალი ხასიათი. | ||
| უკუჩვენება: | ცეტირიზინისადმი მაღალი მგრძნობელობ.ა, ორსულობისა და ლაქტაციის პერიოდი. | ||
| განსაკუთრებული მითითებები: | ცეტირიზინი რეკომენდებული დოზით არ აძლიერებს ალკოჰოლის მოქმედებას, თუმცა სიფრთხილის დაცვა აუცილებელია; იგი არ ახდენს გავლენას ფსიქიკურ და მოტორულ რეაქციებზე, მისი მიღება დასაშვებია ავტომობილის მართვისა და სხვა აქტიური სამუშაოს შესრულების დროს (დოზის მომატებისას საჭიროა სიფრთხილე). ცეტირიზინით მკურნალობის დროს ლაქტაციის პერიოდში აუცილებელია ძუძუთი კვების შეწყვეტა. | ||
| ურთიერთქმედება სხვა მედიკამენტებთან: | ცეტირიზინის მოქმედი ნივთიერება - ცეტირიზინი, გავლენას არ ახდენს სხვა სამკურნალო საშუალებების მოქმედებაზე. ცეტირიზინისა და მაკროლიდების ან კეტოკონაზოლის კომბინაცია ელექტროკარდიოგრამის მხრივ არ იწვევს ცვლილებებს. |
Page generation time: 0. 021085190 sec.
